Sri Kamala Stotram

तॆलुगु
स्तोत्रनिधि
दशमहाविद्यलु
गमनिक:
ई स्तोत्रमु “
श्री लक्ष्मी स्तोत्रनिधि
” पारायण ग्रंथमुलो लो कूडा उन्नदि.]
ॐकाररूपिणी देवि विशुद्धसत्त्वरूपिणी |
देवानां जननी त्वं हि प्रसन्ना भव सुंदरि ||

तन्मात्रं चैव भूतानि तव वक्षःस्थलं स्मृतम् |
त्वमेव वेदगम्या तु प्रसन्ना भव सुंदरि ||

देव दानव गंधर्व यक्ष राक्षस किन्नरैः |
स्तूयसे त्वं सदा लक्ष्मि प्रसन्ना भव सुंदरि ||

लोकातीता द्वैतातीता समस्तभूतवेष्टिता |
विद्वज्जनकीर्तिता च प्रसन्ना भव सुंदरि ||

परिपूर्णा सदा लक्ष्मि त्रात्री तु शरणार्थिषु |
विश्वाद्या विश्वकर्त्री च प्रसन्ना भव सुंदरि ||

ब्रह्मरूपा च सावित्री त्वद्दीप्त्या भासते जगत् |
विश्वरूपा वरेण्या च प्रसन्ना भव सुंदरि ||

क्षित्यप्तेजोमरुद्वोमपंचभूतस्वरूपिणी |
बंधादेः कारणं त्वं हि प्रसन्ना भव सुंदरि ||

महेशे त्वं हैमवती कमला केशवेऽपि च |
ब्रह्मणः प्रेयसी त्वं हि प्रसन्ना भव सुंदरि ||

चंडी दुर्गा काळिका च कौशिकी सिद्धिरूपिणी |
योगिनी योगगम्या च प्रसन्ना भव सुंदरि ||

बाल्ये च बालिका त्वं हि यौवने युवतीति च |
स्थविरे वृद्धरूपा च प्रसन्ना भव सुंदरि ||

गुणमयी गुणातीता आद्या विद्या सनातनी |
महत्तत्त्वादिसंयुक्ता प्रसन्ना भव सुंदरि ||

तपस्विनी तपः सिद्धिः स्वर्गसिद्धिस्तदर्थिषु |
चिन्मयी प्रकृतिस्त्वं तु प्रसन्ना भव सुंदरि ||

त्वमादिर्जगतां देवि त्वमेव स्थितिकारणम् |
त्वमंते निधनस्थानं स्वेच्छाचारा त्वमेव हि ||

चराचराणां भूतानां बहिरंतस्त्वमेव हि |
व्याप्यव्यापकरूपेण त्वं भासि भक्तवत्सले ||

त्वन्मायया हृतज्ञाना नष्टात्मानो विचेतसः |
गतागतं प्रपद्यंते पापपुण्यवशात्सदा ||

तावत्सत्यं जगद्भाति शुक्तिकारजतं यथा |
यावन्न ज्ञायते ज्ञानं चेतसा नान्वगामिनी ||

त्वज्ज्ञानात्तु सदा युक्तः पुत्रदारगृहादिषु |
रमंते विषयान् सर्वानंते दुःखप्रदान् ध्रुवम् ||

त्वदाज्ञया तु देवेशि गगने सूर्यमंडलम् |
चंद्रश्च भ्रमते नित्यं प्रसन्ना भव सुंदरि ||

ब्रह्मेशविष्णुजननी ब्रह्माख्या ब्रह्मसंश्रया |
व्यक्ताऽव्यक्ता च देवेशि प्रसन्ना भव सुंदरि ||

अचला सर्वगा त्वं हि मायातीता महेश्वरि |
शिवात्मा शाश्वता नित्या प्रसन्ना भव सुंदरि ||

सर्वकार्यनियंत्री च सर्वभूतेश्वरेश्वरी |
अनंता निष्काला त्वं हि प्रसन्ना भवसुंदरि ||

सर्वेश्वरी सर्ववंद्या अचिंत्या परमात्मिका |
भुक्तिमुक्तिप्रदा त्वं हि प्रसन्ना भव सुंदरि ||

ब्रह्माणी ब्रह्मलोके त्वं वैकुंठे सर्वमंगळा |
इंद्राणी अमरावत्यामंबिका वरुणालये ||

यमालये कालरूपा कुबेरभवने शुभा |
महानंदाग्निकोणे च प्रसन्ना भव सुंदरि ||

नैरृत्यां रक्तदंता त्वं वायव्यां मृगवाहिनी |
पाताळे वैष्णवीरूपा प्रसन्ना भव सुंदरि ||

सुरसा त्वं मणिद्वीपे ऐशान्यां शूलधारिणी |
भद्रकाळी च लंकायां प्रसन्ना भव सुंदरि ||

रामेश्वरी सेतुबंधे सिंहले देवमोहिनी |
विमला त्वं च श्रीक्षेत्रे प्रसन्ना भव सुंदरि ||

काळिका त्वं काळिघट्टे कामाख्या नीलपर्वते |
विरजा औड्रदेशे त्वं प्रसन्ना भव सुंदरि ||

वाराणस्यामन्नपूर्णा अयोध्यायां महेश्वरी |
गयासुरी गयाधाम्नि प्रसन्ना भव सुंदरि ||

भद्रकाळी कुरुक्षेत्रे कृष्ण कात्यायनी व्रजे |
महामाया द्वारकायां प्रसन्ना भव सुंदरि ||

क्षुधा त्वं सर्वजीवानां वेला च सागरस्य हि |
महेश्वरी मथुरायां प्रसन्ना भव सुंदरि ||

रामस्य जानकी त्वं च शिवस्य मनमोहिनी |
दक्षस्य दुहिता चैव प्रसन्ना भव सुंदरि ||

विष्णुभक्तिप्रदा त्वं च कंसासुर विनाशिनी |
रावणनाशिनी चैव प्रसन्ना भव सुंदरि ||

लक्ष्मीस्तोत्रमिदं पुण्यं यः पठेद्भक्तिसंयुतः |
सर्वज्वरभयं नश्येत् सर्वव्याधिनिवारणम् ||

इदं स्तोत्रं महापुण्यमापदुद्धारकारणम् |
त्रिसंध्यमेकसंध्यं वा यः पठेत् सततं नरः ||

मुच्यते सर्वपापेभ्यस्तथा तु सर्वसंकटात् |
मुच्यते नात्र संदेहो भुवि स्वर्गे रसातले ||

समस्तं च तथा चैकं यः पठेद्भक्तितत्परः |
स सर्वदुष्करं तीर्त्वा लभते परमां गतिम् ||

सुखदं मोक्षदं स्तोत्रं यः पठेद्भक्तिसंयुतः |
स तु कोटितीर्थफलं प्राप्नोति नात्र संशयः ||

एका देवी तु कमला यस्मिंस्तुष्टा भवेत्सदा |
तस्याऽसाध्यं तु देवेशि नास्तिकिंचिज्जगत्त्रये ||

पठनादपि स्तोत्रस्य किं न सिद्ध्यति भूतले |
तस्मात् स्तोत्रवरं प्रोक्तं सत्यं सत्यं हि पार्वति ||

इति श्री कमला स्तोत्रम् |
गमनिक
: पैन इव्वबडिन स्तोत्रमु, ई पुस्तकमुलो कूडा उन्नदि.
श्री लक्ष्मी स्तोत्रनिधि
(नित्य पारायण ग्रंथमु)
मरिन्नि
श्री लक्ष्मी स्तोत्रालु
चूडंडि. मरिन्नि
दशमहाविद्या स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु