Sri Vidyaranya Ashtottara Shatanama Stotram

तॆलुगु
स्तोत्रनिधि
श्री गुरु स्तोत्रालु
विद्यारण्यमहायोगी महाविद्याप्रकाशकः |
श्रीविद्यानगरोद्धर्ता विद्यारत्नमहोदधिः ||

रामायणमहासप्तकोटिमंत्रप्रकाशकः |
श्रीदेवीकरुणापूर्णः परिपूर्णमनोरथः ||

विरूपाक्षमहाक्षेत्रस्वर्णवृष्टिप्रकल्पकः |
वेदत्रयोल्लसद्भाष्यकर्ता तत्त्वार्थकोविदः ||

भगवत्पादनिर्णीतसिद्धान्तस्थापनप्रभुः |
वर्णाश्रमव्यवस्थाता निगमागमसारवित् ||

श्रीमत्कर्णाटराज्यश्रीसंपत्सिंहासनप्रदः |
श्रीमद्बुक्कमहीपालराज्यपट्टाभिषेककृत् ||

आचार्यकृतभाष्यादिग्रन्थवृत्तिप्रकल्पकः |
सकलोपनिषद्भाष्यदीपिकादिप्रकाशकृत् ||

सर्वशास्त्रार्थतत्त्वज्ञो मन्त्रशास्त्राब्धिमन्थरः |
विद्वन्मणिशिरश्श्लाघ्यबहुग्रन्थविधायकः ||

सारस्वतसमुद्धर्ता सारासारविचक्षणः |
श्रौतस्मार्तसदाचारसंस्थापनधुरन्धरः ||

वेदशास्त्रबहिर्भूतदुर्मतांबोधिशोषकः |
दुर्वादिगर्वदावाग्निः प्रतिपक्षेभकेसरी ||

यशोजैवातृकज्योत्स्नाप्रकाशितदिगन्तरः |
अष्टाङ्गयोगनिष्णातस्साङ्ख्ययोगविशारदः ||

राजाधिराजसंदोहपूज्यमानपदांबुजः |
महावैभवसम्पन्न औदार्यश्रीनिवासभूः ||

तिर्यगान्दोलिकामुख्यसमस्तबिरुदार्जकः |
महाभोगी महायोगी वैराग्यप्रथमाश्रयः ||

श्रीमान्परमहंसादिसद्गुरुः करुणानिधिः |
तपःप्रभावनिर्धूतदुर्वारकलिवैभवः ||

निरंतरशिवध्यानशोषिताखिलकल्मषः |
निर्जितारातिषड्वर्गो दारिद्र्योन्मूलनक्षमः ||

जितेन्द्रियस्सत्यवादी सत्यसन्धो दृढव्रतः |
शान्तात्मा सुचरित्राढ्यस्सर्वभूतहितोत्सुकः ||

कृतकृत्यो धर्मशीलो दांतो लोभविवर्जितः |
महाबुद्धिर्महावीर्यो महातेजा महामनाः ||

तपोराशिर्ज्ञानराशिः कळ्याणगुणवरिधिः |
नीतिशास्त्रसमुद्धर्ता प्राज्ञमौळिशिरोमणिः ||

शुद्धसत्त्वमयोधीरो देशकालविभागवित् |
अतीन्द्रियज्ञाननिधिर्भूतभाव्यर्थकोविदः ||

गुणत्रयविभागज्ञस्सन्यासाश्रमदीक्षितः |
ज्ञानात्मकैकदण्डाढ्यः कौसुंभवसनोज्ज्वलः ||

रुद्राक्षमालिकाधारी भस्मोद्धूळितदेहवान् |
अक्षमालालसद्धस्तस्त्रिपुण्ड्राङ्कितमस्तकः ||

धरासुरतपस्सम्पत्फलं शुभमहोदयः |
चन्द्रमौळीश्वरश्रीमत्पादपद्मार्चनोत्सुकः ||

श्रीमच्छङ्करयोगीन्द्रचरणासक्तमानसः |
रत्नगर्भगणेशानप्रपूजनपरायणः ||

शारदांबादिव्यपीठसपर्यातत्पराशयः |
अव्याजकरुणामूर्तिः प्रज्ञानिर्जितगीष्पतिः ||

सुज्ञानसत्कृतजगल्लोकानन्दविधायकः |
वाणीविलासभवनं ब्रह्मानन्दैकलोलुपः ||

निर्ममो निरहंकारो निरालस्यो निराकुलः |
निश्चिंतो नित्यसंतुष्टो नियतात्मा निरामयः ||

गुरुभूमण्डलाचार्यो गुरुपीठप्रतिष्ठितः |
सर्वतन्त्रस्वतन्त्रश्च यन्त्रमन्त्रविचक्षणः ||

शिष्टेष्टफलदाता च दुष्टनिग्रहदीक्षितः |
प्रतिज्ञातार्थनिर्वोढा निग्रहानुग्रहप्रभुः ||

जगत्पूज्यस्सदानंदस्साक्षाच्छङ्कररूपभृत् |
महालक्ष्मीमहामन्त्रपुरश्चर्यापरायणः ||

विद्यारण्यमहायोगि नम्नामष्टोत्तरं शतम् |
यः पठेत्सततं संपत्सारस्वतनिधिर्भवेत् ||

इति श्रीविद्यारण्याष्टोत्तरशतनामस्तोत्रम् |
मरिन्नि
श्री गुरु स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु