Sri Rudra Chandi Stotram

तॆलुगु
स्तोत्रनिधि
श्री दुर्गा स्तोत्रालु
[गमनिक: ई स्तोत्रमु
(श्लोकालु मात्रमे)
श्री दुर्गा स्तोत्रनिधि
” पारायण ग्रंथमुलो कूडा उन्नदि.
ध्यानम् –
रक्तवर्णां महादेवी लसच्चंद्रविभूषितां
पट्टवस्त्रपरीधानां स्वर्णालंकारभूषितम् |
वराभयकरां देवीं मुंडमालाविभूषितां
कोटिचंद्रसमासीनां वदनैः शोभितां पराम् ||

स्वर्णवर्णमहादेवहृदयोपरिसंस्थिताम् |
अक्षमालाधरां देवीं जपकर्मसमाहितां
वांछितार्थप्रदायिनीं रुद्रचंडीमहं भजे ||

श्रीशंकर उवाच |
चंडिका हृदयं न्यस्य शरणं यः करोत्यपि |
अनंतफलमाप्नोति देवी चंडीप्रसादतः ||

घोरचंडी महाचंडी चंडमुंडविखंडिनी |
चतुर्वक्त्रा महावीर्या महादेवविभूषिता ||

रक्तदंता वरारोहा महिषासुरमर्दिनी |
तारिणी जननी दुर्गा चंडिका चंडविक्रमा ||

गुह्यकाळी जगद्धात्री चंडी च यामलोद्भवा |
श्मशानवासिनी देवी घोरचंडी भयानका ||

शिवा घोरा रुद्रचंडी महेशी गणभूषिता |
जाह्नवी परमा कृष्णा महात्रिपुरसुंदरी ||

श्रीविद्या परमाविद्या चंडिका वैरिमर्दिनी |
दुर्गा दुर्गशिवा घोरा चंडहस्ता प्रचंडिका ||

माहेशी बगला देवी भैरवी चंडविक्रमा |
प्रमथैर्भूषिता कृष्णा चामुंडा मुंडमर्दिनी ||

रणखंडा चंद्रघंटा रणे रामवरप्रदा |
मारणी भद्रकाळी च शिवा घोरभयानका ||

विष्णुप्रिया महामाया नंदगोपगृहोद्भवा |
मंगळा जननी चंडी महाक्रुद्धा भयंकरी ||

विमला भैरवी निद्रा जातिरूपा मनोहरा |
तृष्णा निद्रा क्षुधा माया शक्तिर्मायामनोहरा ||

तस्यै देव्यै नमो या वै सर्वरूपेण संस्थिता |
नमस्तस्यै नमस्तस्यै नमस्तस्यै नमो नमः ||

इमां चंडी जगद्धात्रीं ब्राह्मणस्तु सदा पठेत् |
नान्यस्तु संपठेद्देवि पठने ब्रह्महा भवेत् ||

यः शृणोति धरायां च मुच्यते सर्वपातकैः |
ब्रह्महत्या च गोहत्या स्त्रीवधोद्भवपातकम् ||

श्वश्रूगमनपापं च कन्यागमनपातकम् |
तत्सर्वं पातकं दुर्गे मातुर्गमनपातकम् ||

सुतस्त्रीगमनं चैव यद्यत्पापं प्रजायते |
परदारकृतं पापं तत् क्षणादेव नश्यति ||

जन्मजन्मांतरात्पापाद्गुरुहत्यादिपातकात् |
मुच्यते मुच्यते देवि गुरुपत्नीसुसंगमात् ||

मनसा वचसा पापं यत्पापं ब्रह्महिंसने |
मिथ्याजन्यं च यत्पापं तत्पापं नश्यति क्षणात् ||

श्रवणं पठनं चैव यः करोति धरातले |
स धन्यश्च कृतार्थश्च राजा राजाधिपो भवेत् ||

रविवारे यदा चंडी पठेदागमसम्मताम् |
नवावृत्तिफलं तस्य जायते नात्र संशयः ||

सोमवारे यदा चंडी पठेद्यस्तु समाहितः |
सहस्रावृत्तिपाठस्य फलं जानीहि सुव्रत ||

कुजवारे जगद्धात्रीं पठेदागमसम्मताम् |
शतावृत्तिफलं तस्य बुधे लक्षफलं ध्रुवम् ||

गुरौ यदि महामाये लक्षयुग्मफलं ध्रुवम् |
शुक्रे देवि जगद्धात्रि चंडीपाठेन शांकरी ||

ज्ञेयं तुल्यफलं दुर्गे यदि चंडीसमाहितः |
शनिवारे जगद्धात्रि कोट्यावृत्तिफलं ध्रुवम् ||

अत एव महेशानि यो वै चंडी समभ्यसेत् |
स सद्यश्च कृतार्थः स्याद्राजराजाधिपो भवेत् ||

आरोग्यं विजयं सौख्यं वस्त्ररत्नप्रवालकम् |
पठनाच्छ्रवणाच्चैव जायते नात्र संशयः ||

धनं धान्यं प्रवालं च वस्त्रं रत्नविभूषणम् |
चंडीश्रवणमात्रेण कुर्यात्सर्वं महेश्वरी ||

यः करिष्यत्वविज्ञाय रुद्रयामलचंडिकाम् |
पापैरेतैः समायुक्तो रौरवं नरकं व्रजेत् ||

अश्रद्धया च कुर्वंति ते च पातकिनो नराः |
रौरवं नरकं कुंडं कृमिकुंडं मलस्य वै ||

शुक्रस्य कुंडं स्त्रीकुंडं यांति ते ह्यचिरेण वै |
ततः पितृगणैः सार्धं विष्ठायां जायते कृमिः ||

शृणु देवि महामाये चंडीपाठं करोति यः |
गंगायां चैव यत्पुण्यं काश्यां विश्वेश्वराग्रतः ||

प्रयागे मुंडने चैव हरिद्वारे हरेर्गृहे |
तस्य पुण्यं भवेद्देवि सत्यं दुर्गे रमे शिवे ||

त्रिगयायां त्रिकाश्यां वै यच्च पुण्यं समुत्थितम् |
तच्च पुण्यं तच्च पुण्यं तच्च पुण्यं न संशयः ||

भवानी च भवानी च भवानी चोच्यते बुधैः |
भकारस्तु भकारस्तु भकारः केवलः शिवः ||

वाणी चैव जगद्धात्री वरारोहे भकारकः |
प्रेतवद्देवि विश्वेशि भकारः प्रेतवत्सदा ||

आरोग्यं च जयं पुण्यं नातः सुखविवर्धनम् |
धनं पुत्र जरारोग्यं कुष्ठं गलितनाशनम् ||

अर्धांगरोगान्मुच्येत दद्रुरोगाच्च पार्वति |
सत्यं सत्यं जगद्धात्रि महामाये शिवे शिवे ||

चंडे चंडि महारावे चंडिका व्याधिनाशिनी |
मंदे दिने महेशानि विशेषफलदायिनी ||

सर्वदुःखादिमुच्यते भक्त्या चंडी शृणोति यः |
ब्राह्मणो हितकारी च पठेन्नियतमानसः ||

मंगळं मंगळं ज्ञेयं मंगळं जयमंगळम् |
भवेद्धि पुत्रपौत्रैश्च कन्यादासादिभिर्युतः ||

तत्त्वज्ञानेन निधनकाले निर्वाणमाप्नुयात् |
मणिदानोद्भवं पुण्यं तुलाहिरण्यके तथा ||

चंडीश्रवणमात्रेण पठनाद्ब्राह्मणोऽपि च |
निर्वाणमेति देवेशि महास्वस्त्ययने हितः ||

सर्वत्र विजयं याति श्रवणाद्ग्रहदोषतः |
मुच्यते च जगद्धात्रि राजराजाधिपो भवेत् ||

महाचंडी शिवा घोरा महाभीमा भयानका |
कांचनी कमला विद्या महारोगविमर्दिनी ||

गुह्यचंडी घोरचंडी चंडी त्रैलोक्यदुर्लभा |
देवानां दुर्लभा चंडी रुद्रयामलसम्मता ||

अप्रकाश्या महादेवी प्रिया रावणमर्दिनी |
मत्स्यप्रिया मांसरता मत्स्यमांसबलिप्रिया ||

मदमत्ता महानित्या भूतप्रमथसंगता |
महाभागा महारामा धान्यदा धनरत्नदा ||

वस्त्रदा मणिराज्यादिसदाविषयवर्धिनी |
मुक्तिदा सर्वदा चंडी महापत्तिविनाशिनी ||

शृणोति भक्त्या परमां शिवस्य |
चंडीं धरण्यामतिपुण्ययुक्तां
स वै न गच्छेत्परमंदिरं किल ||

जप्यं मनोरथं दुर्गे तनोति धरणीतले |
रुद्रचंडीप्रसादेन किं न सिद्ध्यति भूतले ||

रुद्रध्येया रुद्ररूपा रुद्राणी रुद्रवल्लभा |
रुद्रशक्ती रुद्ररूपा रुद्राननसमन्विता ||

शिवचंडी महाचंडी शिवप्रेतगणान्विता |
भैरवी परमा विद्या महाविद्या च षोडशी ||

सुंदरी परमा पूज्या महात्रिपुरसुंदरी |
गुह्यकाळी भद्रकाळी महाकालविमर्दिनी ||

कृष्णा तृष्णा स्वरूपा सा जगन्मोहनकारिणी |
अतिमात्रा महालज्जा सर्वमंगळदायिनि ||

घोरतंद्री भीमरूपा भीमा देवी मनोहरा |
मंगळा बगला सिद्धिदायिनी सर्वदा शिवा ||

स्मृतिरूपा कीर्तिरूपा योगींद्रैरपि सेविता |
भयानका महादेवी भयदुःखविनाशिनी ||

चंडिका शक्तिहस्ता च कौमारी सर्वकामदा |
वाराही च वराहास्या इंद्राणी शक्रपूजिता ||

माहेश्वरी महेशस्य महेशगणभूषिता |
चामुंडा नारसिंही च नृसिंहरिपुमर्दिनी ||

सर्वशत्रुप्रशमनी सर्वारोग्यप्रदायिनी |
इति सत्यं महादेवि सत्यं सत्यं वदाम्यहम् ||

नैव शोको नैव रोगो नैव दुःखं भयं तथा |
आरोग्यं मंगळं नित्यं करोति शुभमंगळम् ||

महेशानि वरारोहे ब्रवीमि सदिदं वचः |
अभक्ताय न दातव्यं मम प्राणाधिकं शुभम् ||

तव भक्त्या प्रशांताय शिवविष्णुप्रियाय च |
दद्यात्कदाचिद्देवेशि सत्यं सत्यं महेश्वरि ||

अनंतफलमाप्नोति शिवचंडीप्रसादतः |
अश्वमेधं वाजपेयं राजसूयशतानि च ||

तुष्टाश्च पितरो देवास्तथा च सर्वदेवताः |
दुर्गेयं मृन्मयी ज्ञानं रुद्रयामलपुस्तकम् ||

मंत्रमक्षरसंज्ञानं करोत्यपि नराधमः |
अत एव महेशानि किं वक्ष्ये तव सन्निधौ ||

लंबोदराधिकश्चंडीपठनाच्छ्रवणात्तु यः |
तत्त्वमस्यादिवाक्येन मुक्तिमाप्नोति दुर्लभाम् ||

इति श्रीरुद्रयामले देवीश्वरसंवादे श्री रुद्रचंडी स्तोत्रम् |
गमनिक
: पैन इव्वबडिन स्तोत्रमु
(श्लोकालु मात्रमे)
, ई क्रिंदि पुस्तकमुलो कूडा उन्नदि.
श्री दुर्गा स्तोत्रनिधि
(नित्य पारायण ग्रंथमु)
मरिन्नि
श्री दुर्गा स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु