Sri Subrahmanya Manasa Puja Stotram

तॆलुगु
स्तोत्रनिधि
श्री सुब्रह्मण्यस्तोत्रालु
(मानस पूज अंटे बाह्यमैन उपचारालु (पुव्वुलु, धूपदीपालु) लेकुंडा केवलं मनस्सुलोने स्वामिनि ध्यानिस्तू, षोडशोपचार पूज चेयडं. इदि अत्यंत श्रेष्ठमैन पूजा विधानं.)
श्रीमन्मेरुधराधराधिप महासौभाग्यसंशोभिते
मंदारद्रुमवाटिकापरिवृते श्रीस्कंदशैलेमले
सौधे हाटकनिर्मिते मणिमये सन्मंटपाभ्यंतरे
ब्रह्मानंदघनं गुहाख्यमनघं सिंहासनं चिंतये ||

मदनायुतलावण्यं नव्यारुणशतारुणम् |
नीलजीमूतचिकुरं अर्धेंदु सदृशालिकम् ||

पुंडरीकविशालाक्षं पूर्णचंद्रनिभाननम् |
चांपेय विलसन्नासं मंदहासांचितोरसम् ||

गंडस्थलचलच्छोत्र कुंडलं चारुकंधरम् |
करासक्तकनःदंडं रत्नहारांचितोरसम् ||

कटीतटलसद्दिव्यवसनं पीवरोरुकम् |
सुरासुरादिकोटीर नीराजितपदांबुजम् ||

नानारत्न विभूषाढ्यं दिव्यचंदनचर्चितम् |
सनकादि महायोगि सेवितं करुणानिधिम् ||

भक्तवांछितदातारं देवसेनासमावृतम् |
तेजोमयं कार्तिकेयं भावये हृदयांबुजे ||

आवाहयामि विश्वेशं महासेनं महेश्वरम् |
तेजस्त्रयात्मकं पीठं शरजन्मन् गृहाण भोः ||

अनवद्यं गृहाणेश पाद्यमद्य षडानन |
पार्वतीनंदनानर्घ्यं अर्पयाम्यर्घ्यमद्भुतम् ||

आचम्यतामग्निजात स्वर्णपात्रोद्यतैर्जलैः |
पंचामृतरसैर्दिव्यैः सुधासमविभावितैः ||

दधिक्षीराज्यमधुभिः पंचगव्यैः फलोदकैः |
नानाफलरसैर्दिव्यैर्नारिकेळफलोदकैः ||

दिव्यौषधिरसैः स्वर्णरत्नोदक कुशोदकैः |
हिमांबुचंदनरसैर्घनसारादिवासितैः ||

ब्रह्मांडोदरमध्यस्थ तीर्थैः परमपावनैः |
पावनं परमेशान त्वां तीर्थैः स्नापयाम्यहम् ||

सुधोर्मिक्षीरधवळं भस्मनोधूळ्यतावकम् |
सौवर्णवाससाकायां वेष्टयेऽभीष्टसिद्धये ||

यज्ञोपवीतं सुज्ञानदायिने तेऽर्पये गुहम् |
किरीटहारकेयूर भूषणानि समर्पये ||

रोचनागरुकस्तूरी सिताभ्रमसृणान्वितम् |
गंधसारं सुरभिलं सुरेशाभ्युपगम्यताम् ||

रचये तिलकं फाले गंधं मृगमदेन ते |
अक्षय्यफलदानर्घानक्षतानर्पये प्रभो ||

कुमुदोत्पल कह्लार कमलैः शतपत्रकैः |
जातीचंपकपुन्नाग वकुळैः करवीरकैः ||

दूर्वाप्रवाळमालूर माचीमरुवपत्रकैः |
अकीटादिहतैर्नव्यैः कोमलैस्तुलसीदळैः ||

पावनैश्चंद्रकदळी कुसुमैर्नंदिवर्धनैः |
नवमालालिकाभिः मतल्लिकातल्लजैरपि ||

कुरंडैरपि शम्याकैः मंदारैरतिसुंदरैः |
अगर्हितैश्च बर्हिष्ठः पाटीदैः पारिजातकैः ||

आमोदकुसुमैरन्यैः पूजयामि जगत्पतिम् |
धूपोऽयं गृह्यतां देव घ्राणेंद्रिय विमोहकम् ||

सर्वांतरतमोहंत्रे गुह ते दीपमर्पये |
सद्यः समाभृतं दिव्यममृतं तृप्तिहेतुकम् ||

साल्यान्नमद्भुतं नव्यं गोघृतं सूपसंगतम् |
कदळीनारिकेळामृधान्याद्युर्वारुकादिभिः ||

रचितैर्हरितैर्दिव्य खचरीभिः सुपर्पटैः |
सर्वसंस्तारसंपूर्णैराज्यपक्वैरतिप्रियैः ||

रंभापनसकूश्मांडापूपा निष्पक्वमंतरैः |
विदारिका कारवेल्ल पटोली तगरोन्मुखैः ||

शाकैर्बहुविधैरन्यैः वटकैर्वटुसंस्कृतैः |
ससूपसारनिर्गम्य सरचीसुरसेन च ||

कूश्मांडखंडकलित तप्तक रसनेन च |
सुपक्वचित्रान्नशतैः लड्डुकेड्डुमकादिभिः ||

सुधाफलामृतस्यंदिमंडक क्षीरमंडकैः |
माषापूपगुलापूप गोधूमापूप शर्करैः ||

शशांककिरणोद्भासि पोळिका शष्कुळीमुखैः |
भक्ष्यैरन्यैः सुरुचिरैः पायसैश्च रसायनैः ||

लेह्यैरुच्चावचैः खंडशर्कराफाणितादिभिः |
गुडोदकैर्नारिकेळरसैरिक्षुरसैरपि ||

कूर्चिकाभिरनेकाभिः मंडिकाभिरुपस्कृतम् |
कदळीचूतपनसगोस्तनी फलराशिभिः ||

नारंग शृंगबेरैल मरीचैर्लिकुचादिभिः |
उपदंशैः शरच्चंद्र गौरगोदधिसंगतम् ||

जंबीररसकैसर्या हिंगुसैंधवनागरैः |
लसताजलदग्रेण पानीयेन समाश्रितम् ||

हेमपात्रेषु सरसं सांगर्येण च कल्पितम् |
नित्यतृप्त जगन्नाथ तारकारे सुरेश्वर ||

नैवेद्यं गृह्यतां देव कृपया भक्तवत्सल |
सर्वलोकैकवरद मृत्यो दुर्दैत्यरक्षसाम् ||

गंधोदकेन ते हस्तौ क्षाळयामि षडानन |
एलालवंगकर्पूर जातीफलसुगंधिलाम् ||

वीटीं सेवय सर्वेश चेटीकृत जगत्रय |
दत्तेर्नीराजयामि त्वां कर्पूरप्रभयानय ||

पुष्पांजलिं प्रदास्यामि स्वर्णपुष्पाक्षतैर्युतम् |
छत्रेण चामरेणापि नृत्तगीतादिभिर्गुह ||

राजोपचारैरखिलैः संतुष्टो भव मत्प्रभो |
प्रदक्षिणं करोमि त्वां विश्वात्मक नमोऽस्तु ते ||

सहस्रकृत्वो रचये शिरसा तेऽभिवादनम् |
अपराधसहस्राणि सहस्व करुणाकर ||

नमः सर्वांतरस्थाय नमः कैवल्यहेतवे |
श्रुतिशीर्षकगम्याय नमः शक्तिधराय ते ||

मयूरवाहनस्येदं मानसं च प्रपूजनम् |
यः करोति सकृद्वापि गुहस्तस्य प्रसीदति ||

इति श्री सुब्रह्मण्य मानस पूजा |
मरिन्नि
श्री सुब्रह्मण्य स्तोत्रालु
चूडंडि..
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु