Sri Siddhi Devi Ashtottara Shatanama Stotram

तॆलुगु
स्तोत्रनिधि
श्री गणेश स्तोत्रालु
गमनिक
: ई स्तोत्रमु “
श्री गणेश स्तोत्रनिधि
” पारायण ग्रंथमुलो कूडा उन्नदि.
सूर्य उवाच |
स्वानंदभवनांतस्थहर्म्यस्था गणपप्रिया |
संयोगस्वानंदब्रह्मशक्तिः संयोगरूपिणी ||

अतिसौंदर्यलावण्या महासिद्धिर्गणेश्वरी |
वज्रमाणिक्यमकुटकटकादिविभूषिता ||

कस्तूरीतिलकोद्भासिनिटिला पद्मलोचना |
शरच्चांपेयपुष्पाभनासिका मृदुभाषिणी ||

लसत्कांचनताटंकयुगळा योगिवंदिता |
मणिदर्पणसंकाशकपोला कांक्षितार्थदा ||

तांबूलपूरितस्मेरवदना विघ्ननाशिनी |
सुपक्वदाडिमीबीजरदना रत्नदायिनी ||

कंबुवृत्तसमच्छायकंधरा करुणायुता |
मुक्ताभा दिव्यवसना रत्नकल्हारमालिका ||

गणेशबद्धमांगळ्या मंगळा मंगळप्रदा |
वरदाभयहस्ताब्जा भवबंधविमोचिनी ||

सुवर्णकुंभयुग्माभसुकुचा सिद्धिसेविता |
बृहन्नितंबा विलसज्जघना जगदीश्वरी ||

सौभाग्यजातशृंगारमध्यमा मधुरस्वना |
दिव्यभूषणसंदोहरंजिता ऋणमोचिनी ||

पारिजातगुणाधिक्यपदाब्जा परमात्मिका |
सुपद्मरागसंकाशचरणा चिंतितार्थदा ||

ब्रह्मभावमहासिद्धिपीठस्था पंकजासना |
हेरंबनेत्रकुमुदचंद्रिका चंद्रभूषणा ||

सचामरशिवावाणीसव्यदक्षिणवीजिता |
भक्तरक्षणदाक्षिण्यकटाक्षा कमलासना ||

गणेशालिंगनोद्भूतपुलकांगी परात्परा |
लीलाकल्पितब्रह्मांडकोटिकोटिसमन्विता ||

वाणीकोटिसमायुक्तकोटिब्रह्मनिषेविता |
लक्ष्मीकोटिसमायुक्तविष्णुकोटिप्रपूजिता ||

गौरीकोटिसमायुक्तशंभुकोटिसुसेविता |
प्रभाकोटिसमायुक्तकोटिभास्करवंदिता ||

भानुकोटिप्रतीकाशा चंद्रकोटिसुशीतला |
चतुष्षष्टिकोटिसिद्धिनिषेवितपदांबुजा ||

मूलाधारसमुत्पन्ना मूलबंधविमोचनी |
मूलाधारैकनिलया योगकुंडलिभेदिनी ||

मूलाधारा मूलभूता मूलप्रकृतिरूपिणी |
मूलाधारगणेशानवामभागनिवासिनी ||

मूलविद्या मूलरूपा मूलग्रंथिविभेदिनी |
स्वाधिष्ठानैकनिलया ब्रह्मग्रंधिविभेदिनी ||

मणिपूरांतरुदिता विष्णुग्रंधिविभेदिनी |
अनाहतैकनिलया रुद्रग्रंधिविभेदिनी ||

विशुद्धिस्थाननिलया जीवभावप्रणाशिनी |
आज्ञाचक्रांतराळस्था ज्ञानसिद्धिप्रदायिनी ||

ब्रह्मरंध्रैकनिलया ब्रह्मभावप्रदायिनी |
षट्कोणाष्टदळयुतश्रीसिद्धियंत्रमध्यगा ||

अंतर्मुखजनानंतफलदा शोकनाशिनी |
अव्याजकरुणापूरपूरिता वसुधारिणी ||

दारिद्र्यनाशिनी लक्ष्मीः सर्वपापप्रणाशिनी |
भुक्तिसिद्धिर्मुक्तिसिद्धिः सुधामंडलमध्यगा ||

चिंतामणिः सर्वसिद्धिः कमल वल्लभा शिवा |
सिद्धलक्ष्मीर्मोक्षलक्ष्मीर्जयलक्ष्मीर्वरप्रदा ||

रमा नंदा महालक्ष्मीर्विभूतिर्भक्तिवर्धिनी |
अष्टोत्तरशतं नाम्नां महासिद्धेरिदं वरम् ||

आज्ञया गणनाथस्य गणकेन प्रकीर्तितम् |
यः पठेद्गाणपो भक्त्या पूजयेद्वा सुनामभिः |
धर्ममर्थं च कामं च लब्ध्वा मोक्षमवाप्नुयात् ||

इति श्री सिद्धिदेवी अष्टोत्तरशतनाम स्तोत्रं संपूर्णम् |
गमनिक
: पैन इव्वबडिन स्तोत्रमु, ई क्रिंदि पुस्तकमुलो कूडा उन्नदि.
श्री गणेश स्तोत्रनिधि
(नित्य पारायण ग्रंथमु)
मरिन्नि
श्री गणेश स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु