Indra Krutha Sri Maha Lakshmi Stotram

स्तोत्रनिधि
श्री लक्ष्मी स्तोत्रालु
श्लोकालु
– तात्पर्यं //
(ई श्री महालक्ष्मी स्तोत्रं ब्रह्मवैवर्त पुराणंलोनिदि. दुर्वास महर्षि शापं वल्ल लक्ष्मीदेवि स्वर्गान्नि वदिलि वॆळ्ळिनप्पुडु, तिरिगि आमॆनु प्रसन्नं चेसुकोवडानिकि इंद्रुडु चेसिन अद्भुतमैन स्तुति इदि. ई स्तोत्रान्नि ऎवरैते प्रतिरोजू भक्तितो पठिस्तारो, वारिकि इंद्रुनि वलॆ कोल्पोयिन संपदलु, कीर्ति प्रतिष्टलु तिरिगि लभिस्तायि. मुख्यंगा दीपावळि लेदा शुक्रवारमु रोजुन दीनिनि पठिंचडं अत्यंत फलप्रदं.)
महेंद्र उवाच |
नमः कमलवासिन्यै नारायण्यै नमो नमः |
कृष्णप्रियायै सारायै पद्मायै च नमो नमः ||

पद्मपत्रेक्षणायै च पद्मास्यायै नमो नमः |
पद्मासनायै पद्मिन्यै वैष्णव्यै च नमो नमः ||

सर्वसंपत्स्वरूपायै सर्वदात्र्यै नमो नमः |
सुखदायै मोक्षदायै सिद्धिदायै नमो नमः ||

हरिभक्तिप्रदात्र्यै च हर्षदात्र्यै नमो नमः |
कृष्णवक्षःस्थितायै च कृष्णेशायै नमो नमः ||

कृष्णशोभास्वरूपायै रत्नाढ्यायै नमो नमः |
संपत्यधिष्ठातृदेव्यै महादेव्यै नमो नमः ||

सस्याधिष्ठातृदेव्यै च सस्यलक्ष्म्यै नमो नमः |
नमो बुद्धिस्वरूपायै बुद्धिदायै नमो नमः ||

वैकुंठे च महालक्ष्मीर्लक्ष्मीः क्षीरोदसागरे |
स्वर्गलक्ष्मीरिंद्रगेहे राजलक्ष्मीर्नृपालये ||

गृहलक्ष्मीश्च गृहिणां गेहे च गृहदेवता |
सुरभिः सा गवां माता दक्षिणा यज्ञकामिनी ||

अदितिर्देवमाता त्वं कमला कमलालये |
स्वाहा त्वं च हविर्दाने कव्यदाने स्वधा स्मृता ||

त्वं हि विष्णुस्वरूपा च सर्वाधारा वसुंधरा |
शुद्धसत्त्वस्वरूपा त्वं नारायणपरायाणा ||

क्रोधहिंसावर्जिता च वरदा च शुभानना |
परमार्थप्रदा त्वं च हरिदास्यप्रदा परा ||

यया विना जगत्सर्वं भस्मीभूतमसारकम् |
जीवन्मृतं च विश्वं च शवतुल्यं यया विना ||

सर्वेषां च परा त्वं हि सर्वबांधवरूपिणी |
यया विना न संभाष्यो बांधवैर्बांधवः सदा ||

त्वया हीनो बंधुहीनस्त्वया युक्तः सबांधवः |
धर्मार्थकाममोक्षाणां त्वं च कारणरूपिणी ||

स्तनंधयानां त्वं माता शिशूनां शैशवे यथा |
तथा त्वं सर्वदा माता सर्वेषां सर्वविश्वतः ||

त्यक्तस्तनो मातृहीनः स चेज्जीवति दैवतः |
त्वया हीनो जनः कोऽपि न जीवत्येव निश्चितम् ||

सुप्रसन्नस्वरूपा त्वं मे प्रसन्ना भवांबिके |
वैरिग्रस्तं च विषयं देहि मह्यं सनातनि ||

वयं यावत्त्वया हीना बंधुहीनाश्च भिक्षुकाः |
सर्वसंपद्विहीनाश्च तावदेव हरिप्रिये ||

राज्यं देहि श्रियं देहि बलं देहि सुरेश्वरि |
कीर्तिं देहि धनं देहि पुत्रान्मह्यं च देहि वै ||

कामं देहि मतिं देहि भोगान् देहि हरिप्रिये |
ज्ञानं देहि च धर्मं च सर्वसौभाग्यमीप्सितम् ||

सर्वाधिकारमेवं वै प्रभावां च प्रतापकम् |
जयं पराक्रमं युद्धे परमैश्वर्यमैव च ||

इत्युक्त्वा तु महेंद्रश्च सर्वैः सुरगणैः सह |
ननाम साश्रुनेत्रोऽयं मूर्ध्ना चैव पुनः पुनः ||

ब्रह्मा च शंकरश्चैव शेषो धर्मश्च केशवः |
सर्वे चक्रुः परीहारं सुरार्थे च पुनः पुनः ||

देवेभ्यश्च वरं दत्त्वा पुष्पमालां मनोहराम् |
केशवाय ददौ लक्ष्मीः संतुष्टा सुरसंसदि ||

ययुर्दैवाश्च संतुष्टाः स्वं स्वं स्थानं च नारद |
देवी ययौ हरेः क्रोडं हृष्टा क्षीरोदशायिनः ||

ययतुस्तौ स्वस्वगृहं ब्रह्मेशानौ च नारद |
दत्त्वा शुभाशिषं तौ च देवेभ्यः प्रीतिपूर्वकम् ||

इदं स्तोत्रं महापुण्यं त्रिसंध्यं यः पठेन्नरः |
कुबेरतुल्यः स भवेद्राजराजेश्वरो महान् ||

सिद्धस्तोत्रं यदि पठेत् सोऽपि कल्पतरुर्नरः |
पंचलक्षजपेनैव स्तोत्रसिद्धिर्भवेन्नृणाम् ||

सिद्धस्तोत्रं यदि पठेन्मासमेकं च संयतः |
महासुखी च राजेंद्रो भविष्यति न संशयः ||

इति श्रीब्रह्मवैवर्ते महापुराणे द्वितीये प्रकृतिखंडे नारदनारायणसंवादे एकोनचत्वारिंशत्तमोऽध्याये महेंद्र कृत श्री महालक्ष्मी स्तोत्रम् |
मरिन्नि
श्री लक्ष्मी स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु