Durga Saptashati Moorthi Rahasyam

तॆलुगु
स्तोत्रनिधि
श्री दुर्गा सप्तशती
[गमनिक: ई स्तोत्रमु
(श्लोकालु मात्रमे)
श्री दुर्गा स्तोत्रनिधि
” पारायण ग्रंथमुलो कूडा उन्नदि.
ऋषिरुवाच |
नंदा भगवती नाम या भविष्यति नंदजा |
सा स्तुता पूजिता भक्त्या वशीकुर्याज्जगत्त्रयम् || [ध्याता]

कनकोत्तमकांतिः सा सुकांतिकनकांबरा |
देवी कनकवर्णाभा कनकोत्तमभूषणा ||

कमलांकुशपाशाब्जैरलंकृतचतुर्भुजा |
इंदिरा कमला लक्ष्मीः सा श्रीरुक्मांबुजासना ||

या रक्तदंतिका नाम देवी प्रोक्ता मयानघ |
तस्याः स्वरूपं वक्ष्यामि शृणु सर्वभयापहम् ||

रक्तांबरा रक्तवर्णा रक्तसर्वांगभूषणा |
रक्तायुधा रक्तनेत्रा रक्तकेशातिभीषणा ||

रक्ततीक्ष्णनखा रक्तदशना रक्तदंतिका |
पतिं नारीवानुरक्ता देवी भक्तं भजेज्जनम् ||

वसुधेव विशाला सा सुमेरुयुगलस्तनी |
दीर्घौ लंबावतिस्थूलौ तावतीवमनोहरौ ||

कर्कशावतिकांतौ तौ सर्वानंदपयोनिधी |
भक्तान् संपाययेद्देवी सर्वकामदुघौ स्तनौ ||

खड्गं पात्रं च मुसलं लांगलं च बिभर्ति सा |
आख्याता रक्तचामुंडा देवी योगेश्वरीति च ||

अनया व्याप्तमखिलं जगत् स्थावरजंगमम् |
इमां यः पूजयेद्भक्त्या स व्याप्नोति चराचरम् ||

अधीते य इमं नित्यं रक्तदंत्या वपुः स्तवम् |
तं सा परिचरेद्देवी पतिं प्रियमिवांगना ||

शाकंभरी नीलवर्णा नीलोत्पलविलोचना |
गंभीरनाभिस्त्रिवलीविभूषिततनूदरी ||

सुकर्कशसमोत्तुंगवृत्तपीनघनस्तनी |
मुष्टिं शिलीमुखापूर्णं कमलं कमलालया ||

पुष्पपल्लवमूलादिफलाढ्यं शाकसंचयम् |
काम्यानंतरसैर्युक्तं क्षुत्तृण्मृत्युजरापहम् ||

कार्मुकं च स्फुरत्कांति बिभ्रती परमेश्वरी |
शाकंभरी शताक्षी सा सैव दुर्गा प्रकीर्तिता ||

विशोका दुष्टदमनी शमनी दुरितापदाम् |
उमा गौरी सती चंडी कालिका सा च पार्वती ||

शाकंभरीं स्तुवन् ध्यायन् जपन् संपूजयन्नमन् |
अक्षय्यमश्नुते शीघ्रमन्नपानामृतं फलम् ||

भीमापि नीलवर्णा सा दंष्ट्रादशनभासुरा |
विशाललोचना नारी वृत्तपीनघनस्तनी ||

चंद्रहासं च डमरुं शिरःपात्रं च बिभ्रती |
एकवीरा कालरात्रिः सैवोक्ता कामदा स्तुता ||

तेजोमंडलदुर्धर्षा भ्रामरी चित्रकांतिभृत् |
चित्रानुलेपना देवी चित्राभरणभूषिता ||

चित्रभ्रमरपाणिः सा महामारीति गीयते |
इत्येता मूर्तयो देव्या व्याख्याता वसुधाधिप ||

जगन्मातुश्चंडिकायाः कीर्तिताः कामधेनवः |
इदं रहस्यं परमं न वाच्यं कस्यचित्त्वया ||

व्याख्यानं दिव्यमूर्तीनामभीष्टफलदायकम् |
तस्मात् सर्वप्रयत्नेन देवीं जप निरंतरम् ||

सप्तजन्मार्जितैर्घोरैर्ब्रह्महत्यासमैरपि |
पाठमात्रेण मंत्राणां मुच्यते सर्वकिल्बिषैः ||

देव्या ध्यानं मया ख्यातं गुह्याद्गुह्यतरं महत् |
तस्मात् सर्वप्रयत्नेन सर्वकामफलप्रदम् ||

इति मूर्तिरहस्यं संपूर्णम् |
गमनिक
: पैन इव्वबडिन स्तोत्रमु
(श्लोकालु मात्रमे)
, ई क्रिंदि पुस्तकमुलो कूडा उन्नदि.
श्री दुर्गा स्तोत्रनिधि
(नित्य पारायण ग्रंथमु)
संपूर्ण
श्री दुर्गा सप्तशती
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु