Sri Mahalakshmi Sahasranama Stotram

तॆलुगु
स्तोत्रनिधि
श्री लक्ष्मी स्तोत्रालु
गमनिक:
ई स्तोत्रमु “
श्री लक्ष्मी स्तोत्रनिधि
” पारायण ग्रंथमुलो लो कूडा उन्नदि.]
अस्य श्रीमहालक्ष्मी सहस्रनामस्तोत्र महामंत्रस्य श्रीमहाविष्णुर्भगवान् ऋषिः अनुष्टुप्छंदः श्रीमहालक्ष्मीर्देवता श्रीं बीजं ह्रीं शक्तिः ह्रैं कीलकं श्रीमहालक्ष्मीप्रसादसिद्ध्यर्थे जपे विनियोगः ||

पद्मानने पद्मकरे सर्वलोकैकपूजिते |
सान्निध्यं कुरु मे चित्ते विष्णुवक्षःस्थलस्थिते ||

भगवद्दक्षिणे पार्श्वे श्रियं देवीमवस्थिताम् |
ईश्वरीं सर्वभूतानां जननीं सर्वदेहिनाम् ||

चारुस्मितां चारुदतीं चारुनेत्राननभ्रुवम् |
सुकपोलां सुकर्णाग्रन्यस्तमौक्तिककुंडलाम् ||

सुकेशां चारुबिंबोष्ठीं रत्नतुंगघनस्तनीम् |
अलकाग्रैरलिनिभैरलंकृतमुखांबुजाम् ||

लसत्कनकसंकाशां पीनसुंदरकंधराम् |
निष्ककंठीं स्तनालंबिमुक्ताहारविराजिताम् ||

नीलकुंतलमध्यस्थमाणिक्यमकुटोज्ज्वलाम् |
शुक्लमाल्यांबरधरां तप्तहाटकवर्णिनीम् ||

अनन्यसुलभैस्तैस्तैर्गुणैः सौम्यमुखैर्निजैः |
अनुरूपानवद्यांगीं हरेर्नित्यानपायिनीम् ||

श्रीर्वासुदेवमहिषी पुंप्रधानेश्वरेश्वरी |
अचिंत्यानंतविभवा भावाभावविभाविनी ||

अहंभावात्मिका पद्मा शांतानंतचिदात्मिका |
ब्रह्मभावं गता त्यक्तभेदा सर्वजगन्मयी ||

षाड्गुण्यपूर्णा त्रय्यंतरूपाऽऽत्मानपगामिनी |
एकयोग्याऽशून्यभावाकृतिस्तेजः प्रभाविनी ||

भाव्यभावकभावाऽऽत्मभाव्या कामधुगाऽऽत्मभूः |
भावाभावमयी दिव्या भेद्यभेदकभावनी ||

जगत्कुटुंबिन्यखिलाधारा कामविजृंभिणी |
पंचकृत्यकरी पंचशक्तिमय्यात्मवल्लभा ||

भावाभावानुगा सर्वसम्मताऽऽत्मोपगूहिनी |
अपृथक्चारिणी सौम्या सौम्यरूपव्यवस्थिता ||

आद्यंतरहिता देवी भवभाव्यस्वरूपिणी |
महाविभूतिः समतां गता ज्योतिर्गणेश्वरी ||

सर्वकार्यकरी धर्मस्वभावात्माऽग्रतः स्थिता |
आज्ञासमविभक्तांगी ज्ञानानंदक्रियामयी ||

स्वातंत्र्यरूपा देवोरःस्थिता तद्धर्मधर्मिणी |
सर्वभूतेश्वरी सर्वभूतमाताऽऽत्ममोहिनी ||

सर्वांगसुंदरी सर्वव्यापिनी प्राप्तयोगिनी |
विमुक्तिदायिनी भक्तिगम्या संसारतारिणी ||

धर्मार्थसाधिनी व्योमनिलया व्योमविग्रहा |
पंचव्योमपदी रक्षव्यावृतिः प्राप्यपूरिणी ||

आनंदरूपा सर्वाप्तिशालिनी शक्तिनायिका |
हिरण्यवर्णा हैरण्यप्राकारा हेममालिनी ||

प्रस्फुरत्ता भद्रहोमा वेशिनी रजतस्रजा | [प्रत्नरत्ना]

स्वाज्ञाकार्यमरा नित्यसुरभिर्व्योमचारिणी ||

योगक्षेमवहा सर्वसुलभेच्छाक्रियात्मिका |
करुणाग्रानतमुखी कमलाक्षी शशिप्रभा ||

कल्याणदायिनी कल्या कलिकल्मषनाशिनी |
प्रज्ञापरिमिताऽऽत्मानुरूपा सत्योपयाचिता ||

मनोज्ञेया ज्ञानगम्या नित्यमुक्तात्मसेविनी |
कर्तृशक्तिः सुगहना भोक्तृशक्तिर्गुणप्रिया ||

ज्ञानशक्तिरनौपम्या निर्विकल्पा निरामया |
अकलंकाऽमृताधारा महाशक्तिर्विकासिनी ||

महामाया महानंदा निःसंकल्पा निरामया |
एकस्वरूपा त्रिविधा संख्यातीता निरंजना ||

आत्मसत्ता नित्यशुचिः परशक्तिः सुखोचिता |
नित्यशांता निस्तरंगा निर्भिन्ना सर्वभेदिनी ||

असंकीर्णाऽविधेयात्मा निषेव्या सर्वपालिनी |
निष्कामना सर्वरसाऽभेद्या सर्वार्थ साधिनी ||

अनिर्देश्याऽपरिमिता निर्विकारा त्रिलक्षणा |
भयंकरी सिद्धिरूपाऽव्यक्ता सदसदाकृतिः ||

अप्रतर्क्याऽप्रतिहता नियंत्री यंत्रवाहिनी |
हार्दमूर्तिर्महामूर्तिरव्यक्ता विश्वगोपिनी ||

वर्धमानाऽनवद्यांगी निरवद्या त्रिवर्गदा |
अप्रमेयाऽक्रिया सूक्ष्मा परनिर्वाणदायिनी ||

अविगीता तंत्रसिद्धा योगसिद्धाऽमरेश्वरी |
विश्वसूतिस्तर्पयंती नित्यतृप्ता महौषधिः ||

शब्दाह्वया शब्दसहा कृतज्ञा कृतलक्षणा |
त्रिवर्तिनी त्रिलोकस्था भूर्भुवःस्वरयोनिजा ||

अग्राह्याऽग्राहिकाऽनंताह्वया सर्वातिशायिनी |
व्योमपद्मा कृतधुरा पूर्णकामा महेश्वरी ||

सुवाच्या वाचिका सत्यकथना सर्वपालिनी |
लक्ष्यमाणा लक्षयंती जगज्ज्येष्ठा शुभावहा ||

जगत्प्रतिष्ठा भुवनभर्त्री गूढप्रभावती |
क्रियायोगात्मिका मूर्तिः हृदब्जस्था महाक्रमा ||

परमद्यौः प्रथमजा परमाप्ता जगन्निधिः |
आत्मानपायिनी तुल्यस्वरूपा समलक्षणा ||

तुल्यवृत्ता समवया मोदमाना खगध्वजा |
प्रियचेष्टा तुल्यशीला वरदा कामरूपिणी ||

समग्रलक्षणाऽनंता तुल्यभूतिः सनातनी |
महर्धिः सत्यसंकल्पा बह्वृचा परमेश्वरी ||

जगन्माता सूत्रवती भूतधात्री यशस्विनी |
महाभिलाषा सावित्री प्रधाना सर्वभासिनी ||

नानावपुर्बहुभिदा सर्वज्ञा पुण्यकीर्तना |
भूताश्रया हृषीकेश्वर्यशोका वाजिवाहिका ||

ब्रह्मात्मिका पुण्यजनिः सत्यकामा समाधिभूः |
हिरण्यगर्भा गंभीरा गोधूलिः कमलासना ||

जितक्रोधा कुमुदिनी वैजयंती मनोजवा |
धनलक्ष्मीः स्वस्तिकरी राज्यलक्ष्मीर्महासती ||

जयलक्ष्मीर्महागोष्ठी मघोनी माधवप्रिया |
पद्मगर्भा वेदवती विविक्ता परमेष्ठिनी ||

सुवर्णबिंदुर्महती महायोगिप्रियाऽनघा |
पद्मेस्थिता वेदमयी कुमुदा जयवाहिनी ||

संहतिर्निर्मिता ज्योतिः नियतिर्विविधोत्सवा |
रुद्रवंद्या सिंधुमती वेदमाता मधुव्रता ||

विश्वंभरा हैमवती समुद्रेच्छाविहारिणी |
अनुकूला यज्ञवती शतकोटिः सुपेशला ||

धर्मोदया धर्मसेव्या सुकुमारी सभावती |
भीमा ब्रह्मस्तुता मध्यप्रभा देवर्षिवंदिता ||

देवभोग्या महाभागा प्रतिज्ञा पूर्णशेवधिः |
सुवर्णरुचिरप्रख्या भोगिनी भोगदायिनी ||

वसुप्रदोत्तमवधूः गायत्री कमलोद्भवा |
विद्वत्प्रिया पद्मचिह्ना वरिष्ठा कमलेक्षणा ||

पद्मप्रिया सुप्रसन्ना प्रमोदा प्रियपार्श्वगा |
विश्वभूषा कांतिमती कृष्णा वीणारवोत्सुका ||

रोचिष्करी स्वप्रकाशा शोभमानविहंगमा |
देवांकस्था परिणतिः कामवत्सा महामतिः ||

इल्वलोत्पलनाभाऽधिशमनी वरवर्णिनी |
स्वनिष्ठा पद्मनिलया सद्गतिः पद्मगंधिनी ||

पद्मवर्णा कामयोनिः चंडिका चारुकोपना |
रतिस्नुषा पद्मधरा पूज्या त्रैलोक्यमोहिनी ||

नित्यकन्या बिंदुमालिन्यक्षया सर्वमातृका |
गंधात्मिका सुरसिका दीप्तमूर्तिः सुमध्यमा ||

पृथुश्रोणी सौम्यमुखी सुभगा विष्टरश्रुतिः |
स्मितानना चारुदती निम्ननाभिर्महास्तनी ||

स्निग्धवेणी भगवती सुकांता वामलोचना |
पल्लवांघ्रिः पद्ममनाः पद्मबोधा महाप्सराः ||

विद्वत्प्रिया चारुहासा शुभदृष्टिः ककुद्मिनी |
कंबुग्रीवा सुजघना रक्तपाणिर्मनोरमा ||

पद्मिनी मंदगमना चतुर्दंष्ट्रा चतुर्भुजा |
शुभरेखा विलासभ्रूः शुकवाणी कलावती ||

ऋजुनासा कलरवा वरारोहा तलोदरी |
संध्या बिंबाधरा पूर्वभाषिणी स्त्रीसमाह्वया ||

इक्षुचापा सुमशरा दिव्यभूषा मनोहरा |
वासवी पांडरच्छत्रा करभोरुस्तिलोत्तमा ||

सीमंतिनी प्राणशक्तिर्विभीषण्यसुधारिणी |
भद्रा जयावहा चंद्रवदना कुटिलालका ||

चित्रांबरा चित्रगंधा रत्नमौलिसमुज्ज्वला |
दिव्यायुधा दिव्यमाल्या विशाखा चित्रवाहना ||

अंबिका सिंधुतनया सुश्रोणिः सुमहासना |
सामप्रिया नम्रितांगी सर्वसेव्या वरांगना ||

गंधद्वारा दुराधर्षा नित्यपुष्टा करीषिणी |
देवजुष्टाऽऽदित्यवर्णा दिव्यगंधा सुहृत्तमा ||

अनंतरूपाऽनंतस्था सर्वदानंतसंगमा |
यज्ञाशिनी महावृष्टिः सर्वपूज्या वषट्क्रिया ||

योगप्रिया वियन्नाभिः अनंतश्रीरतींद्रिया |
योगिसेव्या सत्यरता योगमाया पुरातनी ||

सर्वेश्वरी सुतरणिः शरण्या धर्मदेवता |
सुतरा संवृतज्योतिः योगिनी योगसिद्धिदा ||

सृष्टिशक्तिर्द्योतमाना भूता मंगळदेवता |
संहारशक्तिः प्रबला निरुपाधिः परावरा ||

उत्तारिणी तारयंती शाश्वती समितिंजया |
महाश्रीरजहत्कीर्तिः योगश्रीः सिद्धिसाधनी ||

पुण्यश्रीः पुण्यनिलया ब्रह्मश्रीर्ब्राह्मणप्रिया |
राजश्री राजकलिता फलश्रीः स्वर्गदायिनी ||

देवश्रीरद्भुतकथा वेदश्रीः श्रुतिमार्गिणी |
तमोपहाऽव्ययनिधिः लक्षणा हृदयंगमा ||

मृतसंजीविनी शुभ्रा चंद्रिका सर्वतोमुखी |
सर्वोत्तमा मित्रविंदा मैथिली प्रियदर्शना ||

सत्यभामा वेदवेद्या सीता प्रणतपोषिणी |
मूलप्रकृतिरीशाना शिवदा दीप्रदीपिनी ||

अभिप्रिया स्वैरवृत्तिः रुक्मिणी सर्वसाक्षिणी |
गांधारिणी परगतिस्तत्त्वगर्भा भवाभवा ||

अंतर्वृत्तिर्महारुद्रा विष्णुदुर्गा महाबला |
मदयंती लोकधारिण्यदृश्या सर्वनिष्कृतिः ||

देवसेनाऽऽत्मबलदा वसुधा मुख्यमातृका |
क्षीरधारा घृतमयी जुह्वती यज्ञदक्षिणा ||

योगनिद्रा योगरता ब्रह्मचर्या दुरत्यया |
सिंहपिंछा महादुर्गा जयंती खड्गधारिणी ||

सर्वार्तिनाशिनी हृष्टा सर्वेच्छापरिपूरिका |
आर्या यशोदा वसुदा धर्मकामार्थमोक्षदा ||

त्रिशूलिनी पद्मचिह्ना महाकालींदुमालिनी |
एकवीरा भद्रकाली स्वानंदिन्युल्लसद्गदा ||

नारायणी जगत्पूरिण्युर्वरा द्रुहिणप्रसूः |
यज्ञकामा लेलिहाना तीर्थकर्युग्रविक्रमा ||

गरुत्मदुदयाऽत्युग्रा वाराही मातृभाषिणी |
अश्वक्रांता रथक्रांता विष्णुक्रांतोरुचारिणी ||

वैरोचनी नारसिंही जीमूता शुभदेक्षणा |
दीक्षाविदा विश्वशक्तिः बीजशक्तिः सुदर्शनी ||

प्रतीता जगती वन्यधारिणी कलिनाशिनी |
अयोध्याऽच्छिन्नसंताना महारत्ना सुखावहा ||

राजवत्यप्रतिभया विनयित्री महाशना |
अमृतस्यंदिनी सीमा यज्ञगर्भा समेक्षणा ||

आकूतिऋग्यजुस्सामघोषाऽऽरामवनोत्सुका |
सोमपा माधवी नित्यकल्याणी कमलार्चिता ||

योगारूढा स्वार्थजुष्टा वह्निवर्णा जितासुरा |
यज्ञविद्या गुह्यविद्याऽध्यात्मविद्या कृतागमा ||

आप्यायनी कलातीता सुमित्रा परभक्तिदा |
कांक्षमाणा महामाया कोलकामाऽमरावती ||

सुवीर्या दुःस्वप्नहरा देवकी वसुदेवता |
सौदामिनी मेघरथा दैत्यदानवमर्दिनी ||

श्रेयस्करी चित्रलीलैकाकिनी रत्नपादुका |
मनस्यमाना तुलसी रोगनाशिन्युरुप्रदा ||

तेजस्विनी सुखज्वाला मंदरेखाऽमृताशिनी |
ब्रह्मिष्ठा वह्निशमनी जुषमाणा गुणात्यया ||

कादंबरी ब्रह्मरता विधात्र्युज्ज्वलहस्तिका |
अक्षोभ्या सर्वतोभद्रा वयस्या स्वस्तिदक्षिणा ||

सहस्रास्या ज्ञानमाता वैश्वानर्यक्षवर्तिनी |
प्रत्यग्वरा वारणवत्यनसूया दुरासदा ||

अरुंधती कुंडलिनी भव्या दुर्गतिनाशिनी |
मृत्युंजया त्रासहरी निर्भया शत्रुसूदिनी ||

एकाक्षरा सत्पुरंध्री सुरपक्षा सुरातुला |
सकृद्विभाता सर्वार्तिसमुद्रपरिशोषिणी ||

बिल्वप्रियाऽवनी चक्रहृदया कंबुतीर्थगा |
सर्वमंत्रात्मिका विद्युत्सुवर्णा सर्वरंजिनी ||

ध्वजछत्राश्रया भूतिर्वैष्णवी सद्गुणोज्ज्वला |
सुषेणा लोकविदिता कामसूर्जगदादिभूः ||

वेदांतयोनिर्जिज्ञासा मनीषा समदर्शिनी |
सहस्रशक्तिरावृत्तिः सुस्थिरा श्रेयसां निधिः ||

रोहिणी रेवती चंद्रसोदरी भद्रमोहिनी |
सूर्या कन्याप्रिया विश्वभावनी सुविभाविनी ||

सुप्रदृश्या कामचारिण्यप्रमत्ता ललंतिका |
मोक्षलक्ष्मीर्जगद्योनिः व्योमलक्ष्मीः सुदुर्लभा ||

भास्करी पुण्यगेहस्था मनोज्ञा विभवप्रदा |
लोकस्वामिन्यच्युतार्था पुष्कला जगदाकृतिः ||

विचित्रहारिणी कांता वाहिनी भूतवासिनी |
प्राणिनी प्राणदा विश्वा विश्वब्रह्मांडवासिनी ||

संपूर्णा परमोत्साहा श्रीमती श्रीपतिः श्रुतिः |
श्रयंती श्रीयमाणा क्ष्मा विश्वरूपा प्रसादिनी ||

हर्षिणी प्रथमा शर्वा विशाला कामवर्षिणी |
सुप्रतीका पृश्निमती निवृत्तिर्विविधा परा ||

सुयज्ञा मधुरा श्रीदा देवरातिर्महामनाः |
स्थूला सर्वाकृतिः स्थेमा निम्नगर्भा तमोनुदा ||

तुष्टिर्वागीश्वरी पुष्टिः सर्वादिः सर्वशोषिणी |
शक्त्यात्मिका शब्दशक्तिर्विशिष्टा वायुमत्युमा ||

आन्वीक्षिकी त्रयी वार्ता दंडनीतिर्नयात्मिका |
व्याली संकर्षिणी द्योता महादेव्यपराजिता ||

कपिला पिंगळा स्वस्था बलाकी घोषनंदिनी |
अजिता कर्षिणी नीतिर्गरुडा गरुडासना ||

ह्लादिन्यनुग्रहा नित्या ब्रह्मविद्या हिरण्मयी |
मही शुद्धविधा पृथ्वी संतानिन्यंशुमालिनी ||

यज्ञाश्रया ख्यातिपरा स्तव्या वृष्टिस्त्रिकालगा |
संबोधिनी शब्दपुर्णा विजयांशुमती कला ||

शिवा स्तुतिप्रिया ख्यातिः जीवयंती पुनर्वसुः |
दीक्षा भक्तार्तिहा रक्षा परीक्षा यज्ञसंभवा ||

आर्द्रा पुष्करिणी पुण्या गण्या दारिद्र्यभंजिनी |
धन्या मान्या पद्मनेमी भार्गवी वंशवर्धनी ||

तीक्ष्णप्रवृत्तिः सत्कीर्तिः निषेव्याऽघविनाशिनी |
संज्ञा निःसंशया पूर्वा वनमाला वसुंधरा ||

पृथुर्महोत्कटाऽहल्या मंडलाऽऽश्रितमानदा |
सर्वा नित्योदितोदारा जृंभमाणा महोदया ||

चंद्रकांतोदिता चंद्रा चतुरश्रा मनोजवा |
बाला कुमारी युवतिः करुणा भक्तवत्सला ||

मेदिन्युपनिषन्मिश्रा सुमवीरुर्धनेश्वरी |
दुर्मर्षणी सुचरिता बोधा शोभा सुवर्चला ||

यमुनाऽक्षौहिणी गंगा मंदाकिन्यमरालया |
गोदा गोदावरी चंद्रभागा कावेर्युदन्वती ||

सिनीवाली कुहू राका वारणा सिंधुमत्यमा |
वृद्धिः स्थितिर्ध्रुवा बुद्धिस्त्रिगुणा गुणगह्वरा ||

पूर्तिर्मायात्मिका स्फूर्तिर्व्याख्या सूत्रा प्रजावती |
विभूतिर्निष्कला रंभा रक्षा सुविमला क्षमा ||

प्राप्तिर्वासंतिकालेखा भूरिबीजा महागदा |
अमोघा शांतिदा स्तुत्या ज्ञानदोत्कर्षिणी शिखा ||

प्रकृतिर्गोमती लीला कमला कामधुग्विधिः |
प्रज्ञा रामा परा संध्या सुभद्रा सर्वमंगळा ||

नंदा भद्रा जया रिक्ता तिथिपूर्णाऽमृतंभरा |
काष्ठा कामेश्वरी निष्ठा काम्या रम्या वरा स्मृतिः ||

शंखिनी चक्रिणी श्यामा समा गोत्रा रमा दितिः |
शांतिर्दांतिः स्तुतिः सिद्धिः विरजाऽत्युज्ज्वलाऽव्यया ||

वाणी गौरींदिरा लक्ष्मीः मेधा श्रद्धा सरस्वती |
स्वधा स्वाहा रतिरुषा वसुविद्या धृतिः सहा ||

शिष्टेष्टा च शुचिर्धात्री सुधा रक्षोघ्न्यजाऽमृता |
रत्नावली भारतीडा धीरधीः केवलाऽऽत्मदा ||

या सा शुद्धिः सस्मिता का नीला राधाऽमृतोद्भवा |
परधुर्यास्पदा ह्रीर्भूः कामिनी शोकनाशिनी ||

मायाकृती रसघना नर्मदा गोकुलाश्रया |
अर्कप्रभा रथेभाश्वनिलयेंदुप्रभाऽद्भुता ||

श्रीः कृशानुप्रभा वज्रलंभना सर्वभूमिदा |
भोगप्रिया भोगवती भोगींद्रशयनासना ||

अश्वपूर्वा रथमध्या हस्तिनादप्रबोधिनी |
सर्वलक्षणलक्षण्या सर्वलोकप्रियंकरी ||

सर्वोत्कृष्टा सर्वमयी भवभंगापहारिणी |
वेदांतस्था ब्रह्मनीतिः ज्योतिष्मत्यमृतावहा ||

भूताश्रया निराधारा संहिता सुगुणोत्तरा |
सर्वातिशायिनी प्रीतिः सर्वभूतस्थिता द्विजा |
सर्वमंगळमांगळ्या दृष्टादृष्टफलप्रदा ||

इति श्री महालक्ष्मी सहस्रनाम स्तोत्रम् |
गमनिक
: पैन इव्वबडिन नामावळि, ई पुस्तकमुलो कूडा उन्नदि.
श्री लक्ष्मी स्तोत्रनिधि
(नित्य पारायण ग्रंथमु)
मरिन्नि
श्री लक्ष्मी स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु