Sri Ganapati Gakara Ashtottara Shatanama Stotram

तॆलुगु
स्तोत्रनिधि
श्री गणेश स्तोत्रालु
ॐ गकाररूपो गंबीजो गणेशो गणवंदितः |
गणनीयो गणो गण्यो गणनातीतसद्गुणः ||

गगनादिकसृद्गंगासुतो गंगासुतार्चितः |
गंगाधरप्रीतिकरो गवीशेड्यो गदापहः ||

गदाधरनुतो गद्यपद्यात्मककवित्वदः |
गजास्यो गजलक्ष्मीवान् गजवाजिरथप्रदः ||

गंजानिरतशिक्षाकृद्गणितज्ञो गणोत्तमः |
गंडदानांचितो गंता गंडोपलसमाकृतिः ||

गगनव्यापको गम्यो गमानादिविवर्जितः |
गंडदोषहरो गंडभ्रमद्भ्रमरकुंडलः ||

गतागतज्ञो गतिदो गतमृत्युर्गतोद्भवः |
गंधप्रियो गंधवाहो गंधसिंदुरबृंदगः ||

गंधादिपूजितो गव्यभोक्ता गर्गादिसन्नुतः |
गरिष्ठो गरभिद्गर्वहरो गरलिभूषणः ||

गविष्ठो गर्जितारावो गभीरहृदयो गदी |
गलत्कुष्ठहरो गर्भप्रदो गर्भार्भरक्षकः ||

गर्भाधारो गर्भवासिशिशुज्ञानप्रदायकः |
गरुत्मत्तुल्यजवनो गरुडध्वजवंदितः ||

गयेडितो गयाश्राद्धफलदश्च गयाकृतिः |
गदाधरावतारी च गंधर्वनगरार्चितः ||

गंधर्वगानसंतुष्टो गरुडाग्रजवंदितः |
गणरात्रसमाराध्यो गर्हणस्तुतिसाम्यधीः ||

गर्ताभनाभिर्गव्यूतिः दीर्घतुंडो गभस्तिमान् |
गर्हिताचारदूरश्च गरुडोपलभूषितः ||

गजारिविक्रमो गंधमूषवाजी गतश्रमः |
गवेषणीयो गहनो गहनस्थमुनिस्तुतः ||

गवयच्छिद्गंडकभिद्गह्वरापथवारणः |
गजदंतायुधो गर्जद्रिपुघ्नो गजकर्णिकः ||

गजचर्मामयच्छेत्ता गणाध्यक्षो गणार्चितः |
गणिकानर्तनप्रीतो गच्छन्गंधफलीप्रियः ||

गंधकादिरसाधीशो गणकानंददायकः |
गरभादिजनुर्हर्ता गंडकीगाहनोत्सुकः ||

गंडूषीकृतवाराशिः गरिमालघिमादिदः |
गवाक्षवत्सौधवासी गर्भितो गर्भिणीनुतः ||

गंधमादनशैलाभो गंडभेरुंडविक्रमः |
गदितो गद्गदारावसंस्तुतो गह्वरीपतिः ||

गजेशाय गरीयसे गद्येड्यो गतभीर्गदितागमः |
गर्हणीयगुणाभावो गंगादिकशुचिप्रदः ||

गणनातीतविद्याश्रीबलायुष्यादिदायकः |
एवं श्रीगणनाथस्य नाम्नामष्टोत्तरं शतम् ||

पठनाच्छ्रवणात् पुंसां श्रेयः प्रेमप्रदायकम् |
पूजांते यः पठेन्नित्यं प्रीतस्सन् तस्यविघ्नराट् ||

यं यं कामयते कामं तं तं शीघ्रं प्रयच्छति |
दूर्वयाभ्यर्चयन् देवमेकविंशतिवासरान् ||

एकविंशतिवारं यो नित्यं स्तोत्रं पठेद्यदि |
तस्य प्रसन्नो विघ्नेशस्सर्वान् कामान् प्रयच्छति ||

इति श्री गणपति गकाराष्टोत्तरशतनामस्तोत्रम् |
मरिन्नि
श्री गणेश स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु