Trailokya Vijaya Narasimha Kavacham

तॆलुगु
स्तोत्रनिधि
श्री नृसिंह स्तोत्रालु
[गमनिक: ई स्तोत्रमु
(श्लोकालु मात्रमे)
श्री नरसिंह स्तोत्रनिधि
” पारायण ग्रंथमुलो कूडा उन्नदि.
नारद उवाच |
इंद्रादिदेववृंदेश ईड्येश्वर जगत्पते |
महाविष्णोर्नृसिंहस्य कवचं ब्रूहि मे प्रभो |
यस्य प्रपठनाद्विद्वांस्त्रैलोक्यविजयी भवेत् ||

ब्रह्मोवाच |
शृणु नारद वक्ष्यामि पुत्रश्रेष्ठ तपोधन |
कवचं नरसिंहस्य त्रैलोक्यविजयी भवेत् ||

स्रष्टाऽहं जगतां वत्स पठनाद्धारणाद्यतः |
लक्ष्मीर्जगत्त्रयं पाति संहर्ता च महेश्वरः ||

पठनाद्धारणाद्देवा बहवश्च दिगीश्वराः |
ब्रह्ममंत्रमयं वक्ष्ये भ्रांत्यादिविनिवारकम् ||

यस्य प्रसादाद्दुर्वासास्त्रैलोक्यविजयी भवेत् |
पठनाद्धारणाद्यस्य शास्ता च क्रोधभैरवः ||

त्रैलोक्यविजयस्यास्य कवचस्य प्रजापतिः |
ऋषिश्छंदस्तु गायत्री नृसिंहो देवता विभुः ||

चतुर्वर्गे च शांतौ च विनियोगः प्रकीर्तितः |
क्ष्रौं बीजं मे शिरः पातु चंद्रवर्णो महामनुः ||

ॐ उग्रं वीरं महाविष्णुं ज्वलंतं सर्वतोमुखम् |
नृसिंहं भीषणं भद्रं मृत्युमृत्युं नमाम्यहम् ||

द्वात्रिंशदक्षरो मंत्रो मंत्रराजः सुरद्रुमः |
कंठं पातु ध्रुवं क्ष्रौं हृद्भगवते चक्षुषी मम ||

नरसिंहाय च ज्वालामालिने पातु कर्णकम् |
दीप्तदंष्ट्राय च तथा अग्निनेत्राय नासिकाम् ||

सर्वरक्षोघ्नाय तथा सर्वभूतहिताय च |
सर्वज्वरविनाशाय दह दह पदद्वयम् ||

रक्ष रक्ष वर्ममंत्रः स्वाहा पातु मुखं मम |
तारादिरामचंद्राय नमः पातु हृदं मम ||

क्लीं पायात् पार्श्वयुग्मं च तारो नमः पदं ततः |
नारायणाय नाभिं च आं ह्रीं क्रों क्ष्रौं च हुं फट् ||

षडक्षरः कटिं पातु ॐ नमो भगवते पदम् |
वासुदेवाय च पृष्ठं क्लीं कृष्णाय उरुद्वयम् ||

क्लीं कृष्णाय सदा पातु जानुनी च मनूत्तमः |
क्लीं ग्लौं क्लीं श्यामलांगाय नमः पायात् पदद्वयम् ||

क्ष्रौं नृसिंहाय क्ष्रौं ह्रीं च सर्वांगं मे सदाऽवतु |
इति ते कथितं वत्स सर्वमंत्रौघविग्रहम् ||

तव स्नेहान्मया ख्यातं प्रवक्तव्यं न कस्यचित् |
गुरुपूजां विधायाथ गृह्णीयात् कवचं ततः ||

सर्वपुण्ययुतो भूत्वा सर्वसिद्धियुतो भवेत् |
शतमष्टोत्तरं चास्य पुरश्चर्याविधिः स्मृतः ||

हवनादीन् दशांशेन कृत्वा सत्साधकोत्तमः |
ततस्तु सिद्धकवचो रूपेण मदनोपमः ||

स्पर्धामुद्धूय भवने लक्ष्मीर्वाणी वसेन्मुखे |
पुष्पांजल्यष्टकं दत्त्वा मूलेनैव पठेत् सकृत् ||

अपि वर्षसहस्राणां पूजानां फलमाप्नुयात् |
भूर्जे विलिख्य गुटिकां स्वर्णस्थां धारयेद्यदि ||

कंठे वा दक्षिणे बाहौ नरसिंहो भवेत् स्वयम् |
योषिद्वामभुजे चैव पुरुषो दक्षिणे करे ||

बिभृयात् कवचं पुण्यं सर्वसिद्धियुतो भवेत् |
काकवंध्या च या नारी मृतवत्सा च या भवेत् ||

जन्मवंध्या नष्टपुत्रा बहुपुत्रवती भवेत् |
कवचस्य प्रसादेन जीवन्मुक्तो भवेन्नरः ||

त्रैलोक्यं क्षोभयत्येवं त्रैलोक्यविजयी भवेत् |
भूतप्रेतपिशाचाश्च राक्षसा दानवाश्च ये ||

तं दृष्ट्वा प्रपलायंते देशाद्देशांतरं ध्रुवम् |
यस्मिन् गृहे च कवचं ग्रामे वा यदि तिष्ठति |
तद्देशं तु परित्यज्य प्रयांति ह्यातिदूरतः ||

इति श्रीब्रह्मसंहितायां सप्तदशोऽध्याये त्रैलोक्यविजयं नाम श्री नृसिंह कवचम् |
गमनिक
: पैन इव्वबडिन स्तोत्रमु
(श्लोकालु मात्रमे)
, ई क्रिंदि पुस्तकमुलो कूडा उन्नदि.
श्री नरसिंह स्तोत्रनिधि
(नित्य पारायण ग्रंथमु)
मरिन्नि
श्री नृसिंह स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु