Vishnudatta Kruta Dattatreya Stotram

तॆलुगु
स्तोत्रनिधि
श्री दत्तात्रेय स्तोत्रालु
[गमनिक: ई स्तोत्रमु
(श्लोकालु मात्रमे)
श्री दत्तात्रेय स्तोत्रनिधि
” पारायण ग्रंथमुलो कूडा उन्नदि.
(विष्णुदत्तुडु अने ब्राह्मणुडु दत्तात्रेय स्वामि अनुग्रहं कोसं वेचि उन्नप्पुडु, स्वामि वारु ऒक पिशाच रूपंलो लेदा उन्मादि वलॆ दर्शनमिच्चारु. अप्पुडु आ रूपं वॆनुक उन्न परमात्मनु गुर्तिंचि विष्णुदत्तुडु चेसिन स्तुति इदि. ई स्तोत्रान्नि पठिंचडं वल्ल मनस्सुलोनि भ्रमलु तॊलगिपोतायि. दत्तात्रेय स्वामि यॊक्क ‘अवधूत’ तत्त्वं अर्थमै, भौतिक सुखालतो पाटु आध्यात्मिक मुक्ति लभिस्तुंदि.)
दत्तात्रेयं हरिं कृष्णं उन्मादं प्रणतोऽस्म्यहम् |
आनंददायकं देवं मुनिबालं दिगंबरम् ||

पिशाचरूपिणं विष्णुं वंदेऽहं ज्ञानसागरम् |
योगिनं भोगिनं नग्नं अनसूयात्मजं कविम् ||

भोगमोक्षप्रदं वंदे सर्वदेवस्वरूपिणम् |
उरुक्रमं विशालाक्षं परमानंदविग्रहम् ||

वरदं देवदेवेशं कार्तवीर्यवरप्रदम् |
नानारूपधरं हृद्यं भक्तचिंतामणिं गुरुम् ||

विश्ववंद्यपदांभोजं योगिहृत्पद्मवासिनम् |
प्रणतार्तिहरं गूढं कुत्सिताचारचेष्टितम् ||

मिताचारं मिताहारं भक्ष्याभक्ष्यविवर्जितम् |
प्रमाणं प्राणनिलयं सर्वाधारं नतोऽस्म्यहम् ||

सिद्धसाधकसंसेव्यं कपिलं कृष्णपिंगळम् |
विप्रवर्यं वेदविदं वेदवेद्यं वियत्समम् ||

पराशक्ति पदाश्लिष्टं राजराज्यप्रदं शिवम् |
शुभदं सुंदरग्रीवं सुशीलं शांतविग्रहम् ||

योगिनं रामयास्पृष्टं रामारामं रमाप्रियम् |
प्रणतोऽस्मि महादेवं शरणं भक्तवत्सलम् ||

वीरं वरेण्यं वृषभं वृषाचारं वृषप्रियम् |
अलिप्तमनघं मेध्यं अनादिमगुणं परम् ||

अनेकमेकमीशानं अनंतमणिकेतनम् |
अध्यक्षमसुरारातिं शमं शांतं सनातनम् ||

गुह्यं गभीरं गहनं गुणज्ञं गह्वरप्रियम् |
श्रीदं श्रीशं श्रीनिवासं श्रीवत्सांकं परायणम् ||

जपंतं जपतां वंद्यं जयंतं विजयप्रदम् |
जीवनं जगतस्सेतुं जनानां जातवेदसम् ||

यज्ञमिज्यं यज्ञभुजं यज्ञेशं याजकां यजुः |
यष्टारं फलदं वंदे साष्टांगं परया मुदा ||

इति विष्णुदत्त कृत श्री दत्तात्रेय स्तोत्रम् |