Sri Bhuvaneshwari Kavacham (Trailokya Mangalam)

तॆलुगु
स्तोत्रनिधि
दशमहाविद्यलु
देव्युवाच |
देवेश भुवनेश्वर्या या या विद्याः प्रकाशिताः |
श्रुताश्चाधिगताः सर्वाः श्रोतुमिच्छामि सांप्रतम् ||

त्रैलोक्यमंगळं नाम कवचं यत्पुरोदितम् |
कथयस्व महादेव मम प्रीतिकरं परम् ||

ईश्वर उवाच |
शृणु पार्वति वक्ष्यामि सावधानावधारय |
त्रैलोक्यमंगळं नाम कवचं मंत्रविग्रहम् ||

सिद्धविद्यामयं देवि सर्वैश्वर्यप्रदायकम् |
पठनाद्धारणान्मर्त्यस्त्रैलोक्यैश्वर्यभाग्भवेत् ||

[ त्रैलोक्यमंगळस्यास्य कवचस्य ऋषिश्शिवः |
छंदो विराट् जगद्धात्री देवता भुवनेश्वरी |
धर्मार्थकाममोक्षेषु विनियोगः प्रकीर्तितः || ]
ह्रीं बीजं मे शिरः पातु भुवनेशी ललाटकम् |
ऐं पातु दक्षनेत्रं मे ह्रीं पातु वामलोचनम् ||

श्रीं पातु दक्षकर्णं मे त्रिवर्णाख्या महेश्वरी | [त्रिवर्णात्मा]

वामकर्णं सदा पातु ऐं घ्राणं पातु मे सदा ||

ह्रीं पातु वदनं देवि ऐं पातु रसनां मम |
वाक्पुटं च त्रिवर्णात्मा कंठं पातु परांबिका ||

श्रीं स्कंधौ पातु नियतं ह्रीं भुजौ पातु सर्वदा |
क्लीं करौ त्रिपुटा पातु त्रिपुरैश्वर्यदायिनी || [त्रिपुटेशानि]

ॐ पातु हृदयं ह्रीं मे मध्यदेशं सदाऽवतु |
क्रौं पातु नाभिदेशं मे त्र्यक्षरी भुवनेश्वरी ||

सर्वबीजप्रदा पृष्ठं पातु सर्ववशंकरी |
ह्रीं पातु गुह्यदेशं मे नमो भगवती कटिम् ||

माहेश्वरी सदा पातु सक्थिनी जानुयुग्मकम् |
अन्नपूर्णा सदा पातु स्वाहा पातु पदद्वयम् ||

सप्तदशाक्षरी पायादन्नपूर्णात्मिका परा |
तारं माया रमाकामः षोडशार्णा ततः परम् ||

शिरःस्था सर्वदा पातु विंशत्यर्णात्मिका परा |
तारं दुर्गेयुगं रक्षेत् स्वाहेति च दशाक्षरी ||

जयदुर्गा घनश्यामा पातु मां सर्वतो मुदा |
मायाबीजादिका चैषा दशार्णा च परा तथा ||

उत्तप्तकांचनाभासा जयदुर्गाऽऽननेऽवतु |
तारं ह्रीं दुं च दुर्गायै नमोऽष्टार्णात्मिका परा ||

शंखचक्रधनुर्बाणधरा मां दक्षिणेऽवतु |
महिषामर्दिनी स्वाहा वसुवर्णात्मिका परा ||

नैरृत्यां सर्वदा पातु महिषासुरनाशिनी |
माया पद्मावती स्वाहा सप्तार्णा परिकीर्तिता ||

पद्मावती पद्मसंस्था पश्चिमे मां सदाऽवतु |
पाशांकुशपुटे माये ह्रीं परमेश्वरि स्वाहा ||

त्रयोदशार्णा ताराद्या अश्वारुढाऽनलेऽवतु |
सरस्वती पंचशरे नित्यक्लिन्ने मदद्रवे ||

स्वाहारव्यक्षरी विद्या मामुत्तरे सदाऽवतु |
तारं माया तु कवचं खे रक्षेत्सततं वधूः ||

ह्रूं क्षं ह्रीं फट् महाविद्या द्वादशार्णाखिलप्रदा |
त्वरिताष्टाहिभिः पायाच्छिवकोणे सदा च माम् ||

ऐं क्लीं सौः सततं बाला मूर्धदेशे ततोऽवतु |
बिंद्वंता भैरवी बाला भूमौ च मां सदाऽवतु ||

इति ते कथितं पुण्यं त्रैलोक्यमंगळं परम् |
सारं सारतरं पुण्यं महाविद्यौघविग्रहम् ||

अस्यापि पठनात्सद्यः कुबेरोऽपि धनेश्वरः |
इंद्राद्याः सकला देवाः पठनाद्धारणाद्यतः ||

सर्वसिद्धीश्वराः संतः सर्वैश्वर्यमवाप्नुयुः |
पुष्पांजल्यष्टकं दत्वा मूलेनैव पठेत्सकृत् ||

संवत्सरकृतायास्तु पूजायाः फलमाप्नुयात् |
प्रीतिमन्योऽन्यतः कृत्वा कमला निश्चला गृहे ||

वाणी च निवसेद्वक्त्रे सत्यं सत्यं न संशयः |
यो धारयति पुण्यात्मा त्रैलोक्यमंगळाभिधम् ||

कवचं परमं पुण्यं सोऽपि पुण्यवतां वरः |
सर्वैश्वर्ययुतो भूत्वा त्रैलोक्यविजयी भवेत् ||

पुरुषो दक्षिणे बाहौ नारी वामभुजे तथा |
बहुपुत्रवती भूत्वा वंध्यापि लभते सुतम् ||

ब्रह्मास्त्रादीनि शस्त्राणि नैव कृंतंति तं जनम् |
एतत्कवचमज्ञात्वा यो जपेद्भुवनेश्वरीम् |
दारिद्र्यं परमं प्राप्य सोऽचिरान्मृत्युमाप्नुयात् ||

इति श्रीरुद्रयामले तंत्रे देवीश्वर संवादे त्रैलोक्यमंगळं नाम भुवनेश्वरीकवचं समाप्तम् |
मरिन्नि
दशमहाविद्या स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु