Sri Renuka Stotram (Parashurama Kritam)

तॆलुगु
स्तोत्रनिधि
देवी स्तोत्रालु
श्रीपरशुराम उवाच |
ॐ नमः परमानंदे सर्वदेवमयी शुभे |
अकारादिक्षकारांतं मातृकामंत्रमालिनी ||

एकवीरे एकरूपे महारूपे अरूपिणी |
अव्यक्ते व्यक्तिमापन्ने गुणातीते गुणात्मिके ||

कमले कमलाभासे हृत्सत्प्रक्तर्णिकालये |
नाभिचक्रस्थिते देवि कुंडली तंतुरूपिणी ||

वीरमाता वीरवंद्या योगिनी समरप्रिये |
वेदमाता वेदगर्भे विश्वगर्भे नमोऽस्तु ते ||

राममातर्नमस्तुभ्यं नमस्त्रैलोक्यरूपिणी |
मह्यादिके पंचभूता जमदग्निप्रिये शुभे ||

यैस्तु भक्त्या स्तुता ध्यात्वा अर्चयित्वा पिते शिवे |
भोगमोक्षप्रदे देवि कामेश्वरि नमोऽस्तु ते ||

नमोऽस्तु ते निरालंबे परमानंदविग्रहे |
पंचभूतात्मिके देवि भूतभावविवर्जिते ||

महारौद्रे महाकाये सृष्टिसंहारकारिणी |
ब्रह्मांडगोलकाकारे विश्वरूपे नमोऽस्तु ते ||

चतुर्भुजे खड्गहस्ते महाडमरुधारिणी |
शिरःपात्रधरे देवि एकवीरे नमोऽस्तु ते ||

नीलांबरे नीलवर्णे मयूरपिच्छधारिणी |
वनभिल्लधनुर्वामे दक्षिणे बाणधारिणी ||

रौद्रकाये महाकाये सहस्रार्जुनभंजनी |
एकं शिरः पुरा स्थित्वा रक्तपात्रे च पूरितम् ||

मृतधारापिबं देवि रुधिरं दैत्यदेहजम् |
रक्तवर्णे रक्तदंते खड्गलांगलधारिणी ||

वामहस्ते च खट्वांगं डमरुं चैव दक्षिणे |
प्रेतवाहनके देवि ऋषिपत्नी च देवते ||

एकवीरे महारौद्रे मालिनी विश्वभैरवी |
योगिनी योगयुक्ता च महादेवी महेश्वरी ||

कामाक्षी भद्रकाली च हुंकारी त्रिपुरेश्वरी |
रक्तवक्त्रे रक्तनेत्रे महात्रिपुरसुंदरी ||

रेणुकासूनुयोगी च भक्तानामभयंकरी |
भोगलक्ष्मीर्योगलक्ष्मीर्दिव्यलक्ष्मीश्च सर्वदा ||

कालरात्रि महारात्रि मद्यमांसशिवप्रिये |
भक्तानां श्रीपदे देवि लोकत्रयविमोहिनी ||

क्लींकारी कामपीठे च ह्रींकारी च प्रबोध्यता |
श्रींकारी च श्रिया देवि सिद्धलक्ष्मीश्च सुप्रभा ||

महालक्ष्मीश्च कौमारी कौबेरी सिंहवाहिनी |
सिंहप्रेतासने देवि रौद्री क्रूरावतारिणी ||

दैत्यमारी कुमारी च रौद्रदैत्यनिपातिनी |
त्रिनेत्रा श्वेतरूपा च सूर्यकोटिसमप्रभा ||

खड्गिनी बाणहस्ता चारूढा महिषवाहिनी |
महाकुंडलिनी साक्षात् कंकाली भुवनेश्वरी ||

कृत्तिवासा विष्णुरूपा हृदया देवतामया |
देवमारुतमाता च भक्तमाता च शंकरी ||

चतुर्भुजे चतुर्वक्त्रे स्वस्तिपद्मासनस्थिते |
पंचवक्त्रा महागंगा गौरी शंकरवल्लभा ||

कपालिनी देवमाता कामधेनुस्त्रयोगुणी |
विद्या एकमहाविद्या श्मशानप्रेतवासिनी ||

देवत्रिगुणत्रैलोक्या जगत्त्रयविलोकिनी |
रौद्रा वैतालि कंकाली भवानी भववल्लभा ||

काली कपालिनी क्रोधा मातंगी वेणुधारिणी |
रुद्रस्य न पराभूता रुद्रदेहार्धधारिणी ||

जया च विजया चैव अजया चापराजिता |
रेणुकायै नमस्तेऽस्तु सिद्धदेव्यै नमो नमः ||

श्रियै देव्यै नमस्तेऽस्तु दीननाथे नमो नमः |
जय त्वं देवदेवेशि सर्वदेवि नमोऽस्तु ते ||

देवदेवस्य जननि पंचप्राणप्रपूरिते |
त्वत्प्रसादाय देवेशि देवाः क्रंदंति विष्णवे ||

महाबले महारौद्रे सर्वदैत्यनिपातिनी |
आधारा बुद्धिदा शक्तिः कुंडली तंतुरूपिणी ||

षट्चक्रमणे देवि योगिनि दिव्यरूपिणी |
कामिका कामरक्ता च लोकत्रयविलोकिनी ||

महानिद्रा मद्यनिद्रा मधुकैटभभंजिनी |
भद्रकाली त्रिसंध्या च महाकाली कपालिनी ||

रक्षिता सर्वभूतानां दैत्यानां च क्षयंकरी |
शरण्यं सर्वसत्त्वानां रक्ष त्वं परमेश्वरी ||

त्वामाराधयते लोके तेषां राज्यं च भूतले |
आषाढे कार्तिके चैव पूर्णे पूर्णचतुर्दशी ||

आश्विने पौषमासे च कृत्वा पूजां प्रयत्नतः |
गंधपुष्पैश्च नैवेद्यैस्तोषितां पंचभिः सह ||

यं यं प्रार्थयते नित्यं तं तं प्राप्नोति निश्चितम् |
तत्त्वं मे वरदे देवि रक्ष मां परमेश्वरी ||

तव वामांकितं देवि रक्ष मे सकलेश्वरी |
सर्वभूतोदये देवि प्रसाद वरदे शिवे ||

श्रीदेव्युवाच |
वरं ब्रूहि महाभाग राज्यं कुरु महीतले |
मामाराध्यते लोके भयं क्वापि न विद्यते ||

मम मार्गे च आयांती भीर्देवी मम सन्निधौ |
अभार्यो लभते भार्यां निर्धनो लभते धनम् ||

विद्यां पुत्रमवाप्नोति शत्रुनाशं च विंदति |
अपुत्रो लभते पुत्रान् बद्धो मुच्येत बंधनात् ||

कामार्थी लभते कामं रोगी आरोग्यमाप्नुयात् |
मम आराधनं नित्यं राज्यं प्राप्नोति भूतले ||

सर्वकार्याणि सिद्ध्यंति प्रसादान्मे न संशयः |
सर्वकार्याण्यवाप्नोति दीर्घायुश्च लभेत्सुखी ||

श्रीपरशुराम उवाच |
अत्र स्थानेषु भवतां अभयं कुरु सर्वदा |
यं यं प्रार्थयते नित्यं तं तं प्राप्नोति निश्चितम् ||

प्रयागे पुष्करे चैव गंगासागरसंगमे |
स्नानं च लभते नित्यं नित्यं च चरणोदकम् ||

इदं स्तोत्रं पठेन्नित्यं त्रिसंध्यं श्रद्धयान्वितः |
सर्वान् कामानवाप्नोति प्राप्यते परमं पदम् ||

इति श्रीवायुपुराणे परशुरामकृत श्रीरेणुकास्तोत्रम् |
मरिन्नि
देवी स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु