Marakatha Sri Lakshmi Ganapathi Suprabhatam

श्रीमन्मनोज्ञ निगमागमवाक्यगीतश्रीपार्वतीपरमशंभुवरात्मजात ।श्रीसत्यवाङ्मरकतोल्लसदात्मपूतलक्ष्मीगणेश भगवन् तव सुप्रभातम् ।। १ ।।
श्रीवत्सदुग्धमयसागरपूर्णचंद्रव्याख्येयभक्तसुमनोर्चितपादपद्म ।श्रीसत्यवाङ्मरकतोल्लसदात्मभूषलक्ष्मीगणेश भगवन् तव सुप्रभातम् ।। २ ।।
सृष्टिस्थितिप्रळयकारणकर्मशीलअष्टोत्तराक्षरमनूद्भवमंत्रलोल ।श्रीसत्यवाङ्मरकतोल्लसदात्मखेललक्ष्मीगणेश भगवन् तव सुप्रभातम् ।। ३ ।।
कष्टप्रनष्ट परिबाधित भक्त रक्षइष्टार्थदान निरतोद्यमकार्यदक्ष ।श्रीसत्यवाङ्मरकतोल्लसदात्मपूतलक्ष्मीगणेश भगवन् तव सुप्रभातम् ।। ४ ।।
श्रीव्यासभारतविलेखनकार्यदीक्षादक्षाभिरक्षण विचक्षणदीप्तिहस्त ।श्रीसत्यवाङ्मरकतोल्लसदात्मभासलक्ष्मीगणेश भगवन् तव सुप्रभातम् ।। ५ ।।
ध्यानात्मभक्तजनताहृदयाभिरामश्रीनामपूरितसहस्रसुनामधाम ।श्रीसत्यवाङ्मरकतोल्लसदात्मसीमलक्ष्मीगणेश भगवन् तव सुप्रभातम् ।। ६ ।।
वैधातृवर्धितचराचरलोकपालआवाहनात्मकसुकृत्यकलापतोष ।श्रीसत्यवाङ्मरकतोल्लसदात्मभासलक्ष्मीगणेश भगवन् तव सुप्रभातम् ।। ७ ।।
विश्वंभरातलसुखासनसन्निविष्टविश्वप्रशांतिपरिरक्षणकर्मतुष्ट ।श्रीसत्यवाङ्मरकतोल्लसदात्महृष्टलक्ष्मीगणेश भगवन् तव सुप्रभातम् ।। ८ ।।
गंगादिपुण्यमयवारितरंगसिक्तस्वीयांघ्रिसारसयुगप्रविलासदेह ।श्रीसत्यवाङ्मरकतोल्लसदात्मभासलक्ष्मीगणेश भगवन् तव सुप्रभातम् ।। ९ ।।
हस्तद्वयांबुरुहलोलनवार्घ्यनीरस्वच्छप्रभाप्रविलसन्मुखचंद्रबिंब ।श्रीसत्यवाङ्मरकतोल्लसदात्मभासलक्ष्मीगणेश भगवन् तव सुप्रभातम् ।। १० ।।
बिंबाधरस्पृगमलामृतपूरितांबुस्वीकार राजित वराचमनीयशोभ ।श्रीसत्यवाङ्मरकतोल्लसदात्मभासलक्ष्मीगणेश भगवन् तव सुप्रभातम् ।। ११ ।।
पंचामृतामलफलोदक संप्रपूर्णस्नानोपचारपरितोषितमानसाब्ज ।श्रीसत्यवाङ्मरकतोल्लसदात्मभासलक्ष्मीगणेश भगवन् तव सुप्रभातम् ।। १२ ।।
दिग्वस्त्रराजपरिधानितदिव्यदेहदृग्वासिताखिलफलप्रविभासमान ।श्रीसत्यवाङ्मरकतोल्लसदात्मभासलक्ष्मीगणेश भगवन् तव सुप्रभातम् ।। १३ ।।
सौगंध्यजाल हरिचंदनदिग्धदिव्यप्रोद्भासितामलतनूविभवैकरम्य ।श्रीसत्यवाङ्मरकतोल्लसदात्मभासलक्ष्मीगणेश भगवन् तव सुप्रभातम् ।। १४ ।।
स्वच्छप्रभासित वराक्षतराजवर्षिव्याकर्षणीय रुचिरांगविलोकनीय ।श्रीसत्यवाङ्मरकतोल्लसदात्मभासलक्ष्मीगणेश भगवन् तव सुप्रभातम् ।। १५ ।।
नानासुगंध वरधूपित धूपराजद्विख्यातमौळिलसदार्षसुतत्त्वदेह ।श्रीसत्यवाङ्मरकतोल्लसदात्मभासलक्ष्मीगणेश भगवन् तव सुप्रभातम् ।। १६ ।।
गाढांधकारपरिमार्जनदिव्यतेजोलास्यत्प्रदीपरुचिमद्वरतत्त्वभास ।श्रीसत्यवाङ्मरकतोल्लसदात्मभासलक्ष्मीगणेश भगवन् तव सुप्रभातम् ।। १७ ।।
सर्वर्तुसंफलितकोटिफलप्रवृष्टिभ्राजन्निवेदन विनोदन कर्ममोद ।श्रीसत्यवाङ्मरकतोल्लसदात्मभासलक्ष्मीगणेश भगवन् तव सुप्रभातम् ।। १८ ।।
पूगीफलादिक सुगंधविलासहासद्रव्यात्मतांबुलिकसेवनकर्मतोष ।श्रीसत्यवाङ्मरकतोल्लसदात्मभासलक्ष्मीगणेश भगवन् तव सुप्रभातम् ।। १९ ।।
श्रेष्ठप्रदक्षिण सुकर्मकलापमग्नसंसेवकावळि सुरक्षणकार्यलीन ।श्रीसत्यवाङ्मरकतोल्लसदात्मभासलक्ष्मीगणेश भगवन् तव सुप्रभातम् ।। २० ।।
नीराजिताखिलसुगंधसुवस्तुजालप्रोद्भासदीपवरकांतिविलासदीप्त ।श्रीसत्यवाङ्मरकतोल्लसदात्मभासलक्ष्मीगणेश भगवन् तव सुप्रभातम् ।। २१ ।।
दूर्वाशमीमरुवकार्जुनजाजिबिल्वदत्तूरचूततुलसीवरपत्रसेव्य ।श्रीसत्यवाङ्मरकतोल्लसदात्मभासलक्ष्मीगणेश भगवन् तव सुप्रभातम् ।। २२ ।।
माचीसुदाडिमवरार्कसगंडकीयप्रख्यातविष्णुमयकांतसुपत्रसेव्य ।श्रीसत्यवाङ्मरकतोल्लसदात्मभासलक्ष्मीगणेश भगवन् तव सुप्रभातम् ।। २३ ।।
श्रीसिंधुवारसुमनोर्चितदेवदारुसंवासभासकरवीरदळैकसेव्य ।श्रीसत्यवाङ्मरकतोल्लसदात्मभासलक्ष्मीगणेश भगवन् तव सुप्रभातम् ।। २४ ।।
अश्वत्थदिव्यबदरीबृहतीसमंचत्दिव्यापमार्गिक वनस्पति पत्रपूज्य ।श्रीसत्यवाङ्मरकतोल्लसदात्मभासलक्ष्मीगणेश भगवन् तव सुप्रभातम् ।। २५ ।।
ओंकारपूर्णभगवन्नुतिपाठगम्यश्रीकारभावितमनोहरदिव्यरूप ।श्रीसत्यवाङ्मरकतोल्लसदात्मभासलक्ष्मीगणेश भगवन् तव सुप्रभातम् ।। २६ ।।
दैनंदिनोन्नयनचंद्रकळात्मरूपप्रांचत्सुवर्णमणिरत्नरुचिप्रभास ।श्रीसत्यवाङ्मरकतोल्लसदात्मभूषलक्ष्मीगणेश भगवन् तव सुप्रभातम् ।। २७ ।।
श्रीमोतुकूरुवरवंशजसत्यशास्त्रिस्वांतांबुजातवरपूजनकर्ममोद ।श्रीसत्यवाङ्मरकतोल्लसदात्मभासलक्ष्मीगणेश भगवन् तव सुप्रभातम् ।। २८ ।।
श्रीमन्नटेश्वरकवीश्वर संप्रणीतश्रीसुप्रभातकविताभरणप्रबोध ।श्रीसत्यवाङ्मरकतोल्लसदात्महासलक्ष्मीगणेश भगवन् तव सुप्रभातम् ।। २९ ।।
इति श्री मरकत लक्ष्मीगणपति सुप्रभातम् संपूर्णम् ।।
मरकत श्री लक्ष्मी गणपति स्तोत्रं>>