Sri Datta Bhava Sudha Rasa Stotram

तॆलुगु
स्तोत्रनिधि
श्री दत्तात्रेय स्तोत्रालु
[गमनिक: ई स्तोत्रमु
(श्लोकालु मात्रमे)
श्री दत्तात्रेय स्तोत्रनिधि
” पारायण ग्रंथमुलो कूडा उन्नदि.
दत्तात्रेयं परमसुखमयं वेदगेयं ह्यमेयं
योगिध्येयं हृतनिजभयं स्वीकृतानेककायम् |
दुष्टाऽगम्यं विततविजयं देवदैत्यर्षिवंद्यं
वंदे नित्यं विहितविनयं चाव्ययं भावगम्यम् ||

दारिद्र्यं हरते भयं शमयते कारुण्यमातन्वते |
भक्तानुद्धरते शिवं च ददते सत्कीर्तिमातन्वते
भूतान् द्रावयते वरं प्रददते श्रेयः पते सद्गते ||

एकं सौभाग्यजनकं तारकं लोकनायकम् |
विशोकं त्रातभजकं नमस्ये कामपूरकम् ||

नित्यं स्मरामि ते पादे हतखेदे सुखप्रदे |
प्रदेहि मे शुद्धभावं भावं यो वारयेद्द्रुतम् ||

समस्तकल्याणदमस्तबंधुम् |
कारुण्यसिंधुं प्रणमामि दत्तं
यः शोधयत्याशु मलीनचित्तम् ||

यश्चात्रिपुत्रो यतिचक्रवर्ती |
सुकीर्तिसंव्याप्तदिगंतरालः
स पातु मां निर्जितभक्तकालः ||

स्वगुप्तयेऽनेकशरीरधर्ता |
स्वदासभर्ता बहुधा विहर्ता
कर्ताप्यकर्ता स्ववशोऽरिहर्ता ||

विष्णुः स्वयं भाविकरक्षणाय |
गुणा यदीया म हि बुद्धिमद्भि-
न यत्कटाक्षामृतवृष्टितोऽत्र
तिष्ठंति तापाः सकलाः परत्र |
यः सद्गतिं संप्रददाति भूमा
स मेऽंतरे तिष्ठतु दिव्यधामा ||

दिगंबर स्वीयमनोविहारिन् |
दुष्टा लिपिर्या लिखितात्र धात्रा
कार्या त्वया साऽतिशुभा विधात्रा ||

सर्वमंगलसंयुक्त सर्वैश्वर्यसमन्वित |
प्रसन्ने त्वयि सर्वेशे किं केषां दुर्लभं कुह ||

हार्दांधतिमिरं हंतुं शुद्धज्ञानप्रकाशक |
त्वदंघ्रिनखमाणिक्यद्युतिरेवालमीश नः ||

स्वकृपार्द्रकटाक्षेण वीक्षसे चेत्सकृद्धि माम् |
भविष्यामि कृतार्थोऽत्र पात्रं चापि स्थितेस्तव ||

क्व च मंदो वराकोऽहं क्व भवान्भगवान्प्रभुः |
अथापि भवदावेश भाग्यवानस्मि ते दृशा ||

विहितानि मया नाना पातकानि च यद्यपि |
अथापि ते प्रसादेन पवित्रोऽहं न संशयः ||

तन्मे स्वलीलाश्रवणं प्रयच्छ |
तस्याः श्रुतेः सांद्रविलोचनोऽहं
पुनामि चात्मानमतीव देव ||

पुरतस्ते स्फुटं वच्मि दोषराशिरहं किल |
दोषा ममामिताः पांसुवृष्टिबिंदुसमा विभोः ||

पापीयसामहं मुख्यस्त्वं तु कारुणिकाग्रणीः |
दयनीयो न हि क्वापि मदन्य इति भाति मे ||

ईदृशं मां विलोक्यापि कृपालो ते मनो यदि |
न द्रवेत्तर्हि किं वाच्यमदृष्टं मे तवाग्रतः ||

त्वमेव सृष्टवान् सर्वान् दत्तात्रेय दयानिधे |
वयं दीनतराः पुत्रास्तवाकल्पाः स्वरक्षणे ||

जयतु जयतु भद्रो भद्रदो भावुकेज्यः |
जयतु जयतु नित्यो निर्मलज्ञानवेद्यो
जयतु जयतु सत्यः सत्यसंधोऽनवद्यः ||

यद्यहं तव पुत्रः स्यां पिता माता त्वमेव मे |
दयास्तन्यामृतेनाशु मातस्त्वमभिषिंच माम् ||

ईशाभिन्ननिमित्तोपादानत्वात्स्रष्टुरस्य ते |
जगद्योने सुतो नाहं दत्त मां परिपाह्यतः ||

तव वत्सस्य मे वाक्यं सूक्तं वाऽसूक्तमप्यहो |
क्षंतव्यं मेऽपराधश्च त्वत्तोऽन्या न गतिर्हि मे ||

अनन्यगतिकस्यास्य बालस्य मम ते पितः |
न सर्वथोचितोपेक्षा दोषाणां गणनापि च ||

अज्ञानित्वादकल्पत्वाद्दोषा मम पदे पदे |
भवंति किं करोमीश करुणावरुणालय ||

अथापि मेऽपराधैश्चेदायास्यंतर्विषादताम् |
पदाहतार्भकेणापि माता रुष्यति किं भुवि ||

रंकमंकगतं दीनं ताडयंतं पदेन च |
माता त्यजति किं बालं प्रत्युताश्वासयत्यहो ||

तादृशं मामकल्पं चेन्नाश्वासयसि भो प्रभो |
अहहा बत दीनस्य त्वां विना मम का गतिः ||

शिशुर्नायं शठः स्वार्थीत्यपि नायातु तेऽंतरम् |
लोके हि क्षुधिता बालाः स्मरंति निजमातरम् ||

जीवनं भिन्नयोः पित्रोर्लोक एकतराच्छिशोः |
त्वं तूभयं दत्त मम माऽस्तु निर्दयता मयि ||

स्तवनेन न शक्तोऽस्मि त्वां प्रसादयितुं प्रभो |
ब्रह्माद्याश्चकितास्तत्र मंदोऽहं शक्नुयां कथम् ||

दत्त त्वद्बालवाक्यानि सूक्तासूक्तानि यानि च |
तानि स्वीकुरु सर्वज्ञ दयालो भक्तभावन ||

ये त्वां शरणमापन्नाः कृतार्था अभवन्हि ते |
एतद्विचार्य मनसा दत्त त्वां शरणं गतः ||

त्वन्निष्ठास्त्वत्परा भक्तास्तव ते सुखभागिनः |
इति शास्त्रानुरोधेन दत्त त्वां शरणं गतः ||

स्वभक्ताननुगृह्णाति भगवान् भक्तवत्सलः |
इति संचित्य संचित्य कथंचिद्धारयाम्यसून् ||

त्वद्भक्तस्त्वदधीनोऽहमस्मि तुभ्यं समर्पितम् |
तनुं मनो धनं चापि कृपां कुरु ममोपरि ||

त्वयि भक्तिं नैव जाने न जानेऽर्चनपद्धतिम् |
कृतं न दानधर्मादि प्रसादं कुरु केवलम् ||

ब्रह्मचर्यादि नाचीर्णं नाधीता विधितः श्रुतिः |
गार्हस्थ्यं विधिना दत्त न कृतं तत्प्रसीद मे ||

न साधुसंगमो मेऽस्ति न कृतं वृद्धसेवनम् |
न शास्त्रशासनं दत्त केवलं त्वं दयां कुरु ||

ज्ञातेऽप्यधर्मे न ततो निवृत्तिः |
श्रीदत्तनाथेन हृदि स्थितेन
त्वया नियुक्तोऽस्मि तथा करोमि ||

कृतिः सेवा गतिर्यात्रा स्मृतिश्चिंता स्तुतिर्वचः |
भवंतु दत्त मे नित्यं त्वदीया एव सर्वथा ||

प्रतिज्ञा ते न भक्ता मे नश्यंतीति सुनिश्चितम् |
श्रीदत्त चित्त आनीय जीवनं धारयाम्यहम् ||

दत्तोऽहं ते मयेतीश आत्मदानेन योऽभवत् |
अनसूयात्रिपुत्रः स श्रीदत्तः शरणं मम ||

कार्तवीर्यार्जुनायादाद्योगर्धिमुभयीं प्रभुः |
अव्याहतगतिं चासौ श्रीदत्तः शरणं मम ||

आन्वीक्षिकीमलर्काय विकल्पत्यागपूर्वकम् |
यो ददाचार्यवर्यः स श्रीदत्तः शरणं मम ||

चतुर्विंशतिगुर्वाप्तं हेयोपादेयलक्षणम् |
ज्ञानं यो यदवेऽदात्स श्रीदत्तः शरणं मम ||

मदालसागर्भरत्नालर्काय प्राहिणोच्च यः |
योगपूर्वात्मविज्ञानं श्रीदत्तः शरणं मम ||

आयुराजाय सत्पुत्रं सेवाधर्मपराय यः |
प्रददौ सद्गतिं चैष श्रीदत्तः शरणं मम ||

लोकोपकृतये विष्णुदत्तविप्राय योऽर्पयत् |
विद्यास्तच्छ्राद्धभुग्यः स श्रीदत्तः शरणं मम ||

भर्त्रा सहानुगमनविधिं यः प्राह सर्ववित् |
राममात्रे रेणुकायै श्रीदत्तः शरणं मम ||

समूलमाह्निकं कर्म सोमकीर्तिनृपाय यः |
मोक्षोपयोगि सकलं श्रीदत्तः शरणं मम ||

नामधारक भक्ताय निर्विण्णाय व्यदर्शयत् |
तुष्टः स्तुत्या स्वरूपं स श्रीदत्तः शरणं मम ||

यः कलिब्रह्मसंवादमिषेणाह युगस्थितीः |
गुरुसेवां च सिद्धाऽऽस्याच्छ्रीदत्तः शरणं मम ||

दूर्वासःशापमाश्रुत्य योऽंबरीषार्थमव्ययः |
नानावतारधारी स श्रीदत्तः शरणं मम ||

अनसूयासतीदुग्धास्वादायेव त्रिरूपतः |
अवातरदजो योऽपि श्रीदत्तः शरणं मम ||

पीठापुरे यः सुमतिब्राह्मणीभक्तितोऽभवत् |
श्रीपादस्तत्सुतस्त्राता श्रीदत्तः शरणं मम ||

प्रकाशयामास सिद्धमुखात् स्थापनमादितः |
महाबलेश्वरस्यैष श्रीदत्तः शरणं मम ||

चंडाल्यपि यतो मुक्ता गोकर्णे तत्र योऽवसत् |
लिंगतीर्थमये त्र्यब्दं श्रीदत्तः शरणं मम ||

कृष्णाद्वीपे कुरुपुरे कुपुत्रं जननीयुतम् |
यो हि मृत्योरपाच्छ्रीपाच्छ्रीदत्तः शरणं मम ||

रजकायापि दास्यन्यो राज्यं कुरुपुरे प्रभुः |
तिरोऽभूदज्ञदृष्ट्या स श्रीदत्तः शरणं मम ||

विश्वासघातिनश्चोरान् स्वभक्तघ्नान्निहत्य यः |
जीवयामास भक्तं स श्रीदत्तः शरणं मम ||

करंजनगरेऽंबायाः प्रदोषव्रतसिद्धये |
योऽभूत्सुतो नृहर्याख्यः श्रीदत्तः शरणं मम ||

मूको भूत्वा व्रतात् पश्चाद्वदन्वेदान् स्वमातरम् |
प्रव्रजन् बोधयामास श्रीदत्तः शरणं मम ||

काशीवासी स संन्यासी निराशीष्ट्वप्रदो वृषम् |
वैदिकं विशदीकुर्वन् श्रीदत्तः शरणं मम ||

भूमिं प्रदक्षिणीकृत्य सशिष्यो वीक्ष्य मातरम् |
जहार द्विजशूलार्तिं श्रीदत्तः शरणं मम ||

शिष्यत्वेनोररीकृत्य सायंदेवं ररक्ष यः |
भीतं च क्रूरयवनाच्छ्रीदत्तः शरणं मम ||

प्रेरयत्तीर्थयात्रायै तीर्थरूपोऽपि यः स्वकान् |
सम्यग्धर्ममुपादिश्य श्रीदत्तः शरणं मम ||

सशिष्यः पर्यलीक्षेत्रे वैद्यनाथसमीपतः |
स्थित्वोद्दधार मूढं यः श्रीदत्तः शरणं मम ||

विद्वत्सुतमविद्यं य आगतं लोकनिंदितम् |
छिन्नजिह्वं बुधं चक्रे श्रीदत्तः शरणं मम ||

नृसिंहवाटिकस्थो यः प्रददौ शाकभुङ्निधिम् |
दरिद्रब्राह्मणायासौ श्रीदत्तः शरणं मम ||

भक्ताय त्रिस्थलीयात्रां दर्शयामास यः क्षणात् |
चकार वरदं क्षेत्रं श्रीदत्तः शरणं मम ||

प्रेतार्तिं वारयित्वा यो ब्राह्मण्यै भक्तिभावितः |
ददौ पुत्रौ स गतिदः श्रीदत्तः शरणं मम ||

तत्त्वं यो मृतपुत्रायै बोधयित्वाप्यजीवयत् |
मृतं कल्पद्रुमस्थः स श्रीदत्तः शरणं मम ||

दोहयामास भिक्षार्थं यो वंध्यां महिषीं प्रभुः |
दारिद्र्यदावदावः स श्रीदत्तः शरणं मम ||

राजप्रार्थित एत्यास्थान्मठे यो गाणगापुरे |
ब्रह्मरक्षः समुद्धर्ता श्रीदत्तः शरणं मम ||

विश्वरूपं निंदकाय शिबिकास्थः स्वलंकृतः |
गर्वहादर्शयद्यः स श्रीदत्तः शरणं मम ||

त्रिविक्रमेण चानीतौ गर्वितौ ब्राह्मणद्विषौ |
बोधयामास तौ यः स श्रीदत्तः शरणं मम ||

उक्त्वा चतुर्वेदशाखातदंगादिकमीश्वरः |
विप्रगर्वहरो यः स श्रीदत्तः शरणं मम ||

सप्तजन्मविदं सप्तरेखोल्लंघनतो ददौ |
यो हीनाय श्रुतिस्फूर्तिः श्रीदत्तः शरणं मम ||

त्रिविक्रमायाह कर्मगतिं दत्तविदा पुनः |
वियुक्तं पतितं चक्रे श्रीदत्तः शरणं मम ||

रक्षसे वामदेवेन भस्ममाहात्म्यमुद्गतिम् |
उक्तां त्रिविक्रमायाह श्रीदत्तः शरणं मम ||

गोपीनाथसुतो रुग्णो मृतस्तत् स्त्री शुशोच ताम् |
बोधयामास यो योगी श्रीदत्तः शरणं मम ||

गुर्वगस्त्यर्षिसंवादरूपं स्त्रीधर्ममाह यः |
रूपांतरेण स प्राज्ञः श्रीदत्तः शरणं मम ||

विधवाधर्ममादिश्यानुगमं चाक्षभस्मदः |
अजीवयन्मृतं विप्रं श्रीदत्तः शरणं मम ||

वेश्यासत्यै तु रुद्राक्षमाहात्म्ययुतमीट् कृतम् |
प्रसादं प्राह यः सत्यै श्रीदत्तः शरणं मम ||

शतरुद्रीयमाहात्म्यं मृतराट् सुतजीवनम् |
सत्यै शशंस स गुरुः श्रीदत्तः शरणं मम ||

कचाख्यानं स्त्रियो मंत्रानर्हतार्थसुभाग्यदम् |
सोमव्रतं च यः प्राह श्रीदत्तः शरणं मम ||

ब्राह्मण्या दुःस्वभावं यो निवार्याह्निकमुत्तमम् |
शशंस ब्राह्मणायासौ श्रीदत्तः शरणं मम ||

गार्हस्थधर्मं विप्राय प्रत्यवायजिहासया |
क्रममुक्त्यै य ऊचे स श्रीदत्तः शरणं मम ||

त्रिपुंपर्याप्तपाकेन भोजयामास यो नृणाम् |
सिद्धश्चतुःसहस्राणि श्रीदत्तः शरणं मम ||

अश्वत्थसेवामादिश्य पुत्रौ योदात्फलप्रदः |
चित्रकृद्वृद्धवंध्यायै श्रीदत्तः शरणं मम ||

कारयित्वा शुष्ककाष्ठसेवां तद्वृक्षतां नयन् |
विप्रकुष्ठं जहारासौ श्रीदत्तः शरणं मम ||

भजंतं कष्टतोऽप्याह सायंदेवं परीक्ष्य यः |
गुरुसेवाविधानं स श्रीदत्तः शरणं मम ||

शिवतोषकरीं काशीयात्रां भक्ताय योऽवदत् |
सविधिं विहितां त्वष्ट्रा श्रीदत्तः शरणं मम ||

कौंडिण्यधर्मविहितमनंतव्रतमाह यः |
कारयामास तद्योऽपि श्रीदत्तः शरणं मम ||

श्रीशैलं तंतुकायासौ योगगत्या व्यदर्शयत् |
शिवरात्रिव्रताहे स श्रीदत्तः शरणं मम ||

ज्ञापयित्वाप्यमर्त्यत्वं स्वस्य दृष्ट्या चकार यः |
विकुष्ठं नंदिशर्माणं श्रीदत्तः शरणं मम ||

नरकेसरिणे स्वप्ने स्वं कल्लेश्वरलिंगगम् |
दर्शयित्वानुजग्राह श्रीदत्तः शरणं मम ||

अष्टमूर्तिधरोऽप्यष्टग्रामगो भक्तवत्सलः |
दीपावल्युत्सवेऽभूत् स श्रीदत्तः शरणं मम ||

अपक्वं छेदयित्वापि क्षेत्रे शतगुणं ततः |
धान्यं शूद्राय योऽदात् स श्रीदत्तः शरणं मम ||

गाणगापुरके क्षेत्रे योऽष्टतीर्थान्यदर्शयत् |
भक्तेभ्यो भीमरथ्यां स श्रीदत्तः शरणं मम ||

पूर्वदत्तवरायादाद्राज्यं स्फोटकरुग्घरः |
म्लेच्छाय दृष्टिं चेष्टं स श्रीदत्तः शरणं मम ||

श्रीशैलयात्रामिषेण वरदः पुष्पपीठगः |
कलौ तिरोऽभवद्यः स श्रीदत्तः शरणं मम ||

काश्याख्ये करहाटकेऽर्घ्यमवरे भिक्षास्य कोलापुरे |
पांचाले भुजिरस्य विठ्ठलपुरे पत्रं विचित्रं पुरे
गांधर्वे युजिराचमः कुरुपुरे दूरे स्मृतो नांतरे ||

परविरतिकलत्रः सर्वथा यः स्वतंत्रः |
स च परमपवित्रः सत्कमंडल्वमत्रः
परमरुचिरगात्रो योऽनसूयात्रिपुत्रः ||

नमस्ते समस्तेडिताघौघहर्त्रे |
नमस्ते समस्तेंगितज्ञाय भर्त्रे
नमस्ते समस्तेष्टकर्त्रेऽकहर्त्रे ||

नमो नमस्तेऽस्त्वसुरांतकाय |
नमो नमस्तेऽस्तु खलांतकाय
दत्ताय भक्तार्तिविनाशकाय ||

श्रीदत्तसर्वेश्वर मे प्रसीद |
प्रसीद योगेश्वर देहि योगं
त्वदीयभक्तेः कुरु मा वियोगम् ||

हृच्छुद्धिर्विहिता ततोऽस्तु सततं दत्ताय तुभ्यं नमः |
दत्तान्नास्ति परायणं श्रुतिमतं दत्तस्य दासोऽस्म्यहं
श्रीदत्ते परभक्तिरस्तु मम भो दत्त प्रसीदेश्वर ||

इति श्रीपरमहंसपरिव्राजकाचार्य श्रीवासुदेवानंदसरस्वती विरचितं श्री दत्त भावसुधारस स्तोत्रम् |
गमनिक
: पैन इव्वबडिन स्तोत्रमु
(श्लोकालु मात्रमे)
, ई क्रिंदि पुस्तकमुलो कूडा उन्नदि.
श्री दत्तात्रेय स्तोत्रनिधि
(नित्य पारायण ग्रंथमु)
मरिन्नि
श्री दत्तात्रेय स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु