Sri Kamakshi Stotram 3

तॆलुगु
स्तोत्रनिधि
श्री ललिता स्तोत्रालु
(ई स्तोत्रं ब्रह्मदेवुडु जगन्मातनु सृष्टि, स्थिति, लय कारकुरालिगा मरियु वेदालकु कूडा अंदनि परब्रह्म स्वरूपिणिगा कीर्तिंचे संदर्भंलोनिदि. ई स्तोत्र पठनं वल्ल बुद्धि विकासं कलुगुतुंदि. ब्रह्मदेवुनि वलॆ सृजनात्मक शक्ति पॆरगडमे काकुंडा, अम्मवारि अनुग्रहंतो सकल मंगळालु सिद्धिंचि पापालु नशिस्तायि.)
ब्रह्मोवाच |
जय देवि जगन्मातर्जय त्रिपुरसुंदरि |
जय श्रीनाथसहजे जय श्रीसर्वमंगले ||

जय श्रीकरुणाराशे जय शृंगारनायिके |
जयजयेधिकसिद्धेशि जय योगींद्रवंदिते ||

जय जय सन्नुतलोकसौख्यदात्रि |
जय जय हिमशैलकीर्तनीये
जय जय शंकरकामवामनेत्रि ||

जगज्जन्मस्थितिध्वंसपिधानानुग्रहान्मुहुः |
या करोति स्वसंकल्पात्तस्यै देव्यै नमो नमः ||

वर्णाश्रमाणां सांकर्यकारिणः पापिनो जनान् |
निहंत्याद्यातितीक्ष्णास्त्रैस्तस्यै देव्यै नमो नमः ||

नागमैश्च न वेदैश्च न शास्त्रैर्न च योगिभिः |
वेद्या या च स्वसंवेद्या तस्यै देव्यै नमो नमः ||

रहस्याम्नायवेदांतैस्तत्त्वविद्भिर्मुनीश्वरैः |
परं ब्रह्मेति या ख्याता तस्यै देव्यै नमो नमः ||

हृदयस्थापि सर्वेषां या न केनापि दृश्यते |
सूक्ष्मविज्ञानरूपायै तस्यै देव्यै नमो नमः ||

ब्रह्मा विष्णुश्च रुद्रश्च ईश्वरश्च सदाशिवः |
यद्ध्यानैकपरा नित्यं तस्यै देव्यै नमो नमः ||

यच्चरणभक्ता इंद्राद्या यदाज्ञामेव बिभ्रति |
साम्राज्यसंपदीशायै तस्यै देव्यै नमो नमः ||

वेदा निःश्वसितं यस्या वीक्षितं भूतपंचकम् |
स्मितं चराचरं विश्वं तस्यै देव्यै नमो नमः ||

सहस्रशीर्षा भोगींद्रो धरित्रीं तु यदाज्ञया |
धत्ते सर्वजनाधारां तस्यै देव्यै नमो नमः ||

ज्वलत्यग्निस्तपत्यर्को वातो वाति यदाज्ञया |
ज्ञानशक्तिस्वरूपायै तस्यै देव्यै नमो नमः ||

पंचविंशतितत्त्वानि मायाकंचुकपंचकम् |
यन्मयं मुनयः प्राहुस्तस्यै देव्यै नमो नमः ||

शिवशक्तीश्वराश्चैव शुद्धबोधः सदाशिवः |
यदुन्मेषविभेदाः स्युस्तस्यै देव्यै नमो नमः ||

गुरुर्मंत्रो देवता च तथा प्राणाश्च पंचधा |
या विराजति चिद्रूपा तस्यै देव्यै नमो नमः ||

सर्वात्मनामंतरात्मा परमानंदरूपिणी |
श्रीविद्येति स्मृता या तु तस्यै देव्यै नमो नमः ||

दर्शनानि च सर्वाणि यदंगानि विदुर्बुधाः |
तत्तन्नियमयूपायै तस्यै देव्यै नमो नमः ||

या भाति सर्वलोकेषु मणिमंत्रौषधात्मना |
तत्त्वोपदेशरूपायै तस्यै देव्यै नमो नमः ||

देशकालपदार्थात्मा यद्यद्वस्तु यथा तथा |
तत्तद्रूपेण या भाति तस्यै देव्यै नमो नमः ||

अप्रतिभटाकारा कल्याणगुणशालिनी |
विश्वोत्तीर्णेति चाख्याता तस्यै देव्यै नमो नमः ||

इति स्तुत्वा महादेवीं धाता लोकपितामहः |
भूयो भूयो नमस्कृत्य सहसा शरणं गतः ||

इति श्रीब्रह्मांडमहापुराणे उत्तरभागे ललितोपाख्याने एकोनचत्वारिंशोऽध्याये ब्रह्मकृत श्री कामाक्षी स्तोत्रम् |
मरिन्नि
श्री ललिता स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु