Sri Lakshmi Nrusimha Hrudayam

तॆलुगु
स्तोत्रनिधि
श्री नृसिंह स्तोत्रालु
[गमनिक: ई स्तोत्रमु
(श्लोकालु मात्रमे)
श्री नरसिंह स्तोत्रनिधि
” पारायण ग्रंथमुलो कूडा उन्नदि.
अस्य श्री लक्ष्मीनृसिंह हृदय महामंत्रस्य प्रह्लाद ऋषिः, श्रीलक्ष्मीनृसिंहो देवता, अनुष्टुप् छंदः, मम ईप्सितार्थसिद्ध्यर्थे पाठे विनियोगः ||

ॐ श्रीलक्ष्मीनृसिंहाय अंगुष्ठाभ्यां नमः |
ॐ वज्रनखाय तर्जनीभ्यां नमः |
ॐ महारूपाय मध्यमाभ्यां नमः |
ॐ सर्वतोमुखाय अनामिकाभ्यां नमः |
ॐ भीषणाय कनिष्ठिकाभ्यां नमः |
ॐ वीराय करतल करपृष्ठाभ्यां नमः |
हृदयन्यासः –
ॐ श्रीलक्ष्मीनृसिंहाय हृदयाय नमः |
ॐ वज्रनखाय शिरसे स्वाहा |
ॐ महारूपाय शिखायै वषट् |
ॐ सर्वतोमुखाय कवचाय हुम् |
ॐ भीषणाय नेत्रत्रयाय वौषट् |
ॐ वीराय अस्त्राय फट् ||

अथ ध्यानम् |
सत्यं ज्ञानेंद्रियसुखं क्षीरांभोनिधि मध्यगं
योगारूढं प्रसन्नास्यं नानाभरणभूषितम् |
महाचक्रं महाविष्णुं त्रिनेत्रं च पिनाकिनं
श्वेताहिवासं श्वेतांगं सूर्यचंद्रादि पार्श्वगम् |
श्रीनृसिंहं सदा ध्यायेत् कोटिसूर्यसमप्रभम् ||

अथ मंत्रः |
ॐ नमो भगवते नरसिंहाय देवाय नमः ||

अथ हृदय स्तोत्रम् |
श्रीनृसिंहः परंब्रह्म श्रीनृसिंहः परं शिवः |
नृसिंहः परमो विष्णुः नृसिंहः सर्वदेवता ||

नृशब्देनोच्यते जीवः सिंहशब्देन च स्वरः |
तयोरैक्यं श्रुतिप्रोक्तं यः पश्यति स पश्यति ||

नृसिंहाद्देवाः जायंते लोकाः स्थावरजंगमाः |
नृसिंहेनैव जीवंति नृसिंहे प्रविशंति च ||

नृसिंहो विश्वमुत्पाद्य प्रविश्य तदनंतरम् |
राजभिक्षुस्वरूपेण नृसिंहस्य स्मरंति ये ||

नृसिंहात् परमं नास्ति नृसिंहं कुलदैवतम् |
नृसिंहभक्ता ये लोके ते ज्ञानिनं इतीरिताः ||

विरक्ता दयया युक्ताः सर्वभूतसमेक्षणाः |
न्यस्त संसार योगेन नृसिंहं प्राप्नुवंति ते ||

माहात्म्यं यस्य सर्वेऽपि वदंति निगमागमाः |
नृसिंहः सर्वजगतां कर्ता भोक्ता न चापरः ||

नृसिंहो जगतां हेतुः बहिर्यायाऽवलंबनः |
मायया वेदितात्मा च सुदर्शनसमाक्षरः ||

वासुदेवो मयातीतो नारायणसमप्रभ |
निर्मलो निरहंकारो निर्माल्यो यो निरंजनः ||

सर्वेषां चापि भूतानां हृदयांभोजवासकः |
अतिप्रेष्ठः सदानंदो निर्विकारो महामतिः ||

चराचरस्वरूपी च चराचरनियामकः |
सर्वेश्वरः सर्वकर्ता सर्वात्मा सर्वगोचरः ||

नृसिंह एव यः साक्षात् प्रत्यगात्मा न संशयः |
केचिन्मूढा वदंत्येवमवतारमनीश्वरम् ||

नृसिंह परमात्मानं सर्वभूतनिवासिनम् |
तस्य दर्शनमात्रेण सूर्यस्यालोकवद्भवेत् ||

सर्वं नृसिंह एवेति संग्रहात्मा सुदुर्लभः |
नारसिंहः परं दैवं नारसिंहो जगद्गुरुः ||

नृसिंहेति नृसिंहेति प्रभाते ये पठंति च |
तेषां प्रसन्नो भगवान् मोक्षं सम्यक् प्रयच्छति ||

ॐकारेभ्यश्च पूतात्मा ॐकारैक प्रबोधितः |
ॐकारो मंत्रराजश्च लोके मोक्षप्रदायकः ||

नृसिंहभक्ता ये लोके निर्भया निर्विकारकाः |
तेषां दर्शनमात्रेण सर्वपापैः प्रमुच्यते ||

सकारो जीववाची स्यादिकारः परमेश्वरः |
हकाराकारयोरैक्यं महावाक्यं ततो भवेत् ||

ॐकारजा प्रेतमुक्तिः काश्यां मरणं तथा |
नृसिंह स्मरणादेव मुक्तिर्भवति नान्यथा ||

तस्मात्सर्वप्रयत्नेन मंत्रराजमिति ध्रुवम् |
सर्वेषां चापि वेदानां देवतानां तथैव च ||

सर्वेषां चापि शास्त्राणां तात्पर्यं नृहरौ हरौ |
श्रीरामतापनीयस्य गोपालस्यापि तापिनः ||

नृसिंहतापनीयस्य कलां नार्हति षोडशीम् |
श्रीमन्मंत्रमहाराज नृसिंहस्य प्रसादतः ||

श्रीनृसिंहो नमस्तुभ्यं श्रीनृसिंहः प्रसीद मे |
नृसिंहो भगवान्माता श्रीनृसिंहः पिता मम ||

नृसिंहो मम पुत्रश्च नरकात्त्रायते यतः |
सर्वदेवात्मको यश्च नृसिंहः परिकीर्तितः ||

अश्वमेधसहस्राणि वाजपेय शतानि च |
काशी रामेश्वरादीनि फलान्यपि निशम्य च ||

यावत्फलं समाप्नोति तावदाप्नोति मंत्रतः |
षण्णवत्यश्च करणी यावती तृप्तिरिष्यते ||

पितॄणां तावती प्रीतिः मंत्रराजस्य जायते |
अपुत्रस्य गतिर्नास्ति इति स्मृत्या यदीरितम् ||

तत्तु लक्ष्मीनृसिंहस्य भक्तिमात्रावगोचरम् |
सर्वाणि तर्कमीमांसा शास्त्राणि परिहाय वै ||

नृसिंह स्मरणाल्लोके तारकं भवतारकम् |
अपार भववाराब्धौ सततं पततां नृणाम् ||

नृसिंहमंत्रराजोऽयं नाविको भाष्यते बुधैः |
यमपाशेन बद्धानां पंगुं वै तिष्ठतां नृणाम् ||

नृसिंहमंत्रराजोऽयं ऋषयः परिकीर्तितः |
भवसर्पेण दंष्ट्राणां विवेकगत चेतसाम् ||

नृसिंहमंत्रराजोऽयं गारुडोमंत्र उच्यते |
अज्ञानतमसां नृणामंधवद्भ्रांतचक्षुषाम् ||

नृसिंहमंत्रराजोऽयं प्रयासं परिकीर्तितः |
तापत्रयाग्नि दग्धानां छाया संश्रयमिच्छताम् ||

नृसिंहमंत्रराजश्च भक्तमानसपंजरम् |
नृसिंहो भास्करो भूत्वा प्रकाशयति मंदिरम् ||

वेदांतवनमध्यस्था हरिणी मृग इष्यते |
नृसिंह नीलमेघस्य संदर्शन विशेषतः ||

मयूरा भक्तिमंतश्च नृत्यंति प्रीतिपूर्वकम् |
अन्यत्र निर्गता वाला मातरं परिलोकय ||

यथा यथा हि तुष्यंते नृसिंहस्यावलोकनात् |
श्रीमन्नृसिंहपादाब्जं नत्वारंगप्रवेशिता ||

मदीय बुद्धिवनिता नटी नृत्यति सुंदरी |
श्रीमन्नृसिंहपादाब्ज मधुपीत्वा मदोन्मदः ||

मदीया बुद्धिमालोक्य मूढा निंदंति माधवम् |
श्रीमन्नृसिंहपादाब्जरेणुं विधिसुभक्षणम् ||

मदीयचित्तहंसोऽयं मनोवश्यं न याति मे |
श्रीनृसिंहः पिता मह्यं माता च नरकेसरी ||

वर्तते ताभुवौ नित्यं रौवहं परियामि वै |
सत्यं सत्यं पुनः सत्यं नृसिंहः शरणं मम ||

अहोभाग्यं अहोभाग्यं नारसिंहो गतिर्मम |
श्रीमन्नृसिंहपादाब्जद्वंद्वं मे हृदये सदा ||

वर्ततां वर्ततां नित्यं दृढभक्तिं प्रयच्छ मे |
नृसिंह तुष्टो भक्तोऽयं भुक्तिं मुक्तिं प्रयच्छति ||

नृसिंहहृदयं यस्तु पठेन्नित्यं समाहितः |
नृसिंहत्वं समाप्नोति नृसिंहः संप्रसीदति ||

त्रिसंध्यं यः पठेन्नित्यं मंदवारे विषेशतः |
राजद्वारे सभास्थाने सर्वत्र विजयी भवेत् ||

यं यं चिंतयते कामं तं तं प्राप्नोति निश्चितम् |
इह लोके शुभान् कामान् परत्र च परांगतिम् ||

इति भविष्योत्तरपुराणे प्रह्लादकथितं श्री लक्ष्मीनृसिंह हृदय स्तोत्रम् |
गमनिक
: पैन इव्वबडिन स्तोत्रमु
(श्लोकालु मात्रमे)
, ई क्रिंदि पुस्तकमुलो कूडा उन्नदि.
श्री नरसिंह स्तोत्रनिधि
(नित्य पारायण ग्रंथमु)
मरिन्नि
श्री नृसिंह स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु