Sri Dhanvantari Ashtottara Shatanama Stotram

तॆलुगु
स्तोत्रनिधि
श्री विष्णु स्तोत्रालु
धन्वंतरिः सुधापूर्णकलशाढ्यकरो हरिः |
जरामृतित्रस्तदेवप्रार्थनासाधकः प्रभुः ||

निर्विकल्पो निस्समानो मंदस्मितमुखांबुजः |
आंजनेयप्रापिताद्रिः पार्श्वस्थविनतासुतः ||

निमग्नमंदरधरः कूर्मरूपी बृहत्तनुः |
नीलकुंचितकेशांतः परमाद्भुतरूपधृत् ||

कटाक्षवीक्षणाश्वस्तवासुकिः सिंहविक्रमः |
स्मर्तृहृद्रोगहरणो महाविष्ण्वंशसंभवः ||

प्रेक्षणीयोत्पलश्याम आयुर्वेदाधिदैवतम् |
भेषजग्रहणानेहः स्मरणीयपदांबुजः ||

नवयौवनसंपन्नः किरीटान्वितमस्तकः |
नक्रकुंडलसंशोभिश्रवणद्वयशष्कुलिः ||

दीर्घपीवरदोर्दंडः कंबुग्रीवोऽंबुजेक्षणः |
चतुर्भुजः शंखधरश्चक्रहस्तो वरप्रदः ||

सुधापात्रोपरिलसदाम्रपत्रलसत्करः |
शतपद्याढ्यहस्तश्च कस्तूरीतिलकांचितः ||

सुकपोलः सुनासश्च सुंदरभ्रूलतांचितः |
स्वंगुलीतलशोभाढ्यो गूढजत्रुर्महाहनुः ||

दिव्यांगदलसद्बाहुः केयूरपरिशोभितः |
विचित्ररत्नखचितवलयद्वयशोभितः ||

समोल्लसत्सुजातांसश्चांगुलीयविभूषितः |
सुधागंधरसास्वादमिलद्भृंगमनोहरः ||

लक्ष्मीसमर्पितोत्फुल्लकंजमालालसद्गलः |
लक्ष्मीशोभितवक्षस्को वनमालाविराजितः ||

नवरत्नमणीक्लुप्तहारशोभितकंधरः |
हीरनक्षत्रमालादिशोभारंजितदिङ्मुखः ||

विरजोऽंबरसंवीतो विशालोराः पृथुश्रवाः |
निम्ननाभिः सूक्ष्ममध्यः स्थूलजंघो निरंजनः ||

सुलक्षणपदांगुष्ठः सर्वसामुद्रिकान्वितः |
अलक्तकारक्तपादो मूर्तिमद्वार्धिपूजितः ||

सुधार्थान्योन्यसंयुध्यद्देवदैतेयसांत्वनः |
कोटिमन्मथसंकाशः सर्वावयवसुंदरः ||

अमृतास्वादनोद्युक्तदेवसंघपरिष्टुतः |
पुष्पवर्षणसंयुक्तगंधर्वकुलसेवितः ||

शंखतूर्यमृदंगादिसुवादित्राप्सरोवृतः |
विष्वक्सेनादियुक्पार्श्वः सनकादिमुनिस्तुतः ||

साश्चर्यसस्मितचतुर्मुखनेत्रसमीक्षितः |
साशंकसंभ्रमदितिदनुवंश्यसमीडितः ||

नमनोन्मुखदेवादिमौलिरत्नलसत्पदः |
दिव्यतेजःपुंजरूपः सर्वदेवहितोत्सुकः ||

स्वनिर्गमक्षुब्धदुग्धवाराशिर्दुंदुभिस्वनः |
गंधर्वगीतापदानश्रवणोत्कमहामनाः ||

निष्किंचनजनप्रीतो भवसंप्राप्तरोगहृत् |
अंतर्हितसुधापात्रो महात्मा मायिकाग्रणीः ||

क्षणार्धमोहिनीरूपः सर्वस्त्रीशुभलक्षणः |
मदमत्तेभगमनः सर्वलोकविमोहनः ||

स्रंसन्नीवीग्रंथिबंधासक्तदिव्यकरांगुळिः |
रत्नदर्वीलसद्धस्तो देवदैत्यविभागकृत् ||

संख्यातदेवतान्यासो दैत्यदानववंचकः |
देवामृतप्रदाता च परिवेषणहृष्टधीः ||

उन्मुखोन्मुखदैत्येंद्रदंतपंक्तिविभाजकः |
पुष्पवत्सुविनिर्दिष्टराहुरक्षःशिरोहरः ||

राहुकेतुग्रहस्थानपश्चाद्गतिविधायकः |
अमृतालाभनिर्विण्णयुध्यद्देवारिसूदनः ||

गरुत्मद्वाहनारूढः सर्वेशस्तोत्रसंयुतः |
स्वस्वाधिकारसंतुष्टशक्रवह्न्यादिपूजितः ||

मोहिनीदर्शनायातस्थाणुचित्तविमोहकः |
शचीस्वाहादिदिक्पालपत्नीमंडलसन्नुतः ||

वेदांतवेद्यमहिमा सर्वलोकैकरक्षकः |
राजराजप्रपूज्यांघ्रिः चिंतितार्थप्रदायकः ||

धन्वंतरेर्भगवतो नाम्नामष्टोत्तरं शतम् |
यः पठेत्सततं भक्त्या नीरोगः सुखभाग्भवेत् ||

इति बृहद्ब्रह्मानंदोपनिषदांतर्गतं श्री धन्वंतर्यष्टोत्तरशतनाम स्तोत्रम् |
मरिन्नि
श्री विष्णु स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु