Sri Subrahmanya Kavacham

तॆलुगु
स्तोत्रनिधि
श्री सुब्रह्मण्य स्तोत्रालु
गमनिक
: ई स्तोत्रमु
(श्लोकालु मात्रमे)
श्री सुब्रह्मण्य स्तोत्रनिधि
” पारायण ग्रंथमुलो कूडा उन्नदि.
अस्य श्रीसुब्रह्मण्यकवचस्तोत्रमहामंत्रस्य, ब्रह्मा ऋषिः, अनुष्टुप्छंदः, श्रीसुब्रह्मण्यो देवता, ॐ नम इति बीजं, भगवत इति शक्तिः, सुब्रह्मण्यायेति कीलकं, श्रीसुब्रह्मण्य प्रसादसिद्ध्यर्थे जपे विनियोगः ||

ॐ सां अंगुष्ठाभ्यां नमः |
ॐ सीं तर्जनीभ्यां नमः |
ॐ सूं मध्यमाभ्यां नमः |
ॐ सैं अनामिकाभ्यां नमः |
ॐ सौं कनिष्ठिकाभ्यां नमः |
ॐ सः करतलकरपृष्ठाभ्यां नमः ||

ॐ सां हृदयाय नमः |
ॐ सीं शिरसे स्वाहा |
ॐ सूं शिखायै वषट् |
ॐ सैं कवचाय हुम् |
ॐ सौं नेत्रत्रयाय वौषट् |
ॐ सः अस्त्राय फट् |
भूर्भुवस्सुवरोमिति दिग्बंधः ||

दिव्यैराभरणैर्विभूषिततनुं स्वर्गादिसौख्यप्रदम् |
अंभोजाभयशक्तिकुक्कुटधरं रक्तांगरागोज्ज्वलं
सुब्रह्मण्यमुपास्महे प्रणमतां भीतिप्रणाशोद्यतम् ||

ॐ लं पृथिव्यात्मने सुब्रह्मण्याय गंधं समर्पयामि |
ॐ हं आकाशात्मने सुब्रह्मण्याय पुष्पाणि समर्पयामि |
ॐ यं वाय्वात्मने सुब्रह्मण्याय धूपमाघ्रापयामि |
ॐ रं अग्न्यात्मने सुब्रह्मण्याय दीपं दर्शयामि |
ॐ वं अमृतात्मने सुब्रह्मण्याय स्वादन्नं निवेदयामि |
कवचम् –
सुब्रह्मण्योऽग्रतः पातु सेनानीः पातु पृष्ठतः |
गुहो मां दक्षिणे पातु वह्निजः पातु वामतः ||

शिरः पातु महासेनः स्कंदो रक्षेल्ललाटकम् |
नेत्रे मे द्वादशाक्षश्च श्रोत्रे रक्षतु विश्वभृत् ||

मुखं मे षण्मुखः पातु नासिकां शंकरात्मजः |
ओष्ठौ वल्लीपतिः पातु जिह्वां पातु षडाननः ||

देवसेनापतिर्दंतान् चिबुकं बहुलोद्भवः |
कंठं तारकजित्पातु बाहू द्वादशबाहुकः ||

हस्तौ शक्तिधरः पातु वक्षः पातु शरोद्भवः |
हृदयं वह्निभूः पातु कुक्षिं पात्वंबिकासुतः ||

नाभिं शंभुसुतः पातु कटिं पातु हरात्मजः |
ऊरू पातु गजारूढो जानू मे जाह्नवीसुतः ||

जंघे विशाखो मे पातु पादौ मे शिखिवाहनः |
सर्वाण्यंगानि भूतेशः सर्वधातूंश्च पावकिः ||

संध्याकाले निशीथिन्यां दिवा प्रातर्जलेऽग्निषु |
दुर्गमे च महारण्ये राजद्वारे महाभये ||

तुमुले रण्यमध्ये च सर्वदुष्टमृगादिषु |
चोरादिसाध्वसेऽभेद्ये ज्वरादिव्याधिपीडने ||

दुष्टग्रहादिभीतौ च दुर्निमित्तादिभीषणे |
अस्त्रशस्त्रनिपाते च पातु मां क्रौंचरंध्रकृत् ||

यः सुब्रह्मण्यकवचं इष्टसिद्धिप्रदं पठेत् |
तस्य तापत्रयं नास्ति सत्यं सत्यं वदाम्यहम् ||

धर्मार्थी लभते धर्ममर्थार्थी चार्थमाप्नुयात् |
कामार्थी लभते कामं मोक्षार्थी मोक्षमाप्नुयात् ||

यत्र यत्र जपेद्भक्त्या तत्र सन्निहितो गुहः |
पूजाप्रतिष्ठाकाले च जपकाले पठेदिदम् ||

तेषामेव फलावाप्तिः महापातकनाशनम् |
यः पठेच्छृणुयाद्भक्त्या नित्यं देवस्य सन्निधौ |
सर्वान्कामानिह प्राप्य सोऽंते स्कंदपुरं व्रजेत् ||

उत्तरन्यासः ||

ॐ सां अंगुष्ठाभ्यां नमः |
ॐ सीं तर्जनीभ्यां नमः |
ॐ सूं मध्यमाभ्यां नमः |
ॐ सैं अनामिकाभ्यां नमः |
ॐ सौं कनिष्ठिकाभ्यां नमः |
ॐ सः करतलकरपृष्ठाभ्यां नमः ||

ॐ सां हृदयाय नमः |
ॐ सीं शिरसे स्वाहा |
ॐ सूं शिखायै वषट् |
ॐ सैं कवचाय हुम् |
ॐ सौं नेत्रत्रयाय वौषट् |
ॐ सः अस्त्राय फट् |
भूर्भुवस्सुवरोमिति दिग्विमोकः ||

इति श्री सुब्रह्मण्य कवच स्तोत्रम् |
गमनिक
: पैन इव्वबडिन स्तोत्रमु
(श्लोकालु मात्रमे)
, ई पुस्तकमुलो कूडा उन्नदि.
श्री सुब्रह्मण्य स्तोत्रनिधि
(नित्य पारायण ग्रंथमु)
मरिन्नि
श्री सुब्रह्मण्य स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु