Sri Raghavendra Kavacham

तॆलुगु
स्तोत्रनिधि
श्री राघवेंद्र स्तोत्रालु
(ई स्तोत्रं श्री राघवेंद्र स्वामि वारि परम भक्तुलैन श्री अप्पणाचार्युल वारिचे रचिंपबडिंदि. “कवचं” अंटे रक्षण इच्चेदि अनि अर्थं. युद्धंलो कवचं शरीरान्नि ऎला कापाडुतुंदो, ई स्तोत्र पारायण भक्तुनि चुट्टू ऒक आध्यात्मिक रक्षण वलयान्नि एर्परिचि, सकल आपदल नुंडि कापाडुतुंदनि नम्मकं. इंदुलो स्वामि वारि दिव्य मंगळ स्वरूपान्नि ध्यानिस्तू, शरीरंलोनि प्रति अवयवान्नि रक्षिंचमनि प्रार्थिंचडं जरुगुतुंदि.)
कवचं श्री राघवेंद्रस्य यतींद्रस्य महात्मनः |
वक्ष्यामि गुरुवर्यस्य वांछितार्थप्रदायकम् ||

ऋषिरस्याप्पणाचार्यः छंदोऽनुष्टुप् प्रकीर्तितम् |
देवता श्रीराघवेंद्र गुरुरिष्टार्थसिद्धये ||

अष्टोत्तरशतं जप्यं भक्तियुक्तेन चेतसा |
उद्यत्प्रद्योतनद्योत धर्मकूर्मासने स्थितम् ||

खद्योखद्योतनद्योत धर्मकूर्मासने स्थितम् |
धृतकाषायवसनं तुलसीहारवक्षसम् ||

दोर्दंडविलसद्दंड कमंडलविराजितम् |
अभयज्ञानमुद्राऽक्षमालालोलकरांबुजम् ||

योगींद्रवंद्यपादाब्जं राघवेंद्र गुरुं भजे |
शिरो रक्षतु मे नित्यं राघवेंद्रोऽखिलेष्टदः ||

पापाद्रिपाटने वज्रः केशान् रक्षतु मे सदा |
क्षमासुरगणाधीशो मुखं रक्षतु मे गुरुः ||

हरिसेवालब्धसर्वसंपत्फालं ममावतु |
देवस्वभावोऽवतु मे दृशौ तत्त्वप्रदर्शकः ||

इष्टप्रदाने कल्पद्रुः श्रोत्रे श्रुत्यर्थबोधकः |
भव्यस्वरूपो मे नासां जिह्वां मेऽवतु भव्यकृत् ||

आस्यं रक्षतु मे दुःखतूलसंघाग्निचर्यकः |
सुखधैर्यादिसुगुणो भ्रुवौ मम सदाऽवतु ||

ओष्ठौ रक्षतु मे सर्वग्रहनिग्रहशक्तिमान् |
उपप्लवोदधेस्सेतुर्दंतान् रक्षतु मे सदा ||

निरस्तदोषो मे पातु कपोलौ सर्वपालकः |
निरवद्यमहावेषः कंठं मेऽवतु सर्वदा ||

कर्णमूले तु प्रत्यर्थिमूकत्वाकरवाङ्मम |
परवादिजये पातु हस्तौ सत्तत्त्ववादकृत् || [*बहुवदि*]

करौ रक्षतु मे विद्वत्परिज्ञेयविशेषवान् |
वाग्वैखरीभव्यशेषजयी वक्षस्थलं मम ||

सतीसंतानसंपत्तिभक्तिज्ञानादिवृद्धिकृत् |
स्तनौ रक्षतु मे नित्यं शरीरावद्यहानिकृत् ||

पुण्यवर्धनपादाब्जाभिषेकजलसंचयः |
नाभिं रक्षतु मे पार्श्वौ द्युनदीतुल्यसद्गुणः ||

पृष्ठं रक्षतु मे नित्यं तापत्रयविनाशकृत् |
कटिं मे रक्षतु सदा वंद्या सत्पुत्रदायकः ||

जघनं मेऽवतु सदा व्यंगस्वंगसमृद्धिकृत् |
गुह्यं रक्षतु मे पापग्रहारिष्टविनाशकृत् ||

भक्ताघविध्वंसकरनिजमूर्तिप्रदर्शकः |
मूर्तिमान्पातु मे रोमं राघवेंद्रो जगद्गुरुः ||

सर्वतंत्रस्वतंत्रोऽसौ जानुनी मे सदाऽवतु |
जंघे रक्षतु मे नित्यं श्रीमध्वमतवर्धनः ||

विजयींद्रकराब्जोत्थसुधींद्रवरपुत्रकः |
गुल्फौ श्रीराघवेंद्रो मे यतिराट् सर्वदाऽवतु ||

पादौ रक्षतु मे सर्वभयहारी कृपानिधिः |
ज्ञानभक्तिसुपुत्रायुर्यशः श्रीपुण्यवर्धनः ||

करपादांगुलीः सर्वा ममावतु जगद्गुरुः |
प्रतिवादिजयस्वांतभेदचिह्नादरो गुरुः ||

नखानवतु मे सर्वान् सर्वशास्त्रविशारदः |
अपरोक्षीकृतश्रीशः प्राच्यां दिशि सदाऽवतु ||

स दक्षिणे चाऽवतु मां समुपेक्षितभावजः |
अपेक्षितप्रदाता च प्रतीच्यामवतु प्रभुः ||

दयादाक्षिण्यवैराग्यवाक्पाटवमुखांकितः |
सदोदीच्यामवतु मां शापानुग्रहशक्तिमान् ||

निखिलेंद्रियदोषघ्नो महानुग्रहकृद्गुरुः |
अधश्चोर्ध्वं चाऽवतु मामष्टाक्षरमनूदितम् ||

आत्मात्मीयाघराशिघ्नो मां रक्षतु विदिक्षु च |
चतुर्णां च पुमर्थानां दाता प्रातः सदाऽवतु ||

संग्रामेऽवतु मां नित्यं तत्त्ववित्सर्वसौख्यकृत् |
मध्याह्नेऽगम्यमहिमा मां रक्षतु महायशाः ||

मृतपोतप्राणदाता सायाह्ने मां सदाऽवतु |
वेदिस्थपुरुषोज्जीवी निशीथे पातु मां गुरुः ||

वह्निस्थमालिकोद्धर्ता वह्नितापात्सदाऽवतु |
समग्रटीकाव्याख्याता गुरुर्मे विषयेऽवतु ||

कांतारेऽवतु मां नित्यं भाट्ट संग्रहकृद्गुरुः |
सुधापरिमळोद्धर्ता स्वच्छंदस्तु सदाऽवतु ||

राजचोरविषव्याधियादोवन्यमृगादिभिः |
अपस्मारापहर्ता नः शास्त्रवित्सर्वदाऽवतु ||

गतौ सर्वत्र मां पातूपनिषदर्थकृद्गुरुः |
ऋग्व्याख्यानकृदाचार्यः स्थितौ रक्षतु मां सदा ||

मंत्रालयनिवासी मां जाग्रत्काले सदाऽवतु |
न्यायमुक्तावलीकर्ता स्वप्ने रक्षतु मां सदा ||

मां पातु चंद्रिकाव्याख्याकर्ता सुप्तौ हि तत्त्वकृत् |
सुतंत्रदीपिकाकर्ता मुक्तौ रक्षतु मां गुरुः ||

गीतार्थसंग्रहकरः सदा रक्षतु मां गुरुः |
श्रीमध्वमतदुग्धाब्धिचंद्रोऽवतु सदाऽनघः ||

इति श्रीराघवेंद्रस्य कवचं पापनाशनम् |
सर्वव्याधिहरं सद्यः पावनं पुण्यवर्धनम् ||

य इदं पठते नित्यं नियमेन समाहितः |
अदृष्टिः पूर्णदृष्टिः स्यादेडमूकोऽपि वाक्पतिः ||

पूर्णायुः पूर्णसंपत्तिभक्तिज्ञानाभिवृद्धिकृत् |
पीत्वा वारि नरो येन कवचेनाभिमंत्रितम् ||

जहाति कुक्षिगान् रोगान् गुरुवर्यप्रसादतः |
प्रदक्षिणनमस्कारान् गुरोर्वृंदावनस्य यः ||

करोति परया भक्त्या तदेतत्कवचं पठन् |
पंगुः कूणिश्च पौगंडः पूर्णांगो जायते ध्रुवम् ||

शेषाश्च कुष्ठपूर्वाश्च नश्यंत्यामयराशयः |
अष्टाक्षरेण मंत्रेण स्तोत्रेण कवचेन च ||

वृंदावने सन्निहितमभिषिच्य यथाविधि |
यंत्रे मंत्राक्षराण्यष्टौ विलिख्यात्र प्रतिष्ठितम् ||

षोडशैरुपचारैश्च संपूज्य त्रिजगद्गुरुम् |
अष्टोत्तरशताख्याभिरर्चयेत्कुसुमादिभिः ||

फलैश्च विविधैरेव गुरोरर्चां प्रकुर्वतः |
नामश्रवणमात्रेण गुरुवर्यप्रसादतः ||

भूतप्रेतपिशाचाद्याः विद्रवंति दिशो दश |
पठेदेतत्त्रिकं नित्यं गुरोर्वृंदावनांतिके ||

दीपं संयोज्य विद्यावान् सभासु विजयी भवेत् |
राजचोरमहाव्याघ्रसर्पनक्रादिपीडनात् ||

कवचस्य प्रभावेण भयं तस्य न जायते |
सोमसूर्योपरागादिकाले वृंदावनांतिके ||

कवचादित्रिकं पुण्यमप्पणाचार्यदर्शितम् |
जपेद्यः स धनं पुत्रान् भार्यां च सुमनोरमाम् ||

ज्ञानं भक्तिं च वैराग्यं भुक्तिं मुक्तिं च शाश्वतीम् |
संप्राप्य मोदते नित्यं गुरुवर्यप्रसादतः ||

इति श्रीमदप्पणाचार्यविरचितं श्रीराघवेंद्रकवचं संपूर्णम् |
मरिन्नि
श्री राघवेंद्र स्तोत्रालु
चूडंडि.  मरिन्नि
श्री गुरु स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु