Sri Rama Stavaraja Stotram

तॆलुगु
स्तोत्रनिधि
श्री राम स्तोत्रालु
अस्य श्रीरामचंद्र स्तवराजस्तोत्रमंत्रस्य सनत्कुमारऋषिः | श्रीरामो देवता | अनुष्टुप् छंदः | सीता बीजम् | हनुमान् शक्तिः | श्रीरामप्रीत्यर्थे जपे विनियोगः ||

सूत उवाच |
सर्वशास्त्रार्थतत्त्वज्ञं व्यासं सत्यवतीसुतम् |
धर्मपुत्रः प्रहृष्टात्मा प्रत्युवाच मुनीश्वरम् ||

युधिष्ठिर उवाच |
भगवन्योगिनां श्रेष्ठ सर्वशास्त्रविशारद |
किं तत्त्वं किं परं जाप्यं किं ध्यानं मुक्तिसाधनम् ||

श्रोतुमिच्छामि तत्सर्वं ब्रूहि मे मुनिसत्तम ||

वेदव्यास उवाच |
धर्मराज महाभाग शृणु वक्ष्यामि तत्त्वतः ||

यत्परं यद्गुणातीतं यज्ज्योतिरमलं शिवम् |
तदेव परमं तत्त्वं कैवल्यपदकारणम् ||

श्रीरामेति परं जाप्यं तारकं ब्रह्मसंज्ञकम् |
ब्रह्महत्यादिपापघ्नमिति वेदविदो विदुः ||

श्रीराम रामेति जना ये जपंति च सर्वदा |
तेषां भुक्तिश्च मुक्तिश्च भविष्यति न संशयः ||

स्तवराजं पुरा प्रोक्तं नारदेन च धीमता |
तत्सर्वं संप्रवक्ष्यामि हरिध्यानपुरःसरम् ||

तापत्रयाग्निशमनं सर्वाघौघनिकृंतनम् |
दारिद्र्यदुःखशमनं सर्वसंपत्करं शिवम् ||

विज्ञानफलदं दिव्यं मोक्षैकफलसाधनम् |
नमस्कृत्य प्रवक्ष्यामि रामं कृष्णं जगन्मयम् ||

अयोध्यानगरे रम्ये रत्नमंडपमध्यगे |
स्मरेत्कल्पतरोर्मूले रत्नसिंहासनं शुभम् ||

तन्मध्येऽष्टदलं पद्मं नानारत्नैश्च वेष्टितम् |
स्मरेन्मध्ये दाशरथिं सहस्रादित्यतेजसम् ||

पितुरंकगतं राममिंद्रनीलमणिप्रभम् |
कोमलांगं विशालाक्षं विद्युद्वर्णांबरावृतम् ||

भानुकोटिप्रतीकाश किरीटेन विराजितम् |
रत्नग्रैवेयकेयूररत्नकुंडलमंडितम् ||

रत्नकंकणमंजीरकटिसूत्रैरलंकृतम् |
श्रीवत्सकौस्तुभोरस्कं मुक्ताहारोपशोभितम् ||

दिव्यरत्नसमायुक्तमुद्रिकाभिरलंकृतम् |
राघवं द्विभुजं बालं राममीषत्स्मिताननम् ||

तुलसीकुंदमंदारपुष्पमाल्यैरलंकृतम् |
कर्पूरागुरुकस्तूरीदिव्यगंधानुलेपनम् ||

योगशास्त्रेष्वभिरतं योगेशं योगदायकम् |
सदा भरतसौमित्रिशत्रुघ्नैरुपशोभितम् ||

विद्याधरसुराधीशसिद्धगंधर्वकिन्नरैः |
योगींद्रैर्नारदाद्यैश्च स्तूयमानमहर्निशम् ||

विश्वामित्रवसिष्ठादिमुनिभिः परिसेवितम् |
सनकादिमुनिश्रेष्ठैर्योगिवृंदैश्च सेवितम् ||

रामं रघुवरं वीरं धनुर्वेदविशारदम् |
मंगळायतनं देवं रामं राजीवलोचनम् ||

सर्वशास्त्रार्थतत्त्वज्ञमानंदकरसुंदरम् |
कौसल्यानंदनं रामं धनुर्बाणधरं हरिम् ||

एवं संचिंतयन्विष्णुं यज्ज्योतिरमलं विभुम् |
प्रहृष्टमानसो भूत्वा मुनिवर्यः स नारदः ||

सर्वलोकहितार्थाय तुष्टाव रघुनंदनम् |
कृतांजलिपुटो भूत्वा चिंतयन्नद्भुतं हरिम् ||

यदेकं यत्परं नित्यं यदनंतं चिदात्मकम् |
यदेकं व्यापकं लोके तद्रूपं चिंतयाम्यहम् ||

प्रज्ञानरूपं स्वसुखैकहेतुम् |
श्रीरामचंद्रं हरिमादिदेवं
परात्परं राममहं भजामि ||

प्राणेश्वरं राममसौ ददर्श ||

नारद उवाच |
नारायणं जगन्नाथमभिरामं जगत्पतिम् |
कविं पुराणं वागीशं रामं दशरथात्मजम् ||

राजराजं रघुवरं कौसल्यानंदवर्धनम् |
भर्गं वरेण्यं विश्वेशं रघुनाथं जगद्गुरुम् ||

सत्यं सत्यप्रियं श्रेष्ठं जानकीवल्लभं विभुम् |
सौमित्रिपूर्वजं शांतं कामदं कमलेक्षणम् ||

आदित्यं रविमीशानं घृणिं सूर्यमनामयम् |
आनंदरूपिणं सौम्यं राघवं करुणामयम् ||

जामदग्निं तपोमूर्तिं रामं परशुधारिणम् |
वाक्पतिं वरदं वाच्यं श्रीपतिं पक्षिवाहनम् ||

श्रीशार्ङ्गधारिणं रामं चिन्मयानंदविग्रहम् |
हलधृग्विष्णुमीशानं बलरामं कृपानिधिम् ||

श्रीवल्लभं कृपानाथं जगन्मोहनमच्युतम् |
मत्स्यकूर्मवराहादिरूपधारिणमव्ययम् ||

वासुदेवं जगद्योनिमनादिनिधनं हरिम् |
गोविंदं गोपतिं विष्णुं गोपीजनमनोहरम् ||

गोगोपालपरीवारं गोपकन्यासमावृतम् |
विद्युत्पुंजप्रतीकाशं रामं कृष्णं जगन्मयम् ||

गोगोपिकासमाकीर्णं वेणुवादनतत्परम् |
कामरूपं कलावंतं कामिनीकामदं विभुम् ||

मन्मथं मथुरानाथं माधवं मकरध्वजम् |
श्रीधरं श्रीकरं श्रीशं श्रीनिवासं परात्परम् ||

भूतेशं भूपतिं भद्रं विभूतिं भूमिभूषणम् |
सर्वदुःखहरं वीरं दुष्टदानववैरिणम् ||

श्रीनृसिंहं महाबाहुं महांतं दीप्ततेजसम् |
चिदानंदमयं नित्यं प्रणवं ज्योतिरूपिणम् ||

आदित्यमंडलगतं निश्चितार्थस्वरूपिणम् |
भक्तिप्रियं पद्मनेत्रं भक्तानामीप्सितप्रदम् ||

कौसल्येयं कलामूर्तिं काकुत्स्थं कमलाप्रियम् |
सिंहासने समासीनं नित्यव्रतमकल्मषम् ||

विश्वामित्रप्रियं दांतं स्वदारनियतव्रतम् |
यज्ञेशं यज्ञपुरुषं यज्ञपालनतत्परम् ||

सत्यसंधं जितक्रोधं शरणागतवत्सलम् |
सर्वक्लेशापहरणं विभीषणवरप्रदम् ||

दशग्रीवहरं रौद्रं केशवं केशिमर्दनम् |
वालिप्रमथनं वीरं सुग्रीवेप्सितराज्यदम् ||

नरवानरदेवैश्चसेवितं हनुमत्प्रियम् |
शुद्धं सूक्ष्मं परं शांतं तारकं ब्रह्मरूपिणम् ||

सर्वभूतात्मभूतस्थं सर्वाधारं सनातनम् |
सर्वकारणकर्तारं निदानं प्रकृतेः परम् ||

निरामयं निराभासं निरवद्यं निरंजनम् |
नित्यानंदं निराकारमद्वैतं तमसः परम् ||

परात्परतरं तत्त्वं सत्यानंदं चिदात्मकम् |
मनसा शिरसा नित्यं प्रणमामि रघूत्तमम् ||

सूर्यमंडलमध्यस्थं रामं सीतासमन्वितम् |
नमामि पुंडरीकाक्षममेयं गुरुतत्परम् ||

नमोऽस्तु वासुदेवाय ज्योतिषां पतये नमः |
नमोऽस्तु रामदेवाय जगदानंदरूपिणे ||

नमो वेदांतनिष्ठाय योगिने ब्रह्मवादिने |
मायामयनिरासाय प्रपन्नजनसेविने ||

वंदामहे महेशानचंडकोदंडखंडनम् |
जानकीहृदयानंदवर्धनं रघुनंदनम् ||

नमामि रामं तमसः परस्तात् ||

निराश्रयं निष्कलमप्रपंचम् |
नित्यं ध्रुवं निर्विषयस्वरूपं
निरंतरं राममहं भजामि ||

भक्तिप्रियं भानुकुलप्रदीपम् |
भूतत्रिनाथं भुवनाधिपं तं
भजामि रामं भवरोगवैद्यम् ||

सत्यं चिदानंदमयस्वरूपम् |
सत्यं शिवं शांतिमयं शरण्यं
सनातनं राममहं भजामि ||

कविं पुराणं कमलायताक्षम् |
कुमारवेद्यं करुणामयं तं
कल्पद्रुमं राममहं भजामि ||

दयानिधिं द्वंद्वविनाशहेतुम् |
महाबलं वेदनिधिं सुरेशं
सनातनं राममहं भजामि ||

नमामि रामं तमसः परस्तात् ||

परात्परं राममहं भजामि ||

स्वतेजसा पूरितविश्वमेकम् |
राजाधिराजं रविमंडलस्थं
विश्वेश्वरं राममहं भजामि ||

हरिं चिदानंदमयं मुकुंदम् |
अशेषविद्याधिपतिं कवींद्रं
नमामि रामं तमसः परस्तात् ||

नारायणं निर्मलमादिदेवम् |
नतोऽस्मि नित्यं जगदेकनाथ-
विभूतिदं विश्वसृजं विरामं
राजेंद्रमीशं रघुवंशनाथम् |
अचिंत्यमव्यक्तमनंतमूर्तिं
ज्योतिर्मयं राममहं भजामि ||

कलानिधिं कल्मषनाशहेतुम् |
परात्परं यत्परमं पवित्रं
नमामि रामं महतो महांतम् ||

ब्रह्मा विष्णुश्च रुद्रश्च देवेंद्रो देवतास्तथा |
आदित्यादिग्रहाश्चैव त्वमेव रघुनंदन ||

तापसा ऋषयः सिद्धाः साध्याश्च मरुतस्तथा |
विप्रा वेदास्तथा यज्ञाः पुराणं धर्मसंहिताः ||

वर्णाश्रमास्तथा धर्मा वर्णधर्मास्तथैव च |
यक्षराक्षसगंधर्वादिक्पाला दिग्गजादयः ||

सनकादिमुनिश्रेष्ठास्त्वमेव रघुपुंगव |
वसवोऽष्टौ त्रयः काला रुद्रा एकादश स्मृताः ||

तारकाः दश दिक् चैव त्वमेव रघुनंदन |
सप्तद्वीपाः समुद्राश्च नगाः नद्यस्तथा द्रुमाः ||

स्थावराः जंगमाश्चैव त्वमेव रघुनायक |
देवतिर्यङ्मनुष्याणां दानवानां तथैव च ||

माता पिता तथा भ्राता त्वमेव रघुवल्लभ |
सर्वेषां त्वं परं ब्रह्म त्वन्मयं सर्वमेव हि ||

त्वमक्षरं परं ज्योतिस्त्वमेव पुरुषोत्तम |
त्वमेव तारकं ब्रह्म त्वत्तोऽन्यन्नैव किंचन ||

शांतं सर्वगतं सूक्ष्मं परं ब्रह्म सनातनम् |
राजीवलोचनं रामं प्रणमामि जगत्पतिम् ||

व्यास उवाच |
ततः प्रसन्नः श्रीरामः प्रोवाच मुनिपुंगवम् |
तुष्टोऽस्मि मुनिशार्दूल वृणीष्व वरमुत्तमम् ||

नारद उवाच |
यदि तुष्टोऽसि सर्वज्ञ श्रीराम करुणानिधे |
त्वन्मूर्तिदर्शनेनैव कृतार्थोऽहं च सर्वदा ||

धन्योऽहं कृतकृत्योऽहं पुण्योऽहं पुरुषोत्तम |
अद्य मे सफलं जन्म जीवितं सफलं च मे ||

अद्य मे सफलं ज्ञानमद्य मे सफलं तपः |
अद्य मे सफलं कर्म त्वत्पादांभोजदर्शनात् ||

अद्य मे सफलं सर्वं त्वन्नामस्मरणं तथा |
त्वत्पादांभोरुहद्वंद्वसद्भक्तिं देहि राघव ||

ततः परमसंप्रीतः स रामः प्राह नारदम् |
मेघगंभीरया वाचा धन्वी वीजितमन्मथः ||

श्रीराम उवाच |
मुनिवर्य महाभाग मुने त्विष्टं ददामि ते |
यत्त्वया चेप्सितं सर्वं मनसा तद्भविष्यति ||

नारद उवाच |
वरं न याचे रघुनाथ युष्म-
इदं प्रियं नाथ वरं प्रयाच्छ
पुनः पुनस्त्वामिदमेव याचे ||

व्यास उवाच |
इत्येवमीडितो रामः प्रादात्तस्मै वरांतरम् |
वीरो रामो महातेजाः सच्चिदानंदविग्रहः ||

अद्वैतममलं ज्ञानं स्वनामस्मरणं तथा |
अंतर्दधौ जगन्नाथः पुरतस्तस्य राघवः ||

इति श्रीरघुनाथस्य स्तवराजमनुत्तमम् |
सर्वसौभाग्यसंपत्तिदायकं मुक्तिदं शुभम् ||

कथितं ब्रह्मपुत्रेण वेदानां सारमुत्तमम् |
गुह्याद्गुह्यतमं दिव्यं तव स्नेहात्प्रकीर्तितम् ||

यः पठेच्छृणुयाद्वापि त्रिसंध्यं श्रद्धयान्वितः |
ब्रह्महत्यादिपापानि तत्समानि बहूनि च ||

स्वर्णस्तेयं सुरापानं गुरुतल्पगतिस्तथा |
गोवधाद्युपपापानि अनृतात्संभवानि च ||

सर्वैः प्रमुच्यते पापैः कल्पायुतशतोद्भवैः |
मानसं वाचिकं पापं कर्मणा समुपार्जितम् ||

श्रीरामस्मरणेनैव तत्क्षणान्नश्यति ध्रुवम् |
इदं सत्यमिदं सत्यं सत्यमेतदिहोच्यते ||

रामं सत्यं परं ब्रह्म रामात्किंचिन्न विद्यते |
तस्माद्रामस्वरूपं हि सत्यं सत्यमिदं जगत् ||

रजेंद्र राम रघुनायक राघवेश |
राजाधिराज रघुनंदन रामचंद्र
दासोऽहमद्य भवतः शरणागतोऽस्मि ||

मध्ये पुष्पकमासने मणिमये वीरासने संस्थितम् |
अग्रे वाचयति प्रभंजनसुते तत्त्वं मुनिभ्यः परं
व्याख्यातं भरतादिभिः परिवृतं रामं भजे श्यामलम् ||

सीतालंकृतवामभागममलं सिंहासनस्थं विभुम् |
सुग्रीवादिहरीश्वरैः सुरगणैः संसेव्यमानं सदा
विश्वामित्रपराशरादिमुनिभिः संस्तूयमानं प्रभुम् ||

भुजविजितसमानं राक्षसेंद्रादिमानम् |
महितनृपभयानं सीतया शोभमानं
स्मर हृदय विमानं ब्रह्म रामाभिधानम् ||

नरकगतिहरं ते नामधेयं मुखे मे |
अनिशमतुलभक्त्या मस्तकं त्वत्पदाब्जे
भवजलनिधिमग्नं रक्ष मामार्तबंधो ||

रामरत्नमहं वंदे चित्रकूटपतिं हरिम् |
कौसल्याभक्तिसंभूतं जानकीकंठभूषणम् ||

इति श्रीसनत्कुमारसंहितायां नारदोक्तं श्रीरामस्तवराजस्तोत्रं संपूर्णम् |
मरिन्नि
श्री राम स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु