Tripurasundari Veda Pada Stava

तॆलुगु
स्तोत्रनिधि
दशमहाविद्यलु
गमनिक
: ई स्तोत्रमु (श्लोकालु मात्रमे) “
श्री ललिता स्तोत्रनिधि
” पारायण ग्रंथमुलो कूडा उन्नदि.
वेदपादस्तवं वक्ष्ये देव्याः प्रियचिकीर्षया |
यथामति मतिं देवस्तन्नो दंतिः प्रचोदयात् ||

अकिंचित्करकर्मभ्यः प्रत्याहृत्य कृपावशात् |
सुब्रह्मण्यः स्तुतावस्यां तन्नः षण्मुखः प्रचोदयात् ||

अकारादिक्षकारांतवर्णावयवशालिनी |
वीणापुस्तकहस्ताव्यात्प्रणो देवी सरस्वती ||

या वर्णपदवाक्यार्थगद्यपद्यस्वरूपिणी |
वाचि नर्तयतु क्षिप्रं मेधां देवी सरस्वती ||

उपास्यमाना विप्रेंद्रैः संध्यासु च तिसृष्वपि |
सद्यः प्रसीद मे मातः संध्याविद्ये सरस्वती ||

तरंगभ्रुकुटीकोटिभंग्या तर्जयते जराम् |
सुधामयाय शुभ्राय सिंधूनां पतये नमः ||

तस्य मध्ये मणिद्वीपः कल्पकारामभूषितः |
अस्तु मे ललितावासः स्वस्तिदा अभयंकरः ||

कदंबमंजरीनिर्यद्वारुणीपारणोन्मदैः |
द्विरेफैर्वर्णनीयाय वनानां पतये नमः ||

तत्र वप्रावली लीला गगनोल्लंघिगोपुरम् |
मातः कौतूहलं दद्यात्सग्ंहार्यं नगरं तव ||

मकरंदझरीमज्जन्मिलिंदकुलसंकुलाम् |
महापद्माटवीं वंदे यशसा संपरीवृताम् ||

मुनिभिः स्वात्मलाभाय यच्चक्रं हृदि सेव्यते |
तत्र पश्यामि बुद्ध्या तदक्षरे परमे व्योमन् ||

पंचब्रह्ममयो मंचस्तत्र यो बिंदुमध्यगः |
तव कामेशि वासोऽयमायुष्मंतं करोतु माम् ||

नानारत्नगुलुच्छालीकांतिकिम्मीलितोदरम् |
विमृशामि वितानं तेऽतिश्लक्ष्णमतिलोमशम् ||

सबाणचापांकुशपाशपाणिम् |
अशेषभूषारमणीयमीडे
त्रिलोचनं नीलकंठं प्रशांतम् ||

उद्वेललावण्यकलाभिरामम् |
कामेश्वरं कामशरासनांकं
समस्तसाक्षिं तमसः परस्तात् ||

तत्र कामेशवामांके खेलंतीमलिकुंतलाम् |
सच्चिदानंदलहरीं महालक्ष्मीमुपास्महे ||

चारुगोरोचनापंकजंबालितघनस्तनीम् |
नमामि त्वामहं लोकमातरं पद्ममालिनीम् ||

चरणं नो लोके सुधितां दधातु ||

दिव्याकल्पैरर्पयंतीं मयूखान् |
देवि ध्यात्वा त्वां पुरा कैटभारि-
कल्हारश्रीमंजरीपुंजरीतिं
धिक्कुर्वंतीमंब ते पाटलिम्ना |
मूर्तिं ध्यात्वा शाश्वतीं भूतिमाय-
देवतांतरमंत्रौघजपश्रीफलभूतया |
जापकस्तव देव्यंते विद्यया विंदतेऽमृतम् ||

पुंस्कोकिलकलक्वाणकोमलालापशालिनि |
भद्राणि कुरु मे मातर्दुरितानि परासुव ||

वक्ष्ये युक्तिं मुक्तसर्वैषणः सन् |
सद्भ्यः साक्षात्सुंदरीं ज्ञप्तिरूपां
श्रद्धाभक्तिध्यानयोगादवेहि ||

षोढान्यासादिदेवैश्च सेविता चक्रमध्यगा |
कामेशमहिषी भूयः षोडशी शर्म यच्छतु ||

तस्यादेशात्तारकं मंत्रतत्त्वम् |
जानीते चेदंब धन्यः समानं
नातः परं वेदितव्यं हि किंचित् ||

त्वमेव कारणं कार्यं क्रिया ज्ञानं त्वमेव च |
त्वामंब न विना किंचित्त्वयि सर्वं प्रतिष्ठितम् ||

शिष्टानन्यान्पातुकामां कराब्जैः |
अष्टाभिस्त्वां सायुधैर्भासमानां
दुर्गां देवीग्ं शरणमहं प्रपद्ये ||

देवि सर्वानवद्यांगि त्वामनादृत्य ये क्रियाः |
कुर्वंति निष्फलास्तेषामदुग्धा इव धेनवः ||

परामृतात्परिमुच्यंति सर्वे ||

कुर्वाणोऽपि दुरारंभांस्तव नामानि शांभवि |
प्रजपन्नेति मायांतमति मृत्युं तराम्यहम् ||

तितीर्षया भवांभोधेर्हयग्रीवादयः पुरा |
अप्रमत्ता भवत्पूजां सुविद्वांसो वितेनिरे ||

मद्वश्या ये दुराचारा ये च सन्मार्गगामिनः |
भवत्याः कृपया सर्वे सुवर्यंतु यजमानाः ||

पौंड्रं चापं पुष्पबाणान्दधानाम् |
बंधूकाभां भावयामि त्रिनेत्रां
तामग्निवर्णां तपसा ज्वलंतीम् ||

भवानि तव पादाब्जनिर्णेजनपवित्रताः |
भवामयप्रशांत्यै त्वामपो याचामि भेषजम् ||

चिदानंदसुधांभोधेस्तवानंदलवोऽस्ति यः |
कारणेशैस्त्रिभिः साकं तद्विश्वमुपजीवति ||

निचाय्येमां शांतिमत्यंतमेति ||

प्रातः पाहि महाविद्ये मध्याह्ने तु मृडप्रिये |
सायं पाहि जगद्वंद्ये पुनर्नः पाहि विश्वतः ||

विश्वं शश्वत्तुंगपीनस्तनार्धा |
लावण्याब्धेः सुंदरि त्वं प्रसादा-
कर्णाकर्णय मे तत्त्वं या चिच्छक्तिरितीर्यते |
त्रिर्वदामि मुमुक्षूणां सा काष्ठा सा परा गतिः ||

शंसंति केचिन्निविदो जनाः ||

ललितेति सुधापूरमाधुरीचोरमंबिके |
तव नामास्ति यत्तेन जिह्वा मे मधुमत्तमा ||

शुश्रूषाभिर्देशिकं प्रीणयंति |
सम्यग्विद्वान् शुद्धसत्त्वांतराणां
तेषामेवैतां ब्रह्मविद्यां वदेत ||

अभिचारादिभिः कृत्यां यः प्रेरयति मय्युमे |
तव हुंकारसंत्रस्ता प्रत्यक्कर्तारमृच्छतु ||

जगत्पवित्रि मामिकामपाहराशु दुर्जराम् |
प्रसीद मे दयाधुने प्रशस्तिमंब नः स्कृधि ||

कदंबारुणमंबाया रूपं चिंतय चित्त मे |
मुंच पापीयसीं निष्ठां मा गृधः कस्य स्विद्धनम् ||

भंडभंडनलीलायां रक्तचंदनपंकिलः |
अंकुशस्तव तं हन्याद्यश्च नो द्विषते जनः ||

मज्जस्यंतर्वच्म्युपायं विमुक्त्यै |
देव्याः पादौ पूजयैकाक्षरेण
तत्ते पदं संग्रहेण ब्रवीम्योम् ||

चंचद्बालातपज्योत्स्नाकलामंडलशालिने |
ऐक्षवाय नमो मातर्बाहुभ्यां तव धन्वने ||

मूर्तैर्वेदैः स्तूयमानां भवानीम् |
हंत स्वात्मत्वेन यां मुक्तिकामो
मत्वा धीरो हर्षशोकौ जहाति ||

शरणं करवाण्यंब चरणं तव सुंदरि |
शपे त्वत्पादुकाभ्यां मे नान्यः पंथा अयनाय ||

यूयं पातः स्वस्तिभिः सदा नः ||

दरिद्रं मां विजानीहि सर्वज्ञासि यतः शिवे |
दूरीकृत्याशु दुरितमथा नो वर्धया रयिम् ||

महेश्वरि महामंत्रकूटत्रयकलेबरे |
कादिविद्याक्षरश्रेणिमुशंतस्त्वा हवामहे ||

भित्त्वा ग्रंथीन्मूर्ध्नि निर्यत्सुधार्द्राम् |
पश्यंतस्त्वां ये च तृप्तिं लभंते
तेषां शांतिः शाश्वती नेतरेषाम् ||

मह्यं द्रुह्यंति ये मातस्त्वद्ध्यानासक्तचेतसे |
तानंब सायकैरेभिरव ब्रह्मद्विषो जहि ||

ब्रह्मिष्ठानां दृष्टिपातेन पूतः |
पापीयानप्यावृतः स्वर्वधूभिः
शोकातिगो मोदते स्वर्गलोके ||

संतु विद्या जगत्यस्मिन्संसारभ्रमहेतवः |
भजेऽहं त्वां यया विद्वान्विद्ययामृतमश्नुते ||

न विस्मरामि चिन्मूर्तिमिक्षुकोदंडशालिनीम् |
मुनयः सनकप्रेष्ठास्तामाहुः परमां गतिम् ||

हंसज्योत्स्नापूरहृष्यच्चकोराम् |
यामाश्लिष्यन्मोदते देवदेवः
सा नो देवी सुहवा शर्म यच्छतु ||

मुंच वंचकतां चित्त पामरं चापि दैवतम् |
गृहाण पदमंबाया एतदालंबनं परम् ||

कामेशांकोत्तुंगपर्यंकसंस्थाम् |
तत्त्वातीतामच्युतानंददात्रीं
देवीमहं निरृतिं वंदमानः ||

चिंतामणिमयोत्तंसकांतिकंचुकितानने |
ललिते त्वां सकृन्नत्वा न बिभेति कुतश्चन ||

तारुण्योत्तुंगितकुचे लावण्योल्लासितेक्षणे |
तवाज्ञयैव कामाद्या मास्मान्प्रापन्नरातयः ||

आकर्णाकृष्टकामासस्त्रसंजातं तापमंब मे |
आचामतु कटाक्षस्ते पर्जन्यो वृष्टिमानिव ||

मातेव पुत्रं बिभृतास्वेनम् ||

यथोपास्तिक्षतिर्न स्यात्तव चक्रस्य सुंदरि |
कृपया कुरु कल्याणि तथा मे स्वस्तिरायुषि ||

श्रीमन्मातः सिद्धयश्चाणिमाद्याः |
नित्या मुद्रा शक्तयश्चांगदेव्यो
यस्मिन्देवा अधि विश्वे निषेदुः ||

सुकुमारे सुखाकारे सुनेत्रे सूक्ष्ममध्यमे |
सुप्रसन्ना भव शिवे सुमृडीका सरस्वती ||

मूर्तिं स्फूर्त्या पंकजं धारयंतीम् |
ध्यायन्हि त्वां जायते सार्वभौमो
विश्वा आशाः पृतनाः संजयंजयन् ||

अविज्ञाय परां शक्तिमात्मभूतां महेश्वरीम् |
अहो पतंति निरयेष्वेके चात्महनो जनाः ||

तव तत्त्वं विमृशतां प्रत्यगद्वैतलक्षणम् |
चिदानंदघनादन्यन्नेह नानास्ति किंचन ||

कंठात्कुंडलिनीं नीत्वा सहस्रारं शिवे तव |
न पुनर्जायते गर्भे सुमेधा अमृतोक्षितः ||

त्वत्पादुकानुसंधानप्राप्तसर्वात्मतादृशि |
पूर्णाहंकृतिमत्यस्मिन्न कर्म लिप्यते नरे ||

तवानुग्रहनिर्भिन्नहृदयग्रंथिरद्रिजे |
स्वात्मत्वेन जगन्मत्वा ततो न विजुगुप्सते ||

कदा वसुदलोपेते त्रिकोणनवकान्विते |
आवाहयामि चक्रे त्वां सूर्याभां श्रियमैश्वरीम् ||

यज्जिह्वाग्रे देवि जागर्ति किंचित् |
को वायं स्यात्कामकामस्त्रिलोक्यां
सर्वेऽस्मै देवाः बलिमावहंति ||

द्विष्मस्तस्मिन्प्रति मुंचामि पाशम् ||

नूनं सिंहासनेश्वर्यास्तवाज्ञां शिरसा वहन् |
भयेन पवमानोऽयं सर्वा दिशोऽनुविधावति ||

त्रिकलाढ्यां त्रिहृल्लेखां द्विहंसस्वरभूषिताम् |
यो जपत्यंब ते विद्यां सोऽक्षरः परमः स्वराट् ||

स्तुत्वोपास्ते देवि ते चक्रविद्याम् |
कल्याणानामालयः कालयोगा-
साधकः सततं कुर्यादैक्यं श्रीचक्रदेहयोः |
तथा देव्यात्मनोरैक्यमेतावदनुशासनम् ||

श्रीवाणीभ्यां पार्श्वयोर्वीज्यमानाम् |
श्रीसंम्राज्ञि त्वां सदालोकयेयं
सदा सद्भिः सेव्यमानां निगूढाम् ||

स्तोतुं वाचां क्लुप्तिरित्येव मन्ये |
त्वद्रूपं हि स्वानुभूत्यैकवेद्यं
न चक्षुषा गृह्यते नापि वाचा ||

हरस्वरैश्चतुर्वर्गप्रदं मंत्रं सबिंदुकम् |
देव्या जपत विप्रेंद्रा अन्या वाचो विमुंचथ ||

पीयूषाब्धिं कल्पयंतीं मयूखैः |
मूर्तिं भक्त्या ध्यायते हृत्सरोजे
न तस्य रोगो न जरा न मृत्युः ||

मौलिश्रेण्या भूभुजस्तं नमंति |
यः स्तौति त्वामंब चिद्वल्लिवाचा
तं धीरासः कवय उन्नयंति ||

न तत्र सूर्यो भाति न चंद्रतारकम् ||

भूत्यै भवानि त्वां वंदे सुराः शतमखादयः |
त्वामानम्य समृद्धाः स्युरायो धामानि दिव्यानि ||

पुष्पवत्पुल्लताटंकां प्रातरादित्यपाटलाम् |
यस्त्वामंतः स्मरत्यंब तस्य देवा असन्वशे ||

वश्ये विद्रुमसंकाशां विद्यायां विशदप्रभाम् |
त्वामंब भावयेद्भूत्यै सुवर्णां हेममालिनीम् ||

भूषाबृंदैरिंदुरेखावतंसाम् |
यस्त्वां पश्यन् संततं नैव तृप्तः
तस्मै च देवि वषडस्तु तुभ्यम् ||

नवनीपवनीवासलालसोत्तरमानसे |
शृंगारदेवते मातः श्रियं वासय मे कुले ||

सत्याः संतु यजमानस्य कामाः ||

बालिशेन मया प्रोक्तमपि वात्सल्यशालिनोः |
आनंदमादिदंपत्योरिमा वर्धंतु वांगिरः ||

माधुरीसौरभावासचापसायकधारिणीम् |
देवीं ध्यायन् पठेदेतत्सर्वकामार्थसिद्धये ||

स्तोत्रमेतत्प्रजपतस्तव त्रिपुरसुंदरि |
अनुद्वीक्ष्य भयाद्दूरं मृत्युर्धावति पंचमः ||

विद्यावंतं तमंब धनवंतम् |
कुरु देवि यशस्वंतं
वर्चस्वंतं मनुष्येषु ||

ये शृण्वंति स्तुतिमिमां तव देव्यनसूयकाः |
तेभ्यो देहि श्रियं विद्यामुद्वर्च उत्तनूबलम् ||

श्रीविद्येशां वच्मि संचिंतयामि |
अध्यास्ते या विश्वमाता विराजो
हृत्पुंडरीकं विरजं विशुद्धम् ||

यः पठेज्जगति भक्तिमान्नरः |
तस्य सिद्धिरतुला भवेद्ध्रुवा
सुंदरी च सततं प्रसीदति ||

तत्रैव तत्रैव तव स्वरूपम् |
यत्रैव यत्रैव शिरो मदीयं
तत्रैव तत्रैव पदद्वयं ते ||

श्रीमच्छंकरभगवतः कृतौ त्रिपुरसुंदरी वेदपाद स्तवः |
गमनिक
: पैन इव्वबडिन स्तोत्रमु (श्लोकालु मात्रमे), ई पुस्तकमुलो कूडा उन्नदि.
श्री ललिता स्तोत्रनिधि
(नित्य पारायण ग्रंथमु)
मरिन्नि
श्री ललिता स्तोत्रालु
चूडंडि. मरिन्नि
दशमहाविद्या स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु