Sri Radha Kavacham

तॆलुगु
स्तोत्रनिधि
श्री कृष्ण स्तोत्रालु
पार्वत्युवाच |
कैलास वासिन् भगवन् भक्तानुग्रहकारक |
राधिका कवचं पुण्यं कथयस्व मम प्रभो ||

यद्यस्ति करुणा नाथ त्राहि मां दुःखतो भयात् |
त्वमेव शरणं नाथ शूलपाणे पिनाकधृत् ||

शिव उवाच |
शृणुष्व गिरिजे तुभ्यं कवचं पूर्वसूचितम् |
सर्वरक्षाकरं पुण्यं सर्वहत्याहरं परम् ||

हरिभक्तिप्रदं साक्षाद्भुक्तिमुक्तिप्रसाधनम् |
त्रैलोक्याकर्षणं देवि हरिसान्निध्यकारकम् ||

सर्वत्र जयदं देवि सर्वशत्रुभयावहम् |
सर्वेषां चैव भूतानां मनोवृत्तिहरं परम् ||

चतुर्धा मुक्तिजनकं सदानंदकरं परम् |
राजसूयाश्वमेधानां यज्ञानां फलदायकम् ||

इदं कवचमज्ञात्वा राधामंत्रं च यो जपेत् |
स नाप्नोति फलं तस्य विघ्नास्तस्य पदे पदे ||

ऋषिरस्य महादेवोऽनुष्टुप् छंदश्च कीर्तितम् |
राधाऽस्य देवता प्रोक्ता रां बीजं कीलकं स्मृतम् ||

धर्मार्थकाममोक्षेषु विनियोगः प्रकीर्तितः |
श्रीराधा मे शिरः पातु ललाटं राधिका तथा ||

श्रीमती नेत्रयुगळं कर्णौ गोपेंद्रनंदिनी |
हरिप्रिया नासिकां च भ्रूयुगं शशिशोभना ||

ओष्ठं पातु कृपादेवी अधरं गोपिका तथा |
वृषभानुसुता दंतांश्चिबुकं गोपनंदिनी ||

चंद्रावली पातु गंडं जिह्वां कृष्णप्रिया तथा |
कंठं पातु हरिप्राणा हृदयं विजया तथा ||

बाहू द्वौ चंद्रवदना उदरं सुबलस्वसा |
कोटियोगान्विता पातु पादौ सौभद्रिका तथा ||

नखांश्चंद्रमुखी पातु गुल्फौ गोपालवल्लभा |
नखान् विधुमुखी देवी गोपी पादतलं तथा ||

शुभप्रदा पातु पृष्ठं कुक्षौ श्रीकांतवल्लभा |
जानुदेशं जया पातु हरिणी पातु सर्वतः ||

वाक्यं वाणी सदा पातु धनागारं धनेश्वरी |
पूर्वां दिशं कृष्णरता कृष्णप्राणा च पश्चिमाम् ||

उत्तरां हरिता पातु दक्षिणां वृषभानुजा |
चंद्रावली नैशमेव दिवा क्ष्वेडितमेखला ||

सौभाग्यदा मध्यदिने सायाह्ने कामरूपिणी |
रौद्री प्रातः पातु मां हि गोपिनी रजनीक्षये ||

हेतुदा संगवे पातु केतुमाला दिवार्धके |
शेषाऽपराह्णसमवे शमिता सर्वसंधिषु ||

योगिनी भोगसमये रतौ रतिप्रदा सदा |
कामेशी कौतुके नित्यं योगे रत्नावली मम ||

सर्वदा सर्वकार्येषु राधिका कृष्णमानसा |
इत्येतत्कथितं देवि कवचं परमाद्भुतम् ||

सर्वरक्षाकरं नाम महारक्षाकरं परम् |
प्रातर्मध्याह्नसमये सायाह्ने प्रपठेद्यदि ||

सर्वार्थसिद्धिस्तस्य स्याद्यन्मनसि वर्तते |
राजद्वारे सभायां च संग्रामे शत्रुसंकटे ||

प्राणार्थनाशसमये यः पठेत्प्रयतो नरः |
तस्य सिद्धिर्भवेद्देवि न भयं विद्यते क्वचित् ||

आराधिता राधिका च तेन सत्यं न संशयः |
गंगास्नानाद्धरेर्नामग्रहणाद्यत्फलं लभेत् ||

तत्फलं तस्य भवति यः पठेत्प्रयतः शुचिः |
हरिद्रारोचनाचंद्रमंडितं हरिचंदनम् ||

कृत्वा लिखित्वा भूर्जे च धारयेन्मस्तके भुजे |
कंठे वा देवदेवेशि स हरिर्नात्र संशयः ||

कवचस्य प्रसादेन ब्रह्मा सृष्टिं स्थितिं हरिः |
संहारं चाऽहं नियतं करोमि कुरुते तथा ||

वैष्णवाय विशुद्धाय विरागगुणशालिने |
दद्यात्कवचमव्यग्रमन्यथा नाशमाप्नुयात् ||

इति श्रीनारदपंचरात्रे ज्ञानामृतसारे राधा कवचम् |
मरिन्नि
श्री कृष्ण स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु