Saubhagya Ashtottara Shatanama Stotram

तॆलुगु
स्तोत्रनिधि
श्री ललिता स्तोत्रालु
गमनिक
: ई स्तोत्रमु (श्लोकालु मात्रमे) “
श्री ललिता स्तोत्रनिधि
” पारायण ग्रंथमुलो कूडा उन्नदि.
सौभाग्याष्टोत्तरशतनामावळिः >>
(श्रीपरशुरामुडु (जामदग्न्युडु) तन गुरुवैन दत्तात्रेय स्वामिनि, लोकंलो सर्वमोहनमैन सौभाग्यान्नि प्रसादिंचे श्रीविद्यकु संबंधिंचिन रहस्य नामालनु उपदेशिंचमनि प्रार्थिंचिन संदर्भं इदि. दीनिने ‘सौभाग्याष्टोत्तरशतनाम स्तोत्रं’ अनि पिलुस्तारु. ई स्तोत्र पीठिकनु चदवडं वल्ल स्तोत्रं पट्ल भक्ति, श्रद्ध पॆरुगुतायि. दीनि मूल नामालनु पारायणं चेयडं वल्ल दारिद्र्य बाधलु तॊलगि, सर्व सौभाग्यालु, आकर्षण शक्ति मरियु मंत्र सिद्धि कलुगुतायि.)
निशम्यैतज्जामदग्न्यो माहात्म्यं सर्वतोऽधिकम् |
स्तोत्रस्य भूयः पप्रच्छ दत्तात्रेयं गुरूत्तमम् ||

भगवन् त्वन्मुखांभोजनिर्गमद्वाक्सुधारसम् |
पिबतः श्रोत्रमुखतो वर्धतेऽनुक्षणं तृषा ||

अष्टोत्तरशतं नाम्नां श्रीदेव्या यत्प्रसादतः |
कामः संप्राप्तवान् लोके सौभाग्यं सर्वमोहनम् ||

सौभाग्यविद्यावर्णानामुद्धारो यत्र संस्थितः |
तत्समाचक्ष्व भगवन् कृपया मयि सेवके ||

निशम्यैवं भार्गवोक्तिं दत्तात्रेयो दयानिधिः |
प्रोवाच भार्गवं रामं मधुराऽक्षरपूर्वकम् ||

शृणु भार्गव यत्पृष्टं नाम्नामष्टोत्तरं शतम् |
श्रीविद्यावर्णरत्नानां निधानमिव संस्थितम् ||

श्रीदेव्या बहुधा संति नामानि शृणु भार्गव |
सहस्रशतसंख्यानि पुराणेष्वागमेषु च ||

तेषु सारतमं ह्येतत्सौभाग्याष्टोत्तरात्मकम् |
यदुवाच शिवः पूर्वं भवान्यै बहुधार्थितः ||

सौभाग्याष्टोत्तरशतनामस्तोत्रस्य भार्गव |
ऋषिरुक्तः शिवश्छंदोऽनुष्टुप् श्रीललितांबिका ||

देवता विन्यसेत्कूटत्रयेणावर्त्य सर्वतः |
ध्यात्वा संपूज्य मनसा स्तोत्रमेतदुदीरयेत् ||

अथ स्तोत्रम् ||

कामेश्वरी कामशक्तिः कामसौभाग्यदायिनी |
कामरूपा कामकला कामिनी कमलासना ||

कमला कल्पनाहीना कमनीयकळावती |
कमलाभारतीसेव्या कल्पिताऽशेषसंसृतिः ||

अनुत्तराऽनघाऽनंताऽद्भुतरूपाऽनलोद्भवा |
अतिलोकचरित्राऽतिसुंदर्यतिशुभप्रदा ||

अघहंत्र्यतिविस्ताराऽर्चनतुष्टाऽमितप्रभा |
एकरूपैकवीरैकनाथैकांताऽर्चनप्रिया ||

एकैकभावतुष्टैकरसैकांतजनप्रिया |
एधमानप्रभावैधद्भक्तपातकनाशिनी ||

एलामोदमुखैनोऽद्रिशक्रायुधसमस्थितिः |
ईहाशून्येप्सितेशादिसेव्येशानवरांगना ||

ईश्वराऽऽज्ञापिकेकारभाव्येप्सितफलप्रदा |
ईशानेतिहरेक्षेषदरुणाक्षीश्वरेश्वरी ||

ललिता ललनारूपा लयहीना लसत्तनुः |
लयसर्वा लयक्षोणिर्लयकर्णी लयात्मिका ||

लघिमा लघुमध्याऽऽढ्या ललमाना लघुद्रुता |
हयाऽऽरूढा हताऽमित्रा हरकांता हरिस्तुता ||

हयग्रीवेष्टदा हालाप्रिया हर्षसमुद्धता |
हर्षणा हल्लकाभांगी हस्त्यंतैश्वर्यदायिनी ||

हलहस्तार्चितपदा हविर्दानप्रसादिनी |
राम रामाऽर्चिता राज्ञी रम्या रवमयी रतिः ||

रक्षिणी रमणी राका रमणीमंडलप्रिया |
रक्षिताऽखिललोकेशा रक्षोगणनिषूदिनी ||

अंबांतकारिण्यंभोजप्रियाऽंतकभयंकरी |
अंबुरूपांबुजकरांबुजजातवरप्रदा ||

अंतःपूजाप्रियांतःस्वरूपिण्यंतर्वचोमयी |
अंतकारातिवामांकस्थितांतःसुखरूपिणी ||

सर्वज्ञा सर्वगा सारा समा समसुखा सती |
संततिः संतता सोमा सर्वा सांख्या सनातनी ||

अथ फलश्रुतिः ||

एतत्ते कथितं राम नाम्नामष्टोत्तरं शतम् |
अतिगोप्यमिदं नाम्नः सर्वतः सारमुद्धृतम् ||

एतस्य सदृशं स्तोत्रं त्रिषु लोकेषु दुर्लभम् |
अप्रकाश्यमभक्तानां पुरतो देवताद्विषाम् ||

एतत् सदाशिवो नित्यं पठंत्यन्ये हरादयः |
एतत्प्रभावात्कंदर्पस्त्रैलोक्यं जयति क्षणात् ||

सौभाग्याष्टोत्तरशतनामस्तोत्रं मनोहरम् |
यस्त्रिसंध्यं पठेन्नित्यं न तस्य भुवि दुर्लभम् ||

श्रीविद्योपासनवतामेतदावश्यकं मतम् |
सकृदेतत्प्रपठतां नान्यत्कर्म विलुप्यते ||

अपठित्वा स्तोत्रमिदं नित्यं नैमित्तिकं कृतम् |
व्यर्थीभवति नग्नेन कृतं कर्म यथा तथा ||

सहस्रनामपाठादावशक्तस्त्वेतदीरयेत् |
सहस्रनामपाठस्य फलं शतगुणं भवेत् ||

सहस्रधा पठित्वा तु वीक्षणान्नाशयेद्रिपून् |
करवीररक्तपुष्पैर्हुत्वा लोकान् वशं नयेत् ||

स्तंभेयत् श्वेतकुसुमैर्नीलैरुच्चाटयेद्रिपून् |
मरिचैर्विद्वेषणाय लवंगैर्व्याधिनाशने ||

सुवासिनीर्ब्राह्मणान् वा भोजयेद्यस्तु नामभिः |
यश्च पुष्पैः फलैर्वापि पूजयेत् प्रतिनामभिः ||

चक्रराजेऽथवान्यत्र स वसेच्छ्रीपुरे चिरम् |
यः सदा वर्तयन्नास्ते नामाष्टशतमुत्तमम् |
तस्य श्रीललिता राज्ञी प्रसन्ना वांछितप्रदा ||

इति श्रीत्रिपुरारहस्ये माहात्म्यखंडे षड्विंशोऽध्याये दत्तात्रेय प्रोक्त सौभाग्याष्टोत्तरशतनाम स्तोत्रम् |
गमनिक
: पैन इव्वबडिन स्तोत्रमु (श्लोकालु मात्रमे), ई पुस्तकमुलो कूडा उन्नदि.
श्री ललिता स्तोत्रनिधि
(नित्य पारायण ग्रंथमु)
मरिन्नि
श्री ललिता स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु