Sri Devi Atharvashirsha

तॆलुगु
स्तोत्रनिधि
श्री दुर्गा स्तोत्रालु
ॐ सर्वे वै देवा देवीमुपतस्थुः कासि त्वं महादेवीति ||

साऽब्रवीदहं ब्रह्मस्वरूपिणी |
मत्तः प्रकृतिपुरुषात्मकं जगत् |
शून्यं चाशून्यं च ||

अहमानन्दानानन्दौ |
अहं विज्ञानाविज्ञाने |
अहं ब्रह्माब्रह्मणि वेदितव्ये |
अहं पंचभूतान्यपंचभूतानि |
अहमखिलं जगत् ||

वेदोऽहमवेदोऽहम् |
विद्याऽहमविद्याऽहम् |
अजाऽहमनजाऽहम् |
अधश्चोर्ध्वं च तिर्यक्चाहम् ||

अहं रुद्रेभिर्वसुभिश्चरामि |
अहमादित्यैरुत विश्वदेवैः |
अहं मित्रावरुणावुभौ बिभर्मि |
अहमिन्द्राग्नी अहमश्विनावुभौ ||

अहं सोमं त्वष्टारं पूषणं भगं दधामि |
अहं विष्णुमुरुक्रमं ब्रह्माणमुत प्रजापतिं दधामि ||

अ॒हं द॑धामि॒ द्रवि॑णं ह॒विष्म॑ते सुप्रा॒व्ये॒३ यज॑मानाय सुन्व॒ते |
अ॒हं राष्ट्री॑ स॒oगम॑नी॒ वसू॑नां चिकि॒तुषी॑ प्रथ॒मा य॒ज्ञिया॑नाम् |
अ॒हं सु॑वे पि॒तर॑मस्य मू॒र्धन्मम॒ योनि॑र॒प्स्वन्तः स॑मु॒द्रे |
य एवं वेद | स देवीं संपदमाप्नोति ||

नमो देव्यै महादेव्यै शिवायै सततं नमः |
नमः प्रकृत्यै भद्रायै नियताः प्रणताः स्म ताम् ||

ताम॒ग्निव॑र्णा॒o तप॑सा ज्वल॒न्तीं वै॑रोच॒नीं क॑र्मफ॒लेषु॒ जुष्टा”म् |
दु॒र्गां दे॒वीं शर॑णं प्रप॑द्यामहेऽसुरान्नाशयित्र्यै ते नमः ||

दे॒वीं वाच॑मजनयन्त दे॒वास्तां वि॒श्वरू॑पाः प॒शवो॑ वदन्ति |
सा नो॑ म॒न्द्रेष॒मूर्ज॒o दुहा॑ना धे॒नुर्वाग॒स्मानुप॒ सुष्टु॒तैतु॑ ||

कालरात्रीं ब्रह्मस्तुतां वैष्णवीं स्कन्दमातरम् |
सरस्वतीमदितिं दक्षदुहितरं नमामः पावनां शिवाम् ||

महालक्ष्म्यै च विद्महे सर्वशक्त्यै च धीमहि |
तन्नो देवी प्रचोदयात् ||

अदितिर्ह्यजनिष्ट दक्ष या दुहिता तव |
तां देवा अन्वजायन्त भद्रा अमृतबन्धवः ||

र्गुहा हसा मातरिश्वाभ्रमिन्द्रः |
पुनर्गुहा सकला मायया च
पुरूच्यैषा विश्वमातादिविद्योम् ||

एषाऽऽत्मशक्तिः |
एषा विश्वमोहिनी |
पाशांकुशधनुर्बाणधरा |
एषा श्रीमहाविद्या |
य एवं वेद स शोकं तरति ||

नमस्ते अस्तु भगवति मातरस्मान्पाहि सर्वतः ||

सैषाष्टौ वसवः |
सैषैकादश रुद्राः |
सैषा द्वादशादित्याः |
सैषा विश्वेदेवाः सोमपा असोमपाश्च |
सैषा यातुधाना असुरा रक्षांसि पिशाचा यक्षा सिद्धाः |
सैषा सत्त्वरजस्तमांसि |
सैषा ब्रह्मविष्णुरुद्ररूपिणी |
सैषा प्रजापतीन्द्रमनवः |
सैषा ग्रहनक्षत्रज्योतींषि | कलाकाष्ठादिकालरूपिणी |
तामहं प्रणौमि नित्यम् |
पापापहारिणीं देवीं भुक्तिमुक्तिप्रदायिनीम् |
अनंतां विजयां शुद्धां शरण्यां शिवदां शिवाम् ||

वियदीकारसंयुक्तं वीतिहोत्रसमन्वितम् |
अर्धेन्दुलसितं देव्या बीजं सर्वार्थसाधकम् ||

एवमेकाक्षरं ब्रह्म यतयः शुद्धचेतसः |
ध्यायन्ति परमानन्दमया ज्ञानांबुराशयः ||

वाङ्माया ब्रह्मसूस्तस्मात् षष्ठं वक्त्रसमन्वितम् |
सूर्योऽवामश्रोत्रबिन्दुसंयुक्तष्टात्तृतीयकः |
नारायणेन सम्मिश्रो वायुश्चाधरयुक्ततः |
विच्चे नवार्णकोऽर्णः स्यान्महदानन्ददायकः ||

हृत्पुंडरीकमध्यस्थां प्रातःसूर्यसमप्रभाम् |
पाशांकुशधरां सौम्यां वरदाभयहस्तकाम् |
त्रिनेत्रां रक्तवसनां भक्तकामदुघां भजे ||

नमामि त्वां महादेवीं महाभयविनाशिनीम् |
महादुर्गप्रशमनीं महाकारुण्यरूपिणीम् ||

यस्याः स्वरूपं ब्रह्मादयो न जानन्ति तस्मादुच्यते अज्ञेया |
यस्या अन्तो न लभ्यते तस्मादुच्यते अनन्ता |
यस्या लक्ष्यं नोपलक्ष्यते तस्मादुच्यते अलक्ष्या |
यस्या जननं नोपलभ्यते तस्मादुच्यते अजा |
एकैव सर्वत्र वर्तते तस्मादुच्यते एका |
एकैव विश्वरूपिणी तस्मादुच्यते नैका |
अत एवोच्यते अज्ञेयानन्तालक्ष्याजैका नैकेति ||

मन्त्राणां मातृका देवी शब्दानां ज्ञानरूपिणी |
ज्ञानानां चिन्मयातीता शून्यानां शून्यसाक्षिणी |
यस्याः परतरं नास्ति सैषा दुर्गा प्रकीर्तिता ||

तां दुर्गां दुर्गमां देवीं दुराचारविघातिनीम् |
नमामि भवभीतोऽहं संसारार्णवतारिणीम् ||

इदमथर्वशीर्षं योऽधीते स पंचाथर्वशीर्षजपफलमाप्नोति |
इदमथर्वशीर्षमज्ञात्वा योऽर्चां स्थापयति |
शतलक्षं प्रजप्त्वाऽपि सोऽर्चासिद्धिं न विन्दति |
शतमष्टोत्तरं चास्य पुरश्चर्याविधिः स्मृतः |
दशवारं पठेद्यस्तु सद्यः पापैः प्रमुच्यते |
महादुर्गाणि तरति महादेव्याः प्रसादतः ||

सायमधीयानो दिवसकृतं पापं नाशयति |
प्रातरधीयानो रात्रिकृतं पापं नाशयति |
सायं प्रातः प्रयुंजानो अपापो भवति |
निशीथे तुरीयसंध्यायां जप्त्वा वाक्सिद्धिर्भवति |
नूतनायां प्रतिमायां जप्त्वा देवतासान्निध्यं भवति |
प्राणप्रतिष्ठायां जप्त्वा प्राणानां प्रतिष्ठा भवति |
भौमाश्विन्यां महादेवीसन्निधौ जप्त्वा महामृत्युं तरति |
स महामृत्युं तरति |
य एवं वेद |
इत्युपनिषत् ||

इति देव्यथर्वशीर्षं |
मरिन्नि
श्री दुर्गा स्तोत्रालु
चूडंडि. संपूर्ण
श्री दुर्गा सप्तशती
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु