Sri Kalika Sahasranama Stotram

तॆलुगु
स्तोत्रनिधि
श्री काळिका स्तोत्रालु
[गमनिक: ई स्तोत्रमु “
श्री काळिका स्तोत्रनिधि
” पारायण ग्रंथमुलो कूडा उन्नदि.
श्री शिव उवाच |
कथितोऽयं महामंत्रः सर्वमंत्रोत्तमोत्तमः |
यामासाद्य मया प्राप्तमैश्वर्यपदमुत्तमम् ||

संयुक्तः परया भक्त्या यथोक्त विधिना भवान् |
कुरुतामर्चनं देव्यास्त्रैलोक्यविजिगीषया ||

श्रीपरशुराम उवाच |
प्रसन्नो यदि मे देव परमेश पुरातन |
रहस्यं परमं देव्याः कृपया कथय प्रभो ||

विनार्चनं विना होमं विना न्यासं विना बलिम् |
विना गंधं विना पुष्पं विना नित्योदितां क्रियाम् ||

प्राणायामं विना ध्यानं विना भूतविशोधनम् |
विना दानं विना जापं येन काळी प्रसीदति ||

श्री शिव उवाच |
पृष्टं त्वयोत्तमं प्राज्ञ भृगुवंश समुद्भव |
भक्तानामपि भक्तोऽसि त्वमेव साधयिष्यसि ||

देवीं दानवकोटिघ्नीं लीलया रुधिरप्रियाम् |
सदा स्तोत्रप्रियामुग्रां कामकौतुकलालसाम् ||

सर्वदाऽऽनंदहृदयामासवोत्सव मानसाम् |
माध्वीक मत्स्यमांसानुरागिणीं वैष्णवीं पराम् ||

श्मशानवासिनीं प्रेतगणनृत्यमहोत्सवाम् |
योगप्रभावां योगेशीं योगींद्रहृदयस्थिताम् ||

तामुग्रकाळिकां राम प्रसीदयितुमर्हसि |
तस्याः स्तोत्रं परं पुण्यं स्वयं काळ्या प्रकाशितम् ||

तव तत् कथयिष्यामि श्रुत्वा वत्सावधारय |
गोपनीयं प्रयत्नेन पठनीयं परात्परम् ||

यस्यैककालपठनात् सर्वे विघ्नाः समाकुलाः |
नश्यंति दहने दीप्ते पतंगा इव सर्वतः ||

गद्यपद्यमयी वाणी तस्य गंगाप्रवाहवत् |
तस्य दर्शनमात्रेण वादिनो निष्प्रभां गताः ||

तस्य हस्ते सदैवास्ति सर्वसिद्धिर्न संशयः |
राजानोऽपि च दासत्वं भजंते किं परे जनाः ||

निशीथे मुक्तकेशस्तु नग्नः शक्तिसमाहितः |
मनसा चिंतयेत् काळीं महाकाळेन चालिताम् ||

पठेत् सहस्रनामाख्यं स्तोत्रं मोक्षस्य साधनम् |
प्रसन्ना काळिका तस्य पुत्रत्वेनानुकंपते ||

यथा ब्रह्ममृतैर्ब्रह्मकुसुमैः पूजिता परा |
प्रसीदति तथानेन स्तुता काळी प्रसीदति ||

अस्य श्री दक्षिणकालिका सहस्रनाम स्तोत्रस्य महाकालभैरव ऋषिः अनुष्टुप् छंदः श्मशानकाळी देवता धर्मार्थकाममोक्षार्थे पाठे विनियोगः |
ध्यानम् –
शवारूढां महाभीमां घोरदंष्ट्रां हसन्मुखीं
चतुर्भुजां खड्गमुंडवराभयकरां शिवाम् |
मुंडमालाधरां देवीं ललाज्जिह्वां दिगंबरां
एवं संचिंतयेत्काळीं श्मशानालयवासिनीम् ||

श्मशानकाळिका काळी भद्रकाळी कपालिनी |
गुह्यकाळी महाकाळी कुरुकुल्ला विरोधिनी ||

काळिका काळरात्रिश्च महाकालनितंबिनी |
कालभैरवभार्या च कुलवर्त्मप्रकाशिनी ||

कामदा कामिनी कन्या कमनीयस्वरूपिणी |
कस्तूरीरसलिप्तांगी कुंजरेश्वरगामिनी ||

ककारवर्णसर्वांगी कामिनी कामसुंदरी |
कामार्ता कामरूपा च कामधेनुः कळावती ||

कांता कामस्वरूपा च कामाख्या कुलकामिनी |
कुलीना कुलवत्यंबा दुर्गा दुर्गतिनाशिनी ||

कौमारी कलजा कृष्णा कृष्णदेहा कृशोदरी |
कृशांगी कुलिशांगी च क्रींकारी कमला कला ||

कराळास्या कराळी च कुलकांताऽपराजिता |
उग्रा उग्रप्रभा दीप्ता विप्रचित्ता महाबला ||

नीला घना मेघनादा मात्रा मुद्रा मितामिता |
ब्राह्मी नारायणी भद्रा सुभद्रा भक्तवत्सला ||

माहेश्वरी च चामुंडा वाराही नारसिंहिका |
वज्रांगी वज्रकंकाळी नृमुंडस्रग्विणी शिवा ||

मालिनी नरमुंडाली गलद्रक्तविभूषणा |
रक्तचंदनसिक्तांगी सिंदूरारुणमस्तका ||

घोररूपा घोरदंष्ट्रा घोराघोरतरा शुभा |
महादंष्ट्रा महामाया सुदती युगदंतुरा ||

सुलोचना विरूपाक्षी विशालाक्षी त्रिलोचना |
शारदेंदुप्रसन्नास्या स्फुरत्स्मेरांबुजेक्षणा ||

अट्टहासप्रफुल्लास्या स्मेरवक्त्रा सुभाषिणी |
प्रफुल्लपद्मवदना स्मितास्या प्रियभाषिणी ||

कोटराक्षी कुलश्रेष्ठा महती बहुभाषिणी |
सुमतिः कुमतिश्चंडा चंडमुंडातिवेगिनी ||

सुकेशी मुक्तकेशी च दीर्घकेशी महाकचा |
प्रेतदेहाकर्णपूरा प्रेतपाणिसुमेखला ||

प्रेतासना प्रियप्रेता पुण्यदा कुलपंडिता |
पुण्यालया पुण्यदेहा पुण्यश्लोका च पावनी ||

पूता पवित्रा परमा परा पुण्यविभूषणा |
पुण्यनाम्नी भीतिहरा वरदा खड्गपाणिनी ||

नृमुंडहस्ता शांता च छिन्नमस्ता सुनासिका |
दक्षिणा श्यामला श्यामा शांता पीनोन्नतस्तनी ||

दिगंबरा घोररावा सृक्कांतरक्तवाहिनी |
घोररावा शिवासंगा निःसंगा मदनातुरा ||

मत्ता प्रमत्ता मदना सुधासिंधुनिवासिनी |
अतिमत्ता महामत्ता सर्वाकर्षणकारिणी ||

गीतप्रिया वाद्यरता प्रेतनृत्यपरायणा |
चतुर्भुजा दशभुजा अष्टादशभुजा तथा ||

कात्यायनी जगन्माता जगती परमेश्वरी |
जगद्बंधुर्जगद्धात्री जगदानंदकारिणी ||

जगज्जीववती हैमवती माया महालया |
नागयज्ञोपवीतांगी नागिनी नागशायिनी ||

नागकन्या देवकन्या गांधारी किन्नरी सुरी |
मोहरात्री महारात्री दारुणामासुरासुरी ||

विद्याधरी वसुमती यक्षिणी योगिनी जरा |
राक्षसी डाकिनी वेदमयी वेदविभूषणा ||

श्रुतिस्मृतिमहाविद्या गुह्यविद्या पुरातनी |
चिंत्याऽचिंत्या स्वधा स्वाहा निद्रा तंद्रा च पार्वती ||

अपर्णा निश्चला लोला सर्वविद्या तपस्विनी |
गंगा काशी शची सीता सती सत्यपरायणा ||

नीतिः सुनीतिः सुरुचिस्तुष्टिः पुष्टिर्धृतिः क्षमा |
वाणी बुद्धिर्महालक्ष्मी लक्ष्मीर्नीलसरस्वती ||

स्रोतस्वती स्रोतवती मातंगी विजया जया |
नदी सिंधुः सर्वमयी तारा शून्यनिवासिनी ||

शुद्धा तरंगिणी मेधा लाकिनी बहुरूपिणी |
सदानंदमयी सत्या सर्वानंदस्वरूपिणी ||

सुनंदा नंदिनी स्तुत्या स्तवनीया स्वभाविनी |
रंकिणी टंकिणी चित्रा विचित्रा चित्ररूपिणी ||

पद्मा पद्मालया पद्मसुखी पद्मविभूषणा |
शाकिनी हाकिनी क्षांता राकिणी रुधिरप्रिया ||

भ्रांतिर्भवानी रुद्राणी मृडानी शत्रुमर्दिनी |
उपेंद्राणी महेशानी ज्योत्स्ना चेंद्रस्वरूपिणी ||

सूर्यात्मिका रुद्रपत्नी रौद्री स्त्री प्रकृतिः पुमान् |
शक्तिः सूक्तिर्मतिमती भुक्तिर्मुक्तिः पतिव्रता ||

सर्वेश्वरी सर्वमाता शर्वाणी हरवल्लभा |
सर्वज्ञा सिद्धिदा सिद्धा भाव्या भव्या भयापहा ||

कर्त्री हर्त्री पालयित्री शर्वरी तामसी दया |
तमिस्रा यामिनीस्था च स्थिरा धीरा तपस्विनी ||

चार्वंगी चंचला लोलजिह्वा चारुचरित्रिणी |
त्रपा त्रपावती लज्जा निर्लज्जा ह्रीं रजोवती ||

सत्त्ववती धर्मनिष्ठा श्रेष्ठा निष्ठुरवादिनी |
गरिष्ठा दुष्टसंहर्त्री विशिष्टा श्रेयसी घृणा ||

भीमा भयानका भीमनादिनी भीः प्रभावती |
वागीश्वरी श्रीर्यमुना यज्ञकर्त्री यजुःप्रिया ||

ऋक्सामाथर्वनिलया रागिणी शोभनस्वरा |
कलकंठी कंबुकंठी वेणुवीणापरायणा ||

वंशिनी वैष्णवी स्वच्छा धात्री त्रिजगदीश्वरी |
मधुमती कुंडलिनी ऋद्धिः सिद्धिः शुचिस्मिता ||

रंभोर्वशी रती रामा रोहिणी रेवती रमा |
शंखिनी चक्रिणी कृष्णा गदिनी पद्मिनी तथा ||

शूलिनी परिघास्त्रा च पाशिनी शार्ङ्गपाणिनी |
पिनाकधारिणी धूम्रा शरभी वनमालिनी ||

वज्रिणी समरप्रीता वेगिनी रणपंडिता |
जटिनी बिंबिनी नीला लावण्यांबुधिचंद्रिका ||

बलिप्रिया सदापूज्या पूर्णा दैत्येंद्रमाथिनी |
महिषासुरसंहंत्री वासिनी रक्तदंतिका ||

रक्तपा रुधिराक्तांगी रक्तखर्परहस्तिनी |
रक्तप्रिया मांसरुचिर्वासवासक्तमानसा ||

गलच्छोणितमुंडालिकंठमालाविभूषणा |
शवासना चितांतस्था माहेशी वृषवाहिनी ||

व्याघ्रत्वगंबरा चीनचेलिनी सिंहवाहिनी |
वामदेवी महादेवी गौरी सर्वज्ञभाविनी ||

बालिका तरुणी वृद्धा वृद्धमाता जरातुरा |
सुभ्रुर्विलासिनी ब्रह्मवादिनी ब्राह्मणी मही ||

स्वप्नवती चित्रलेखा लोपामुद्रा सुरेश्वरी |
अमोघाऽरुंधती तीक्ष्णा भोगवत्यनुवादिनी ||

मंदाकिनी मंदहासा ज्वालामुख्यसुरांतका |
मानदा मानिनी मान्या माननीया मदोद्धता ||

मदिरा मदिरान्मादा मेध्या नव्या प्रसादिनी |
सुमध्याऽनंतगुणिनी सर्वलोकोत्तमोत्तमा ||

जयदा जित्वरा जैत्री जयश्रीर्जयशालिनी |
सुखदा शुभदा सत्या सभासंक्षोभकारिणी ||

शिवदूती भूतिमती विभूतिर्भीषणानना |
कौमारी कुलजा कुंती कुलस्त्री कुलपालिका ||

कीर्तिर्यशस्विनी भूषा भूष्या भूतपतिप्रिया |
सगुणा निर्गुणा धृष्टा निष्ठा काष्ठा प्रतिष्ठिता ||

धनिष्ठा धनदा धन्या वसुधा स्वप्रकाशिनी |
उर्वी गुर्वी गुरुश्रेष्ठा सगुणा त्रिगुणात्मिका ||

महाकुलीना निष्कामा सकामा कामजीवना |
कामदेवकला रामाऽभिरामा शिवनर्तकी ||

चिंतामणिः कल्पलता जाग्रती दीनवत्सला |
कार्तिकी कीर्तिका कृत्या अयोध्या विषमा समा ||

सुमंत्रा मंत्रिणी घूर्णा ह्लादिनी क्लेशनाशिनी |
त्रैलोक्यजननी हृष्टा निर्मांसा मनोरूपिणी ||

तडागनिम्नजठरा शुष्कमांसास्थिमालिनी |
अवंती मथुरा माया त्रैलोक्यपावनीश्वरी ||

व्यक्ताऽव्यक्ताऽनेकमूर्तिः शर्वरी भीमनादिनी |
क्षेमंकरी शंकरी च सर्वसम्मोहकारिणी ||

ऊर्ध्वतेजस्विनी क्लिन्ना महातेजस्विनी तथा |
अद्वैता भोगिनी पूज्या युवती सर्वमंगळा ||

सर्वप्रियंकरी भोग्या धरणी पिशिताशना |
भयंकरी पापहरा निष्कळंका वशंकरी ||

आशा तृष्णा चंद्रकला निद्रान्या वायुवेगिनी |
सहस्रसूर्यसंकाशा चंद्रकोटिसमप्रभा ||

वह्निमंडलसंस्था च सर्वतत्त्वप्रतिष्ठिता |
सर्वाचारवती सर्वदेवकन्याधिदेवता ||

दक्षकन्या दक्षयज्ञनाशिनी दुर्गतारिका |
इज्या पूज्या विभा भूतिः सत्कीर्तिर्ब्रह्मरूपिणी ||

रंभोरुश्चतुरा राका जयंती करुणा कुहुः |
मनस्विनी देवमाता यशस्या ब्रह्मचारिणी ||

ऋद्धिदा वृद्धिदा वृद्धिः सर्वाद्या सर्वदायिनी |
आधाररूपिणी ध्येया मूलाधारनिवासिनी ||

अज्ञा प्रज्ञा पूर्णमनाश्चंद्रमुख्यनुकूलिनी |
वावदूका निम्ननाभिः सत्या संध्या दृढव्रता ||

आन्वीक्षिकी दंडनीतिस्त्रयी त्रिदिवसुंदरी |
ज्वलिनी ज्वालिनी शैलतनया विंध्यवासिनी ||

अमेया खेचरी धैर्या तुरीया विमलाऽऽतुरा |
प्रगल्भा वारुणी छाया शशिनी विस्फुलिंगिनी ||

भुक्तिः सिद्धिः सदाप्राप्तिः प्राकाम्या महिमाऽणिमा |
इच्छासिद्धिर्विसिद्धा च वशित्वोर्ध्वनिवासिनी ||

लघिमा चैव गायत्री सावित्री भुवनेश्वरी |
मनोहरा चिता दिव्या देव्युदारा मनोरमा ||

पिंगळा कपिला जिह्वारसज्ञा रसिका रसा |
सुषुम्नेडा भोगवती गांधारी नरकांतका ||

पांचाली रुक्मिणी राधाराध्या भीमाधिराधिका |
अमृता तुलसी वृंदा कैटभी कपटेश्वरी ||

उग्रचंडेश्वरी वीरा जननी वीरसुंदरी |
उग्रतारा यशोदाख्या दैवकी देवमानिता ||

निरंजना चित्रदेवी क्रोधिनी कुलदीपिका |
कुलवागीश्वरी वाणी मातृका द्राविणी द्रवा ||

योगेश्वरी महामारी भ्रामरी बिंदुरूपिणी |
दूती प्राणेश्वरी गुप्ता बहुला चमरी प्रभा ||

कुब्जिका ज्ञानिनी ज्येष्ठा भुशुंडी प्रकटा तिथिः |
द्रविणी गोपनी माया कामबीजेश्वरी क्रिया ||

शांभवी केकरा मेना मूषलास्त्रा तिलोत्तमा |
अमेयविक्रमा क्रूरा संपत्शाला त्रिलोचना ||

स्वस्तिर्हव्यवहा प्रीतिरुष्मा धूम्रार्चिरंगदा |
तपिनी तापिनी विश्वा भोगदा धारिणी धरा ||

त्रिखंडा बोधिनी वश्या सकला शब्दरूपिणी |
बीजरूपा महामुद्रा योगिनी योनिरूपिणी ||

अनंगकुसुमाऽनंगमेखलाऽनंगरूपिणी |
वज्रेश्वरी च जयिनी सर्वद्वंद्वक्षयंकरी ||

षडंगयुवती योगयुक्ता ज्वालांशुमालिनी |
दुराशया दुराधारा दुर्जया दुर्गरूपिणी ||

दुरंता दुष्कृतिहरा दुर्ध्येया दुरतिक्रमा |
हंसेश्वरी त्रिकोणस्था शाकंभर्यनुकंपिनी ||

त्रिकोणनिलया नित्या परमामृतरंजिता |
महाविद्येश्वरी श्वेता भेरुंडा कुलसुंदरी ||

त्वरिता भक्तिसंसक्ता भक्तवश्या सनातनी |
भक्तानंदमयी भक्तभाविका भक्तशंकरी ||

सर्वसौंदर्यनिलया सर्वसौभाग्यशालिनी |
सर्वसंभोगभवना सर्वसौख्यनिरूपिणी ||

कुमारीपूजनरता कुमारीव्रतचारिणी |
कुमारीभक्तिसुखिनी कुमारीरूपधारिणी ||

कुमारीपूजकप्रीता कुमारीप्रीतिदा प्रिया |
कुमारीसेवकासंगा कुमारीसेवकालया ||

आनंदभैरवी बालभैरवी बटुभैरवी |
श्मशानभैरवी कालभैरवी पुरभैरवी ||

महाभैरवपत्नी च परमानंदभैरवी |
सुधानंदभैरवी च उन्मादानंदभैरवी ||

मुक्तानंदभैरवी च तथा तरुणभैरवी |
ज्ञानानंदभैरवी च अमृतानंदभैरवी ||

महाभयंकरी तीव्रा तीव्रवेगा तपस्विनी |
त्रिपुरा परमेशानी सुंदरी पुरसुंदरी ||

त्रिपुरेशी पंचदशी पंचमी पुरवासिनी |
महासप्तदशी चैव षोडशी त्रिपुरेश्वरी ||

महांकुशस्वरूपा च महाचक्रेश्वरी तथा |
नवचक्रेश्वरी चक्रेश्वरी त्रिपुरमालिनी ||

राजराजेश्वरी धीरा महात्रिपुरसुंदरी |
सिंदूरपूररुचिरा श्रीमत्त्रिपुरसुंदरी ||

सर्वांगसुंदरी रक्तारक्तवस्त्रोत्तरीयिणी |
जवायावकसिंदूररक्तचंदनधारिणी ||

जवायावकसिंदूररक्तचंदनरूपधृक् |
चामरी बालकुटिलनिर्मला श्यामकेशिनी ||

वज्रमौक्तिकरत्नाढ्या किरीटमुकुटोज्ज्वला |
रत्नकुंडलसंयुक्तस्फुरद्गंडमनोरमा ||

कुंजरेश्वरकुंभोत्थमुक्तारंजितनासिका |
मुक्ताविद्रुममाणिक्यहाराढ्यस्तनमंडला ||

सूर्यकांतेंदुकांताढ्यस्पर्शाश्मकंठभूषणा |
बीजपूरस्फुरद्बीजदंतपंक्तिरनुत्तमा ||

कामकोदंडकाभुग्नभ्रूकटाक्षप्रवर्षिणी |
मातंगकुंभवक्षोजा लसत्कोकनदेक्षणा ||

मनोज्ञशष्कुलीकर्णा हंसीगतिविडंबिनी |
पद्मरागांगदज्योतिर्दोश्चतुष्कप्रकाशिनी ||

नानामणिपरिस्फूर्जच्छुद्धकांचनकंकणा |
नागेंद्रदंतनिर्माणवलयांकितपाणिनी ||

अंगुरीयकचित्रांगी विचित्रक्षुद्रघंटिका |
पट्टांबरपरीधाना कलमंजीरशिंजिनी ||

कर्पूरागरुकस्तूरीकुंकुमद्रवलेपिता |
विचित्ररत्नपृथिवीकल्पशाखितलस्थिता ||

रत्नद्वीपस्फुरद्रत्नसिंहासनविलासिनी |
षट्चक्रभेदनकरी परमानंदरूपिणी ||

सहस्रदळपद्मांतश्चंद्रमंडलवर्तिनी |
ब्रह्मरूपा शिवक्रोडा नानासुखविलासिनी ||

हरविष्णुविरिंचींद्रग्रहनायकसेविता |
शिवा शैवा च रुद्राणी तथैव शिववादिनी ||

मातंगिनी श्रीमती च तथैवानंगमेखला |
डाकिनी योगिनी चैव तथोपयोगिनी मता ||

माहेश्वरी वैष्णवी च भ्रामरी शिवरूपिणी |
अलंबुषा वेगवती क्रोधरूपा सुमेखला ||

गांधारी हस्तजिह्वा च इडा चैव शुभंकरी |
पिंगळा ब्रह्मदूती च सुषुम्ना चैव गंधिनी ||

आत्मयोनिर्ब्रह्मयोनिर्जगद्योनिरयोनिजा |
भगरूपा भगस्थात्री भगिनी भगरूपिणी ||

भगात्मिका भगाधाररूपिणी भगमालिनी |
लिंगाख्या चैव लिंगेशी त्रिपुरा भैरवी तथा ||

लिंगगीतिः सुगीतिश्च लिंगस्था लिंगरूपधृक् |
लिंगमाना लिंगभवा लिंगलिंगा च पार्वती ||

भगवती कौशिकी च प्रेमा चैव प्रियंवदा |
गृध्ररूपा शिवारूपा चक्रिणी चक्ररूपधृक् ||

लिंगाभिधायिनी लिंगप्रिया लिंगनिवासिनी |
लिंगस्था लिंगनी लिंगरूपिणी लिंगसुंदरी ||

लिंगगीतिर्महाप्रीता भगगीतिर्महासुखा |
लिंगनामसदानंदा भगनामसदागतिः ||

लिंगमालाकंठभूषा भगमालाविभूषणा |
भगलिंगामृतप्रीता भगलिंगस्वरूपिणी ||

भगलिंगस्य रूपा च भगलिंगसुखावहा |
स्वयंभूकुसुमप्रीता स्वयंभूकुसुमार्चिता ||

स्वयंभूकुसुमप्राणा स्वयंभूपुष्पतर्पिता |
स्वयंभूपुष्पघटिता स्वयंभूपुष्पधारिणी ||

स्वयंभूपुष्पतिलका स्वयंभूपुष्पचर्चिता |
स्वयंभूपुष्पनिरता स्वयंभूकुसुमग्रहा ||

स्वयंभूपुष्पयज्ञांशा स्वयंभूकुसुमात्मिका |
स्वयंभूपुष्पनिचिता स्वयंभूकुसुमप्रिया ||

स्वयंभूकुसुमादानलालसोन्मत्तमानसा |
स्वयंभूकुसुमानंदलहरीस्निग्धदेहिनी ||

स्वयंभूकुसुमाधारा स्वयंभूकुसुमाकुला |
स्वयंभूपुष्पनिलया स्वयंभूपुष्पवासिनी ||

स्वयंभूकुसुमस्निग्धा स्वयंभूकुसुमात्मिका |
स्वयंभूपुष्पकरिणी स्वयंभूपुष्पवाणिका ||

स्वयंभूकुसुमध्याना स्वयंभूकुसुमप्रभा |
स्वयंभूकुसुमज्ञाना स्वयंभूपुष्पभागिनी ||

स्वयंभूकुसुमोल्लासा स्वयंभूपुष्पवर्षिणी |
स्वयंभूकुसुमोत्साहा स्वयंभूपुष्परूपिणी ||

स्वयंभूकुसुमोन्मादा स्वयंभूपुष्पसुंदरी |
स्वयंभूकुसुमाराध्या स्वयंभूकुसुमोद्भवा ||

स्वयंभूकुसुमाव्यग्रा स्वयंभूपुष्पपूर्णिता |
स्वयंभूपूजकप्राज्ञा स्वयंभूहोतृमातृका ||

स्वयंभूदातृरक्षित्री स्वयंभूरक्ततारिका |
स्वयंभूपूजकग्रस्ता स्वयंभूपूजकप्रिया ||

स्वयंभूवंदकाधारा स्वयंभूनिंदकांतका |
स्वयंभूप्रदसर्वस्वा स्वयंभूप्रदपुत्रिणी ||

स्वयंभूप्रदसस्मेरा स्वयंभूतशरीरिणी |
सर्वकालोद्भवप्रीता सर्वकालोद्भवात्मिका ||

सर्वकालोद्भवोद्भावा सर्वकालोद्भवोद्भवा |
कुंडपुष्पसदाप्रीता कुंडपुष्पसदारतिः ||

कुंडगोलोद्भवप्राणा कुंडगोलोद्भवात्मिका |
स्वयंभूर्वा शिवा धात्री पावनी लोकपावनी ||

कीर्तिर्यशस्विनी मेधा विमेधा शुक्रसुंदरी |
अश्विनी कृत्तिका पुष्या तेजस्का चंद्रमंडला ||

सूक्ष्माऽसूक्ष्मा बलाका च वरदा भयनाशिनी |
वरदाऽभयदा चैव मुक्तिबंधविनाशिनी ||

कामुका कामदा कांता कामाख्या कुलसुंदरी |
दुःखदा सुखदा मोक्षा मोक्षदार्थप्रकाशिनी ||

दुष्टादुष्टमतिश्चैव सर्वकार्यविनाशिनी |
शुक्राधारा शुक्ररूपा शुक्रसिंधुनिवासिनी ||

शुक्रालया शुक्रभोगा शुक्रपूजासदारतिः |
शुक्रपूज्या शुक्रहोमसंतुष्टा शुक्रवत्सला ||

शुक्रमूर्तिः शुक्रदेहा शुक्रपूजकपुत्रिणी |
शुक्रस्था शुक्रिणी शुक्रसंस्पृहा शुक्रसुंदरी ||

शुक्रस्नाता शुक्रकरी शुक्रसेव्याऽतिशुक्रिणी |
महाशुक्रा शुक्रभवा शुक्रवृष्टिविधायिनी ||

शुक्राभिधेया शुक्रार्हा शुक्रवंदकवंदिता |
शुक्रानंदकरी शुक्रसदानंदाभिधायिका ||

शुक्रोत्सवा सदाशुक्रपूर्णा शुक्रमनोरमा |
शुक्रपूजकसर्वस्वा शुक्रनिंदकनाशिनी ||

शुक्रात्मिका शुक्रसंवत् शुक्राकर्षणकारिणी |
शारदा साधकप्राणा साधकासक्तमानसा ||

साधकोत्तमसर्वस्वा साधकाभक्तरक्तपा |
साधकानंदसंतोषा साधकानंदकारिणी ||

आत्मविद्या ब्रह्मविद्या परब्रह्मस्वरूपिणी |
त्रिकूटस्था पंचकूटा सर्वकूटशरीरिणी ||

सर्ववर्णमयी वर्णजपमालाविधायिनी |
इति श्रीकाळिकानामसहस्रं शिवभाषितम् ||

गुह्याद्गुह्यतरं साक्षान्महापातकनाशनम् |
पूजाकाले निशीथे च संध्ययोरुभयोरपि ||

लभते गाणपत्यं स यः पठेत् साधकोत्तमः |
यः पठेत् पाठयेद्वापि शृणोति श्रावयेदपि ||

सर्वपापविनिर्मुक्तः स याति काळिकापुरम् |
श्रद्धयाऽश्रद्धया वापि यः कश्चिन्मानवः स्मरेत् ||

दुर्गं दुर्गशतं तीर्त्वा स याति परमांगतिम् |
वंध्या वा काकवंध्या वा मृतवत्सा च यांगना ||

श्रुत्वा स्तोत्रमिदं पुत्रान् लभते चिरजीविनः |
यं यं कामयते कामं पठन् स्तोत्रमनुत्तमम् |
देवीपादप्रसादेन तत्तदाप्नोति निश्चितम् ||

इति श्रीकाळिकाकुलसर्वस्वे हरपरशुरामसंवादे श्री काळिका सहस्रनाम स्तोत्रम् |
गमनिक
: पैन इव्वबडिन स्तोत्रमु, ई क्रिंदि पुस्तकमुलो कूडा उन्नदि.
श्री काळिका स्तोत्रनिधि
(नित्य पारायण ग्रंथमु)
मरिन्नि
श्री काळिका स्तोत्रालु
चूडंडि. मरिन्नि
दशमहाविद्या स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु