Sri Kalika Swaroopa Stuti

तॆलुगु
स्तोत्रनिधि
श्री काळिका स्तोत्रालु
[गमनिक: ई स्तोत्रमु
(श्लोकालु मात्रमे)
श्री काळिका स्तोत्रनिधि
” पारायण ग्रंथमुलो कूडा उन्नदि.
सिततरसंविदवाप्यं सदसत्कलनाविहीनमनुपाधि |
जयति जगत्त्रयरूपं नीरूपं देवि ते रूपम् ||

एकमनेकाकारं प्रसृतजगद्व्याप्तिविकृतिपरिहीनम् |
जयति तवाद्वयरूपं विमलमलं चित्स्वरूपाख्यम् ||

जयति तवोच्छलदंतः स्वच्छेच्छायाः स्वविग्रहग्रहणम् |
किमपि निरुत्तरसहजस्वरूपसंवित्प्रकाशमयम् ||

वांत्वा समस्तकालं भूत्या झंकारघोरमूर्तिमपि |
निग्रहमस्मिन् कृत्वानुग्रहमपि कुर्वती जयसि ||

कालस्य कालि देहं विभज्य मुनिपंचसंख्यया भिन्नम् |
स्वस्मिन् विराजमानं तद्रूपं कुर्वती जयसि ||

भैरवरूपी कालः सृजति जगत्कारणादिकीटांतम् |
इच्छावशेन यस्याः सा त्वं भुवनांबिका जयसि ||

जयति शशांकदिवाकरपावकधामत्रयांतरव्यापि |
जननि तव किमपि विमलं स्वरूपरूपं परंधाम ||

एकं स्वरूपरूपं प्रसरस्थितिविलयभेदस्त्रिविधम् |
प्रत्येकमुदयसंस्थितिलयविश्रमतश्चतुर्विधं तदपि ||

इति वसुपंचकसंख्यं विधाय सहजस्वरूपमात्मीयम् |
विश्वविवर्तावर्तप्रवर्तक जयति ते रूपम् ||

सदसद्विभेदसूतेर्दलनपरा कापि सहजसंवित्तिः |
उदिता त्वमेव भगवति जयसि जयाद्येन रूपेण ||

जयति समस्तचराचरविचित्रविश्वप्रपंचरचनोर्मि |
अमलस्वभावजलधौ शांतं कांतं च ते रूपम् ||

सहजोल्लासविकासप्रपूरिताशेषविश्वविभवैषा |
पूर्णा तवांब मूर्तिर्जयति परानंदसंपूर्णा ||

कवलितसकलजगत्रयविकटमहाकालकवलनोद्युक्ता |
उपभुक्तभावविभवप्रभवापि कृशोदरी जयसि ||

रूपत्रयपरिवर्जितमसमं रूपत्रयांतरव्यापि |
अनुभवरूपमरूपं जयति परं किमपि ते रूपम् ||

अव्ययमकुलममेयं विगलितसदसद्विवेककल्लोलम् |
जयति प्रकाशविभवस्फीतं काल्याः परं धाम ||

ऋतुमुनिसंख्यं रूपं विभज्य पंचप्रकारमेकैकम् |
दिव्यौघमुद्गिरंती जयति जगत्तारिणी जननी ||

भूदिग्गोखगदेवीचक्रसंज्ञानविभवपरिपूर्णम् |
निरुपमविश्रांतिमयं श्रीपीठं जयति ते रूपम् ||

प्रलयलयांतरभूमौ विलसितसदसत्प्रपंचपरिहीनाम् |
देवि निरुत्तरतरां नौमि सदा सर्वतः प्रकटाम् ||

यादृङ्महाश्मशाने दृष्टं देव्याः स्वरूपमकुलस्थम् |
तादृग् जगत्रयमिदं भवतु तवांब प्रसादेन ||

सम्यक्समावेशदशावशेन |
मया शिवेनास्तु शिवाय सम्यक्
ममैव विश्वस्य तु मंगळाय ||

इति श्रीश्रीज्ञाननेत्रपाद रचितं श्री काळिका स्वरूप स्तुतिः |
गमनिक
: पैन इव्वबडिन स्तोत्रमु
(श्लोकालु मात्रमे)
, ई क्रिंदि पुस्तकमुलो कूडा उन्नदि.
श्री काळिका स्तोत्रनिधि
(नित्य पारायण ग्रंथमु)
मरिन्नि
श्री काळिका स्तोत्रालु
चूडंडि. मरिन्नि
दशमहाविद्या स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु