Brahmanaspati Suktam

तॆलुगु
स्तोत्रनिधि
वेद सूक्तमुलु
गमनिक
: ई सूक्तं “
श्री ब्रह्म स्तोत्रनिधि
” पारायण ग्रंथमुलो कूडा उन्नदि.
(ऋ.वे.२.२३.१)
ग॒णाना”o त्वा ग॒णप॑तिं हवामहे
क॒विं क॑वी॒नामु॑प॒मश्र॑वस्तमम् |
ज्ये॒ष्ठ॒राज॒o ब्रह्म॑णां ब्रह्मणस्पत॒
आ न॑: शृ॒ण्वन्नू॒तिभि॑: सीद॒ साद॑नम् ||

सो॒मान॒o स्वर॑णं कृणु॒हि ब्र”ह्मणस्पते |
क॒क्षीव॑न्त॒o य औ॑शि॒जः ||

यो रे॒वान् यो अ॑मीव॒हा व॑सु॒वित् पु॑ष्टि॒वर्ध॑नः |
स न॑: सिषक्तु॒ यस्तु॒रः ||

मा न॒: शंसो॒ अर॑रुषो धू॒र्तिः प्रण॒ङ् मर्त्य॑स्य |
रक्षा” णो ब्रह्मणस्पते ||

स घा” वी॒रो न रि॑ष्यति॒ यमिन्द्रो॒ ब्रह्म॑ण॒स्पति॑: |
सोमो” हि॒नोति॒ मर्त्य”म् ||

त्वं तं ब्र”ह्मणस्पते॒ सोम॒ इन्द्र॑श्च॒ मर्त्य”म् |
दक्षि॑णा पा॒त्वंह॑सः ||

उत्ति॑ष्ठ ब्रह्मणस्पते देव॒यन्त॑स्त्वेमहे |
उप॒ प्र य”न्तु म॒रुत॑: सु॒दान॑व॒ इन्द्र॑ प्रा॒शूर्भ॑वा॒ सचा” ||

त्वामिद्धि स॑हसस्पुत्र॒ मर्त्य॑ उपब्रू॒ते धने” हि॒ते |
सु॒वीर्य”o मरुत॒ आ स्वश्व्य॒o दधी”त॒ यो व॑ आच॒के ||

प्रैतु॒ ब्रह्म॑ण॒स्पति॒: प्र दे॒व्ये”तु सू॒नृता” |
अच्छा” वी॒रं नर्य”o प॒ङ्क्तिरा”धसं दे॒वा य॒ज्ञं न॑यन्तु नः ||

यो वा॒घते॒ ददा”ति सू॒नर॒o वसु॒ स ध॑त्ते॒ अक्षि॑ति॒ श्रव॑: |
तस्मा॒ इळा”o सु॒वीरा॒मा य॑जामहे सु॒प्रतू॑र्तिमने॒हस”म् ||

प्र नू॒नं ब्रह्म॑ण॒स्पति॒र्मन्त्र”o वदत्यु॒क्थ्य”म् |
यस्मि॒न्निन्द्रो॒ वरु॑णो मि॒त्रो अ॑र्य॒मा दे॒वा ओका”oसि चक्रि॒रे ||

तमिद्वो”चेमा वि॒दथे॑षु श॒oभुव॒o मन्त्र”o देवा अने॒हस”म् |
इ॒मां च॒ वाच”o प्रति॒हर्य॑था नरो॒ विश्वे”द्वा॒मा वो” अश्नवत् ||

को दे”व॒यन्त॑मश्नव॒ज्जन॒o को वृ॒क्तब॑र्हिषम् |
प्रप्र॑ दा॒श्वान्प॒स्त्या”भिरस्थितान्त॒र्वाव॒त् क्षय”o दधे ||

उप॑ क्ष॒त्रं पृ”ञ्ची॒त हन्ति॒ राज॑भिर्भ॒ये चि॑त्सुक्षि॒तिं द॑धे |
नास्य॑ व॒र्ता न त॑रु॒ता म॑हाध॒ने नार्भे” अस्ति व॒ज्रिण॑: ||

ग॒णाना”o त्वा ग॒णप॑तिं हवामहे क॒विं क॑वी॒नामु॑प॒मश्र॑वस्तमम् |
ज्ये॒ष्ठ॒राज॒o ब्रह्म॑णां ब्रह्मणस्पत॒ आ न॑: शृ॒ण्वन्नू॒तिभि॑: सीद॒ साद॑नम् ||

दे॒वाश्चि॑त्ते असुर्य॒ प्रचे॑तसो॒ बृह॑स्पते य॒ज्ञिय”o भा॒गमा”नशुः |
उ॒स्रा इ॑व॒ सूर्यो॒ ज्योति॑षा म॒हो विश्वे”षा॒मिज्ज॑नि॒ता ब्रह्म॑णामसि ||

आ वि॒बाध्या” परि॒राप॒स्तमा”oसि च॒ ज्योति॑ष्मन्त॒o रथ॑मृ॒तस्य॑ तिष्ठसि |
बृह॑स्पते भी॒मम॑मित्र॒दम्भ॑नं रक्षो॒हण”o गोत्र॒भिद”o स्व॒र्विद”म् ||

सु॒नी॒तिभि॑र्नयसि॒ त्राय॑से॒ जन॒o यस्तुभ्य॒o दाशा॒न्न तमंहो” अश्नवत् |
ब्र॒ह्म॒द्विष॒स्तप॑नो मन्यु॒मीर॑सि॒ बृह॑स्पते॒ महि॒ तत् ते” महित्व॒नम् ||

न तमंहो॒ न दु॑रि॒तं कुत॑श्च॒न नारा”तयस्तितिरु॒र्न द्व॑या॒विन॑: |
विश्वा॒ इद॑स्माद्ध्व॒रसो॒ वि बा”धसे॒ यं सु॑गो॒पा रक्ष॑सि ब्रह्मणस्पते ||

त्वं नो” गो॒पाः प॑थि॒कृद्वि॑चक्ष॒णस्तव॑ व्र॒ताय॑ म॒तिभि॑र्जरामहे |
बृह॑स्पते॒ यो नो” अ॒भि ह्वरो” द॒धे स्वा तं म॑र्मर्तु दु॒च्छुना॒ हर॑स्वती ||

उ॒त वा॒ यो नो” म॒र्चया॒दना”गसोऽराती॒वा मर्त॑: सानु॒को वृक॑: |
बृह॑स्पते॒ अप॒ तं व॑र्तया प॒थः सु॒गं नो” अ॒स्यै दे॒ववी॑तये कृधि ||

त्रा॒तार”o त्वा त॒नूना॑o हवाम॒हेऽव॑स्पर्तरधिव॒क्तार॑मस्म॒युम् |
बृह॑स्पते देव॒निदो॒ नि ब॑र्हय॒ मा दु॒रेवा॒ उत्त॑रं सु॒म्नमुन्न॑शन् ||

त्वया” व॒यं सु॒वृधा॑ ब्रह्मणस्पते स्पा॒र्हा वसु॑ मनु॒ष्या द॑दीमहि |
या नो” दू॒रे त॒ळितो॒ या अरा”तयो॒ऽभि सन्ति॑ ज॒oभया॒ ता अ॑न॒प्नस॑: ||

त्वया” व॒यमु॑त्त॒मं धी”महे॒ वयो॒ बृह॑स्पते॒ पप्रि॑णा॒ सस्नि॑ना यु॒जा |
मा नो” दु॒:शंसो” अभिदि॒प्सुरी॑शत॒ प्र सु॒शंसा” म॒तिभि॑स्तारिषीमहि ||

अ॒ना॒नु॒दो वृ॑ष॒भो जग्मि॑राह॒वं निष्ट॑प्ता॒ शत्रु॒o पृत॑नासु सास॒हिः |
असि॑ स॒त्य ऋ॑ण॒या ब्र”ह्मणस्पत उ॒ग्रस्य॑ चिद्दमि॒ता वी”ळुह॒र्षिण॑: ||

अदे”वेन॒ मन॑सा॒ यो रि॑ष॒ण्यति॑ शा॒सामु॒ग्रो मन्य॑मानो॒ जिघा”oसति |
बृह॑स्पते॒ मा प्रण॒क् तस्य॑ नो व॒धो नि क”र्म म॒न्युं दु॒रेव॑स्य॒ शर्ध॑तः ||

भरे॑षु॒ हव्यो॒ नम॑सोप॒सद्यो॒ गन्ता॒ वाजे”षु॒ सनि॑ता॒ धन”o‍धनम् |
विश्वा॒ इद॒र्यो अ॑भिदि॒प्स्वो॒ ३ मृधो॒ बृह॒स्पति॒र्वि व॑वर्हा॒ रथा”ँ इव ||

तेजि॑ष्ठया तप॒नी र॒क्षस॑स्तप॒ ये त्वा” नि॒दे द॑धि॒रे दृ॒ष्टवी”र्यम् |
आ॒विस्तत् कृ॑ष्व॒ यदस॑त् त उ॒क्थ्यं १ बृह॑स्पते॒ वि प॑रि॒रापो” अर्दय ||

बृह॑स्पते॒ अति॒ यद॒र्यो अर्हा॑द्द्यु॒मद्वि॒भाति॒ क्रतु॑म॒ज्जने”षु |
यद्दी॒दय॒च्छव॑स ऋतप्रजात॒ तद॒स्मासु॒ द्रवि॑णं धेहि चि॒त्रम् ||

मा न॑: स्ते॒नेभ्यो॒ ये अ॒भि द्रु॒हस्प॒दे नि॑रा॒मिणो” रि॒पवोऽन्ने”षु जागृ॒धुः |
आ दे॒वाना॒मोह॑ते॒ वि व्रयो” हृ॒दि बृह॑स्पते॒ न प॒रः साम्नो” विदुः ||

विश्वे”भ्यो॒ हि त्वा॒ भुव॑नेभ्य॒स्परि॒ त्वष्टाज॑न॒त्साम्न॑:साम्नः क॒विः |
स ऋ॑ण॒चिदृ॑ण॒या ब्रह्म॑ण॒स्पति॑र्द्रु॒हो ह॒न्ता म॒ह ऋ॒तस्य॑ ध॒र्तरि॑ ||

तव॑ श्रि॒ये व्य॑जिहीत॒ पर्व॑तो॒ गवा”o गो॒त्रमु॒दसृ॑जो॒ यद”ङ्गिरः |
इन्द्रे॑ण यु॒जा तम॑सा॒ परी”वृत॒o बृह॑स्पते॒ निर॒पामौ”ब्जो अर्ण॒वम् ||

ब्रह्म॑णस्पते॒ त्वम॒स्य य॒न्ता सू॒क्तस्य॑ बोधि॒ तन॑यं च जिन्व |
विश्व॒o तद्भ॒द्रं यदव”न्ति दे॒वा बृ॒हद्व॑देम वि॒दथे॑ सु॒वीरा”: ||

सेमाम॑विड्ढि॒ प्रभृ॑ति॒o य ईशि॑षे॒ऽया वि॑धेम॒ नव॑या म॒हा गि॒रा |
यथा” नो मी॒ढ्वान्त्स्तव॑ते॒ सखा॒ तव॒ बृह॑स्पते॒ सीष॑ध॒: सोत नो” म॒तिम् ||

यो नन्त्वा॒न्यन॑म॒न्न्योज॑सो॒ताद॑र्दर्म॒न्युना॒ शम्ब॑राणि॒ वि |
प्राच्या”वय॒दच्यु॑ता॒ ब्रह्म॑ण॒स्पति॒रा चावि॑श॒द्वसु॑मन्त॒o वि पर्व॑तम् ||

तद्दे॒वाना”o दे॒वत॑माय॒ कर्त्व॒मश्र॑थ्नन् दृ॒ळहाव्र॑दन्त वीळि॒ता |
उद्गा आ”ज॒दभि॑न॒द्ब्रह्म॑णा व॒लमगू”ह॒त्तमो॒ व्य॑चक्षय॒त् स्व॑: ||

अश्मा”स्यमव॒तं ब्रह्म॑ण॒स्पति॒र्मधु॑धारम॒भि यमोज॒सातृ॑णत् |
तमे॒व विश्वे” पपिरे स्व॒र्दृशो” ब॒हु सा॒कं सि॑सिचु॒रुत्स॑मु॒द्रिण”म् ||

सना॒ ता का चि॒द्भुव॑ना॒ भवी”त्वा मा॒द्भिः श॒रद्भि॒र्दुरो” वरन्त वः |
अय॑तन्ता चरतो अ॒न्यद”न्य॒दिद्या च॒कार॑ व॒युना॒ ब्रह्म॑ण॒स्पति॑: ||

अ॒भि॒नक्ष”न्तो अ॒भि ये तमा”न॒शुर्नि॒धिं प॑णी॒नां प॑र॒मं गुहा” हि॒तम् |
ते वि॒द्वांस॑: प्रति॒चक्ष्यानृ॑ता॒ पुन॒र्यत॑ उ॒ आय॒न्तदुदी”युरा॒विश॑म् ||

ऋ॒तावा”नः प्रति॒चक्ष्यानृ॑ता॒ पुन॒रात॒ आ त॑स्थुः क॒वयो” म॒हस्प॒थः |
ते बा॒हुभ्या॑o धमि॒तम॒ग्निमश्म॑नि॒ नकि॒: षो अ॒स्त्यर॑णो ज॒हुर्हि त”म् ||

ऋ॒तज्ये”न क्षि॒प्रेण॒ ब्रह्म॑ण॒स्पति॒र्यत्र॒ वष्टि॒ प्र तद॑श्नोति॒ धन्व॑ना |
तस्य॑ सा॒ध्वीरिष॑वो॒ याभि॒रस्य॑ति नृ॒चक्ष॑सो दृ॒शये॒ कर्ण॑योनयः ||

स स”oन॒यः स वि॑न॒यः पु॒रोहि॑त॒: स सुष्टु॑त॒: स यु॒धि ब्रह्म॑ण॒स्पति॑: |
चा॒क्ष्मो यद्वाज॒o भर॑ते म॒ती धनाऽऽदित्सूर्य॑स्तपति तप्य॒तुर्वृथा” ||

वि॒भु प्र॒भु प्र॑थ॒मं मे॒हना”वतो॒ बृह॒स्पते”: सुवि॒दत्रा॑णि॒ राध्या॑ |
इ॒मा सा॒तानि॑ वे॒न्यस्य॑ वा॒जिनो॒ येन॒ जना” उ॒भये” भुञ्ज॒ते विश॑: ||

योऽव॑रे वृ॒जने” वि॒श्वथा” वि॒भुर्म॒हामु॑ र॒ण्वः शव॑सा व॒वक्षि॑थ |
स दे॒वो दे॒वान्प्रति॑ पप्रथे पृ॒थु विश्वेदु॒ ता प॑रि॒भूर्ब्रह्म॑ण॒स्पति॑: ||

विश्व”o स॒त्यं म॑घवाना यु॒वोरि॒दाप॑श्च॒न प्र मि॑नन्ति व्र॒तं वा॑म् |
अच्छे”न्द्राब्रह्मणस्पती ह॒विर्नोऽन्न॒o युजे”व वा॒जिना” जिगातम् ||

उ॒ताशि॑ष्ठा॒ अनु॑ शृण्वन्ति॒ वह्न॑यः स॒भेयो॒ विप्रो” भरते म॒ती धना” |
वी॒ळु॒द्वेषा॒ अनु॒ वश॑ ऋ॒णमा”द॒दिः स ह॑ वा॒जी स॑मि॒थे ब्रह्म॑ण॒स्पति॑: ||

ब्रह्म॑ण॒स्पते”रभवद्यथाव॒शं स॒त्यो म॒न्युर्महि॒ कर्मा” करिष्य॒तः |
यो गा उ॒दाज॒त्स दि॒वे वि चा”भजन् म॒हीव॑ री॒तिः शव॑सासर॒त्पृथ॑क् ||

ब्रह्म॑णस्पते सु॒यम॑स्य वि॒श्वहा” रा॒यः स्या”म र॒थ्यो॒ ३ वय॑स्वतः |
वी॒रेषु॑ वी॒राँ उप॑ पृङ्धि न॒स्त्वं यदीशा”नो॒ ब्रह्म॑णा॒ वेषि॑ मे॒ हव॑म् ||

ब्रह्म॑णस्पते॒ त्वम॒स्य य॒न्ता सू॒क्तस्य॑ बोधि॒ तन॑यं च जिन्व |
विश्व॒o तद्भ॒द्रं यदव”न्ति दे॒वा बृ॒हद्व॑देम वि॒दथे” सु॒वीरा”: ||

इन्धा”नो अ॒ग्निं व॑नवद्वनुष्य॒तः कृ॒तब्र”ह्मा शूशुवद्रा॒तह”व्य॒ इत् |
जा॒तेन॑ जा॒तमति॒ स प्र स॑र्सृते॒ यंय॒o युज”o कृणु॒ते ब्रह्म॑ण॒स्पति॑: ||

वी॒रेभि॑र्वी॒रान्व॑नवद्वनुष्य॒तो गोभी” र॒यिं प॑प्रथ॒द्बोध॑ति॒ त्मना” |
तो॒कं च॒ तस्य॒ तन॑यं च वर्धते॒ यंय॒o युज”o कृणु॒ते ब्रह्म॑ण॒स्पति॑: ||

सिन्धु॒र्न क्षोद॒: शिमी”वाँ ऋघाय॒तो वृषे”व॒ वध्री”oर॒भि व॒ष्ट्योज॑सा |
अ॒ग्नेरि॑व॒ प्रसि॑ति॒र्नाह॒ वर्त॑वे॒ यंय॒o युज”o कृणु॒ते ब्रह्म॑ण॒स्पति॑: ||

तस्मा” अर्षन्ति दि॒व्या अ॑स॒श्चत॒: स सत्व॑भिः प्रथ॒मो गोषु॑ गच्छति |
अनि॑भृष्टतविषिर्ह॒न्त्योज॑सा॒ यंय॒o युज॑o कृणु॒ते ब्रह्म॑ण॒स्पति॑: ||

तस्मा॒ इद्विश्वे॑ धुनयन्त॒ सिन्ध॒वोऽच्छि॑द्रा॒ शर्म॑ दधिरे पु॒रूणि॑ |
दे॒वाना”o सु॒म्ने सु॒भग॒: स ए”धते॒ यंय॒o युज”o कृणु॒ते ब्रह्म॑ण॒स्पति॑: ||

ऋ॒जुरिच्छंसो” वनवद्वनुष्य॒तो दे”व॒यन्निददे”वयन्तम॒भ्य॑सत् |
सु॒प्रा॒वीरिद्व॑नवत्पृ॒त्सु दु॒ष्टर॒o यज्वेदय॑ज्यो॒र्वि भ॑जाति॒ भोज॑नम् ||

यज॑स्व वीर॒ प्र वि॑हि मनाय॒तो भ॒द्रं मन॑: कृणुष्व वृत्र॒तूर्ये” |
ह॒विष्कृ॑णुष्व सु॒भगो॒ यथास॑सि॒ ब्रह्म॑ण॒स्पते॒रव॒ आ वृ॑णीमहे ||

स इज्जने”न॒ स वि॒शा स जन्म॑ना॒ स पु॒त्रैर्वाज”o भरते॒ धना॒ नृभि॑: |
दे॒वाना॒o यः पि॒तर॑मा॒विवा”सति श्र॒द्धाम॑ना ह॒विषा॒ ब्रह्म॑ण॒स्पति”म् ||

यो अ॑स्मै ह॒व्यैर्घृ॒तव॑द्भि॒रवि॑ध॒त् प्र तं प्रा॒चा न॑यति॒ ब्रह्म॑ण॒स्पति॑: |
उ॒रु॒ष्यती॒मंह॑सो॒ रक्ष॑ती रि॒षो॒o३ऽहोश्चि॑दस्मा उरु॒चक्रि॒रद्भु॑तः ||

तमु॒ ज्येष्ठ॒o नम॑सा ह॒विर्भि॑: सु॒शेव॒o ब्रह्म॑ण॒स्पति”o गृणीषे |
इन्द्र॒o श्लोको॒ महि॒ दैव्य॑: सिषक्तु॒ यो ब्रह्म॑णो दे॒वकृ॑तस्य॒ राजा” ||

इ॒यं वा”o ब्रह्मणस्पते सुवृ॒क्तिर्ब्रह्मेन्द्रा”य व॒ज्रिणे” अकारि |
अ॒वि॒ष्टं धियो” जिगृ॒तं पुर”o‍धीर्जज॒स्तम॒र्यो व॒नुषा॒मरा”तीः ||

च॒त्तो इ॒तश्च॒त्तामुत॒: सर्वा” भ्रू॒णान्या॒रुषी” |
अ॒रा॒य्य”o ब्रह्मणस्पते॒ तीक्ष्ण॑शृङ्गोदृ॒षन्नि॑हि ||

अ॒दो यद्दारु॒ प्लव॑ते॒ सिन्धो”: पा॒रे अ॑पूरु॒षम् |
तदा र॑भस्व दुर्हणो॒ तेन॑ गच्छ परस्त॒रम् ||

अग्नि॒र्येन॑ वि॒राज॑ति सू॒र्यो” येन वि॒राज॑ति |
वि॒राज्ये”न विरा॒जति तेना॒स्मान् ब्रह्म॑णस्पते वि॒रा॑ज समिध॒o कु॑रु ||

यत्र॑ बा॒णाः स॒म्पत”न्ति कुमा॒रा वि॑शि॒खा इ॑व |
तत्रा” नो॒ ब्रह्म॑ण॒स्पति॒रदि॑ति॒: शर्म॑ यच्छतु वि॒श्वाहा॒ शर्म॑ यच्छतु ||

यदि॑न्द्र ब्रह्मणस्पतेऽभिद्रो॒हं चरा”मसि |
प्रचे”ता न आङ्गिर॒सो द्वि॑ष॒तां पा॒त्वंह॑सः ||

नि षु सी”द गणपते ग॒णेषु॒ त्वामा”हु॒र्विप्र॑तमं कवी॒नाम् |
न ऋ॒ते त्वत्क्रि॑यते॒ किं च॒नारे म॒हाम॒र्कं म॑घवञ्चि॒त्रम॑र्च ||

अ॒यं मे॒ हस्तो॒ भग॑वान॒यं मे॒ भग॑वत्तरः |
अ॒यं मे॑ वि॒श्वभे”षजो॒ऽयं शि॒वाभि॑मर्शनः ||

ॐ शान्ति॒: शान्ति॒: शान्ति॑: |
गमनिक
: पैन इव्वबडिन सूक्तं, ई क्रिंदि पुस्तकमुलो कूडा उन्नदि.
श्री ब्रह्म स्तोत्रनिधि
(नित्य पारायण ग्रंथमु)
मरिन्नि
श्री गणेश स्तोत्रालु
चूडंडि. मरिन्नि
वेदसूक्तमुलु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु