Sri Ketu Stotram

तॆलुगु
स्तोत्रनिधि
नवग्रह स्तोत्रालु
गमनिक
: ई स्तोत्रमु
(श्लोकालु मात्रमे)
नवग्रह स्तोत्रनिधि
” मरियु “
प्रभात स्तोत्रनिधि
” पुस्तकाललो प्रिंटु चेशामु.]
(परमशिवुडु पार्वती देविकि (भैरविकि) उपदेशिंचिन ई “श्री केतु स्तोत्रं” अत्यंत रहस्यमैनदि मरियु शक्तिवंतमैनदि. इंदुलो केतुवुनु साक्षात्तु शिवस्वरूपंगा, आपदलनु हरिंचे भैरवुनिगा स्तुतिंचडं जरिगिंदि.)
धूम्रा द्विबाहवः सर्वे गोदानो विकृताननाः |
गृध्रयानासनस्थाश्च पांतु नः शिखिनंदनाः ||

श्रीभैरव्युवाच |
धन्या चानुगृहीतास्मि कृतार्थास्मि जगत्प्रभो |
यच्छ्रुतं त्वन्मुखाद्देव केतुस्तोत्रमिदं शुभम् ||

श्रीपरमेश्वर उवाच |
शृणु देवि प्रवक्ष्यामि केतुस्तवमिमं परम् |
सर्वपापविशुद्धात्मा स रोगैर्मुच्यते ध्रुवम् ||

श्वेतपीतारुणः कृष्णः क्वचिच्चामीकरप्रभः |
शिवार्चनरतः केतुर्ग्रहपीडां व्यपोहतु ||

नमो घोरायाघोराय महाघोरस्वरूपिणे |
आनंदेशाय देवाय जगदानंददायिने ||

नमो भक्तजनानंददायिने विश्वभाविने |
विश्वेशाय महेशाय केतुरूपाय वै नमः ||

नमो रुद्राय सर्वाय वरदाय चिदात्मने |
त्र्यक्षाय त्रिनिवासाय नमः संकटनाशिने ||

त्रिपुरेशाय देवाय भैरवाय महात्मने |
अचिंत्याय चितिज्ञाय नमश्चैतन्यरूपिणे ||

नमः शर्वाय चर्च्याय दर्शनीयाय ते नमः |
आपदुद्धरणायापि भैरवाय नमो नमः ||

नमो नमो महादेव व्यापिने परमात्मने |
नमो लघुमते तुभ्यं ग्राहिणे सूर्यसोमयोः ||

नमश्चापद्विनाशाय भूयो भूयो नमो नमः |
नमस्ते रुद्ररूपाय चोग्ररूपाय केतवे ||

नमस्ते सौररूपाय शत्रुक्षयकराय च |
महातेजाय वै तुभ्यं पूजाफलविवर्धिने ||

वह्निपुत्राय ते दिव्यरूपिणे प्रियकारिणे |
सर्वभक्ष्याय सर्वाय सर्वग्रहांतकाय ते ||

नमः पुच्छस्वरूपाय महामृत्युकराय च |
नमस्ते सर्वदा क्षोभकारिणे व्योमचारिणे ||

नमस्ते चित्ररूपाय मीनदानप्रियाय च |
दैत्यदानवगंधर्ववंद्याय महते नमः ||

य इदं पठते नित्यं प्रातरुत्थाय मानवः |
ग्रहशांतिर्भवेत्तस्य केतुराजस्य कीर्तनात् ||

यः पठेदर्धरात्रे तु वशं तस्य जगत्त्रयम् |
इदं रहस्यमखिलं केतुस्तोत्रं तु कीर्तितम् ||

सर्वसिद्धिप्रदं गुह्यमायुरारोग्यवर्धनम् |
गुह्यं मंत्रं रहस्यं तु तव भक्त्या प्रकाशितम् ||

अभक्ताय न दातव्यमित्याज्ञा पारमेश्वरि ||

श्रीदेव्युवाच |
भगवन्भवतानेन केतुस्तोत्रस्य मे प्रभो |
कथनेन महेशान सत्यं प्रीतास्म्यहं त्वया ||

श्रीईश्वर उवाच |
इदं रहस्यं परमं न देयं यस्य कस्यचित् |
गुह्यं गोप्यतमं देयं गोपनीयं स्वयोनिवत् ||

अग्निपुत्रो महातेजाः केतुः सर्वग्रहांतकः |
क्षोभयन्यः प्रजाः सर्वाः स केतुः प्रीयतां मम ||

इति केतु स्तोत्रम् |