Sri Maha Kali Shodasopachara Puja

तॆलुगु
पुनः संकल्पं –
पूर्वोक्त एवं गुण विशेषण विशिष्टायां शुभ तिथौ श्री काळिका परमेश्वरी अनुग्रह प्रसाद सिद्धिद्वारा सर्वशत्रुबाधा शांत्यर्थं, मम सर्वारिष्ट निवृत्त्यर्थं, सर्वकार्य सिद्ध्यर्थं, श्री काळिका परमेश्वरी प्रीत्यर्थं ध्यान आवाहनादि षोडशोपचार पूजां करिष्ये ||

चतुर्भुजां खड्गमुंडवराभयकरां शिवाम् |
मुंडमालाधरां देवीं ललज्जिह्वां दिगंबरां
एवं संचिंतयेत्काळीं श्मशानालयवासिनीम् ||

सा देवमाता मयि सौख्यदात्री ||

या माया प्रकृतिशक्तिश्चंडमुंडविमर्दिनी |
सा पूज्या सर्वदेवैश्च ह्यस्माकं वरदा भव ||

ॐ श्रीकाळिका देव्यै नमः ध्यायामि |
आवाहनं –
आगच्छ वरदे देवि दैत्यदर्पनिषूदिनी |
पूजां गृहाण सुमुखि नमस्ते शंकरप्रिये ||

ॐ श्रीकाळिका देव्यै नमः आवाहयामि |
आसनं –
अनेकरत्नसंयुक्तं नानामणिगणान्वितम् |
कार्तस्वरमयं दिव्यमानसं प्रतिगृह्यताम् ||

ॐ श्रीकाळिका देव्यै नमः सुवर्णसिंहासनं समर्पयामि |
पाद्यं –
गंगादि सर्वतीर्थेभ्यो मया प्रार्थनयाऽऽहृतम् |
तोयमेतत्सुखस्पर्श पाद्यर्थं प्रतिगृह्यताम् ||

ॐ श्रीकाळिका देव्यै नमः पादयोः पाद्यं समर्पयामि |
अर्घ्यं –
गंधपुष्पाक्षतैर्युक्तमर्घ्यं संपादितं मया |
गृहाण त्वं महादेवि प्रसन्ना भव सर्वदा ||

ॐ श्रीकाळिका देव्यै नमः हस्तयोः अर्घ्यं समर्पयामि |
आचमनीयं –
आचम्यतां त्वया देवि भक्तिर्मे ह्यचलां कुरु |
ईप्सितां मे वरं देहि परत्र च परां गतिम् ||

ॐ श्रीकाळिका देव्यै नमः मुखे आचमनीयं समर्पयामि |
पंचामृत स्नानं –
पयोधधि घृतं क्षौद्रं सितया च समन्वितम् |
पंचामृतमनेनाद्य कुरु स्नानं दयानिधे ||

ॐ श्रीकाळिका देव्यै नमः पंचामृतस्नानं समर्पयामि |
स्नानं –
जाह्नवीतोयमानीतं शुभं कर्पूरसंयुतम् |
स्नापयामि सुरश्रेष्ठे त्वां पुत्रादि फलप्रदान् ||

ॐ श्रीकाळिका देव्यै नमः शुद्धोदकस्नानं समर्पयामि |
स्नानानंतरं शुद्धाचमनीयं समर्पयामि |
वस्त्रं –
वस्त्रं च सोमदैवत्यं लज्जायास्तु निवारणम् |
मया निवेदितं भक्त्या गृहाण परमेश्वरी ||

ॐ श्रीकाळिका देव्यै नमः वस्त्रं समर्पयामि |
उपवस्त्रं –
यामाश्रित्य महामाया जगत् सम्मोहिनी सदा |
तस्यै ते परमेशानि कल्पयाम्युत्तरीयकम् ||

ॐ श्रीकाळिका देव्यै नमः उपवस्त्रं समर्पयामि |
आभरणं –
स्वभाव सुंदरांगार्थे नानाशक्त्याश्रिते शिवे |
भूषणानि विचित्राणि कल्पयाम्यमरार्चिते ||

ॐ श्रीकाळिका देव्यै नमः आभरणानि समर्पयामि |
गंधं –
परमानंद सौभाग्य परिपूर्ण दिगंतरे |
गृहाण परमं गंधं कृपया परमेश्वरि ||

ॐ श्रीकाळिका देव्यै नमः गंधं समर्पयामि |
कुंकुमं –
कुंकुमं कांतिदं दिव्यं कामिनी कामसंभवम् |
कुंकुमेनार्चिते देवि प्रसीद परमेश्वरि ||

ॐ श्रीकाळिका देव्यै नमः कुंकुमं समर्पयामि |
सिंदूरं –
सिंदूरमरुणाभासं जपाकुसुमसन्निभम् |
पूजितासि महादेवि प्रसीद परमेश्वरी ||

ॐ श्रीकाळिका देव्यै नमः सिंदूरं समर्पयामि |
कज्जलं –
चक्षुभ्यां कज्जलं रम्यं सुभगे शक्तिकारिके |
कर्पूरज्योतिरुत्पन्नं गृहाण परमेश्वरि ||

ॐ श्रीकाळिका देव्यै नमः कज्जलं समर्पयामि |
हरिद्रा –
हरिद्रारंजिते देवि सुखसौभाग्यदायिनि |
तस्मात्त्वं पूजयाम्यत्र सुखशांतिं प्रयच्छ मे ||

ॐ श्रीकाळिका देव्यै नमः हरिद्राचूर्णं समर्पयामि |
परिमळ द्रव्याणि –
चंदनागरु कर्पूरं कुंकुमं रोचनं तथा |
कस्तूर्यादि सुगंधांश्च सर्वांगेषु विलेपये ||

ॐ श्रीकाळिका देव्यै नमः नानाविध परिमळ द्रव्याणि समर्पयामि |
सौभाग्य सूत्रं –
सौभाग्यसूत्रं वरदे सुवर्णमणिसंयुते |
कंठे गृहाण देवेशि सौभाग्यं देहि मे सदा ||

ॐ श्रीकाळिका देव्यै नमः सौभाग्य सूत्रं समर्पयामि |
अक्षतान् –
रंजिता कुंकुमौघेन अक्षताश्चापि शोभनाः |
ममैषां देवि दानेन प्रसन्नाभवमीश्वरी ||

ॐ श्रीकाळिका देव्यै नमः अक्षतान् समर्पयामि |
पुष्पमाला –
सुरभिं पुष्पनिचयैर्ग्रथितं शुभमालिकाम् |
ददामि तव शोभार्थं गृहाण परमेश्वरि ||

ॐ श्रीकाळिका देव्यै नमः पुष्पमालान् समर्पयामि |
पुष्पाणि –
मंदार पारिजातादि पाटली केतकानि च |
जाती चंपक पुष्पाणि गृहाण परमेश्वरी ||

ॐ श्रीकाळिका देव्यै नमः पुष्पाणि समर्पयामि |
बिल्वपत्रं –
अमृतोद्भव श्रीवृक्षो महादेवि प्रियः सदा |
बिल्वपत्रं प्रयच्छामि पवित्रं ते सुरेश्वरी ||

ॐ श्रीकाळिका देव्यै नमः बिल्वपत्रं समर्पयामि |
अथ अष्टोत्तरशतनाम पूजा –
श्री काळी अष्टोत्तरशतनामावळी
पश्यतु |
धूपं –
दशांग गुग्गुलं धूपं चंदनागरु संयुतम् |
समर्पितं मया भक्त्या महादेवि प्रगृह्यताम् ||

ॐ श्रीकाळिका देव्यै नमः धूपमाघ्रापयामि |
दीपं –
घृतवर्तिसमायुक्तं महातेजो महोज्ज्वलम् |
दीपं दास्यामि देवेशि सुप्रीता भव सर्वदा ||

ॐ श्रीकाळिका देव्यै नमः दीपं दर्शयामि |
नैवेद्यं –
अन्नं चतुर्विधं स्वादु रसैः षड्भिः समन्वितम् |
नैवेद्यं गृह्यतां देवि भक्तिर्मेह्यचलां कुरु ||

ॐ श्रीकाळिका देव्यै नमः नैवेद्यं समर्पयामि |
ऋतुफलं –
द्राक्षा खर्जूर कदली पनसाम्रकपित्यकम् |
नारिकेलेक्षुजंब्वादि फलानि प्रतिगृह्यताम् ||

ॐ श्रीकाळिका देव्यै नमः ऋतुफलं समर्पयामि |
आचमनीयजलं –
कामारिवल्लभे देवि कुर्वाचमनमंबिके |
निरंतरमहं वंदे चरणौ तव चंडिके ||

ॐ श्रीकाळिका देव्यै नमः नैवेद्यानंतरं आचमनीयजलं समर्पयामि |
तांबूलं –
एलालवंग कस्तूरी कर्पूरैः सुष्ठुवासिताम् |
वीटिकां मुखवासार्थमर्पयामि सुरेश्वरि ||

ॐ श्रीकाळिका देव्यै नमः तांबूलं समर्पयामि |
दक्षिण (स्वर्णं)-
पूजाफलसमृद्ध्यर्थं तवाग्रे स्वर्णमीश्वरि |
स्थापितं तेन मे प्रीता पूर्णान् कुरु मनोरथान् ||

ॐ श्रीकाळिका देव्यै नमः दक्षिणान् समर्पयामि |
नीराजनं –
नीराजनं सुमंगळ्यं कर्पूरेण समन्वितम् |
चंद्रार्कवह्नि सदृशं महादेवि नमोऽस्तु ते ||

ॐ श्रीकाळिका देव्यै नमः नीराजनं समर्पयामि |
मंत्रपुष्पं –
ॐ काळिकायै च विद्महे श्मशानवासिन्यै धीमहि तन्नोऽघोरा प्रचोदयात् |
ॐ श्रीकाळिका देव्यै नमः मंत्रपुष्पं समर्पयामि |
प्रदक्षिण –
नमस्ते देवि देवेशि नमस्ते ईप्सितप्रदे |
नमस्ते जगतां धात्रि नमस्ते भक्तवत्सले ||

ॐ श्रीकाळिका देव्यै नमः आत्मप्रदक्षिण नमस्कारान् समर्पयामि |
साष्टांग नमस्कारं –
नमः सर्वहितार्थायै जगदाधार हेतवे |
साष्टांगोऽयं प्रणामस्तु प्रयत्नेन मया कृतः ||

ॐ श्रीकाळिका देव्यै नमः साष्टांग नमस्कारान् समर्पयामि |
क्षमा प्रार्थना –
अपराध सहस्राणि क्रियंतेऽहर्निशं मया |
दासोऽयमिति मां मत्वा क्षमस्व परमेश्वरि ||

आवाहनं न जानामि न जानामि विसर्जनम् |
पूजाविधिं न जानामि क्षमस्व परमेश्वरि ||

मंत्रहीनं क्रियाहीनं भक्तिहीनं परात्परे |
यत्पूजितं मया देवि परिपूर्णं तदस्तु ते ||

अनया मया कृतेन ध्यान आवाहनादि षोडशोपचार पूजनेन भगवती सर्वात्मिका श्री काळिका परमेश्वरी सुप्रीता सुप्रसन्ना वरदा भवंतु ||

अकालमृत्यहरणं सर्वव्याधिनिवारणं ||

समस्तपापक्षयकरं मातृपादोदकं शुभं ||

ॐ श्रीकाळिका देव्यै नमः प्रसादं शिरसा गृह्णामि |
विसर्जनं –
इदं पूजा मया देवि यथाशक्त्युपपादिताम् |
रक्षार्थं त्वं समदाय व्रजस्थानमनुत्तमम् ||

ॐ श्रीकाळिका देव्यै नमः यथास्थानमुद्वासयामि |
ॐ शांतिः शांतिः शांतिः |
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु