Sri Lakshmi Gayatri Mantra Stuti

तॆलुगु
स्तोत्रनिधि
श्री लक्ष्मी स्तोत्रालु
गमनिक:
ई स्तोत्रमु “
श्री लक्ष्मी स्तोत्रनिधि
” पारायण ग्रंथमुलो लो कूडा उन्नदि.]
श्रीर्लक्ष्मी कल्याणी कमला कमलालया पद्मा |
मामकचेतः सद्मनि हृत्पद्मे वसतु विष्णुना साकम् ||

तत्सदों श्रीमितिपदैश्चतुर्भिश्चतुरागमैः |
चतुर्मुखस्तुता मह्यमिंदिरेष्टं प्रयच्छतु ||

सच्चित्सुखत्रयीमूर्ति सर्वपुण्यफलात्मिका |
सर्वेशमहिषी मह्यमिंदिरेष्टं प्रयच्छतु ||

विद्या वेदांतसिद्धांतविवेचनविचारजा |
विष्णुस्वरूपिणी मह्यमिंदिरेष्टं प्रयच्छतु ||

तुरीयाऽद्वैतविज्ञानसिद्धिसत्तास्वरूपिणी |
सर्वतत्त्वमयी मह्यमिंदिरेष्टं प्रयच्छतु ||

वरदाऽभयदांभोजधर पाणिचतुष्टया |
वागीशजननी मह्यमिंदिरेष्टं प्रयच्छतु ||

रेचकैः पूरकैः पूर्णकुंभकैः पूतदेहिभिः |
मुनिभिर्भाविता मह्यमिंदिरेष्टं प्रयच्छतु ||

णीत्यक्षरमुपासंतो यत्प्रसादेन संततिम् |
कुलस्य प्राप्नुयुर्मह्यमिंदिरेष्टं प्रयच्छतु ||

यंत्रमंत्रक्रियासिद्धिरूपा सर्वसुखात्मिका |
यजनादिमयी मह्यमिंदिरेष्टं प्रयच्छतु ||

भगवत्यच्युते विष्णावनंते नित्यवासिनी |
भगवत्यमला मह्यमिंदिरेष्टं प्रयच्छतु ||

गोविप्रवेदसूर्याग्निगंगाबिल्वसुवर्णगा |
सालग्राममयी मह्यमिंदिरेष्टं प्रयच्छतु ||

देवता देवतानां च क्षीरसागरसंभवा |
कल्याणी भार्गवी मह्यमिंदिरेष्टं प्रयच्छतु ||

वक्ति यो वचसा नित्यं सत्यमेव न चानृतम् |
तस्मिन्या रमते मह्यमिंदिरेष्टं प्रयच्छतु ||

स्यमंतकादिमणयो यत्प्रसादांशकांशकाः |
अनंतविभवा मह्यमिंदिरेष्टं प्रयच्छतु ||

धीराणां व्यासवाल्मीकिपूर्वाणां वाचकं तपः |
यत्प्राप्तिफलकं मह्यमिंदिरेष्टं प्रयच्छतु ||

महानुभावैर्मुनिभिः महाभागैस्तपस्विभिः |
आराध्यप्रार्थिता मह्यमिंदिरेष्टं प्रयच्छतु ||

हिमाचलसुतावाणीसख्यसौभाग्यलक्षणा |
या मूलप्रकृतिर्मह्यमिंदिरेष्टं प्रयच्छतु ||

धिया भक्त्या भिया वाचा तपः शौचक्रियार्जवैः |
सद्भिः समर्चिता मह्यमिंदिरेष्टं प्रयच्छतु ||

योगेन कर्मणा भक्त्या श्रद्धया श्रीः समाप्यते |
सत्यशौचपरैर्मह्यमिंदिरेष्टं प्रयच्छतु ||

योगक्षेमौ सुखादीनां पुण्यजानां निजार्थिने |
ददाति दयया मह्यमिंदिरेष्टं प्रयच्छतु ||

नः शरीराणि चेतांसि करणानि सुखानि च |
यदधीनानि सा मह्यमिंदिरेष्टं प्रयच्छतु ||

प्रज्ञामायुर्बलं वित्तं प्रजामारोग्यमीशताम् |
यशः पुण्यं सुखं मह्यमिंदिरेष्टं प्रयच्छतु ||

चोरारिव्यालरोगार्णग्रहपीडानिवारिणी |
अनीतीरभयं मह्यमिंदिरेष्टं प्रयच्छतु ||

दयामाश्रितवात्सल्यं दाक्षिण्यं सत्यशीलताम् |
नित्यं या वहते मह्यमिंदिरेष्टं प्रयच्छतु ||

या देव्यव्याजकरुणा या जगज्जननी रमा |
स्वतंत्रशक्तिर्या मह्यमिंदिरेष्टं प्रयच्छतु ||

ब्रह्मण्यसुब्रह्मण्योक्तां गायत्र्यक्षरसम्मिताम् |
इष्टसिद्धिर्भवेन्नित्यं पठतामिंदिरास्तुतिम् ||

इति श्री लक्ष्मी गायत्रीमंत्र स्तुतिः |
गमनिक
: पैन इव्वबडिन स्तोत्रमु, ई पुस्तकमुलो कूडा उन्नदि.
श्री लक्ष्मी स्तोत्रनिधि
(नित्य पारायण ग्रंथमु)
मरिन्नि
श्री लक्ष्मी स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु