Sri Budha Stotram 3

तॆलुगु
स्तोत्रनिधि
नवग्रह स्तोत्रालु
गमनिक
: ई स्तोत्रमु
(श्लोकालु मात्रमे)
नवग्रह स्तोत्रनिधि
” पारायण ग्रंथमुलो कूडा उन्नदि.
(ई स्तोत्रं बुधुनि दिव्य स्वरूपान्नि, आयन जन्मवृत्तांतान्नि मरियु आयन इच्चे फलितालनु विवरिस्तुंदि. बुधुडु ज्ञानानिकि अधिपति काबट्टि, विद्यार्थुलु मरियु मेधोवृत्तुललो उन्नवारिकि इदि रक्षण कवचं वंटिदि.)
अस्य श्रीबुधस्तोत्रमहामंत्रस्य वसिष्ठ ऋषिः, अनुष्टुप् छंदः, बुधो देवता, बुध प्रीत्यर्थे जपे विनियोगः ||

सिंहे निषण्णं बुधमाश्रयामि ||

पीतांबरः पीतवपुः पीतध्वजरथस्थितः |
पीयूषरश्मितनयः पातु मां सर्वदा बुधः ||

सिंहवाहं सिद्धनुतं सौम्यं सौम्यगुणान्वितम् |
सोमसूनुं सुराराध्यं सर्वदं सौम्यमाश्रये ||

बुधं बुद्धिप्रदातारं बाणबाणासनोज्ज्वलम् |
भद्रप्रदं भीतिहरं भक्तपालनमाश्रये ||

आत्रेयगोत्रसंजातमाश्रितार्तिनिवारणम् |
आदितेयकुलाराध्यमाशुसिद्धिदमाश्रये ||

कलानिधितनूजातं करुणारसवारिधिम् |
कल्याणदायिनं नित्यं कन्याराश्यधिपं भजे ||

मंदस्मितमुखांभोजं मन्मथायुतसुंदरम् |
मिथुनाधीशमनघं मृगांकतनयं भजे ||

चतुर्भुजं चारुरूपं चराचरजगत्प्रभुम् |
चर्मखड्गधरं वंदे चंद्रग्रहतनूभवम् ||

पंचास्यवाहनगतं पंचपातकनाशनम् |
पीतगंधं पीतमाल्यं बुधं बुधनुतं भजे ||

बुधस्तोत्रमिदं गुह्यं वसिष्ठेनोदितं पुरा |
यः पठेच्छृणूयाद्वापि सर्वाभीष्टमवाप्नुयात् ||

इति श्री बुध स्तोत्रम् |