Chitti Pannam

tèlugu
veda sūktamulu
(kṛṣṇayajurvedīya taittirīyāraṇyake tṛtīya prapāṭhakaḥ)
hariḥ oṃ | taccha॒o yorāvṛ॑ṇīmahe | gā॒tuṃ ya॒jñāya॑ |
gā॒tuṃ ya॒jñapa॑taye | daivī” sva॒stira॑stu naḥ |
sva॒stirmānu॑ṣebhyaḥ | ū॒rdhvaṃ ji॑gātu bheṣa॒jam |
śaṃ no॑ astu dvi॒pade” | śaṃ catu॑ṣpade ||

oṃ śānti॒: śānti॒: śānti॑: ||

oṃ citti॒ssruk | ci॒ttamājya”m | vāgvedi॑: | ādhī॑taṃ ba॒rhiḥ | keto॑ a॒gniḥ | vijñā॑tama॒gniḥ | vākpa॑ti॒rhotā” | mana॑ upava॒ktā | prā॒ṇo ha॒viḥ | sāmā”dhva॒ryuḥ | vāca॑spate vidhe nāman | vi॒dhema॑ te॒ nāma॑ | vi॒dhestvama॒smāka॒o nāma॑ | vā॒caspati॒ssoma॑o pibatu | ā'smāsu॑ nṛ॒mṇaṃ dhā॒tsvāhā” ||

a॒dhva॒ryuḥ pañca॑ ca ||

pṛ॒thi॒vī hotā” | dyaura॑dhva॒ryuḥ | ru॒dro”'gnīt | bṛha॒spati॑rupava॒ktā | vāca॑spate vā॒co vī॒rye॑ṇa | saṃbhṛ॑tatame॒nā''ya॑kṣyase | yaja॑mānāya॒ vārya”m | ā suva॒skara॑smai | vā॒caspati॒ssoma॑o pibati | ja॒jana॒dindra॑mindri॒yāya॒ svāhā” ||

pṛ॒thi॒vī hotā॒ daśa॑ ||

a॒gnirhotā” | a॒śvinā”'dhva॒ryū | tvaṣṭā॒'gnīt | mi॒tra u॑pava॒ktā | soma॒ssoma॑sya puro॒gāḥ | śu॒krasśu॒krasya॑ puro॒gāḥ | śrā॒tāsta॑ indra॒ somā”: | vātā॑perhavana॒śruta॒ssvāhā” ||

a॒gnirhotā॒'ṣṭau ||

sūrya॑o te॒ cakṣu॑: | vāta॑o prā॒ṇaḥ | dyāṃ pṛ॒ṣṭham | a॒ntari॑kṣamā॒tmā | aṅgai”rya॒jñam | pṛ॒thi॒vīgṃ śarī॑raiḥ | vāca॑spa॒te'cchi॑drayā vā॒cā | acchi॑drayā ju॒hvā” | di॒vi de॑vā॒vṛdha॒g॒o hotrā॒ mera॑yasva॒ svāhā” ||

sūrya॑o te॒ nava॑ ||

ma॒hāha॑vi॒rhotā” | sa॒tyaha॑viradhva॒ryuḥ | acyu॑tapājā a॒gnīt | acyu॑tamanā upava॒ktā | a॒nā॒dhṛ॒ṣyaścā”pratidhṛ॒ṣyaśca॑ ya॒jñasyā॑bhiga॒rau | a॒yāsya॑ udgā॒tā | vāca॑spate hṛdvidhe nāman | vi॒dhema॑ te॒ nāma॑ | vi॒dhestvama॒smāka॒o nāma॑ | vā॒caspati॒ssoma॑mapāt | mā daivya॒stantu॒śchedi॒ mā ma॑nu॒ṣya॑: | namo॑ di॒ve | nama॑: pṛthi॒vyai svāhā” ||

a॒pā॒ttrīṇi॑ ca ||

vāgghotā” | dī॒kṣā patnī” | vāto”'dhva॒ryuḥ | āpo॑'bhiga॒raḥ | mano॑ ha॒viḥ | tapa॑si juhomi | bhūrbhuva॒ssuva॑: | brahma॑ svaya॒obhu | brahma॑ṇe svaya॒obhuve॒ svāhā” ||

vāgghotā॒ nava॑ ||

brā॒hma॒ṇa eka॑hotā | sa ya॒jñaḥ | sa me॑ dadātu pra॒jāṃ pa॒śūnpuṣṭi॒o yaśa॑: | ya॒jñaśca॑ me bhūyāt | a॒gnirdviho॑tā | sa bha॒rtā | sa me॑ dadātu pra॒jāṃ pa॒śūnpuṣṭi॒o yaśa॑: | bha॒rtā ca॑ me bhūyāt | pṛ॒thi॒vī triho॑tā | sa pra॑ti॒ṣṭhā ||

sa me॑ dadātu pra॒jāṃ pa॒śūnpuṣṭi॒o yaśa॑: | pra॒ti॒ṣṭhā ca॑ me bhūyāt | a॒ntari॑kṣa॒o catu॑rhotā | sa vi॒ṣṭhāḥ | sa me॑ dadātu pra॒jāṃ pa॒śūnpuṣṭi॒o yaśa॑: | vi॒ṣṭhāśca॑ me bhūyāt | vā॒yuḥ pañca॑hotā | sa prā॒ṇaḥ | sa me॑ dadātu pra॒jāṃ pa॒śūnpuṣṭi॒o yaśa॑: | prā॒ṇaśca॑ me bhūyāt ||

ca॒ndramā॒: ṣaḍḍho॑tā | sa ṛ॒tūnka॑lpayāti | sa me॑ dadātu pra॒jāṃ pa॒śūnpuṣṭi॒o yaśa॑: | ṛ॒tava॑śca me kalpantām | annag॑o sa॒ptaho॑tā | sa prā॒ṇasya॑ prā॒ṇaḥ | sa me॑ dadātu pra॒jāṃ pa॒śūnpuṣṭi॒o yaśa॑: | prā॒ṇasya॑ ca me prā॒ṇo bhū॑yāt | dyaura॒ṣṭaho॑tā | so॑'nādhṛ॒ṣyaḥ ||

sa me॑ dadātu pra॒jāṃ pa॒śūnpuṣṭi॒o yaśa॑: | a॒nā॒dhṛ॒ṣyaśca॑ bhūyāsam | ā॒di॒tyo nava॑hotā | sa te॑ja॒svī | sa me॑ dadātu pra॒jāṃ pa॒śūnpuṣṭi॒o yaśa॑: | te॒ja॒svī ca॑ bhūyāsam | pra॒jāpa॑ti॒rdaśa॑hotā | sa i॒dagṃ sarva”m | sa me॑ dadātu pra॒jāṃ pa॒śūnpuṣṭi॒o yaśa॑: | sarva॑o ca me bhūyāt ||

pra॒ti॒ṣṭhā prā॒ṇaśca॑ me bhūyādanādhṛ॒ṣyassarvaṃ ca me bhūyāt ||

brā॒hma॒ṇo ya॒jño”'gnirbha॒rtā pṛ॑thi॒vī pra॑ti॒ṣṭhā'ntari॑kṣaṃ vi॒ṣṭhā vā॒yuḥ prā॒ṇaśca॒ndramā॑ sa ṛ॒tūnanna॒g॒o sa prā॒ṇasya॑ prā॒ṇo dyaura॑nādhṛ॒ṣya ā॑di॒tyassa te॑ja॒svī pra॒jāpa॑ti॒: sa i॒dagṃ sarva॒g॒o sarva॑o ca me bhūyāt ||

a॒gniryaju॑rbhiḥ | sa॒vi॒tā stomai”: | indra॑ ukthāma॒daiḥ | mi॒trāvaru॑ṇāvā॒śiṣā” | aṅgi॑raso॒ dhiṣṇi॑yaira॒gnibhi॑: | ma॒ruta॑ssadohavirdhā॒nābhyā”m | āpa॒: prokṣa॑ṇībhiḥ | oṣa॑dhayo ba॒rhiṣā” | adi॑ti॒rvedyā” | somo॑ dī॒kṣayā” ||

tvaṣṭe॒dhmena॑ | viṣṇu॑rya॒jñena॑ | vasa॑va॒ ājye॑na | ā॒di॒tyā dakṣi॑ṇābhiḥ | viśve॑ de॒vā ū॒rjā | pū॒ṣā sva॑gākā॒reṇa॑ | bṛha॒spati॑: puro॒dhayā” | pra॒jāpa॑tirudgī॒thena॑ | a॒ntari॑kṣaṃ pa॒vitre॑ṇa | vā॒yuḥ pātrai”: | a॒hagg‍ṃ śra॒ddhayā” ||

dī॒kṣayā॒ pātrai॒reka॑o ca ||

senendra॑sya | dhenā॒ bṛha॒spate”: | pa॒thyā॑ pū॒ṣṇaḥ | vāgvā॒yoḥ | dī॒kṣā soma॑sya | pṛ॒thi॒vya॑gneḥ | vasū॑nāṃ gāya॒trī | ru॒drāṇā”o tri॒ṣṭuk | ā॒di॒tyānā॒o jaga॑tī | viṣṇo॑ranu॒ṣṭuk ||

varu॑ṇasya vi॒rāṭ | ya॒jñasya॑ pa॒ṅktiḥ | pra॒jāpa॑te॒ranu॑matiḥ | mi॒trasya॑ śra॒ddhā | sa॒vi॒tuḥ prasū॑tiḥ | sūrya॑sya॒ marī॑ciḥ | ca॒ndrama॑so rohi॒ṇī | ṛṣī॑ṇāmarundha॒tī | pa॒rjanya॑sya vi॒dyut | cata॑sro॒ diśa॑: | cata॑sro'vāntaradi॒śāḥ | aha॑śca॒ rātri॑śca | kṛ॒ṣiśca॒ vṛṣṭi॑śca | tviṣi॒ścāpa॑citiśca | āpa॒ścauṣa॑dhayaśca | ūrkca॑ sū॒nṛtā॑ ca de॒vānā॒o patna॑yaḥ ||

a॒nu॒ṣṭugdiśa॒ṣṣaṭca॑ ||

de॒vasya॑ tvā savi॒tuḥ pra॑sa॒ve | a॒śvino”rbā॒hubhyā”m | pū॒ṣṇo hastā”bhyā॒o prati॑gṛhṇāmi | rājā” tvā॒ varu॑ṇo nayatu devi dakṣiṇe॒'gnaye॒ hira॑ṇyam | tenā॑mṛta॒tvama॑śyām | vayo॑ dā॒tre | mayo॒ mahya॑mastu pratigrahī॒tre | ka i॒daṃ kasmā॑ adāt | kāma॒: kāmā॑ya | kāmo॑ dā॒tā ||

kāma॑: pratigrahī॒tā | kāmag॑o samu॒dramāvi॑śa | kāme॑na tvā॒ prati॑gṛhṇāmi | kāmai॒tatte” | e॒ṣā te॑ kāma॒ dakṣi॑ṇā | u॒ttā॒nastvā”''ṅgīra॒saḥ prati॑gṛhṇātu | somā॑ya॒ vāsa॑: | ru॒drāya॒ gām | varu॑ṇā॒yāśva”m | pra॒jāpa॑taye॒ puru॑ṣam ||

mana॑ve॒ talpa”m | tvaṣṭre॒'jām | pū॒ṣṇe'vi”m | nirṛ॑tyā aśvataragarda॒bhau | hi॒mava॑to ha॒stina”m | ga॒ndha॒rvā॒psa॒rābhya॑ssragalaṅkara॒ṇe | viśve”bhyo de॒vebhyo॑ dhā॒nyam | vā॒ce'nna”m | brahma॑ṇa oda॒nam | sa॒mu॒drāyāpa॑: ||

u॒ttā॒nāyā”ṅgīra॒sāyāna॑: | vai॒śvā॒na॒rāya॒ ratha”m | vai॒śvā॒na॒raḥ pra॒tnathā॒ nāka॒māru॑hat | di॒vaḥ pṛ॒ṣṭhaṃ bhanda॑mānassu॒manma॑bhiḥ | sa pū”rva॒vajja॒naya॑jja॒ntave॒ dhana”m | sa॒mā॒nama॑jmā॒ pari॑yāti॒ jāgṛ॑viḥ | rājā” tvā॒ varu॑ṇo nayatu devi dakṣiṇe vaiśvāna॒rāya॒ ratha”m | tenā॑mṛta॒tvama॑śyām | vayo॑ dā॒tre | mayo॒ mahya॑mastu pratigrahī॒tre ||

ka i॒daṃ kasmā॑ adāt | kāma॒: kāmā॑ya | kāmo॑ dā॒tā | kāma॑: pratigrahī॒tā | kāmag॑o samu॒dramāvi॑śa | kāme॑na tvā॒ prati॑gṛhṇāmi | kāmai॒tatte” | e॒ṣā te॑ kāma॒ dakṣi॑ṇā | u॒ttā॒nastvā”''ṅgīra॒saḥ prati॑gṛhṇātu ||

dā॒tā puru॑ṣa॒māpa॑: pratigrahī॒tre nava॑ ca ||

su॒varṇa॑o gha॒rmaṃ pari॑veda ve॒nam | indra॑syā॒''tmāna॑o daśa॒dhā cara॑ntam | a॒ntassa॑mu॒dre mana॑sā॒ cara॑ntam | brahmā'nva॑vinda॒ddaśa॑hotāra॒marṇe” | a॒ntaḥ pravi॑ṣṭaśśā॒stā janā॑nām | eka॒ssanba॑hu॒dhā vi॑cāraḥ | śa॒tagṃ śu॒krāṇi॒ yatraika॒o bhava॑nti | sarve॒ vedā॒ yatraika॒o bhava॑nti | sarve॒ hotā॑ro॒ yatraika॒o bhava॑nti | sa॒ māna॑sīna ā॒tmā janā॑nām ||

a॒ntaḥ pravi॑ṣṭaśśā॒stā janā॑nā॒g॒o sarvā”tmā | sarvā”: pra॒jā yatraika॒o bhava॑nti | catu॑rhotāro॒ yatra॑ sa॒mpada॒o gaccha॑nti de॒vaiḥ | sa॒ māna॑sīna ā॒tmā janā॑nām | brahmendra॑ma॒gniṃ jaga॑taḥ prati॒ṣṭhām | di॒va ā॒tmānag॑o savi॒tāra॒o bṛha॒spati”m | catu॑rhotāraṃ pra॒diśo'nu॑klṛ॒ptam | vā॒co vī॒rya॑o tapa॒sā'nva॑vindat | a॒ntaḥ pravi॑ṣṭaṃ ka॒rtāra॑me॒tam | tvaṣṭā॑ragṃ rū॒pāṇi॑ viku॒rvanta॑o vipa॒ścim ||

a॒mṛta॑sya prā॒ṇaṃ ya॒jñame॒tam | catu॑rhotṛṇāmā॒tmāna॑o ka॒vayo॒ nici॑kyuḥ | a॒ntaḥ pravi॑ṣṭaṃ ka॒rtāra॑me॒tam | de॒vānā॒o bandhu॒ nihi॑ta॒o guhā॑su | a॒mṛte॑na klṛ॒ptaṃ ya॒jñame॒tam | catu॑rhotṛṇāmā॒tmāna॑o ka॒vayo॒ nici॑kyuḥ | śa॒taṃ ni॒yuta॒: pari॑veda॒ viśvā॑ vi॒śvavā॑raḥ | viśva॑mi॒daṃ vṛ॑ṇāti | indra॑syā॒''tmā nihi॑ta॒: pañca॑hotā | a॒mṛta॑o de॒vānā॒māyu॑: pra॒jānā”m ||

indra॒g॒o rājā॑nagṃ savi॒tāra॑me॒tam | vā॒yorā॒tmāna॑o ka॒vayo॒ nici॑kyuḥ | ra॒śmigṃ ra॑śmī॒nāṃ madhye॒ tapa॑ntam | ṛ॒tasya॑ pa॒de ka॒vayo॒ nipā”nti | ya ā”ṇḍako॒śe bhuva॑naṃ bi॒bharti॑ | ani॑rbhiṇṇa॒ssannatha॑ lo॒kān vi॒caṣṭe” | yasyā”ṇḍako॒śagṃ śuṣma॑mā॒huḥ prā॒ṇamulba”m | tena॑ klṛ॒pto॑'mṛte॑nā॒hama॑smi | su॒varṇa॒o kośa॒g॒o raja॑sā॒ parī॑vṛtam | de॒vānā”o vasu॒dhānī”o vi॒rāja”m ||

a॒mṛta॑sya pū॒rṇāṃ tāmu॑ ka॒lāṃ vica॑kṣate | pāda॒g॒o ṣaḍḍho॑tu॒rna kilā॑''vivitse | yena॒rtava॑: pañca॒dhota klṛ॒ptāḥ | u॒ta vā॑ ṣa॒ḍdhā mana॒sota klṛ॒ptāḥ | tagṃ ṣaḍḍho॑tāramṛ॒tubhi॒: kalpa॑mānam | ṛ॒tasya॑ pa॒de ka॒vayo॒ nipā”nti | a॒ntaḥ pravi॑ṣṭaṃ ka॒rtāra॑me॒tam | a॒ntaśca॒ndrama॑si॒ mana॑sā॒ cara॑ntam | sa॒haiva santa॒o na vijā॑nanti de॒vāḥ | indra॑syā॒''tmānag॑o śata॒dhā cara॑ntam ||

indro॒ rājā॒ jaga॑to॒ ya īśe” | sa॒ptaho॑tā sapta॒dhā viklṛ॑ptaḥ | pare॑ṇa॒ tantu॑o pariṣi॒cyamā॑nam | a॒ntarā॑di॒tye mana॑sā॒ cara॑ntam | de॒vānā॒g॒o hṛda॑ya॒o brahmā'nva॑vindat | brahmai॒tadbrahma॑ṇa॒ ujja॑bhāra | a॒rkagg‍ṃ ścota॑ntagṃ sari॒rasya॒ madhye” | ā yasmi॑nthsa॒pta pera॑vaḥ | meha॑nti bahu॒lāgṃ śriya”m | ba॒hva॒śvāmi॑ndra॒ goma॑tīm ||

acyu॑tāṃ bahu॒lāgṃ śriya”m | sa hari॑rvasu॒vitta॑maḥ | pe॒rurindrā॑ya pinvate | ba॒hva॒śvāmi॑ndra॒ goma॑tīm | acyu॑tāṃ bahu॒lāgṃ śriya”m | mahya॒mindro॒ niya॑cchatu | śa॒tagṃ śa॒tā a॑sya yu॒ktā harī॑ṇām | a॒rvāṅā yā॑tu॒ vasu॑bhī ra॒śmirindra॑: | pramagṃ‍ha॑ māṇo bahu॒lāgṃ śriya”m | ra॒śmirindra॑ssavi॒tā me॒ niya॑cchatu ||

ghṛ॒taṃ tejo॒ madhu॑madindri॒yam | mayya॒yama॒gnirda॑dhātu | hari॑: pata॒ṅgaḥ pa॑ṭa॒rī su॑pa॒rṇaḥ | di॒vi॒kṣayo॒ nabha॑sā॒ ya eti॑ | sa na॒ indra॑: kāmava॒raṃ da॑dātu | pañcā॑raṃ ca॒kraṃ pari॑vartate pṛ॒thu | hira॑ṇyajyotissari॒rasya॒ madhye” | aja॑sra॒o jyoti॒rnabha॑sā॒ sarpa॑deti | sa na॒ indra॑: kāmava॒raṃ da॑dātu | sa॒pta yu॑ñjanti॒ ratha॒meka॑cakram ||

eko॒ aśvo॑ vahati saptanā॒mā | tri॒nābhi॑ ca॒krama॒jara॒mana॑rvam | yene॒mā viśvā॒ bhuva॑nāni tasthuḥ | bha॒draṃ paśya॑nta॒ upa॑sedu॒ragre” | tapo॑ dī॒kṣāmṛṣa॑yassuva॒rvida॑: | tata॑: kṣa॒ttraṃ bala॒moja॑śca jā॒tam | tada॒smai de॒vā a॒bhisaṃ na॑mantu | śve॒tagṃ ra॒śmiṃ bo॑bhu॒jyamā॑nam | a॒pāṃ ne॒tāra॒o bhuva॑nasya go॒pām | indra॒o nici॑kyuḥ para॒me vyo॑man ||

rohi॑ṇīḥ piṅga॒lā eka॑rūpāḥ | kṣara॑ntīḥ piṅga॒lā eka॑rūpāḥ | śa॒tagṃ sa॒hasrā॑ṇi pra॒yutā॑ni॒ nāvyā॑nām | a॒yaṃ yaśśve॒to ra॒śmiḥ | pari॒ sarva॑mi॒daṃ jaga॑t | pra॒jāṃ pa॒śūndhanā॑ni | a॒smāka॑o dadātu | śve॒to ra॒śmiḥ pari॒ sarva॑o babhūva | suva॒nmahya॑o pa॒śūn vi॒śvarū॑pān | pa॒ta॒ṅgama॒ktamasu॑rasya mā॒yayā” ||

hṛ॒dā pa॑śyanti॒ mana॑sā manī॒ṣiṇa॑: | sa॒mu॒dre a॒ntaḥ ka॒vayo॒ vica॑kṣate | marī॑cīnāṃ pa॒dami॑cchanti ve॒dhasa॑: | pa॒ta॒ṅgo vāca॒o mana॑sā bibharti | tāṃ ga॑ndha॒rvo॑'vada॒dgarbhe॑ a॒ntaḥ | tāṃ dyota॑mānāgṃ sva॒rya॑o manī॒ṣām | ṛ॒tasya॑ pa॒de ka॒vayo॒ nipā”nti | ye grā॒myāḥ pa॒śavo॑ vi॒śvarū॑pāḥ | virū॑pā॒ssanto॑ bahu॒dhaika॑rūpāḥ | a॒gnistāgṃ agre॒ pramu॑moktu de॒vaḥ ||

pra॒jāpa॑tiḥ pra॒jayā॑ saṃvidā॒naḥ | vī॒tagg‍ṃ stu॑ke stuke | yu॒vama॒smāsu॒ niya॑cchatam | pra pra॑ ya॒jñapa॑tiṃ tira | ye grā॒myāḥ pa॒śavo॑ vi॒śvarū॑pāḥ | virū॑pā॒ssanto॑ bahu॒dhaika॑rūpāḥ | teṣāg॑o saptā॒nāmi॒ha ranti॑rastu | rā॒yaspoṣā॑ya suprajā॒stvāya॑ su॒vīryā॑ya | ya ā॑ra॒ṇyāḥ pa॒śavo॑ vi॒śvarū॑pāḥ | virū॑pā॒ssanto॑ bahu॒dhaika॑rūpāḥ | vā॒yustāgṃ agre॒ pramu॑moktu de॒vaḥ | pra॒jāpa॑tiḥ pra॒jayā॑ saṃvidā॒naḥ | iḍā॑yai sṛ॒ptaṃ ghṛ॒tava॑ccarāca॒ram | de॒vā anva॑vinda॒nguhā॑ hi॒tam | ya ā॑ra॒ṇyāḥ pa॒śavo॑ vi॒śvarū॑pāḥ | virū॑pā॒ssanto॑ bahu॒dhaika॑rūpāḥ | teṣāg॑o saptā॒nāmi॒ha ranti॑rastu | rā॒yaspoṣā॑ya suprajā॒stvāya॑ su॒vīryā॑ya ||

ā॒tmā janā॑nāṃ viku॒rvanta॑o vipa॒ściṃ pra॒jānā”o vasu॒dhānī”o vi॒rāja॒o cara॑nta॒o goma॑tīṃ me॒ niya॑ccha॒tveka॑cakra॒o vyo॑manmā॒yayā॑ de॒va eka॑rūpā a॒ṣṭau ca॑ ||

sa॒hasra॑śīrṣā॒ puru॑ṣaḥ | sa॒ha॒srā॒kṣassa॒hasra॑pāt |
sa bhūmi॑o vi॒śvato॑ vṛ॒tvā | atya॑tiṣṭhaddaśāṅgu॒lam |
puru॑ṣa e॒vedagṃ sarva”m | yadbhū॒taṃ yacca॒ bhavya”m |
u॒tāmṛ॑ta॒tvasyeśā॑naḥ | yadanne॑nāti॒roha॑ti | e॒tāvā॑nasya mahi॒mā | ato॒ jyāyāg॑ośca॒ pūru॑ṣaḥ || 32, ||

pādo”'sya॒ viśvā॑ bhū॒tāni॑ | tri॒pāda॑syā॒mṛta॑o di॒vi |
tri॒pādū॒rdhva udai॒tpuru॑ṣaḥ | pādo”'sye॒hābha॑vā॒tpuna॑: |
tato॒ viṣva॒ṅvya॑krāmat | sā॒śa॒nā॒na॒śa॒ne a॒bhi |
tasmā”dvi॒rāḍa॑jāyata | vi॒rājo॒ adhi॒ pūru॑ṣaḥ | sa jā॒to atya॑ricyata | pa॒ścādbhūmi॒matho॑ pu॒raḥ || 34, ||

yatpuru॑ṣeṇa ha॒viṣā” | de॒vā ya॒jñamata॑nvata |
va॒sa॒nto a॑syā''sī॒dājya”m | grī॒ṣma i॒dhmaśśa॒raddha॒viḥ |
sa॒ptāsyā॑''sanpari॒dhaya॑: | trissa॒pta sa॒midha॑: kṛ॒tāḥ |
de॒vā yadya॒jñaṃ ta॑nvā॒nāḥ | aba॑dhna॒npuru॑ṣaṃ pa॒śum |
taṃ ya॒jñaṃ ba॒rhiṣi॒ praukṣan॑ | puru॑ṣaṃ jā॒tama॑gra॒taḥ || 34, ||

tena॑ de॒vā aya॑janta | sā॒dhyā ṛṣa॑yaśca॒ ye |
tasmā”dya॒jñāthsa॑rva॒huta॑: | saṃbhṛ॑taṃ pṛṣadā॒jyam |
pa॒śūg‍stāg‍śca॑kre vāya॒vyān॑ | ā॒ra॒ṇyāngrā॒myāśca॒ ye |
tasmā”dya॒jñāthsa॑rva॒huta॑: | ṛca॒ssāmā॑ni jajñire |
chandāg॑osi jajñire॒ tasmā”t | yaju॒stasmā॑dajāyata || 35, ||

tasmā॒daśvā॑ ajāyanta | ye ke co॑bha॒yāda॑taḥ |
gāvo॑ ha jajñire॒ tasmā”t | tasmā”jjā॒tā a॑jā॒vaya॑: |
yatpuru॑ṣa॒o vya॑dadhuḥ | ka॒ti॒dhā vya॑kalpayan |
mukha॒o kima॑sya॒ kau bā॒hū | kā vū॒rū pādā॑vucyete |
brā॒hma॒ṇo”'sya॒ mukha॑māsīt | bā॒hū rā॑ja॒nya॑: kṛ॒taḥ || 36, ||

ū॒rū tada॑sya॒ yadvaiśya॑: | pa॒dbhyāgṃ śū॒dro a॑jāyata |
ca॒ndramā॒ mana॑so jā॒taḥ | cakṣo॒ssūryo॑ ajāyata |
mukhā॒dindra॑ścā॒gniśca॑ | prā॒ṇādvā॒yura॑jāyata |
nābhyā॑ āsīda॒ntari॑kṣam | śī॒rṣṇo dyaussama॑vartata |
pa॒dbhyāṃ bhūmi॒rdiśa॒: śrotrā”t |
tathā॑ lo॒kāgṃ a॑kalpayan || 37, ||

vedā॒hame॒taṃ puru॑ṣaṃ ma॒hānta”m |
ā॒di॒tyava॑rṇaṃ॒ tama॑sa॒stu pā॒re |
sarvā॑ṇi rū॒pāṇi॑ vi॒citya॒ dhīra॑: |
nāmā॑ni kṛ॒tvā'bhi॒vada॒n yadāste” |
dhā॒tā pu॒rastā॒dyamu॑dāja॒hāra॑ |
śa॒kraḥ pravi॒dvānpra॒diśa॒ścata॑sraḥ |
tame॒vaṃ vi॒dvāna॒mṛta॑ i॒ha bha॑vati |
nānyaḥ panthā॒ aya॑nāya vidyate |
ya॒jñena॑ ya॒jñama॑yajanta de॒vāḥ |
tāni॒ dharmā॑ṇi pratha॒mānyā॑san |
te ha॒ nāka॑o mahi॒māna॑ssacante |
yatra॒ pūrve॑ sā॒dhyāssanti॑ de॒vāḥ || 38, ||

puru॑ṣaḥ pu॒ro”'gra॒to॑'jāyata kṛ॒to॑'kalpayannāsa॒ndve ca॑ ||

jyāyā॒nadhi॒ pūru॑ṣaḥ | anyatra॒ puru॑ṣaḥ ||

a॒dbhyassambhū॑taḥ pṛthi॒vyai rasā”cca |
vi॒śvaka॑rmaṇa॒ssama॑varta॒tādhi॑ |
tasya॒ tvaṣṭā॑ vi॒dadha॑drū॒pame॑ti |
tatpuru॑ṣasya॒ viśva॒mājā॑na॒magre” |
vedā॒hame॒taṃ puru॑ṣaṃ ma॒hānta”m |
ā॒di॒tyava॑rṇa॒o tama॑sa॒: para॑stāt |
tame॒vaṃ vi॒dvāna॒mṛta॑ i॒ha bha॑vati |
nānyaḥ panthā॑ vidya॒te'ya॑nāya |
pra॒jāpa॑tiścarati॒ garbhe॑ a॒ntaḥ |
a॒jāya॑māno bahu॒dhā vijā॑yate || 39, ||

tasya॒ dhīrā॒: pari॑jānanti॒ yoni”m | marī॑cīnāṃ pa॒dami॑cchanti ve॒dhasa॑: | yo de॒vebhya॒ āta॑pati | yo de॒vānā”o pu॒rohi॑taḥ |
pūrvo॒ yo de॒vebhyo॑ jā॒taḥ | namo॑ ru॒cāya॒ brāhma॑ye | ruca॑o brā॒hmaṃ ja॒naya॑ntaḥ | de॒vā agre॒ tada॑bruvan | yastvai॒vaṃ brā”hma॒ṇo vi॒dyāt | tasya॑ de॒vā asa॒nvaśe” | hrīśca॑ te la॒kṣmīśca॒ patnyau” | a॒ho॒rā॒tre pā॒rśve | nakṣa॑trāṇi rū॒pam | a॒śvinau॒ vyātta”m | i॒ṣṭaṃ ma॑niṣāṇa | a॒muṃ ma॑niṣāṇa | sarva॑o maniṣāṇa || 40, ||

jā॒ya॒te॒ vaśe॑ sa॒pta ca॑ ||

bha॒rtā sanbhri॒yamā॑ṇo bibharti | eko॑ de॒vo ba॑hu॒dhā nivi॑ṣṭaḥ | ya॒dā bhā॒raṃ ta॒ndraya॑te॒ sa bhartu”m | ni॒dhāya॑ bhā॒raṃ puna॒rasta॑meti | tame॒va mṛ॒tyuma॒mṛta॒o tamā॑huḥ | taṃ bha॒rtāra॒o tamu॑ go॒ptāra॑māhuḥ | sa bhṛ॒to bhri॒yamā॑ṇo bibharti | ya e॑na॒o veda॑ sa॒tyena॒ bhartu”m | sa॒dyo jā॒tamu॒ta ja॑hātye॒ṣaḥ | u॒to jara॑nta॒o na ja॑hā॒tyeka”m || 41, ||

u॒to ba॒hūneka॒maha॑rjahāra | ata॑ndro de॒vassada॑me॒va prārtha॑: | yastadveda॒ yata॑ āba॒bhūva॑ | sa॒ndhāṃ ca॒ yāgṃ sa॑oda॒dhe brahma॑ṇai॒ṣaḥ | rama॑te॒ tasmi”nnu॒ta jī॒rṇe śayā॑ne | naina॑o jahā॒tyaha॑ssu pū॒rvyeṣu॑ | tvāmāpo॒ anu॒ sarvā”ścaranti jāna॒tīḥ | va॒thsaṃ paya॑sā punā॒nāḥ | tvama॒gnigṃ ha॑vya॒vāha॒g॒o sami॑nthse | tvaṃ bha॒rtā mā॑ta॒riśvā” pra॒jānā”m || 42, ||

tvaṃ ya॒jñastvamu॑ve॒vāsi॒ soma॑: | tava॑ de॒vā hava॒māya॑nti॒ sarve” | tvameko॑'si ba॒hūnanu॒pravi॑ṣṭaḥ | nama॑ste astu su॒havo॑ ma edhi | namo॑ vāmastu śṛṇu॒tagṃ hava॑o me | prāṇā॑pānāvaji॒ragṃ sa॒ocara॑ntau | hvayā॑mi vā॒o brahma॑ṇā tū॒rtameta”m | yo māṃ dveṣṭi॒ taṃ ja॑hitaṃ yuvānā | prāṇā॑pānau saṃvidā॒nau ja॑hitam | a॒muṣyāsu॑nā॒ mā saṃga॑sāthām ||

taṃ me॑ devā॒ brahma॑ṇā saṃvidā॒nau | va॒dhāya॑ datta॒o tama॒hagṃ ha॑nāmi | asa॑jjajāna sa॒ta āba॑bhūva | yaṃ ya॑o ja॒jāna॒ sa u॑ go॒po a॑sya | ya॒dā bhā॒raṃ ta॒ndraya॑te॒ sa bhartu”m | pa॒rāsya॑ bhā॒raṃ puna॒rasta॑meti | tadvai tvaṃ prā॒ṇo a॑bhavaḥ | ma॒hānbhoga॑: pra॒jāpa॑teḥ | bhuja॑: kari॒ṣyamā॑ṇaḥ | yadde॒vānprāṇa॑yo॒ nava॑ ||

eka॑o pra॒jānā”o gasāthā॒o nava॑ ||

hari॒g॒o hara॑nta॒manu॑yanti de॒vāḥ | viśva॒syeśā॑naṃ vṛṣa॒bhaṃ ma॑tī॒nām | brahma॒ sarū॑pa॒manu॑me॒damāgā”t | aya॑na॒o mā viva॑dhī॒rvikra॑masva | mā chi॑do mṛtyo॒ mā va॑dhīḥ | mā me॒ bala॒o vivṛ॑ho॒ mā pramo॑ṣīḥ | pra॒jāṃ mā me॑ rīriṣa॒ āyu॑rugra | nṛ॒cakṣa॑saṃ tvā ha॒viṣā॑ vidhema | sa॒dyaśca॑kamā॒nāya॑ | pra॒ve॒pā॒nāya॑ mṛ॒tyave” ||

prāsmā॒ āśā॑ aśṛṇvan | kāme॑nājanaya॒npuna॑: | kāme॑na me॒ kāma॒ āgā”t | hṛda॑yā॒ddhṛda॑yaṃ mṛ॒tyoḥ | yada॒mīṣā॑ma॒daḥ pri॒yam | tadaitūpa॒māma॒bhi | para॑o mṛtyo॒ anu॒ pare॑hi॒ panthā”m | yaste॒ sva ita॑ro deva॒yānā”t | cakṣu॑ṣmate śṛṇva॒te te” bravīmi | mā na॑: pra॒jāgṃ rī॑riṣo॒ mota vī॒rān | pra pū॒rvyaṃ mana॑sā॒ vanda॑mānaḥ | nādha॑māno vṛṣa॒bhaṃ ca॑rṣaṇī॒nām | yaḥ pra॒jānā॑meka॒rāṇmānu॑ṣīṇām | mṛ॒tyuṃ ya॑je prathama॒jāmṛ॒tasya॑ ||

mṛ॒tyave॑ vī॒rāgṃśca॒tvāri॑ ca ||

ta॒raṇi॑rvi॒śvada॑rśato jyoti॒ṣkṛda॑si sūrya | viśva॒mā bhā॑si roca॒nam | u॒pa॒yā॒magṛ॑hīto'si॒ sūryā॑ya tvā॒ bhrāja॑svata e॒ṣa te॒ yoni॒ssūryā॑ya tvā॒ bhrāja॑svate || 47 ||

āpyā॑yasva madintama॒ soma॒ viśvā॑bhirū॒tibhi॑: | bhavā॑ nassa॒pratha॑stamaḥ || (48) ||

ī॒yuṣṭe ye pūrva॑tarā॒mapa॑śyan vyu॒cchantī॑mu॒ṣasa॒o martyā॑saḥ | a॒smābhi॑rū॒ nu pra॑ti॒cakṣyā॑'bhū॒do te ya॑nti॒ ye a॑pa॒rīṣu॒ paśyān॑ || 49 ||

jyoti॑ṣmatīṃ tvā sādayāmi jyoti॒ṣkṛta॑o tvā sādayāmi jyoti॒rvida॑o tvā sādayāmi॒ bhāsva॑tīṃ tvā sādayāmi॒ jvala॑ntīṃ tvā sādayāmi malmalā॒bhava॑ntīṃ tvā sādayāmi॒ dīpya॑mānāṃ tvā sādayāmi॒ roca॑mānāṃ tvā sādayā॒myaja॑srāṃ tvā sādayāmi bṛ॒hajjyo॑tiṣaṃ tvā sādayāmi bo॒dhaya॑ntīṃ tvā sādayāmi॒ jāgra॑tīṃ tvā sādayāmi || 50 ||

pra॒yā॒sāya॒ svāhā॑''yā॒sāya॒ svāhā॑ viyā॒sāya॒ svāhā॑ saṃyā॒sāya॒ svāho”dyā॒sāya॒ svāhā॑'vayā॒sāya॒ svāhā॑ śu॒ce svāhā॒ śokā॑ya॒ svāhā॑ tapya॒tvai svāhā॒ tapa॑te॒ svāhā” brahmaha॒tyāyai॒ svāhā॒ sarva॑smai॒ svāhā” || 51 ||

ci॒ttagṃ sa॑otā॒nena॑ bha॒vaṃ ya॒knā ru॒draṃ tani॑mnā paśu॒patigg॑o sthūlahṛda॒yenā॒gnigṃ hṛda॑yena ru॒draṃ lohi॑tena śa॒rvaṃ mata॑snābhyāṃ mahāde॒vama॒ntaḥ pā”rśvenauṣiṣṭha॒hanag॑o śiṅgīniko॒śyā”bhyām || 52 ||

ci॒tti॑: pṛthi॒vya॑gni॒ssūrya॑o te॒ cakṣu॑rma॒hāha॑vi॒rhotā॒ vāgghotā” brāhma॒ṇa eka॑hotā॒'gniryaju॑rbhi॒ssenendra॑sya de॒vasya॑ su॒varṇa॑o gha॒rmagṃ sa॒hasra॑śīrṣā॒'dbhyo bha॒rtā hari॑o ta॒raṇi॒rāpyā॑yasve॒yuṣṭe ye jyoti॑ṣmatīṃ prayā॒sāya॑ ci॒ttameka॑vigṃśatiḥ ||

citti॑ra॒gniryaju॑rbhira॒ntaḥ pravi॑ṣṭaḥ pra॒jāpa॑tirbha॒rtāsanprayā॒sāya॒ dvipa॑ñcā॒śat ||

citti॑ra॒gniryaju॑rbhira॒ntaḥ pravi॑ṣṭaḥ pra॒jāpa॑tiḥ pra॒jayā॑ saṃvidā॒nastasya॒ dhīrā॒ jyoti॑ṣmatī॒o tripa॑ñcā॒śat ||

taccha॒o yorāvṛ॑ṇīmahe | gā॒tuṃ ya॒jñāya॑ |
gā॒tuṃ ya॒jñapa॑taye | daivī” sva॒stira॑stu naḥ |
sva॒stirmānu॑ṣebhyaḥ | ū॒rdhvaṃ ji॑gātu bheṣa॒jam |
śaṃ no॑ astu dvi॒pade” | śaṃ catu॑ṣpade ||

oṃ śānti॒: śānti॒: śānti॑: ||