Sri Dakshina Kali Hrudayam -1 (Mahakauthuhalam)

तॆलुगु
स्तोत्रनिधि
श्री काळिका स्तोत्रालु
[गमनिक: ई स्तोत्रमु
(श्लोकालु मात्रमे)
श्री काळिका स्तोत्रनिधि
” पारायण ग्रंथमुलो कूडा उन्नदि.
१ (महाकौतूहलं)
श्रीमहाकाल उवाच |
महाकौतूहलस्तोत्रं हृदयाख्यं महोत्तमम् |
शृणु प्रिये महागोप्यं दक्षिणायाः सुगोपितम् ||

अवाच्यमपि वक्ष्यामि तव प्रीत्या प्रकाशितम् |
अन्येभ्यः कुरु गोप्यं च सत्यं सत्यं च शैलजे ||

श्रीदेव्युवाच |
कस्मिन् युगे समुत्पन्नं केन स्तोत्रं कृतं पुरा |
तत्सर्वं कथ्यतां शंभो महेश्वर दयानिधे ||

श्रीमहाकाल उवाच |
पुरा प्रजापतेः शीर्षच्छेदनं कृतवानहम् |
ब्रह्महत्याकृतैः पापैर्भैरवत्वं ममागतम् ||

ब्रह्महत्या विनाशाय कृतं स्तोत्रं मया प्रिये |
कृत्यारिनाशकं स्तोत्रं ब्रह्महत्यापहारकम् ||

अस्य श्री दक्षिणकाळी हृदय स्तोत्र मंत्रस्य श्रीमहाकाल ऋषिः उष्णिक् छंदः श्रीदक्षिणकाळिका देवता क्रीं बीजं ह्रीं शक्तिः नमः कीलकं सर्वपापक्षयार्थे जपे विनियोगः ||

ॐ क्रां अंगुष्ठाभ्यां नमः |
ॐ क्रीं तर्जनीभ्यां नमः |
ॐ क्रूं मध्यमाभ्यां नमः |
ॐ क्रैं अनामिकाभ्यां नमः |
ॐ क्रौं कनिष्ठिकाभ्यां नमः |
ॐ क्रः करतलकरपृष्ठाभ्यां नमः |
हृदयादि न्यासः –
ॐ क्रां हृदयाय नमः |
ॐ क्रीं शिरसे स्वाहा |
ॐ क्रूं शिखायै वषट् |
ॐ क्रैं कवचाय हुम् |
ॐ क्रौं नेत्रत्रयाय वौषट् |
ॐ क्रः अस्त्राय फट् |
ध्यानम् –
ध्यायेत्काळीं महामायां त्रिनेत्रां बहुरूपिणीम् |
चतुर्भुजां ललज्जिह्वां पूर्णचंद्रनिभाननाम् ||

नीलोत्पलदळप्रख्यां शत्रुसंघविदारिणीम् |
वर मुंडं तथा खड्गं मुसलं वरदं तथा ||

बिभ्राणां रक्तवदनां दंष्ट्राळीं घोररूपिणीम् |
अट्टाट्टहासनिरतां सर्वदा च दिगंबराम् ||

शवासनस्थितां देवीं मुंडमालाविभूषिताम् |
इति ध्यात्वा महादेवीं ततस्तु हृदयं पठेत् ||

अथ हृदय स्तोत्रम् |
काळिका घोररूपाढ्या सर्वकामफलप्रदा |
सर्वदेवस्तुता देवी शत्रुनाशं करोतु मे ||

ह्रीं ह्रीं स्वरूपिणी श्रेष्ठा त्रिषुलोकेषु दुर्लभा |
तव स्नेहान्मयाख्यातं न देयं यस्य कस्यचित् ||

अथ ध्यानं प्रवक्ष्यामि निशामय परात्मिके |
यस्य विज्ञानमात्रेण जीवन्मुक्तो भविष्यति ||

नागयज्ञोपवीतां च चंद्रार्धकृतशेखराम् |
जटाजूटां च संचिंत्य महाकालसमीपगाम् ||

एवं न्यासादयः सर्वे ये प्रकुर्वंति मानवाः |
प्राप्नुवंति च ते मोक्षं सत्यं सत्यं वरानने ||

यंत्रं शृणु परं देव्याः सर्वाभीष्टप्रदायकम् |
गोप्याद्गोप्यतरं गोप्यं गोप्याद्गोप्यतरं महत् ||

त्रिकोणं पंचकं चाष्टकमलं भूपुरान्वितम् |
मुंडपंक्तिं च ज्वालं च काळीयंत्रं सुसिद्धिदम् ||

मंत्रं तु पूर्वं कथितं धारयस्व सदा प्रिये |
देव्या दक्षिणकाळ्यास्तु नाम मालां निशामय ||

काळी दक्षिणकाळी च कृष्णरूपा परात्मिका |
मुंडमाली विशालाक्षी सृष्टिसंहारकारिणी ||

स्थितिरूपा महामाया योगनिद्रा भगात्मिका |
भगसर्पिः पानरता भगध्येया भगांगजा ||

आद्या सदा नवा घोरा महातेजाः कराळिका |
प्रेतवाहा सिद्धिलक्ष्मीरनिरुद्धा सरस्वती ||

नामान्येतानि सुभगे ये पठंति दिने दिने |
तेषां दासस्य दासोऽहं सत्यं सत्यं महेश्वरि ||

ॐ | काळीं कालहरां देवीं कंकाळीं बीजरूपिणीम् |
कालरूपां कळातीतां काळिकां दक्षिणां भजे ||

कुंडगोळप्रियां देवीं स्वयंभू कुसुमे रताम् |
रतिप्रियां महारौद्रीं काळिकां प्रणमाम्यहम् ||

दूतीप्रियां महादूतीं दूतीयोगेश्वरीं पराम् |
दूतीयोगोद्भवरतां दूतीरूपां नमाम्यहम् ||

क्रीं मंत्रेण जलं जप्त्वा सप्तधा सेचनेन तु |
सर्वेरोगाः विनश्यंति नात्र कार्या विचारणा ||

क्रीं स्वाहांतैर्महामंत्रैश्चंदनं साधयेत्ततः |
तिलकं क्रियते प्राज्ञैर्लोकोवश्यो भवेत्सदा ||

क्रीं हूं ह्रीं मंत्रजप्तैश्च ह्यक्षतैः सप्तभिः प्रिये |
महाभयविनाशश्च जायते नात्र संशयः ||

क्रीं ह्रीं हूं स्वाहा मंत्रेण श्मशाने भस्म मंत्रयेत् |
शत्रोर्गृहे प्रतिक्षिप्त्वा शत्रोर्मृत्युर्भविष्यति ||

हूं ह्रीं क्रीं चैव उच्चाटे पुष्पं संशोध्य सप्तधा |
रिपूणां चैव चोच्चाटं नयत्येव न संशयः ||

आकर्षणे च क्रीं क्रीं क्रीं जप्त्वाक्षतान् प्रतिक्षिपेत् |
सहस्रयोजनस्था च शीघ्रमागच्छति प्रिये ||

क्रीं क्रीं क्रीं ह्रूं ह्रूं ह्रीं ह्रीं च कज्जलं शोधितं तथा |
तिलकेन जगन्मोहः सप्तधा मंत्रमाचरेत् ||

हृदयं परमेशानि सर्वपापहरं परम् |
अश्वमेधादियज्ञानां कोटि कोटि गुणोत्तरम् ||

कन्यादानादि दानानां कोटि कोटिगुणं फलम् |
दूतीयागादि यागानां कोटि कोटि फलं स्मृतम् ||

गंगादि सर्वतीर्थानां फलं कोटिगुणं स्मृतम् |
एकधा पाठमात्रेण सत्यं सत्यं मयोदितम् ||

कौमारीस्वेष्टरूपेण पूजां कृत्वा विधानतः |
पठेत्‍ स्तोत्रं महेशानि जीवन्मुक्तः स उच्यते ||

रजस्वलाभगं दृष्ट्वा पठेदेकाग्रमानसः |
लभते परमं स्थानं देवीलोके वरानने ||

महादुःखे महारोगे महासंकटके दिने |
महाभये महाघोरे पठेत्‍ स्तोत्रं महोत्तमम् |
सत्यं सत्यं पुनः सत्यं गोपयेन्मातृजारवत् ||

इति महाकौतूहलं नाम श्री दक्षिणकाळी हृदय स्तोत्रम् |
गमनिक
: पैन इव्वबडिन स्तोत्रमु
(श्लोकालु मात्रमे)
, ई क्रिंदि पुस्तकमुलो कूडा उन्नदि.
श्री काळिका स्तोत्रनिधि
(नित्य पारायण ग्रंथमु)
मरिन्नि
श्री काळिका स्तोत्रालु
चूडंडि. मरिन्नि
दशमहाविद्या स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु