Ekakshara Ganapati Kavacham

तॆलुगु
स्तोत्रनिधि
श्री गणेश स्तोत्रालु
(पार्वतीदेवि कोरिक मेरकु परमशिवुडु एकाक्षर गणपति मंत्रं यॊक्क कवचान्नि उपदेशिस्तुन्न संदर्भं इदि. गणपति आराधनलो कवच पारायणानिकि उन्न प्रामुख्यतनु, दानि रहस्य स्वभावान्नि शिवुडु इक्कड विवरिस्तुन्नारु. ई कवचान्नि पठिंचडं वल्ल सर्व विघ्नालु तॊलगिपोतायि. भूत, प्रेत, पिशाच बाधल नुंडि रक्षण लभिस्तुंदि. युद्धरंगंलो, संकट समयाल्लो मरियु पर्वत प्रांताल वंटि प्रमादकर प्रदेशाल्लो इदि अजेयमैन रक्षणगा निलुस्तुंदि.)
नमस्तस्मै गणेशाय सर्वविघ्नविनाशिने |
कार्यारंभेषु सर्वेषु पूजितो यः सुरैरपि ||

पार्वत्युवाच |
भगवन् देवदेवेश लोकानुग्रहकारकः |
इदानीं श्रोतृमिच्छामि कवचं यत्प्रकाशितम् ||

एकाक्षरस्य मंत्रस्य त्वया प्रीतेन चेतसा |
वदैतद्विधिवद्देव यदि ते वल्लभास्म्यहम् ||

ईश्वर उवाच |
शृणु देवि प्रवक्ष्यामि नाख्येयमपि ते ध्रुवम् |
एकाक्षरस्य मंत्रस्य कवचं सर्वकामदम् ||

यस्य स्मरणमात्रेण न विघ्नाः प्रभवंति हि |
त्रिकालमेककालं वा ये पठंति सदा नराः ||

तेषां क्वापि भयं नास्ति संग्रामे संकटे गिरौ |
भूतवेतालरक्षोभिर्ग्रहैश्चापि न बाध्यते ||

इदं कवचमज्ञात्वा यो जपेद्गणनायकम् |
न च सिद्धिमाप्नोति मूढो वर्षशतैरपि ||

अघोरो मे यथा मंत्रो मंत्राणामुत्तमोत्तमः |
तथेदं कवचं देवि दुर्लभं भुवि मानवैः ||

गोपनीयं प्रयत्नेन नाज्येयं यस्य कस्यचित् |
तव प्रीत्या महेशानि कवचं कथ्यतेऽद्भुतम् ||

एकाक्षरस्य मंत्रस्य गणकश्चर्षिरीरितः |
त्रिष्टुप् छंदस्तु विघ्नेशो देवता परिकीर्तिता ||

गं बीजं शक्तिरोंकारः सर्वकामार्थसिद्धये |
सर्वविघ्नविनाशाय विनियोगस्तु कीर्तितः ||

ध्यानम् |
रक्तांभोजस्वरूपं लसदरुणसरोजाधिरूढं त्रिनेत्रं
पाशं चैवांकुशं वा वरदमभयदं बाहुभिर्धारयंतम् |
शक्त्या युक्तं गजास्यं पृथुतरजठरं नागयज्ञोपवीतं
देवं चंद्रार्धचूडं सकलभयहरं विघ्नराजं नमामि ||

कवचम् |
गणेशो मे शिरः पातु फालं पातु गजाननः |
नेत्रे गणपतिः पातु गजकर्णः श्रुती मम ||

कपोलौ गणनाथस्तु घ्राणं गंधर्वपूजितः |
मुखं मे सुमुखः पातु चिबुकं गिरिजासुतः ||

जिह्वां पातु गणक्रीडो दंतान् रक्षतु दुर्मुखः |
वाचं विनायकः पातु कंठं पातु मदोत्कटः ||

स्कंधौ पातु गजस्कंधो बाहू मे विघ्ननाशनः |
हस्तौ रक्षतु हेरंबो वक्षः पातु महाबलः ||

हृदयं मे गणपतिरुदरं मे महोदरः |
नाभिं गंभीरहृदयो पृष्ठं पातु सुरप्रियः ||

कटिं मे विकटः पातु गुह्यं मे गुहपूजितः |
ऊरु मे पातु कौमारं जानुनी च गणाधिपः ||

जंघे जयप्रदः पातु गुल्फौ मे धूर्जटिप्रियः |
चरणौ दुर्जयः पातुर्सांगं गणनायकः ||

आमोदो मेऽग्रतः पातु प्रमोदः पातु पृष्ठतः |
दक्षिणे पातु सिद्धीशो वामे विद्याधरार्चितः ||

प्राच्यां रक्षतु मां नित्यं चिंतामणिविनायकः |
आग्नेय्यां वक्रतुंडो मे दक्षिणस्यामुमासुतः ||

नैरृत्यां सर्वविघ्नेशो पातु नित्यं गणेश्वरः |
प्रतीच्यां सिद्धिदः पातु वायव्यां गजकर्णकः ||

कौबेर्यां सर्वसिद्धीशो ईशान्यामीशनंदनः |
ऊर्ध्वं विनायकः पातु अधो मूषकवाहनः ||

दिवा गोक्षीरधवळः पातु नित्यं गजाननः |
रात्रौ पातु गणक्रीडो संध्ययो सुरवंदितः ||

पाशांकुशाभयकरः सर्वतः पातु मां सदा |
ग्रहभूतपिशाचेभ्यो पातु नित्यं गणेश्वरः ||

सत्त्वं रजस्तमो वाचं बुद्धिं ज्ञानं स्मृतिं दयाम् |
धर्मं चतुर्विधं लक्ष्मीं लज्जां कीर्तिं कुलं वपुः ||

धनधान्यगृहान्दारान् पुत्रान्पौत्रान् सखींस्तथा |
एकदंतोऽवतु श्रीमान् सर्वतः शंकरात्मजः ||

सिद्धिदं कीर्तिदं देवि प्रपठेन्नियतः शुचिः |
एककालं द्विकालं वा त्रिकालं वापि भक्तितः ||

न तस्य दुर्लभं किंचित् त्रिषु लोकेषु विद्यते |
सर्वपापविनिर्मुक्तो जायते भुवि मानवः ||

यं यं कामयते मर्त्यः सुदुर्लभमनोरथम् |
तं तं प्राप्नोति सकलं षण्मासान्नात्र संशयः ||

मोहनस्तंभनाकर्षमारणोच्चाटनं वशम् |
स्मरणादेव जायंते नात्र कार्या विचारणा ||

सर्वविघ्नहरेद्देवीं ग्रहपीडानिवारणम् |
सर्वशत्रुक्षयकरं सर्वापत्तिनिवारणम् ||

धृत्वेदं कवचं देवि यो जपेन्मंत्रमुत्तमम् |
न वाच्यते स विघ्नौघैः कदाचिदपि कुत्रचित् ||

भूर्जे लिखित्वा विधिवद्धारयेद्यो नरः शुचिः |
एकबाहो शिरः कंठे पूजयित्वा गणाधिपम् ||

एकाक्षरस्य मंत्रस्य कवचं देवि दुर्लभम् |
यो धारयेन्महेशानि न विघ्नैरभिभूयते ||

गणेशहृदयं नाम कवचं सर्वसिद्धिदम् |
पठेद्वा पाठयेद्वापि तस्य सिद्धिः करे स्थिता ||

न प्रकाश्यं महेशानि कवचं यत्र कुत्रचित् |
दातव्यं भक्तियुक्ताय गुरुदेवपराय च ||

इति श्रीरुद्रयामले पार्वतीपरमेश्वर संवादे एकाक्षरगणपतिकवचं संपूर्णम् |
मरिन्नि
श्री गणेश स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु