Sri Mahalakshmi Kavacham 2

तॆलुगु
स्तोत्रनिधि
श्री लक्ष्मी स्तोत्रालु
गमनिक:
ई स्तोत्रमु “
श्री लक्ष्मी स्तोत्रनिधि
” पारायण ग्रंथमुलो लो कूडा उन्नदि.]
// श्लोकालु –
तात्पर्यं
शुकं प्रति ब्रह्मोवाच |
महालक्ष्म्याः प्रवक्ष्यामि कवचं सर्वकामदम् |
सर्वपापप्रशमनं दुष्टव्याधिविनाशनम् ||

ग्रहपीडाप्रशमनं ग्रहारिष्टप्रभंजनम् |
दुष्टमृत्युप्रशमनं दुष्टदारिद्र्यनाशनम् ||

पुत्रपौत्रप्रजननं विवाहप्रदमिष्टदम् |
चोरारिहं च जपतामखिलेप्सितदायकम् ||

सावधानमना भूत्वा शृणु त्वं शुक सत्तम |
अनेकजन्मसंसिद्धिलभ्यं मुक्तिफलप्रदम् ||

धनधान्यमहाराज्यसर्वसौभाग्यकल्पकम् |
सकृत्स्मरणमात्रेण महालक्ष्मीः प्रसीदति ||

अथ ध्यानम् |
क्षीराब्धिमध्ये पद्मानां कानने मणिमंटपे |
तन्मध्ये सुस्थितां देवीं मनीषिजनसेविताम् ||

सुस्नातां पुष्पसुरभिकुटिलालकबंधनाम् |
पूर्णेंदुबिंबवदनामर्धचंद्रललाटिकाम् ||

इंदीवरेक्षणां कामकोदंडभ्रुवमीश्वरीम् |
तिलप्रसवसंस्पर्धिनासिकालंकृतां श्रियम् ||

कुंदकुट्मलदंतालिं बंधूकाधरपल्लवाम् |
दर्पणाकारविमलकपोलद्वितयोज्ज्वलाम् ||

रत्नताटंककलितकर्णद्वितयसुंदराम् |
मांगल्याभरणोपेतां कंबुकंठीं जगत्प्रसूम् ||

तारहारिमनोहारिकुचकुंभविभूषिताम् |
रत्नांगदादिललितकरपद्मचतुष्टयाम् ||

कमले च सुपत्राढ्ये ह्यभयं दधतीं वरम् |
रोमराजिकलाचारुभुग्ननाभितलोदरीम् ||

पट्टवस्त्रसमुद्भासिसुनितंबादिलक्षणाम् |
कांचनस्तंभविभ्राजद्वरजानूरुशोभिताम् ||

स्मरकाहलिकागर्वहारिजंघां हरिप्रियाम् |
कमठीपृष्ठसदृशपादाब्जां चंद्रसन्निभाम् ||

पंकजोदरलावण्यसुंदरांघ्रितलां श्रियम् |
सर्वाभरणसंयुक्तां सर्वलक्षणलक्षिताम् ||

पितामहमहाप्रीतां नित्यतृप्तां हरिप्रियाम् |
नित्यं कारुण्यललितां कस्तूरीलेपितांगिकाम् ||

सर्वमंत्रमयां लक्ष्मीं श्रुतिशास्त्रस्वरूपिणीम् |
परब्रह्ममयां देवीं पद्मनाभकुटुंबिनीम् |
एवं ध्यात्वा महालक्ष्मीं पठेत्तत्कवचं परम् ||

अथ कवचम् |
महालक्ष्मीः शिरः पातु ललाटं मम पंकजा |
कर्णौ रक्षेद्रमा पातु नयने नळिनालया ||

नासिकामवतादंबा वाचं वाग्रूपिणी मम |
दंतानवतु जिह्वां श्रीरधरोष्ठं हरिप्रिया ||

चुबुकं पातु वरदा गलं गंधर्वसेविता |
वक्षः कुक्षिं करौ पायुं पृष्ठमव्याद्रमा स्वयम् ||

कटिमूरुद्वयं जानु जंघं पातु रमा मम |
सर्वांगमिंद्रियं प्राणान्पायादायासहारिणी ||

सप्तधातून् स्वयं चापि रक्तं शुक्रं मनो मम |
ज्ञानं बुद्धिं महोत्साहं सर्वं मे पातु पंकजा ||

मया कृतं च यत्किंचित्तत्सर्वं पातु सेंदिरा |
ममायुरवताल्लक्ष्मीः भार्यां पुत्रांश्च पुत्रिका ||

मित्राणि पातु सततमखिलानि हरिप्रिया |
पातकं नाशयेल्लक्ष्मीः ममारिष्टं हरेद्रमा ||

ममारिनाशनार्थाय मायामृत्युं जयेद्बलम् |
सर्वाभीष्टं तु मे दद्यात्पातु मां कमलालया ||

फलश्रुतिः |
य इदं कवचं दिव्यं रमात्मा प्रयतः पठेत् |
सर्वसिद्धिमवाप्नोति सर्वरक्षां तु शाश्वतीम् ||

दीर्घायुष्मान्भवेन्नित्यं सर्वसौभाग्यकल्पकम् |
सर्वज्ञः सर्वदर्शी च सुखदश्च सुखोज्ज्वलः ||

सुपुत्रो गोपतिः श्रीमान् भविष्यति न संशयः |
तद्गृहे न भवेद्ब्रह्मन् दारिद्र्यदुरितादिकम् ||

नाग्निना दह्यते गेहं न चोराद्यैश्च पीड्यते |
भूतप्रेतपिशाचाद्याः संत्रस्ता यांति दूरतः ||

लिखित्वा स्थापयेद्यत्र तत्र सिद्धिर्भवेद्ध्रुवम् |
नापमृत्युमवाप्नोति देहांते मुक्तिभाग्भवेत् ||

आयुष्यं पौष्टिकं मेध्यं धान्यं दुःस्वप्ननाशनम् |
प्रजाकरं पवित्रं च दुर्भिक्षार्तिविनाशनम् ||

चित्तप्रसादजननं महामृत्युप्रशांतिदम् |
महारोगज्वरहरं ब्रह्महत्यादिशोधनम् ||

महाधनप्रदं चैव पठितव्यं सुखार्थिभिः |
धनार्थी धनमाप्नोति विवाहार्थी लभेद्वधूम् ||

विद्यार्थी लभते विद्यां पुत्रार्थी गुणवत्सुतम् |
राज्यार्थी राज्यमाप्नोति सत्यमुक्तं मया शुक ||

एतद्देव्याः प्रसादेन शुकः कवचमाप्तवान् |
कवचानुग्रहेणैव सर्वान् कामानवाप सः ||

इति ब्रह्मकृत श्री महालक्ष्मी कवचम् |
गमनिक
: पैन इव्वबडिन स्तोत्रमु, ई पुस्तकमुलो कूडा उन्नदि.
श्री लक्ष्मी स्तोत्रनिधि
(नित्य पारायण ग्रंथमु)
मरिन्नि
श्री लक्ष्मी स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु