Sri Krishna Kavacham 2 (Trailokya Mangala Kavacham)

तॆलुगु
स्तोत्रनिधि
श्री कृष्ण स्तोत्रालु
श्री नारद उवाच –
भगवन्सर्वधर्मज्ञ कवचं यत्प्रकाशितं |
त्रैलोक्यमंगळं नाम कृपया कथय प्रभो ||

शृणु वक्ष्यामि विप्रेंद्र कवचं परमाद्भुतं |
नारायणेन कथितं कृपया ब्रह्मणे पुरा ||

ब्रह्मणा कथितं मह्यं परं स्नेहाद्वदामि ते |
अति गुह्यतरं तत्त्वं ब्रह्ममंत्रौघविग्रहम् ||

यद्धृत्वा पठनाद्ब्रह्मा सृष्टिं वितनुते ध्रुवं |
यद्धृत्वा पठनात्पाति महालक्ष्मीर्जगत्त्रयम् ||

पठनाद्धारणाच्छंभुः संहर्ता सर्वमंत्रवित् |
त्रैलोक्यजननी दुर्गा महिषादिमहासुरान् ||

वरतृप्तान् जघानैव पठनाद्धारणाद्यतः |
एवमिंद्रादयः सर्वे सर्वैश्वर्यमवाप्नुयुः ||

इदं कवचमत्यंतगुप्तं कुत्रापि नो वदेत् |
शिष्याय भक्तियुक्ताय साधकाय प्रकाशयेत् ||

शठाय परशिष्याय दत्वा मृत्युमवाप्नुयात् |
त्रैलोक्यमंगळस्याऽस्य कवचस्य प्रजापतिः ||

ऋषिश्छंदश्च गायत्री देवो नारायणस्स्वयं |
धर्मार्थकाममोक्षेषु विनियोगः प्रकीर्तितः ||

प्रणवो मे शिरः पातु नमो नारायणाय च |
फालं मे नेत्रयुगळमष्टार्णो भुक्तिमुक्तिदः ||

क्लीं पायाच्छ्रोत्रयुग्मं चैकाक्षरः सर्वमोहनः |
क्लीं कृष्णाय सदा घ्राणं गोविंदायेति जिह्विकाम् ||

गोपीजनपदवल्लभाय स्वाहाऽननं मम |
अष्टादशाक्षरो मंत्रः कंठं पातु दशाक्षरः ||

गोपीजनपदवल्लभाय स्वाहा भुजद्वयं |
क्लीं ग्लौं क्लीं श्यामलांगाय नमः स्कंधौ रक्षाक्षरः ||

क्लीं कृष्णः क्लीं करौ पायात् क्लीं कृष्णायां गतोऽवतु |
हृदयं भुवनेशानः क्लीं कृष्णः क्लीं स्तनौ मम ||

गोपालायाग्निजायातं कुक्षियुग्मं सदाऽवतु |
क्लीं कृष्णाय सदा पातु पार्श्वयुग्ममनुत्तमः ||

कृष्ण गोविंदकौ पातु स्मराद्यौजेयुतौ मनुः |
अष्टाक्षरः पातु नाभिं कृष्णेति द्व्यक्षरोऽवतु ||

पृष्ठं क्लीं कृष्णकं गल्ल क्लीं कृष्णाय द्विरांतकः |
सक्थिनी सततं पातु श्रीं ह्रीं क्लीं कृष्णठद्वयम् ||

ऊरू सप्ताक्षरं पायात् त्रयोदशाक्षरोऽवतु |
श्रीं ह्रीं क्लीं पदतो गोपीजनवल्लभपदं ततः ||

श्रिया स्वाहेति पायू वै क्लीं ह्रीं श्रीं सदशार्णकः |
जानुनी च सदा पातु क्लीं ह्रीं श्रीं च दशाक्षरः ||

त्रयोदशाक्षरः पातु जंघे चक्राद्युदायुधः |
अष्टादशाक्षरो ह्रीं श्रीं पूर्वको विंशदर्णकः ||

सर्वांगं मे सदा पातु द्वारकानायको बली |
नमो भगवते पश्चाद्वासुदेवाय तत्परम् ||

ताराद्यो द्वादशार्णोऽयं प्राच्यां मां सर्वदाऽवतु |
श्रीं ह्रीं क्लीं च दशार्णस्तु क्लीं ह्रीं श्रीं षोडशार्णकः ||

गदाद्युदायुधो विष्णुर्मामग्नेर्दिशि रक्षतु |
ह्रीं श्रीं दशाक्षरो मंत्रो दक्षिणे मां सदाऽवतु ||

तारो नमो भगवते रुक्मिणीवल्लभाय च |
स्वाहेति षोडशार्णोऽयं नैरृत्यां दिशि रक्षतु ||

क्लीं हृषीकेश वंशाय नमो मां वारुणोऽवतु |
अष्टादशार्णः कामान्तो वायव्ये मां सदाऽवतु ||

श्रीं मायाकामतृष्णाय गोविंदाय द्विको मनुः |
द्वादशार्णात्मको विष्णुरुत्तरे मां सदाऽवतु ||

वाग्भवं कामकृष्णाय ह्रीं गोविंदाय तत्परं |
श्रीं गोपीजनवल्लभाय स्वाहा हस्तौ ततः परम् ||

द्वाविंशत्यक्षरो मंत्रो मामैशान्ये सदाऽवतु |
काळीयस्य फणामध्ये दिव्यं नृत्यं करोति तम् ||

नमामि देवकीपुत्रं नृत्यराजानमच्युतं |
द्वात्रिंशदक्षरो मंत्रोऽप्यधो मां सर्वदाऽवतु ||

कामदेवाय विद्महे पुष्पबाणाय धीमहि |
तन्नोऽनंगः प्रचोदयादेषा मां पातुचोर्ध्वतः ||

इति ते कथितं विप्र ब्रह्ममंत्रौघविग्रहं |
त्रैलोक्यमंगळं नाम कवचं ब्रह्मरूपकम् ||

ब्रह्मणा कथितं पूर्वं नारायणमुखाच्छ्रुतं |
तव स्नेहान्मयाऽख्यातं प्रवक्तव्यं न कस्यचित् ||

गुरुं प्रणम्य विधिवत्कवचं प्रपठेत्ततः |
सकृद्द्विस्त्रिर्यथाज्ञानं स हि सर्वतपोमयः ||

मंत्रेषु सकलेष्वेव देशिको नात्र संशयः |
शतमष्टोत्तरं चास्य पुरश्चर्या विधिस्स्मृतः ||

हवनादीन्दशांशेन कृत्वा तत्साधयेद्ध्रुवं |
यदि स्यात्सिद्धकवचो विष्णुरेव भवेत्स्वयम् ||

मंत्रसिद्धिर्भवेत्तस्य पुरश्चर्या विधानतः |
स्पर्धामुद्धूय सततं लक्ष्मीर्वाणी वसेत्ततः ||

पुष्पांजल्यष्टकं दत्वा मूलेनैव पठेत्सकृत् |
दशवर्षसहस्राणि पूजायाः फलमाप्नुयात् ||

भूर्जे विलिख्य गुळिकां स्वर्णस्थां धारयेद्यदि |
कंठे वा दक्षिणे बाहौ सोऽपि विष्णुर्न संशयः ||

अश्वमेधसहस्राणि वाजपेयशतानि च |
महादानानि यान्येव प्रादक्षिण्यं भुवस्तथा ||

कळां नार्हंति तान्येव सकृदुच्चारणात्ततः |
कवचस्य प्रसादेन जीवन्मुक्तो भवेन्नरः ||

त्रैलोक्यं क्षोभयत्येव त्रैलोक्यविजयी स हि |
इदं कवचमज्ञात्वा यजेद्यः पुरुषोत्तमम् |
शतलक्षप्रजप्तोऽपि न मंत्रस्तस्य सिद्ध्यति ||

इति श्री नारदपांचरात्रे ज्ञानामृतसारे त्रैलोक्यमंगळकवचम् |
मरिन्नि
श्री कृष्ण स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु