Sri Surya Sahasranama Stotram

तॆलुगु
स्तोत्रनिधि
श्री सूर्य स्तोत्रालु
गमनिक
: ई स्तोत्रमु “
श्री सूर्य स्तोत्रनिधि
” पारायण ग्रंथमुलो कूडा उन्नदि.
श्री सूर्य सहस्रनामावळी
शतानीक उवाच |
नाम्नां सहस्रं सवितुः श्रोतुमिच्छामि हे द्विज |
येन ते दर्शनं यातः साक्षाद्देवो दिवाकरः ||

सर्वमंगळमांगळ्यं सर्वापापप्रणाशनम् |
स्तोत्रमेतन्महापुण्यं सर्वोपद्रवनाशनम् ||

न तदस्ति भयं किंचिद्यदनेन न नश्यति |
ज्वराद्यैर्मुच्यते राजन् स्तोत्रेऽस्मिन् पठिते नरः ||

अन्ये च रोगाः शाम्यंति पठतः शृण्वतस्तथा |
संपद्यंते यथा कामाः सर्व एव यथेप्सिताः ||

य एतदादितः श्रूत्वा संग्रामं प्रविशेन्नरः |
स जित्वा समरे शत्रूनभ्येति गृहमक्षतः ||

वंध्यानां पुत्रजननं भीतानां भयनाशनम् |
भूतिकारि दरिद्राणां कुष्ठिनां परमौषधम् ||

बालानां चैव सर्वेषां ग्रहरक्षोनिवारणम् |
पठते संयतो राजन् स श्रेयः परमाप्नुयात् ||

स सिद्धः सर्वसंकल्पः सुखमत्यंतमश्नुते |
धर्मार्थिभिर्धर्मलुब्धैः सुखाय च सुखार्थिभिः ||

राज्याय राज्यकामैश्च पठितव्यमिदं नरैः |
विद्यावहं तु विप्राणां क्षत्रियाणां जयावहम् ||

पश्वावहं तु वैश्यानां शूद्राणां धर्मवर्धनम् |
पठतां शृण्वतामेतद्भवतीति न संशयः ||

तच्छृणुष्व नृपश्रेष्ठ प्रयतात्मा ब्रवीमि ते |
नाम्नां सहस्रं विख्यातं देवदेवस्य भास्वतः ||

अस्य श्री सूर्य सहस्रनाम स्तोत्रस्य वेदव्यास ऋषिः अनुष्टुप् छंदः सविता देवता अभीष्टसिद्ध्यर्थे जपे विनियोगः ||

ध्यानम् |
ध्येयः सदा सवितृमंडलमध्यवर्ती
नारायणः सरसिजासनसन्निविष्टः |
केयूरवान् मकरकुंडलवान् किरीटी
हारी हिरण्मयवपुर्धृतशंखचक्रः ||

अथ स्तोत्रम् |
ॐ | विश्वविद्विश्वजित्कर्ता विश्वात्मा विश्वतोमुखः |
विश्वेश्वरो विश्वयोनिर्नियतात्मा जितेंद्रियः ||

कालाश्रयः कालकर्ता कालहा कालनाशनः |
महायोगी महासिद्धिर्महात्मा सुमहाबलः || [बुद्धि]

प्रभुर्विभुर्भूतनाथो भूतात्मा भुवनेश्वरः |
भूतभव्यो भावितात्मा भूतांतः करणः शिवः ||

शरण्यः कमलानंदो नंदनो नंदवर्धनः |
वरेण्यो वरदो योगी सुसंयुक्तः प्रकाशकः ||

प्राप्तयानः परप्राणः पूतात्मा प्रयतः प्रियः | [प्रियतः]

नयः सहस्रपात् साधुर्दिव्यकुंडलमंडितः ||

अव्यंगधारी धीरात्मा सविता वायुवाहनः | [प्रचेता]

समाहितमतिर्दाता विधाता कृतमंगळः ||

कपर्दी कल्पपाद्रुद्रः सुमना धर्मवत्सलः |
समायुक्तो विमुक्तात्मा कृतात्मा कृतिनां वरः ||

अविचिंत्यवपुः श्रेष्ठो महायोगी महेश्वरः |
कांतः कामारिरादित्यो नियतात्मा निराकुलः ||

[* कामः कारुणिकः कर्ता कमलाकर बोधनः | *]

सप्तसप्तिरचिंत्यात्मा महाकारुणिकोत्तमः |
संजीवनो जीवनाथो जयो जीवो जगत्पतिः ||

अयुक्तो विश्वनिलयः संविभागी वृषध्वजः |
वृषाकपिः कल्पकर्ता कल्पांतकरणो रविः ||

एकचक्ररथो मौनी सुरथो रथिनां वरः |
सक्रोधनो रश्मिमाली तेजोराशिर्विभावसुः ||

दिव्यकृद्दिनकृद्देवो देवदेवो दिवस्पतिः |
दीननाथो हरो होता दिव्यबाहुर्दिवाकरः ||

यज्ञो यज्ञपतिः पूषा स्वर्णरेताः परावरः |
परापरज्ञस्तरणिरंशुमाली मनोहरः ||

प्राज्ञः प्राज्ञपतिः सूर्यः सविता विष्णुरंशुमान् |
सदागतिर्गंधवहो विहितो विधिराशुगः ||

पतंगः पतगः स्थाणुर्विहंगो विहगो वरः |
हर्यश्वो हरिताश्वश्च हरिदश्वो जगत्प्रियः ||

त्र्यंबकः सर्वदमनो भावितात्मा भिषग्वरः |
आलोककृल्लोकनाथो लोकालोकनमस्कृतः ||

कालः कल्पांतको वह्निस्तपनः संप्रतापनः |
विलोचनो विरूपाक्षः सहस्राक्षः पुरंदरः ||

सहस्ररश्मिर्मिहिरो विविधांबरभूषणः |
खगः प्रतर्दनो धन्यो हयगो वाग्विशारदः ||

श्रीमान् शशिशिरो वाग्मी श्रीपतिः श्रीनिकेतनः |
श्रीकंठः श्रीधरः श्रीमान् श्रीनिवासो वसुप्रदः ||

कामचारी महामायो महोग्रोऽविदितामयः |
तीर्थक्रियावान् सुनयो विभक्तो भक्तवत्सलः ||

कीर्तिः कीर्तिकरो नित्यः कुंडली कवची रथी |
हिरण्यरेताः सप्ताश्वः प्रयतात्मा परंतपः ||

बुद्धिमानमरश्रेष्ठो रोचिष्णुः पाकशासनः |
समुद्रो धनदो धाता मांधाता कश्मलापहः ||

तमोघ्नो ध्वांतहा वह्निर्होतांतकरणो गुहः |
पशुमान् प्रयतानंदो भूतेशः श्रीमतां वरः ||

नित्योदितो नित्यरथः सुरेशः सुरपूजितः |
अजितो विजितो जेता जंगमस्थावरात्मकः ||

जीवानंदो नित्यगामी विजेता विजयप्रदः |
पर्जन्योऽग्निः स्थितिः स्थेयः स्थविरोऽथ निरंजनः ||

प्रद्योतनो रथारूढः सर्वलोकप्रकाशकः |
ध्रुवो मेषी महावीर्यो हंसः संसारतारकः ||

सृष्टिकर्ता क्रियाहेतुर्मार्तंडो मरुतां पतिः |
मरुत्वान् दहनस्त्वष्टा भगो भर्गोऽर्यमा कपिः ||

वरुणेशो जगन्नाथः कृतकृत्यः सुलोचनः |
विवस्वान् भानुमान् कार्यः कारणस्तेजसां निधिः ||

असंगगामी तिग्मांशुर्घर्मांशुर्दीप्तदीधितिः |
सहस्रदीधितिर्ब्रध्नः सहस्रांशुर्दिवाकरः ||

गभस्तिमान् दीधितिमान् स्रग्वी मणिकुलद्युतिः |
भास्करः सुरकार्यज्ञः सर्वज्ञस्तीक्ष्णदीधितिः ||

सुरज्येष्ठः सुरपतिर्बहुज्ञो वचसां पतिः |
तेजोनिधिर्बृहत्तेजा बृहत्कीर्तिर्बृहस्पतिः ||

अहिमानूर्जितो धीमानामुक्तः कीर्तिवर्धनः |
महावैद्यो गणपतिर्धनेशो गणनायकः ||

तीव्रः प्रतापनस्तापी तापनो विश्वतापनः |
कार्तस्वरो हृषीकेशः पद्मानंदोऽतिनंदितः ||

पद्मनाभोऽमृताहारः स्थितिमान् केतुमान् नभः |
अनाद्यंतोऽच्युतो विश्वो विश्वामित्रो घृणिर्विराट् ||

आमुक्तकवचो वाग्मी कंचुकी विश्वभावनः |
अनिमित्तगतिः श्रेष्ठः शरण्यः सर्वतोमुखः ||

विगाही वेणुरसहः समायुक्तः समाक्रतुः |
धर्मकेतुर्धर्मरतिः संहर्ता संयमो यमः ||

प्रणतार्तिहरो वायुः सिद्धकार्यो जनेश्वरः |
नभो विगाहनः सत्यः सवितात्मा मनोहरः ||

हारी हरिर्हरो वायुरृतुः कालानलद्युतिः |
सुखसेव्यो महातेजा जगतामेककारणम् ||

महेंद्रो विष्टुतः स्तोत्रं स्तुतिहेतुः प्रभाकरः |
सहस्रकर आयुष्मान् रोगदः सुखदः सुखी || [अरोषः]

व्याधिहा सुखदः सौख्यं कल्याणं कलतां वरः |
आरोग्यकारणं सिद्धिरृद्धिर्वृद्धिर्बृहस्पतिः ||

हिरण्यरेता आरोग्यं विद्वान् ब्रध्नो बुधो महान् |
प्राणवान् धृतिमान् घर्मो घर्मकर्ता रुचिप्रदः ||

सर्वप्रियः सर्वसहः सर्वशत्रुविनाशनः |
प्रांशुर्विद्योतनो द्योतः सहस्रकिरणः कृती ||

केयूरी भूषणोद्भासी भासितो भासनोऽनलः |
शरण्यार्तिहरो होता खद्योतः खगसत्तमः ||

सर्वद्योतो भवद्योतः सर्वद्युतिकरो मतः |
कल्याणः कल्याणकरः कल्यः कल्यकरः कविः ||

कल्याणकृत् कल्यवपुः सर्वकल्याणभाजनम् |
शांतिप्रियः प्रसन्नात्मा प्रशांतः प्रशमप्रियः ||

उदारकर्मा सुनयः सुवर्चा वर्चसोज्ज्वलः |
वर्चस्वी वर्चसामीशस्त्रैलोक्येशो वशानुगः ||

तेजस्वी सुयशा वर्ष्मी वर्णाध्यक्षो बलिप्रियः |
यशस्वी तेजोनिलयस्तेजस्वी प्रकृतिस्थितः ||

आकाशगः शीघ्रगतिराशुगो गतिमान् खगः |
गोपतिर्ग्रहदेवेशो गोमानेकः प्रभंजनः ||

जनिता प्रजनो जीवो दीपः सर्वप्रकाशकः |
सर्वसाक्षी योगनित्यो नभस्वानसुरांतकः ||

रक्षोघ्नो विघ्नशमनः किरीटी सुमनःप्रियः |
मरीचिमाली सुमतिः कृताभिख्यविशेषकः ||

शिष्टाचारः शुभाचारः स्वचाराचारतत्परः |
मंदारो माठरो वेणुः क्षुधापः क्ष्मापतिर्गुरुः ||

सुविशिष्टो विशिष्टात्मा विधेयो ज्ञानशोभनः |
महाश्वेतः प्रियो ज्ञेयः सामगो मोक्षदायकः ||

सर्ववेदप्रगीतात्मा सर्ववेदलयो महान् |
वेदमूर्तिश्चतुर्वेदो वेदभृद्वेदपारगः ||

क्रियावानसितो जिष्णुर्वरीयांशुर्वरप्रदः |
व्रतचारी व्रतधरो लोकबंधुरलंकृतः ||

अलंकारोऽक्षरो वेद्यो विद्यावान् विदिताशयः |
आकारो भूषणो भूष्यो भूष्णुर्भुवनपूजितः ||

चक्रपाणिर्ध्वजधरः सुरेशो लोकवत्सलः |
वाग्मिपतिर्महाबाहुः प्रकृतिर्विकृतिर्गुणः ||

अंधकारापहः श्रेष्ठो युगावर्तो युगादिकृत् |
अप्रमेयः सदायोगी निरहंकार ईश्वरः ||

शुभप्रदः शुभः शास्ता शुभकर्मा शुभप्रदः |
सत्यवान् श्रुतिमानुच्चैर्नकारो वृद्धिदोऽनलः ||

बलभृद्बलदो बंधुर्मतिमान् बलिनां वरः |
अनंगो नागराजेंद्रः पद्मयोनिर्गणेश्वरः ||

संवत्सर ऋतुर्नेता कालचक्रप्रवर्तकः |
पद्मेक्षणः पद्मयोनिः प्रभावानमरः प्रभुः ||

सुमूर्तिः सुमतिः सोमो गोविंदो जगदादिजः |
पीतवासाः कृष्णवासा दिग्वासास्त्विंद्रियातिगः ||

अतींद्रियोऽनेकरूपः स्कंदः परपुरंजयः |
शक्तिमान् जलधृग्भास्वान् मोक्षहेतुरयोनिजः ||

सर्वदर्शी जितादर्शो दुःस्वप्नाशुभनाशनः |
मंगळ्यकर्ता तरणिर्वेगवान् कश्मलापहः ||

स्पष्टाक्षरो महामंत्रो विशाखो यजनप्रियः |
विश्वकर्मा महाशक्तिर्द्युतिरीशो विहंगमः ||

विचक्षणो दक्ष इंद्रः प्रत्यूषः प्रियदर्शनः |
अखिन्नो वेदनिलयो वेदविद्विदिताशयः ||

प्रभाकरो जितरिपुः सुजनोऽरुणसारथिः |
कुनाशी सुरतः स्कंदो महितोऽभिमतो गुरुः ||

ग्रहराजो ग्रहपतिर्ग्रहनक्षत्रमंडलः |
भास्करः सततानंदो नंदनो नरवाहनः ||

[* मंगळोऽथ मंगळवान् मांगळ्यो मंगळावहः | *]

मंगळ्यचारुचरितः शीर्णः सर्वव्रतो व्रती |
चतुर्मुखः पद्ममाली पूतात्मा प्रणतार्तिहा ||

अकिंचनः सतामीशो निर्गुणो गुणवान् शुचिः |
संपूर्णः पुंडरीकाक्षो विधेयो योगतत्परः ||

सहस्रांशुः क्रतुमतिः सर्वज्ञः सुमतिः सुवाक् |
सुवाहनो माल्यदामा कृताहारो हरिप्रियः ||

ब्रह्मा प्रचेताः प्रथितः प्रयतात्मा स्थिरात्मकः |
शतविंदुः शतमुखो गरीयाननलप्रभः ||

धीरो महत्तरो विप्रः पुराणपुरुषोत्तमः |
विद्याराजाधिराजो हि विद्यावान् भूतिदः स्थितः ||

अनिर्देश्यवपुः श्रीमान् विपाप्मा बहुमंगळः |
स्वःस्थितः सुरथः स्वर्णो मोक्षदो बलिकेतनः ||

निर्द्वंद्वो द्वंद्वहा स्वर्गः सर्वगः संप्रकाशकः |
दयाळुः सूक्ष्मधीः क्षांतिः क्षेमाक्षेमस्थितिप्रियः ||

भूधरो भूपतिर्वक्ता पवित्रात्मा त्रिलोचनः |
महावराहः प्रियकृद्दाता भोक्ताऽभयप्रदः ||

चक्रवर्ती धृतिकरः संपूर्णोऽथ महेश्वरः |
चतुर्वेदधरोऽचिंत्यो विनिंद्यो विविधाशनः ||

विचित्ररथ एकाकी सप्तसप्तिः परापरः |
सर्वोदधिस्थितिकरः स्थितिस्थेयः स्थितिप्रियः ||

निष्कळः पुष्कलो विभुर्वसुमान् वासवप्रियः |
पशुमान् वासवस्वामी वसुधामा वसुप्रदः ||

बलवान् ज्ञानवांस्तत्त्वमोंकारस्त्रिषुसंस्थितः |
संकल्पयोनिर्दिनकृद्भगवान् कारणापहः ||

नीलकंठो धनाध्यक्षश्चतुर्वेदप्रियंवदः |
वषट्कारोद्गाता होता स्वाहाकारो हुताहुतिः ||

जनार्दनो जनानंदो नरो नारायणोऽंबुदः |
संदेहनाशनो वायुर्धन्वी सुरनमस्कृतः ||

विग्रही विमलो विंदुर्विशोको विमलद्युतिः |
द्युतिमान् द्योतनो विद्युद्विद्यावान् विदितो बली ||

घर्मदो हिमदो हासः कृष्णवर्त्मा सुताजितः |
सावित्रीभावितो राजा विश्वामित्रो घृणिर्विराट् ||

सप्तार्चिः सप्ततुरगः सप्तलोकनमस्कृतः |
संपूर्णोऽथ जगन्नाथः सुमनाः शोभनप्रियः ||

सर्वात्मा सर्वकृत् सृष्टिः सप्तिमान् सप्तमीप्रियः |
सुमेधा मेधिको मेध्यो मेधावी मधुसूदनः ||

अंगिरःपतिः कालज्ञो धूमकेतुः सुकेतनः |
सुखी सुखप्रदः सौख्यः कांतिः कांतिप्रियो मुनिः ||

संतापनः संतपन आतपस्तपसां पतिः |
उमापतिः सहस्रांशुः प्रियकारी प्रियंकरः ||

प्रीतिर्विमन्युरंभोत्थः खंजनो जगतां पतिः |
जगत्पिता प्रीतमनाः सर्वः खर्वो गुहोऽचलः ||

सर्वगो जगदानंदो जगन्नेता सुरारिहा |
श्रेयः श्रेयस्करो ज्यायान् महानुत्तम उद्भवः ||

उत्तमो मेरुमेयोऽथ धरणो धरणीधरः |
धराध्यक्षो धर्मराजो धर्माधर्मप्रवर्तकः ||

रथाध्यक्षो रथगतिस्तरुणस्तनितोऽनलः |
उत्तरोऽनुत्तरस्तापी अवाक्पतिरपां पतिः ||

पुण्यसंकीर्तनः पुण्यो हेतुर्लोकत्रयाश्रयः |
स्वर्भानुर्विगतानंदो विशिष्टोत्कृष्टकर्मकृत् ||

व्याधिप्रणाशनः क्षेमः शूरः सर्वजितां वरः |
एकरथो रथाधीशः पिता शनैश्चरस्य हि ||

वैवस्वतगुरुर्मृत्युर्धर्मनित्यो महाव्रतः |
प्रलंबहारसंचारी प्रद्योतो द्योतितानलः ||

संतापहृत् परो मंत्रो मंत्रमूर्तिर्महाबलः |
श्रेष्ठात्मा सुप्रियः शंभुर्मरुतामीश्वरेश्वरः ||

संसारगतिविच्छेत्ता संसारार्णवतारकः |
सप्तजिह्वः सहस्रार्ची रत्नगर्भोऽपराजितः ||

धर्मकेतुरमेयात्मा धर्माधर्मवरप्रदः |
लोकसाक्षी लोकगुरुर्लोकेशश्चंडवाहनः ||

धर्मयूपो यूपवृक्षो धनुष्पाणिर्धनुर्धरः |
पिनाकधृङ्महोत्साहो महामायो महाशनः ||

वीरः शक्तिमतां श्रेष्ठः सर्वशस्त्रभृतां वरः |
ज्ञानगम्यो दुराराध्यो लोहितांगो विवर्धनः ||

खगोऽंधो धर्मदो नित्यो धर्मकृच्चित्रविक्रमः |
भगवानात्मवान् मंत्रस्त्र्यक्षरो नीललोहितः ||

एकोऽनेकस्त्रयी कालः सविता समितिंजयः |
शार्ङ्गधन्वाऽनलो भीमः सर्वप्रहरणायुधः ||

सुकर्मा परमेष्ठी च नाकपाली दिविस्थितः |
वदान्यो वासुकिर्वैद्य आत्रेयोऽथ पराक्रमः ||

द्वापरः परमोदारः परमो ब्रह्मचर्यवान् |
उदीच्यवेशो मुकुटी पद्महस्तो हिमांशुभृत् ||

सितः प्रसन्नवदनः पद्मोदरनिभाननः |
सायं दिवा दिव्यवपुरनिर्देश्यो महालयः ||

महारथो महानीशः शेषः सत्त्वरजस्तमः |
धृतातपत्रप्रतिमो विमर्षी निर्णयः स्थितः ||

अहिंसकः शुद्धमतिरद्वितीयो विवर्धनः |
सर्वदो धनदो मोक्षो विहारी बहुदायकः ||

चारुरात्रिहरो नाथो भगवान् सर्वगोऽव्ययः |
मनोहरवपुः शुभ्रः शोभनः सुप्रभावनः ||

सुप्रभावः सुप्रतापः सुनेत्रो दिग्विदिक्पतिः |
राज्ञीप्रियः शब्दकरो ग्रहेशस्तिमिरापहः ||

सैंहिकेयरिपुर्देवो वरदो वरनायकः |
चतुर्भुजो महायोगी योगीश्वरपतिस्तथा ||

अनादिरूपोऽदितिजो रत्नकांतिः प्रभामयः |
जगत्प्रदीपो विस्तीर्णो महाविस्तीर्णमंडलः ||

एकचक्ररथः स्वर्णरथः स्वर्णशरीरधृक् |
निरालंबो गगनगो धर्मकर्मप्रभावकृत् ||

धर्मात्मा कर्मणां साक्षी प्रत्यक्षः परमेश्वरः |
मेरुसेवी सुमेधावी मेरुरक्षाकरो महान् ||

आधारभूतो रतिमांस्तथा च धनधान्यकृत् |
पापसंतापहर्ता च मनोवांछितदायकः ||

रोगहर्ता राज्यदायी रमणीयगुणोऽनृणी |
कालत्रयानंतरूपो मुनिवृंदनमस्कृतः ||

संध्यारागकरः सिद्धः संध्यावंदनवंदितः |
साम्राज्यदाननिरतः समाराधनतोषवान् ||

भक्तदुःखक्षयकरो भवसागरतारकः |
भयापहर्ता भगवानप्रमेयपराक्रमः |
मनुस्वामी मनुपतिर्मान्यो मन्वंतराधिपः ||

फलश्रुतिः |
एतत्ते सर्वमाख्यातं यन्मां त्वं परिपृच्छसि |
नाम्नां सहस्रं सवितुः पराशर्यो यदाह मे ||

धन्यं यशस्यमायुष्यं दुःखदुःस्वप्ननाशनम् |
बंधमोक्षकरं चैव भानोर्नामानुकीर्तनात् ||

यस्त्विदं शृणुयान्नित्यं पठेद्वा प्रयतो नरः |
अक्षयं स्वर्गमंबाद्यं भवेत्तस्योपसाधितम् ||

नृपाग्नितस्करभयं व्याधितो न भयं भवेत् |
विजयी च भवेन्नित्यमाश्रयं परमाप्नुयात् ||

कीर्तिमान् सुभगो विद्वान् सः सुखी प्रियदर्शनः |
जीवेद्वर्षशतायुश्च सर्वव्याधिविवर्जितः ||

प्रातः शुचिर्नियमवान् सुसमृद्धियुक्तः |
दूरेण तं परिहरंति सदैव रोगाः
भूताः सुपर्णमिव सर्वमहोरगेंद्राः ||

इति श्रीभविष्यपुराणे सप्तमकल्पे श्रीभगवत्सूर्यस्य सहस्रनाम स्तोत्रम् |
गमनिक
: पैन इव्वबडिन स्तोत्रमु, ई पुस्तकमुलो कूडा उन्नदि.
श्री सूर्य स्तोत्रनिधि
(नित्य पारायण ग्रंथमु)
मरिन्नि
श्री सूर्य स्तोत्रालु
चूडंडि. मरिन्नि
नवग्रह स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु