📖 Valmiki Ramayanam

Yuddha Kanda Sarga 75

Language: Sanskrit / Vedic

Script: Devanagari / Telugu

← Previous Yuddha Kanda Sarga 74 📚 Table of Contents Next → Yuddha Kanda Sarga 76

VERSE #1

వాల్మీకి రామాయణం
యుద్ధకాండ
|| లంకాదాహః ||

VERSE #2

తతో'బ్రవీన్మహాతేజాః సుగ్రీవో వానరాధిపః |
అర్థ్యం విజ్ఞాపయంశ్చాపి హనుమంతమిదం వచః ||

VERSE #3

యతో హతః కుంభకర్ణః కుమారాశ్చ నిషూదితాః |
నేదానీముపనిర్హారం రావణో దాతుమర్హతి ||

VERSE #4

యే యే మహాబలాః సంతి లఘవశ్చ ప్లవంగమాః |
లంకామభ్యుత్పతంత్వాశు గృహ్యోల్కాః ప్లవగర్షభాః ||

VERSE #5

[* హరయో హరిసంకాశాః ప్రదగ్ధుం రావణాలయమ్ | *]

VERSE #6

తతో'స్తంగత ఆదిత్యే రౌద్రే తస్మిన్నిశాముఖే |
లంకామభిముఖాః సోల్కా జగ్ముస్తే ప్లవగర్షభాః ||

VERSE #7

ఉల్కాహస్తైర్హరిగణైః సర్వతః సమభిద్రుతాః |
ఆరక్షస్థా విరూపాక్షాః సహసా విప్రదుద్రువుః ||

VERSE #8

గోపురాట్టప్రతోలీషు చర్యాసు వివిధాసు చ |
ప్రాసాదేషు చ సంహృష్టాః ససృజుస్తే హుతాశనమ్ ||

VERSE #9

తేషాం గృహసస్రాణి దదాహ హుతభుక్తదా |
ప్రాసాదాః పర్వతాకారాః పతంతి ధరణీతలే ||

VERSE #10

అగరుర్దహ్యతే తత్ర వరం చ హరిచందనమ్ |
మౌక్తికామణయః స్నిగ్ధా వజ్రం చాపి ప్రవాలకమ్ ||

VERSE #11

క్షౌమం చ దహ్యతే తత్ర కౌశేయం చాపి శోభనమ్ |
ఆవికం వివిధం చౌర్ణం కాంచనం భాండమాయుధమ్ ||

VERSE #12

నానావికృతసంస్థానం వాజిభాండపరిచ్ఛదౌ |
గజగ్రైవేయకక్ష్యాశ్చ రథభాండాశ్చ సంస్కృతాః ||

VERSE #13

తనుత్రాణి చ యోధానాం హస్త్యశ్వానాం చ వర్మ చ |
ఖడ్గా ధనూంషి జ్యాబాణాస్తోమరాంకుశశక్తయః ||

VERSE #14

రోమజం వాలజం చర్మ వ్యాఘ్రజం చాండజం బహు |
ముక్తామణివిచిత్రాంశ్చ ప్రాసాదాంశ్చ సమంతతః ||

VERSE #15

వివిధానస్త్రసంయోగానగ్నిర్దహతి తత్ర వై |
నానావిధాన్గృహచ్ఛందాందదాహ హుతభూక్తదా ||

VERSE #16

ఆవాసాన్రాక్షసానాం చ సర్వేషాం గృహగర్ధినామ్ |
హేమచిత్రతనుత్రాణాం స్రగ్దామాంబరధారిణామ్ ||

VERSE #17

శీధుపానచలాక్షాణాం మదవిహ్వలగామినామ్ |
కాంతాలంబితవస్త్రాణాం శత్రుసంజాతమన్యునామ్ ||

VERSE #18

గదాశూలాసిహస్తానాం ఖాదతాం పిబతామపి |
శయనేషు మహార్హేషు ప్రసుప్తానాం ప్రియైః సహ ||

VERSE #19

త్రస్తానాం గచ్ఛతాం తూర్ణం పుత్రానాదాయ సర్వతః |
తేషాం శతసహస్రాణి తదా లంకానివాసినామ్ ||

VERSE #20

అదహత్పావకస్తత్ర జజ్వాల చ పునః పునః |
సారవంతి మహార్హాణి గంభీరగుణవంతి చ ||

VERSE #21

హేమచంద్రార్ధచంద్రాణి చంద్రశాలోన్నతాని చ |
రత్నచిత్రగవాక్షాణి సాధిష్ఠానాని సర్వశః ||

VERSE #22

మణివిద్రుమచిత్రాణి స్పృశంతీవ దివాకరమ్ |
క్రౌంచబర్హిణవీణానాం భూషణానాం చ నిఃస్వనైః ||

VERSE #23

నాదితాన్యచలాభాని వేశ్మాన్యగ్నిర్దదాహ సః |
జ్వలనేన పరీతాని తోరణాని చకాశిరే ||

VERSE #24

విద్యుద్భిరివ నద్ధాని మేఘజాలాని ఘర్మగే |
జ్వలనేన పరీతాని నిపేతుర్భవనాన్యథ ||

VERSE #25

వజ్రివజ్రహతానీవ శిఖరాణి మహాగిరేః |
విమానేషు ప్రసుప్తాశ్చ దహ్యమానా వరాంగనాః ||

VERSE #26

త్యక్తాభరణసర్వాంగా హా హేత్యుచ్చైర్విచుక్రుశుః |
తాని నిర్దహ్యమానాని దూరతః ప్రచకాశిరే ||

VERSE #27

హిమవచ్ఛిఖరాణీవ దీప్తౌషధివనాని చ |
హర్మ్యాగ్రైర్దహ్యమానైశ్చ జ్వాలాప్రజ్వలితైరపి ||

VERSE #28

రాత్రౌ సా దృశ్యతే లంకా పుష్పితైరివ కింశుకైః |
హస్త్యధ్యక్షైర్గజైర్ముక్తైర్ముక్తైశ్చ తురగైరపి ||

VERSE #29

బభూవ లంకా లోకాంతే భ్రాంతగ్రాహ ఇవార్ణవః |
అశ్వం ముక్తం గజో దృష్ట్వా క్వచిద్భీతో'పసర్పతి ||

VERSE #30

భీతో భీతం గజం దృష్ట్వా క్వచిదశ్వో నివర్తతే |
లంకాయాం దహ్యమానాయాం శుశుభే స మహార్ణవః ||

VERSE #31

ఛాయాసంసక్తసలిలో లోహితోద ఇవార్ణవః |
సా బభూవ ముహూర్తేన హరిభిర్దీపితా పురీ ||

VERSE #32

లోకస్యాస్య క్షయే ఘోరే ప్రదీప్తేవ వసుంధరా |
నారీజనస్య ధూమేన వ్యాప్తస్యోచ్చైర్వినేదుషః ||

VERSE #33

స్వనో జ్వలనతప్తస్య శుశ్రువే దశయోజనమ్ |
ప్రదగ్ధకాయానపరాన్రాక్షసాన్నిర్గతాన్బహిః ||

VERSE #34

సహసా'భ్యుత్పతంతి స్మ హరయో'థ యుయుత్సవః |
ఉద్ఘుష్టం వానరాణాం చ రాక్షసానాం చ నిస్వనః ||

VERSE #35

దిశో దశ సముద్రం చ పృథివీం చాన్వనాదయత్ |
విశల్యౌ తు మహాత్మానౌ తావుభౌ రామలక్ష్మణౌ ||

VERSE #36

అసంభ్రాంతౌ జగృహతుస్తదోభే ధనుషీ వరే |
తతో విష్ఫారయానస్య రామస్య ధనురుత్తమమ్ ||

VERSE #37

బభూవ తుములః శబ్దో రాక్షసానాం భయావహః |
అశోభత తదా రామో ధనుర్విష్ఫారయన్మహత్ ||

VERSE #38

భగవానివ సంక్రుద్ధో భవో వేదమయం ధనుః |
ఉద్ఘుష్టం వానరాణాం చ రాక్షసానాం చ నిస్వనమ్ ||

VERSE #39

జ్యాశబ్దస్తావుభౌ శబ్దావతిరామస్య శుశ్రువే |
వానరోద్ఘుష్టఘోషశ్చ రాక్షసానాం చ నిస్వనః ||

VERSE #40

జ్యాశబ్దశ్చాపి రామస్య త్రయం వ్యాప దిశో దశ |
తస్య కార్ముకముక్తైశ్చ శరైస్తత్పురగోపురమ్ ||

VERSE #41

కైలాసశృంగప్రతిమం వికీర్ణమపతద్భువి |
తతో రామశరాందృష్ట్వా విమానేషు గృహేషు చ ||

VERSE #42

సన్నాహో రాక్షసేంద్రాణాం తుములః సమపద్యత |
తేషాం సన్నహ్యమానానాం సింహనాదం చ కుర్వతామ్ ||

VERSE #43

శర్వరీ రాక్షసేంద్రాణాం రౌద్రీవ సమపద్యత |
ఆదిష్టా వానరేంద్రాస్తు సుగ్రీవేణ మహాత్మనా ||

VERSE #44

ఆసన్నద్వారమాసాద్య యుధ్యధ్వం ప్లవగర్షభాః |
యశ్చ వో వితథం కుర్యాత్తత్ర తత్ర హ్యుపస్థితః ||

VERSE #45

స హంతవ్యో హి సంప్లుత్య రాజశాసనదూషకః |
తేషు వానరముఖ్యేషు దీప్తోల్కోజ్జ్వలపాణిషు ||

VERSE #46

స్థితేషు ద్వారమాసాద్య రావణం మన్యురావిశత్ |
తస్య జృంభితవిక్షేపాద్వ్యామిశ్రా వై దిశో దశ ||

VERSE #47

రూపవానివ రుద్రస్య మన్యుర్గాత్రేష్వదృశ్యత |
స నికుంభం చ కుంభం చ కుంభకర్ణాత్మజావుభౌ ||

VERSE #48

ప్రేషయామాస సంక్రుద్ధో రాక్షసైర్బహుభిః సహ |
యూపాక్షః శోణితాక్షశ్చ ప్రజంఘః కంపనస్తథా ||

VERSE #49

నిర్యయుః కౌంభకర్ణిభ్యాం సహ రావణశాసనాత్ |
శశాస చైవ తాన్సర్వాన్రాక్షసాన్సుమహాబలాన్ ||

VERSE #50

నాదయన్గచ్ఛతా'త్రైవ జయధ్వం శీఘ్రమేవ చ |
తతస్తు చోదితాస్తేన రాక్షసా జ్వలితాయుధాః ||

VERSE #51

లంకాయా నిర్యయుర్వీరాః ప్రణదంతః పునః పునః |
రక్షసాం భూషణస్థాభిర్భాభిః స్వాభిశ్చ సర్వశః ||

VERSE #52

చక్రుస్తే సప్రభం వ్యోమ హరయశ్చాగ్నిభిః సహ |
తత్ర తారాధిపస్యాభా తారాణాం చ తథైవ చ ||

VERSE #53

తయోరాభరణస్థా చ బలయోర్ద్యామభాసయన్ |
చంద్రాభా భూషణాభా చ గృహాణాం జ్వలతాం చ భా ||

VERSE #54

హరిరాక్షససైన్యాని భ్రాజయామాస సర్వతః |
తత్ర చోర్ధ్వం ప్రదీప్తానాం గృహాణాం సాగరః పునః ||

VERSE #55

భాభిః సంసక్తపాతాలశ్చలోర్మిః శుశుభే'ధికమ్ |
పతాకాధ్వజసంసక్తముత్తమాసిపరశ్వధమ్ ||

VERSE #56

భీమాశ్వరథమాతంగం నానాపత్తిసమాకులమ్ |
దీప్తశూలగదాఖడ్గప్రాసతోమరకార్ముకమ్ ||

VERSE #57

తద్రాక్షసబలం ఘోరం భీమవిక్రమపౌరుషమ్ |
దదృశే జ్వలితప్రాసం కింకిణీశతనాదితమ్ ||

VERSE #58

హేమజాలాచితభుజం వ్యామిశ్రితపరశ్వధమ్ |
వ్యాఘూర్ణితమహాశస్త్రం బాణసంసక్తకార్ముకమ్ ||

VERSE #59

గంధమాల్యమధూత్సేకసమ్మోదితమహానిలమ్ |
ఘోరం శూరజనాకీర్ణం మహాంబుధరనిస్వనమ్ ||

VERSE #60

తద్దృష్ట్వా బలమాయాంతం రాక్షసానాం సుదారుణమ్ |
సంచచాల ప్లవంగానాం బలముచ్చైర్ననాద చ ||

VERSE #61

జవేనాప్లుత్య చ పునస్తద్బలం రక్షసాం మహత్ |
అభ్యయాత్ప్రత్యరిబలం పతంగా ఇవ పావకమ్ ||

VERSE #62

తేషాం భుజపరామర్శవ్యామృష్టపరిఘాశని |
రాక్షసానాం బలం శ్రేష్ఠం భూయస్తరమశోభత ||

VERSE #63

తత్రోన్మత్తా ఇవోత్పేతుర్హరయో'థ యుయుత్సవః |
తరుశైలైరభిఘ్నంతో ముష్టిభిశ్చ నిశాచరాన్ ||

VERSE #64

తథైవాపతతాం తేషాం కపీనామసిభిః శితైః |
శిరాంసి సహసా జహ్రూ రాక్షసా భీమదర్శనాః ||

VERSE #65

దశనైర్హృతకర్ణాశ్చ ముష్టినిష్కీర్ణమస్తకాః |
శిలాప్రహారభగ్నాంగా విచేరుస్తత్ర రాక్షసాః ||

VERSE #66

తథైవాప్యపరే తేషాం కపీనామభిలక్షితాః |
ప్రవీరానభితో జఘ్నూ రాక్షసానాం తరస్వినామ్ ||

VERSE #67

తథైవాప్యపరే తేషాం కపీనామసిభిః శితైః |
హరివీరాన్నిజఘ్నుశ్చ ఘోరరూపా నిశాచరాః ||

VERSE #68

ఘ్నంతమన్యం జఘానాన్యః పాతయంతమపాతయత్ |
గర్హమాణం జగర్హే'న్యో దశంతమపరో'దశత్ ||

VERSE #69

దేహీత్యన్యో దదాత్యన్యో దదామీత్యపరః పునః |
కిం క్లేశయసి తిష్ఠేతి తత్రాన్యోన్యం బభాషిరే ||

VERSE #70

విప్రలంబితవస్త్రం చ విముక్తకవచాయుధమ్ |
సముద్యతమహాప్రాసం యష్టిశూలాసిసంకులమ్ ||

VERSE #71

ప్రావర్తత మహారౌద్రం యుద్ధం వానరరక్షసామ్ |
వానరాందశ సప్తేతి రాక్షసా జఘ్నురాహవే ||

VERSE #72

రాక్షసాందశ సప్తేతి వానరాశ్చాభ్యపాతయన్ |
విస్రస్తకేశవసనం విధ్వస్తకవచధ్వజమ్ |
బలం రాక్షసమాలంబ్య వానరాః పర్యవారయన్ ||

VERSE #73

ఇత్యార్షే శ్రీమద్రామాయణే వాల్మీకీయే ఆదికావ్యే యుద్ధకాండే పంచసప్తతితమః సర్గః ||

📖తాత్పర్యం / Meaning & Significance

యుద్ధకాండ షట్సప్తతితమః సర్గః (౭౬)
సంపూర్ణ

VERSE #74

శ్రీవాల్మీకి రామాయణ యుద్ధకాండ

🪷

పారాయణ మహిమ & ఫలశ్రుతి (Chanting Significance & Spiritual Fruits)

🕊️

ఆధ్యాత్మిక శాంతి & దివ్య రక్షణ

నిత్య పారాయణం వలన మనశ్శాంతి, ఏకాగ్రత మరియు సమస్త ప్రతికూల శక్తుల నుండి దివ్య రక్షణ లభిస్తుంది.

🌅

శుభ ముహూర్తం

బ్రాహ్మీ ముహూర్తము (ఉదయం 4:00 - 6:00) లేదా సాయంకాల సంధ్యా సమయాలలో పారాయణ అత్యంత ఫలప్రదం.

📿

జప సంఖ్యా నియమం

నిష్ఠతో ప్రతిరోజూ 1, 3, 11 లేదా 21 సార్లు భక్తి శ్రద్ధలతో జపం చేయడం ఉత్తమ ఫలితాలను ఇస్తుంది.

📖 తాత్పర్యము & భావార్థము (Spiritual Essence & Meaning)

Yuddha Kanda Sarga 75 represents a sacred stream of Vedic devotion, composed in reverence to the Supreme Divinity. The recitation of these sacred verses fosters inner tranquility, removes negative obstacles (విఘ్న నివారణ), and aligns the chanter's consciousness with divine wisdom.

🪷

చిత్తశుద్ధి & మానసిక ప్రశాంతత (Mental Purity & Peace): Chanting these rhythmic verses calms the fluctuating mind, cultivating focused devotion and spiritual clarity throughout the day.

🛡️

దైవిక రక్షణ & ఆయురారోగ్యాలు (Divine Protection & Well-being): Traditional scriptures highlight that continuous recitation of sacred Stotram establishes a protective aura, dispelling fear, negativity, and distress.

✨

భక్తి సాధన & ఫలప్రాప్తి (Spiritual Attainment): Regular chanting with pure devotion and concentration bestows peace of mind, family harmony, spiritual elevation, and divine grace.

🕉️ పారాయణ విధానము & ఆధ్యాత్మిక ప్రాశస్త్యము (Chanting Methodology & Significance)

🪔 పారాయణ సమయము (Auspicious Chanting Time)

Best recited during Brahma Muhurta (4:00 AM – 6:00 AM) or during evening Sandhya Kaala after cleansing and lighting a traditional oil lamp (దీపారాధన).

🧘 ఆసనము & నియమములు (Posture & Focus)

Sit facing East or North on a clean woolen or cotton mat. Chant with clear pronunciation, maintaining steady rhythm and heartfelt devotion to Divinity.

📜 సంప్రదాయ ప్రశస్తి (Scholarly Context):

Preserved across authentic palm-leaf manuscripts and classical Sanskrit traditions, this sacred hymn is revered across generations as an essential daily sadhana for spiritual seekers and householders alike.

← Previous Yuddha Kanda Sarga 74 Next → Yuddha Kanda Sarga 76

Sacred Work	Valmiki Ramayanam
Language	Sanskrit / Telugu

పారాయణ మహిమ & ఫలశ్రుతి (Chanting Significance & Spiritual Fruits)

మరిన్ని ప్రముఖ స్తోత్రాలు & మంత్రాలు (Explore Popular Sacred Chants)

📖 తాత్పర్యము & భావార్థము (Spiritual Essence & Meaning)

🕉️ పారాయణ విధానము & ఆధ్యాత్మిక ప్రాశస్త్యము (Chanting Methodology & Significance)

🪔 పారాయణ సమయము (Auspicious Chanting Time)

🧘 ఆసనము & నియమములు (Posture & Focus)

🕉️ Related Sacred Texts & Chants

Devi Narayaniyam Dasakam 23

Ayodhya Kanda Sarga 29

Ayodhya Kanda Sarga 115

Sri Bala Mantragarbha Ashtakam