Maha Tripura Sundari Hrudayam

तॆलुगु
स्तोत्रनिधि
दशमहाविद्यलु
गमनिक
: ई स्तोत्रमु (श्लोकालु मात्रमे) “
श्री ललिता स्तोत्रनिधि
” पारायण ग्रंथमुलो कूडा उन्नदि.
वंदे सिंदूरवर्णाभं वामोरुन्यस्तवल्लभम् |
इक्षुवारिधिमध्यस्थमिभराजमुखं महः ||

गंभीरलहरीजालगंडूषितदिगंतरः |
अव्यान्माममृतांभोधिरनर्घमणिसंयुतः ||

मध्ये तस्य मनोहारि मधुपारवमेदुरम् |
प्रसूनविगलन्माध्वीप्रवाहपरिपूरितम् ||

किन्नरीगानमेदस्वि क्रीडाकंदरदंतुरम् |
कांचनद्रुमधूलीभिः कल्पितावालवद्द्रुमम् ||

मुग्धकोकिलनिक्वाणमुखरीकृतदिङ्मुखम् |
मंदारतरुसंतानमंजरीपुंजपिंजरम् ||

नासानाडिंधमस्मेरनमेरुसुमसौरभम् |
आवृंतहसितांभोजदीव्यद्विभ्रमदीर्घिकम् ||

मंदरक्तशुकीदष्टमातुलुंगफलान्वितम् |
सविधस्यंदमानाभ्रसरित्कल्लोलवेल्लितम् ||

प्रसूनपांसुसौरभ्यपश्यतोहरमारुतम् |
वकुलप्रसवाकीर्णं वंदे नंदनकाननम् ||

तन्मध्ये नीपकांतारं तरणिस्तंभकारणम् |
मधुपालिविमर्दालिकलक्वाणकरंबितम् ||

कोमलश्वशनाधूतकोरकोद्गतधूलिभिः |
सिंदूरितनभोमार्गं चिंतितं सिद्धवंदिभिः ||

मध्ये तस्य मरुन्मार्गलंबिमाणिक्यतोरणम् |
शाणोल्लिखितवैदूर्यक्लुप्तसालसमाकुलम् ||

माणिक्यस्तंभपटलीमयूखव्याप्तदिक्तटम् |
पंचविंशतिसालाढ्यां नमामि नगरोत्तमम् ||

तत्र चिंतामणिगृहं तडित्कोटिसमुज्ज्वलम् |
नीलोत्पलसमाकीर्णनिर्यूहशतसंकुलम् ||

सोमकांतमणिक्लुप्तसोपानोद्भासिवेदिकम् |
चंद्रशालाचरत्केतुसमालीढनभोंतरम् ||

गारुत्मतमणीक्लुप्तमंडपव्यूहमंडितम् |
नित्यसेवापरामर्त्यनिबिडद्वारशोभितम् ||

अधिष्ठितं द्वारपालैरसितोमरपाणिभिः |
नमामि नाकनारीणां सांद्रसंगीतमेदुरम् ||

तन्मध्ये तरुणार्काभं तप्तकांचननिर्मितम् |
शक्रादिमद्द्वारपालैः संततं परिवेष्टितम् ||

चतुष्षष्टिमहाविद्याकलाभिरभिसंवृतम् |
रक्षितं योगिनीबृंदै रत्नसिंहासनं भजे ||

मध्ये तस्य मरुत्सेव्यं चतुर्द्वारसमुज्ज्वलम् |
चतुरस्रत्रिरेखाढ्यां चारुत्रिवलयान्वितम् ||

कलादलसमायुक्तं कनदष्टदलान्वितम् |
चतुर्दशारसहितं दशारद्वितयान्वितम् ||

अष्टकोणयुतं दिव्यमग्निकोणविराजितम् |
योगिभिः पूजितं योगियोगिनीगणसेवितम् ||

सर्वदुःखप्रशमनं सर्वव्याधिविनाशनम् |
विषज्वरहरं पुण्यं विविधापद्विदारणम् ||

सर्वदारिद्र्यशमनं सर्वभूपालमोहनम् |
आशाभिपूरकं दिव्यमर्चकानामहर्निशम् ||

अष्टादशसुमर्माढ्यं चतुर्विंशतिसंधिनम् |
श्रीमद्बिंदुगृहोपेतं श्रीचक्रं प्रणमाम्यहम् ||

तत्रैव बैंदवस्थाने तरुणादित्यसन्निभम् |
पाशांकुशधनुर्बाणपरिष्कृतकरांबुजम् ||

पूर्णेंदुबिंबवदनं फुल्लपंकजलोचनम् |
कुसुमायुधशृंगारकोदंडकुटिलभ्रुवम् ||

चारुचंद्रकलोपेतं चंदनागुरुरूषितम् |
मंदस्मितमधूकालिकिंजल्कितमुखांबुजम् ||

पाटीरतिलकोद्भासिफालस्थलमनोहरम् |
अनेककोटिकंदर्पलावण्यमरुणाधरम् ||

तपनीयांशुकधरं तारुण्यश्रीनिषेवितम् |
कामेश्वरमहं वंदे कामितार्थप्रदं नृणाम् ||

तस्यांकमध्यमासीनां तप्तहाटकसन्निभाम् |
माणिक्यमुकुटच्छायामंडलारुणदिङ्मुखाम् ||

कलवेणीकनत्फुल्लकह्लारकुसुमोज्ज्वलाम् |
उडुराजकृतोत्तंसामुत्पलश्यामलालकाम् ||

चतुर्थीचंद्रसच्छात्रफालरेखापरिष्कृताम् |
कस्तूरीतिलकारूढकमनीयललंतिकाम् ||

भ्रूलताश्रीपराभूतपुष्पायुधशरासनाम् |
नालीकदलदायादनयनत्रयशोभिताम् ||

करुणारससंपूर्णकटाक्षहसितोज्ज्वलाम् |
भव्यमुक्तामणिचारुनासामौक्तिकवेष्टिताम् ||

कपोलयुगलीनृत्यकर्णताटंकशोभिताम् |
माणिक्यवालीयुगलीमयूखारुणदिङ्मुखाम् ||

परिपक्वसुबिंबाभापाटलाधरपल्लवाम् |
मंजुलाधरपर्वस्थमंदस्मितमनोहराम् ||

द्विखंडद्विजराजाभगंडद्वितयमंडिताम् |
दरफुल्ललसद्गंडधवलापूरिताननाम् ||

पचेलिमेंदुसुषमापाटच्चरमुखप्रभाम् |
कंधराकांतिहसितकंबुबिंबोकडंबराम् ||

कस्तूरीकर्दमाश्यामकंधरामूलकंदराम् |
वामांसशिखरोपांतव्यालंबिघनवेणिकाम् ||

मृणालकांडदायादमृदुबाहुचतुष्टयाम् |
मणिकेयूरयुगलीमयूखारुणविग्रहाम् ||

करमूललसद्रत्नकंकणक्वाणपेशलाम् |
करकांतिसमाधूतकल्पानोकहपल्लवाम् ||

पद्मरागोर्मिकाश्रेणिभासुरांगुलिपालिकाम् |
पुंड्रकोदंडपुष्पास्त्रपाशांकुशलसत्कराम् ||

तप्तकांचनकुंभाभस्तनमंडलमंडिताम् |
घनस्तनतटीक्लुप्तकाश्मीरक्षोदपाटलाम् ||

कूलंकषकुचस्फारतारहारविराजिताम् |
चारुकौसुंभकूर्पासच्छन्नवक्षोजमंडलाम् ||

नवनीलघनश्यामरोमराजिविराजिताम् |
लावण्यसागरावर्तनिभनाभिविभूषिताम् ||

डिंभमुष्टितलग्राह्यमध्ययष्टिमनोहराम् |
नितंबमंडलाभोगनिक्वणन्मणिमेखलाम् ||

संध्यारुणक्षौमपटीसंछन्नजघनस्थलाम् |
घनोरुकांतिहसितकदलीकांडविभ्रमाम् ||

जानुसंपुटकद्वंद्वजितमाणिक्यदर्पणाम् |
जंघायुगलसौंदर्यविजितानंगकाहलाम् ||

प्रपदच्छायसंतानजितप्राचीनकच्छपाम् |
नीरजासनकोटीरनिघृष्टचरणांबुजाम् ||

पादशोभापराभूतपाकारितरुपल्लवाम् |
चरणांभोजशिंजानमणिमंजीरमंजुलाम् ||

विबुधेंद्रवधूत्संगविन्यस्तपदपल्लवाम् |
पार्श्वस्थभारतीलक्ष्मीपाणिचामरवीजिताम् ||

पुरतो नाकनारीणां पश्यंतीं नृत्तमद्भुतम् |
भ्रूलतांचलसंभूतपुष्पायुधपरंपराम् ||

प्रत्यग्रयौवनोन्मत्तपरिफुल्लविलोचनाम् |
ताम्रोष्ठीं तरलापांगीं सुनासां सुंदरस्मिताम् ||

चतुरर्थध्रुवोदारां चांपेयोद्गंधिकुंतलाम् |
मधुस्नपितमृद्वीकमधुरालापपेशलाम् ||

शिवां षोडशवार्षीकां शिवांकतलवासिनीम् |
चिन्मयीं हृदयांभोजे चिंतयेज्जापकोत्तमः ||

इति त्रिपुरसुंदर्या हृदयं सर्वकामदम् |
सर्वदारिद्र्यशमनं सर्वसंपत्प्रदं नृणाम् ||

तापज्वरार्तिशमनं तरुणीजनमोहनम् |
महाविषहरं पुण्यं मांगल्यकरमद्भुतम् ||

अपमृत्युहरं दिव्यमायुष्यश्रीकरं परम् |
अपवर्गैकनिलयमवनीपालवश्यदम् ||

पठति ध्यानरत्नं यः प्रातः सायमतंद्रितः |
न विषादैः स च पुमान् प्राप्नोति भुवनत्रयम् ||

इति श्रीमहात्रिपुरसुंदरीहृदयं संपूर्णम् |
गमनिक
: पैन इव्वबडिन स्तोत्रमु (श्लोकालु मात्रमे), ई पुस्तकमुलो कूडा उन्नदि.
श्री ललिता स्तोत्रनिधि
(नित्य पारायण ग्रंथमु)
मरिन्नि
श्री ललिता स्तोत्रालु
चूडंडि. मरिन्नि
दशमहाविद्या स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु