Sri Dakshina Kali Kavacham 2

तॆलुगु
स्तोत्रनिधि
श्री काळिका स्तोत्रालु
[गमनिक: ई स्तोत्रमु
(श्लोकालु मात्रमे)
श्री काळिका स्तोत्रनिधि
” पारायण ग्रंथमुलो कूडा उन्नदि.
कैलासशिखरारूढं भैरवं चंद्रशेखरम् |
वक्षःस्थले समासीना भैरवी परिपृच्छति ||

श्रीभैरव्युवाच |
देवेश परमेशान लोकानुग्रहकारकः |
कवचं सूचितं पूर्वं किमर्थं न प्रकाशितम् ||

यदि मे महती प्रीतिस्तवास्ति कुल भैरव |
कवचं काळिका देव्याः कथयस्वानुकंपया ||

श्रीभैरव उवाच |
अप्रकाश्य मिदं देवि नरलोके विशेषतः |
लक्षवारं वारितासि स्त्री स्वभावाद्धि पृच्छसि ||

श्रीभैरव्युवाच |
सेवका बहवो नाथ कुलधर्म परायणाः |
यतस्ते त्यक्तजीवाशा शवोपरि चितोपरि ||

तेषां प्रयोग सिद्ध्यर्थं स्वरक्षार्थं विशेषतः |
पृच्छामि बहुशो देव कथयस्व दयानिधे ||

श्रीभैरव उवाच |
कथयामि शृणु प्राज्ञे काळिका कवचं परम् |
गोपनीयं पशोरग्रे स्वयोनिमपरे यथा ||

अस्य श्री दक्षिणकाळिका कवचस्य भैरव ऋषिः उष्णिक् छंदः अद्वैतरूपिणी श्री दक्षिणकाळिका देवता ह्रीं बीजं हूं शाक्तिः क्रीं कीलकं सर्वार्थ साधन पुरःसर मंत्र सिद्ध्यर्थे पाठे विनियोगः |
अथ कवचम् |
सहस्रारे महापद्मे कर्पूरधवळो गुरुः |
वामोरुस्थिततच्छक्तिः सदा सर्वत्र रक्षतु ||

परमेशः पुरः पातु परापरगुरुस्तथा |
परमेष्ठी गुरुः पातु दिव्य सिद्धिश्च मानवः ||

महादेवी सदा पातु महादेवः सदाऽवतु |
त्रिपुरो भैरवः पातु दिव्यरूपधरः सदा ||

ब्रह्मानंदः सदा पातु पूर्णदेवः सदाऽवतु |
चलश्चित्तः सदा पातु चेलांचलश्च पातु माम् ||

कुमारः क्रोधनश्चैव वरदः स्मरदीपनः |
मायामायावती चैव सिद्धौघाः पातु सर्वदा ||

विमलो कुशलश्चैव भीमसेनः सुधाकरः |
मीनो गोरक्षकश्चैव भोजदेवः प्रजापतिः ||

मूलदेवो रंतिदेवो विघ्नेश्वर हुताशानः |
संतोषः समयानंदः पातु मां मनवा सदा ||

सर्वेऽप्यानंदनाथांतः अंबां तां मातरः क्रमात् |
गणनाथः सदा पातु भैरवः पातु मां सदा ||

वटुको नः सदा पातु दुर्गा मां परिरक्षतु |
शिरसः पादपर्यंतं पातु मां घोरदक्षिणा ||

तथा शिरसि मां काळी हृदि मूले च रक्षतु |
संपूर्ण विद्यया देवी सदा सर्वत्र रक्षतु ||

क्रीं क्रीं क्रीं वदने पातु हृदि हूं हूं सदाऽवतु |
ह्रीं ह्रीं पातु सदाधारे दक्षिणे काळिके हृदि ||

क्रीं क्रीं क्रीं पातु मे पूर्वे हूं हूं दक्षे सदाऽवतु |
ह्रीं ह्रीं मां पश्चिमे पातु हूं हूं पातु सदोत्तरे ||

पृष्ठे पातु सदा स्वाहा मूला सर्वत्र रक्षतु |
षडंगे युवती पातु षडंगेषु सदैव माम् ||

मंत्रराजः सदा पातु ऊर्ध्वाधो दिग्विदिक् स्थितः |
चक्रराजे स्थिताश्चापि देवताः परिपांतु माम् ||

उग्रा उग्रप्रभा दीप्ता पातु पूर्वे त्रिकोणके |
नीला घना बलाका च तथा परत्रिकोणके ||

मात्रा मुद्रा मिता चैव तथा मध्य त्रिकोणके |
काळी कपालिनी कुल्ला कुरुकुल्ला विरोधिनी ||

बहिः षट्कोणके पांतु विप्रचित्ता तथा प्रिये |
सर्वाः श्यामाः खड्गधरा वामहस्तेन तर्जनीः ||

ब्राह्मी पूर्वदळे पातु नारायणी तथाग्निके |
माहेश्वरी दक्षदळे चामुंडा रक्षसेऽवतु ||

कौमारी पश्चिमे पातु वायव्ये चापराजिता |
वाराही चोत्तरे पातु नारसिंही शिवेऽवतु ||

ऐं ह्रीं असितांगः पूर्वे भैरवः परिरक्षतु |
ऐं ह्रीं रुरुश्चाजिनकोणे ऐं ह्रीं चंडस्तु दक्षिणे ||

ऐं ह्रीं क्रोधो नैरृतेऽव्यात् ऐं ह्रीं उन्मत्तकस्तथा |
पश्चिमे पातु ऐं ह्रीं मां कपाली वायु कोणके ||

ऐं ह्रीं भीषणाख्यश्च उत्तरेऽवतु भैरवः |
ऐं ह्रीं संहार ऐशान्यां मातृणामंकगा शिवाः ||

ऐं हेतुको वटुकः पूर्वदळे पातु सदैव माम् |
ऐं त्रिपुरांतको वटुकः आग्नेय्यां सर्वदाऽवतु ||

ऐं वह्नि वेताळो वटुको दक्षिणे मां सदाऽवतु |
ऐं अग्निजिह्ववटुकोऽव्यात् नैरृत्यां पश्चिमे तथा ||

ऐं कालवटुकः पातु ऐं कराळवटुकस्तथा |
वायव्यां ऐं एकः पातु उत्तरे वटुकोऽवतु ||

ऐं भीमवटुकः पातु ऐशान्यां दिशि मां सदा |
ऐं ह्रीं ह्रीं हूं फट् स्वाहांताश्चतुः षष्टि मातरः ||

ऊर्ध्वाधो दक्षवामार्गे पृष्ठदेशे तु पातु माम् |
ऐं हूं सिंहव्याघ्रमुखी पूर्वे मां परिरक्षतु ||

ऐं कां कीं सर्पमुखी अग्निकोणे सदाऽवतु |
ऐं मां मां मृगमेषमुखी दक्षिणे मां सदाऽवतु ||

ऐं चौं चौं गजराजमुखी नैरृत्यां मां सदाऽवतु |
ऐं में में विडालमुखी पश्चिमे पातु मां सदा ||

ऐं खौं खौं क्रोष्टुमुखी वायुकोणे सदाऽवतु |
ऐं हां हां ह्रस्वदीर्घमुखी लंबोदर महोदरी ||

पातुमामुत्तरे कोणे ऐं ह्रीं ह्रीं शिवकोणके |
ह्रस्वजंघतालजंघः प्रलंबौष्ठी सदाऽवतु ||

एताः श्मशानवासिन्यो भीषणा विकृताननाः |
पांतु मा सर्वदा देव्यः साधकाभीष्टपूरिकाः ||

इंद्रो मां पूर्वतो रक्षेदाग्नेय्यामग्निदेवता |
दक्षे यमः सदा पातु नैरृत्यां नैरृतिश्च माम् ||

वरुणोऽवतु मां पश्चात् वायुर्मां वायवेऽवतु |
कुबेरश्चोत्तरे पायात् ऐशान्यां तु सदाशिवः ||

ऊर्ध्वं ब्रह्मा सदा पातु अधश्चानंतदेवता |
पूर्वादिदिक् स्थिताः पांतु वज्राद्याश्चायुधाश्च माम् ||

काळिकाऽवातु शिरसि हृदये काळिकाऽवतु |
आधारे काळिका पातु पादयोः काळिकाऽवतु ||

दिक्षु मां काळिका पातु विदिक्षु काळिकाऽवतु |
ऊर्ध्वं मे काळिका पातु अधश्च काळिकाऽवतु ||

चर्मासृङ्मांसमेदाऽस्थि मज्जा शुक्राणि मेऽवतु |
इंद्रियाणि मनश्चैव देहं सिद्धिं च मेऽवतु ||

आकेशात् पादपर्यंतं काळिका मे सदाऽवतु |
वियति काळिका पातु पथि मां काळिकाऽवतु ||

शयने काळिका पातु सर्वकार्येषु काळिका |
पुत्रान् मे काळिका पातु धनं मे पातु काळिका ||

यत्र मे संशयाविष्टास्ता नश्यंतु शिवाज्ञया |
इतीदं कवचं देवि ब्रह्मलोकेऽपि दुर्लभम् ||

तव प्रीत्या मायाख्यातं गोपनीयं स्वयोनिवत् |
तव नाम्नि स्मृते देवि सर्वज्ञं च फलं लभेत् ||

सर्वपापक्षयं यांति वांछा सर्वत्र सिद्ध्यति |
नाम्नाः शतगुणं स्तोत्रं ध्यानं तस्माच्छताधिकम् ||

तस्मात् शताधिको मंत्रः कवचं तच्छताधिकम् |
शुचिः समाहितो भूत्वा भक्ति श्रद्धा समन्वितः ||

संस्थाप्य वामभागे तु शक्तिं स्वामि परायणाम् |
रक्तवस्त्रपरिधानां शिवमंत्रधरां शुभाम् ||

या शक्तिः सा महादेवी हररूपश्च साधकः |
अन्योऽन्य चिंतयेद्देवीं देवत्वमुपजायते ||

शक्तियुक्तो यजेद्देवीं चक्रे वा मनसापि वा |
भोगैश्च मधुपर्काद्यैस्तांबूलैश्च सुवासितैः ||

ततस्तु कवचं दिव्यं पठदेकमनाः प्रिये |
तस्य सर्वार्थ सिद्धिस्यान्नात्र कार्याविचारणा ||

इदं रहस्यं परमं परं स्वस्त्ययनं महत् |
या सकृत्तु पठेद्देवि कवचं देवदुर्लभम् ||

सर्वयज्ञफलं तस्य भवेदेव न संशयः |
संग्रामे च जयेत् शत्रून् मातंगानिव केशरी ||

नास्त्राणि तस्य शस्त्राणि शरीरे प्रभवंति च |
तस्य व्याधि कदाचिन्न दुःखं नास्ति कदाचन ||

गतिस्तस्यैव सर्वत्र वायुतुल्यः सदा भवेत् |
दीर्घायुः कामभोगीशो गुरुभक्तः सदा भवेत् ||

अहो कवच माहात्म्यं पठ्यमानस्य नित्यशः |
विनापि नययोगेन योगीश समतां व्रजेत् ||

सत्यं सत्यं पुनः सत्यं सत्यं सत्यं पुनः पुनः |
न शक्नोमि प्रभावं तु कवचस्यास्य वर्णितम् ||

इति श्री दक्षिणकाळिका कवचम् |
गमनिक
: पैन इव्वबडिन स्तोत्रमु
(श्लोकालु मात्रमे)
, ई क्रिंदि पुस्तकमुलो कूडा उन्नदि.
श्री काळिका स्तोत्रनिधि
(नित्य पारायण ग्रंथमु)
मरिन्नि
श्री काळिका स्तोत्रालु
चूडंडि. मरिन्नि
दशमहाविद्या स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु