Sri Matangi Kavacham 3

तॆलुगु
स्तोत्रनिधि
दशमहाविद्यलु
अस्य श्रीमातंगी कवचमंत्रस्य महायोगीश्वरऋषिः अनुष्टुप् छंदः श्रीमातंगीश्वरी देवता श्रीमातंगीप्रसादसिद्ध्यर्थे जपे विनियोगः ||

नीलोत्पलप्रतीकाशामंजनाद्रिसमप्रभाम् |
वीणाहस्तां गानरतां मधुपात्रं च बिभ्रतीम् ||

सर्वालंकारसंयुक्तां श्यामलां मदशालिनीम् |
नमामि राजमातंगीं भक्तानामिष्टदायिनीम् ||

एवं ध्यात्वा जपेन्नित्यं कवचं सर्वकामदम् |
ॐ | शिखां मे श्यामला पातु मातंगी मे शिरोऽवतु ||

ललाटं पातु चंडेशी भ्रुवौ मे मदशालिनी |
कर्णौ मे पातु मातंगी शंखी कुंडलशोभिता ||

नेत्रे मे पातु रक्ताक्षी नासिकां पातु मे शिवा |
गंडौ मे पातु देवेशी ओष्ठौ बिंबफलाधरा ||

जिह्वां मे पातु वागीशी दंतान् कल्याणकारिणी |
पातु मे राजमातंगी वदनं सर्वसिद्धिदा ||

कंठं मे पातु हृद्यांगी वीणाहस्ता करौ मम |
हृदयं पातु मे लक्ष्मीर्नाभिं मे विश्वनायिका ||

मम पार्श्वद्वयं पातु सूक्ष्ममध्या महेश्वरी |
शुकश्यामा कटिं पातु गुह्यं मे लोकमोहिनी ||

ऊरू मे पातु भद्रांगी जानुनी पातु शांकरी |
जंघाद्वयं मे लोकेशी पादौ मे परमेश्वरी ||

प्रागादिदिक्षु मां पातु सर्वैश्वर्यप्रदायिनी |
रोमाणि पातु मे कृष्णा भार्यां मे भववल्लभा ||

शंकरी सर्वतः पातु मम सर्ववशंकरी |
महालक्ष्मीर्मम धनं विश्वमाता सुतान् मम ||

श्रीमातंगीश्वरी नित्यं मां पातु जगदीश्वरी |
मातंगी कवचं नित्यं य एतत् प्रपठेन्नरः ||

सुखित्वा सकलान् लोकान् दासीभूतान् करोत्यसौ |
प्राप्नोति महतीं कांतिं भवेत् कामशतप्रभः ||

लभते महतीं लक्ष्मीं त्रैलोक्ये चापि दुर्लभाम् |
अणिमाद्यष्टसिद्धोऽयं संचरत्येष मानवः ||

सर्वविद्यानिधिरयं भवेद्वागीश्वरेश्वरः |
ब्रह्मराक्षसवेतालभूतप्रेतपिशाचकैः ||

ज्वलन्वह्न्यादिवत्त्रस्तैर्वीक्ष्यते भूतपूर्वकैः |
परमं योगमाप्नोति दिव्यज्ञानं समश्नुते ||

पुत्रान् पौत्रानवाप्नोति श्रीर्विद्याकांति संयुतान् |
तद्भार्या दुर्भगा चापि कांत्या रतिसमा भवेत् ||

सर्वान् कामानवाप्नोति महाभोगान् सुदुर्लभान् |
मुक्तिमंते समाप्नोति साक्षात्परशिवो भवेत् ||

इति श्री महागमरहस्ये दत्तात्रेय वामदेव संवादे सप्तमपरिच्छेदे श्री मातंगी कवचम् |
मरिन्नि
श्री श्यामला स्तोत्रालु
चूडंडि. मरिन्नि
दशमहाविद्या स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु