Sri Lakshmi Narasimha Darshana Stotram

तॆलुगु
स्तोत्रनिधि
श्री नृसिंह स्तोत्रालु
[गमनिक: ई स्तोत्रमु
(श्लोकालु मात्रमे)
श्री नरसिंह स्तोत्रनिधि
” पारायण ग्रंथमुलो कूडा उन्नदि.
रुद्र उवाच |
अथ देवगणाः सर्वे ऋषयश्च तपोधनाः |
ब्रह्मरुद्रौ पुरस्कृत्य शनैः स्तोतुं समाययुः ||

ते प्रसादयितुं भीता ज्वलंतं सर्वतोमुखम् |
मातरं जगतां धात्रीं चिंतयामासुरीश्वरीम् ||

हिरण्यवर्णां हरिणीं सर्वोपद्रवनाशिनीम् |
विष्णोर्नित्यानवद्यांगीं ध्यात्वा नारायणप्रियाम् ||

देवीसूक्तं जपैर्भक्त्या नमश्चक्रुः सनातनीम् |
तैश्चिंत्यमाना सा देवी तत्रैवाविरभूत्तदा ||

चतुर्भुजा विशालाक्षी सर्वाभरणभूषिता |
दुकूलवस्त्रसंवीता दिव्यमाल्यानुलेपना ||

तां दृष्ट्वा देवदेवस्य प्रियां सर्वे दिवौकसः |
ऊचुः प्रांजलयो देवि प्रसन्नं कुरु ते प्रियम् ||

त्रैलोक्यस्याभयं स्वामी यथा दद्यात्तथा कुरु |
इत्युक्ता सहसादेवी तं प्रपद्य जनार्दनम् ||

प्रणिपत्य नमस्कृत्य सा प्रसीदेत्युवाच तम् |
तां दृष्ट्वा महिषीं स्वस्यप्रियां सर्वेश्वरो हरिः ||

रक्षः शरीरजं क्रोधं सर्वं तत्याज वत्सलः |
अंकेनादाय तां देवीं समाश्लिष्य दयानिधिः ||

कृपासुधार्द्रदृष्ट्या वै निरैक्षत सुरान् हरिः |
ततो जय जयेत्युच्चैः स्तुवतां नमतां तथा ||

तद्दयादृष्टिदृष्टानां सानंदः संभ्रमोऽभवत् |
ततो देवगणाः सर्वे हर्षनिर्भरमानसाः ||

ऊचुः प्रांजलयो देवं नमस्कृत्वा नृकेसरिम् |
द्रष्टुमत्यद्भुतं तेजो न शक्ताः स्म जगत्पते ||

अत्यद्भुतमिदं रूपं बहु बाहुपदान्वितम् |
जगत्त्रयसमाक्रांतं तेजस्तीक्ष्णतरं तव ||

द्रष्टुं स्थातुं न शक्ताः स्म सर्व एव दिवौकसः |
इत्यर्थितस्तैर्विबुधैस्तेजस्तदतिभीषणम् ||

उपसंहृत्य देवेशो बभूव सुखदर्शनः |
शरत्कालेंदुसंकाशः पुंडरीक निभेक्षणः ||

सुधामय सटापुंज विद्युत्कोटिनिभः शुभः |
नानारत्नमयैर्दिव्यैः केयूरैः कटकान्वितैः ||

बाहुभिः कल्पवृक्षस्य फलयुग्विटपैरिव |
चतुर्भिः कोमलैर्दिव्यैरन्वितः परमेश्वरः ||

जपाकुसुमसंकाशैः शोभितः करपल्लवैः |
गृहीत शंखचक्राभ्यां उद्बाहुभ्यां विराजितः ||

वरदाऽभयहस्ताभ्यां इतराभ्यां नृकेसरी |
श्रीवत्सकौस्तुभोरस्को वनमाला विभूषितः ||

उद्यद्दिनकराभाभ्यां कुंडलाभ्यां विराजितः |
हारनूपुरकेयूर भूषणाद्यैरलंकृतः ||

सव्यांकस्थश्रिया युक्तो राजते नरकेसरी |
लक्ष्मीनृसिंहं तं दृष्ट्वा देवताश्च महर्षयः ||

आनंदाश्रुजलैः सिक्ताः हर्षनिर्भरचेतसः |
आनंदसिंधुमग्नास्ते नमश्चक्रुर्निरंतरम् ||

अर्चयामासुरात्मेशं दिव्यपुष्पानुलेपनैः |
रत्नकुंभैः सुधापूर्णैरभिषिच्य सनातनम् ||

वस्त्रैराभरणैर्गंधैः पुष्पैर्धूपैर्मनोरमैः |
दीपैर्निवेदनैर्दिव्यैरर्चयित्वा नृकेसरिम् ||

तुष्टुवुः स्तुतिभिर्दिव्यैर्नमश्चक्रुर्मुहुर्महुः |
ततः प्रसन्नो लक्ष्मीशस्तेषामिष्टान्वरान् ददौ ||

इति श्रीपद्मपुराणे उत्तरखंडे अष्टत्रिंशदधिकशततमोऽध्याये श्री लक्ष्मीनरसिंह दर्शन स्तोत्रम् |
गमनिक
: पैन इव्वबडिन स्तोत्रमु
(श्लोकालु मात्रमे)
, ई क्रिंदि पुस्तकमुलो कूडा उन्नदि.
श्री नरसिंह स्तोत्रनिधि
(नित्य पारायण ग्रंथमु)
मरिन्नि
श्री नृसिंह स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु