Sri Shatrugna Kavacham

तॆलुगु
स्तोत्रनिधि
श्री राम स्तोत्रालु
गमनिक
: ई स्तोत्रमु
(श्लोकालु मात्रमे)
श्रीराम स्तोत्रनिधि
” पुस्तकमुलो कूडा उन्नदि.
अगस्त्य उवाच |
अथ शत्रुघ्नकवचं सुतीक्ष्ण शृणु सादरम् |
सर्वकामप्रदं रम्यं रामसद्भक्तिवर्धनम् ||

पार्श्वे श्रीरघुनंदनस्य विनयाद्वामेस्थितं सुंदरम् |
रामं स्वीयकरेण तालदलजं धृत्वाऽतिचित्रं वरं
सूर्याभं व्यजनं सभास्थितमहं तं वीजयंतं भजे ||

अस्य श्रीशत्रुघ्नकवचमंत्रस्य अगस्तिरृषिः श्रीशत्रुघ्नो देवता अनुष्टुप् छंदः सुदर्शन इति बीजं कैकेयीनंदन इति शक्तिः श्रीभरतानुज इति कीलकं भरतमंत्रीत्यस्त्रं श्रीरामदास इति कवचं लक्ष्मणांशज इति मंत्रः श्रीशत्रुघ्न प्रीत्यर्थं सकलमनःकामनासिद्ध्यर्थं जपे विनियोगः ||

अथ करन्यासः |
ॐ शत्रुघ्नाय अंगुष्ठाभ्यां नमः |
ॐ सुदर्शनाय तर्जनीभ्यां नमः |
ॐ कैकेयीनंदनाय मध्यमाभ्यां नमः |
ॐ भरतानुजाय अनामिकाभ्यां नमः |
ॐ भरतमंत्रिणे कनिष्ठिकाभ्यां नमः |
ॐ रामदासाय करतलकरपृष्ठाभ्यां नमः |
अथ अंगन्यासः |
ॐ शत्रुघ्नाय हृदयाय नमः |
ॐ सुदर्शनाय शिरसे स्वाहा |
ॐ कैकेयीनंदनाय शिखायै वषट् |
ॐ भरतानुजाय कवचाय हुम् |
ॐ भरतमंत्रिणे नेत्रत्रयाय वौषट् |
ॐ रामदासाय अस्त्राय फट् |
ॐ लक्ष्मणांशजेति दिग्बंधः |
अथ ध्यानम् |
रामस्य संस्थितं वामे पार्श्वे विनयपूर्वकम् |
कैकेयीनंदनं सौम्यं मुकुटेनातिरंजितम् ||

रत्नकंकणकेयूरवनमालाविराजितम् |
रशनाकुंडलधरं रत्नहारसुनूपुरम् ||

व्यजनेन वीजयंतं जानकीकांतमादरात् |
रामन्यस्तेक्षणं वीरं कैकेयीतोषवर्धनम् ||

द्विभुजं कंजनयनं दिव्यपीतांबरान्वितम् |
सुभुजं सुंदरं मेघश्यामलं सुंदराननम् ||

रामवाक्ये दत्तकर्णं रक्षोघ्नं खड्गधारिणम् |
धनुर्बाणधरं श्रेष्ठं धृततूणीरमुत्तमम् ||

सभायां संस्थितं रम्यं कस्तूरीतिलकांकितम् |
मुकुटस्थावतंसेन शोभितं च स्मिताननम् ||

रविवंशोद्भवं दिव्यरूपं दशरथात्मजम् |
मथुरावासिनं देवं लवणासुरमर्दनम् ||

इति ध्यात्वा तु शत्रुघ्नं रामपादेक्षणं हृदि |
पठनीयं वरं चेदं कवचं तस्य पावनम् ||

अथ कवचम् |
पूर्वे त्ववतु शत्रुघ्नः पातु याम्ये सुदर्शनः |
कैकेयीनंदनः पातु प्रतीच्यां सर्वदा मम ||

पातूदीच्यां रामबंधुः पात्वधो भरतानुजः |
रविवंशोद्भवश्चोर्ध्वं मध्ये दशरथात्मजः ||

सर्वतः पातु मामत्र कैकेयीतोषवर्धनः |
श्यामलांगः शिरः पातु भालं श्रीलक्ष्मणांशजः ||

भ्रुवोर्मध्ये सदा पातु सुमुखोऽत्रावनीतले |
श्रुतकीर्तिपतिर्नेत्रे कपोले पातु राघवः ||

कर्णौ कुंडलकर्णोऽव्यान्नासाग्रं नृपवंशजः |
मुखं मम युवा पातु पातु वाणीं स्फुटाक्षरः ||

जिह्वां सुबाहुतातोऽव्याद्यूपकेतुपिता द्विजान् |
चुबुकं रम्यचुबुकः कंठं पातु सुभाषणः ||

स्कंधौ पातु महातेजाः भुजौ राघववाक्यकृत् |
करौ मे कंकणधरः पातु खड्गी नखान्मम ||

कुक्षी रामप्रियः पातु पातु वक्षो रघूत्तमः |
पार्श्वे सुरार्चितः पातु पातु पृष्ठं वराननः ||

जठरं पातु रक्षोघ्नः पातु नाभिं सुलोचनः |
कटी भरतमंत्री मे गुह्यं श्रीरामसेवकः ||

रामार्पितमनाः पातु लिंगमूरू स्मिताननः |
कोदंडधारी पात्वत्र जानुनी मम सर्वदा ||

राममित्रं पातु जंघे गुल्फौ पातु सुनूपुरः |
पादौ नृपतिपूज्योऽव्याच्छ्रीमान् पादांगुलीर्मम ||

पात्वंगानि समस्तानि ह्युदारांगः सदा मम |
रोमाणि रमणीयोऽव्याद्रात्रौ पातु सुधार्मिकः ||

दिवा मे सत्यसंधोऽव्याद्भोजने शरसत्करः |
गमने कलकंठोऽव्यात्सर्वदा लवणांतकः ||

एवं शत्रुघ्नकवचं मया ते समुदीरितम् |
ये पठंति नरास्त्वेतत्ते नराः सौख्यभागिनः ||

शत्रुघ्नस्य वरं चेदं कवचं मंगळप्रदम् |
पठनीयं नरैर्भक्त्या पुत्रपौत्रप्रवर्धनम् ||

अस्य स्तोत्रस्य पाठेन यं यं कामं नरोऽर्थयेत् |
तं तं लभेन्निश्चयेन सत्यमेतद्वचो मम ||

पुत्रार्थी प्राप्नुयात्पुत्रं धनार्थी धनमाप्नुयात् |
इच्छाकामं तु कामार्थी प्राप्नुयात्पठनादिना ||

कवचस्यास्य भूम्यां हि शत्रुघ्नस्य विनिश्चयात् |
तस्मादेतत्सदा भक्त्या पठनीयं नरैः शुभम् ||

इति श्रीमदानंदरामायणे सुतीक्ष्णागस्त्यसंवादे श्रीशत्रुघ्नकवचम् |
गमनिक
: पैन इव्वबडिन स्तोत्रमु
(श्लोकालु मात्रमे)
, ई क्रिंदि पुस्तकमुलो कूडा उन्नदि.
श्री राम स्तोत्रनिधि
(नित्य पारायण ग्रंथमु)
मरिन्नि
श्री राम स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु