Thondaman Krutha Srinivasa Stuti

तॆलुगु
स्तोत्रनिधि
श्री वेंकटेश्वर स्तोत्रालु
गमनिक:
ई स्तोत्रमु
(श्लोकालु मात्रमे)
श्री वेंकटेश्वर स्तोत्रनिधि
” पारायण ग्रंथमुलो लो कूडा उन्नदि.
(तिरुमल क्षेत्र चरित्रलो प्रमुखुडैन तोंडमान् चक्रवर्ति (आलय निर्माणंलो कीलक पात्र पोषिंचिन भक्तुडु) श्रीवारिनि स्तुतिंचिन ई श्रीनिवास स्तुति अत्यंत गंभीरमैनदि. इंदुलो स्वामिवारिनि केवलं ऒक विग्रहंगा काकुंडा, सृष्टिकि मूलमैन परब्रह्मगा, पुरुषसूक्त स्वरूपुडिगा वर्णिंचारु.)
राजोवाच |
दर्शनात्तव गोविंद नाधिकं वर्तते हरे |
त्वां वदंति सुराध्यक्षं वेदवेद्यं पुरातनम् ||

मुनयो मनुजश्रेष्ठाः तच्छ्रुत्वाहमिहागतः |
स्वामिन् नच्युत गोविंद पुराणपुरुषोत्तम ||

अप्राकृतशरीरोऽसि लीलामानुषविग्रहः |
त्वामेव सृष्टिकरणे पालने हरणे हरे ||

कारणं प्रकृतेर्योनिं वदंति च मनीषिणः |
जगदेकार्णवं कृत्वा भवानेकत्वमाप्य च ||

जीवकोटिधनं देव जठरे परिपूरयन् |
क्रीडते रमया सार्धं रमणीयांगविश्रमः ||

सहस्रशीर्षा पुरुषः सहस्राक्षः सहस्रपात् |
त्वन्मुखाद्विप्रनिचयो बाहुभ्यां क्षत्रमंडलम् ||

ऊरुभ्यामभवन् वैश्याः पद्भ्यां शूद्राः प्रकीर्तिताः |
प्रभुस्त्वं सर्वलोकानां देवानामपि योगिनाम् ||

अंतःसृष्टिकरस्त्वं हि बहिः सृष्टिकरो भवान् |
नमः श्रीवेंकटेशाय नमो ब्रह्मोदराय च ||

नमो नाथाय कांताय रमायाः पुण्यमूर्तये |
नमः शांताय कृष्णाय नमस्तेऽद्भुतकर्मणे ||

अप्राकृतशरीराय श्रीनिवासाय ते नमः |
अनंतमूर्तये नित्यं अनंतशिरसे नमः ||

अनंतबाहवे श्रीमन् अनंताय नमो नमः |
सरीसृपगिरीशाय परब्रह्मन् नमो नमः ||

इति स्तुत्वा श्रीनिवासं कमनीयकलेवरम् |
विरराम महाराज राजेंद्रो रणकोविदः ||

स्तोत्रेणानेन सुप्रीतस्तोंडमानकृतेन च |
संतुष्टः प्राह गोविंदः श्रीमंतं राजसत्तमम् ||

श्रीनिवास उवाच |
राजन् अलमलं स्तोत्रं कृतं परमपावनम् |
अनेन स्तवराजेन मामर्चंति च ये जनाः ||

तेषां तु मम सालोक्यं भविष्यति न संशयः ||

इति श्रीवेंकटाचलमाहात्म्ये तोंडमान कृत श्रीनिवासस्तुतिः |