Jaganmangala Kali Kavacham

तॆलुगु
स्तोत्रनिधि
श्री काळिका स्तोत्रालु
[गमनिक: ई स्तोत्रमु
(श्लोकालु मात्रमे)
श्री काळिका स्तोत्रनिधि
” पारायण ग्रंथमुलो कूडा उन्नदि.
भैरव्युवाच |
काळीपूजा श्रुता नाथ भावाश्च विविधाः प्रभो |
इदानीं श्रोतुमिच्छामि कवचं पूर्वसूचितम् ||

त्वमेव शरणं नाथ त्राहि मां दुःखसंकटात् |
सर्वदुःखप्रशमनं सर्वपापप्रणाशनम् ||

सर्वसिद्धिप्रदं पुण्यं कवचं परमाद्भुतम् |
अतो वै श्रोतुमिच्छामि वद मे करुणानिधे ||

श्री भैरव उवाच |
रहस्यं शृणु वक्ष्यामि भैरवि प्राणवल्लभे |
श्रीजगन्मंगळं नाम कवचं मंत्रविग्रहम् ||

पठित्वा धारयित्वा च त्रैलोक्यं मोहयेत् क्षणात् |
नारायणोऽपि यद्धृत्वा नारी भूत्वा महेश्वरम् ||

योगिनं क्षोभमनयद्यद्धृत्वा च रघूद्वहः |
वरदीप्तां जघानैव रावणादिनिशाचरान् ||

यस्य प्रसादादीशोऽपि त्रैलोक्यविजयी प्रभुः |
धनाधिपः कुबेरोऽपि सुरेशोऽभूच्छचीपतिः ||

एवं च सकला देवाः सर्वसिद्धीश्वराः प्रिये |
श्रीजगन्मंगळस्यास्य कवचस्य ऋषिः शिवः ||

छंदोऽनुष्टुप् देवता च काळिका दक्षिणेरिता |
जगतां मोहने दुष्टविजये भुक्तिमुक्तिषु |
योविदाकर्षणे चैव विनियोगः प्रकीर्तितः ||

अथ कवचम् |
शिरो मे काळिका पातु क्रींकारैकाक्षरी परा |
क्रीं क्रीं क्रीं मे ललाटं च काळिका खड्गधारिणी ||

हूं हूं पातु नेत्रयुग्मं ह्रीं ह्रीं पातु श्रुतिद्वयम् |
दक्षिणे काळिके पातु घ्राणयुग्मं महेश्वरी ||

क्रीं क्रीं क्रीं रसनां पातु हूं हूं पातु कपोलकम् |
वदनं सकलं पातु ह्रीं ह्रीं स्वाहा स्वरूपिणी ||

द्वाविंशत्यक्षरी स्कंधौ महाविद्याखिलप्रदा |
खड्गमुंडधरा काळी सर्वांगमभितोऽवतु ||

क्रीं हूं ह्रीं त्र्यक्षरी पातु चामुंडा हृदयं मम |
ऐं हूं ॐ ऐं स्तनद्वंद्वं ह्रीं फट् स्वाहा ककुत्स्थलम् ||

अष्टाक्षरी महाविद्या भुजौ पातु सकर्तृका |
क्रीं क्रीं हूं हूं ह्रीं ह्रीं पातु करौ षडक्षरी मम ||

क्रीं नाभिं मध्यदेशं च दक्षिणे काळिकेऽवतु |
क्रीं स्वाहा पातु पृष्ठं च काळिका सा दशाक्षरी ||

क्रीं मे गुह्यं सदा पातु काळिकायै नमस्ततः |
सप्ताक्षरी महाविद्या सर्वतंत्रेषु गोपिता ||

ह्रीं ह्रीं दक्षिणे काळिके हूं हूं पातु कटिद्वयम् |
काळी दशाक्षरी विद्या स्वाहांता चोरुयुग्मकम् ||

ॐ ह्रीं क्रीं मे स्वाहा पातु जानुनी काळिका सदा |
काळी हृन्नामविधेयं चतुर्वर्गफलप्रदा ||

क्रीं हूं ह्रीं पातु सा गुल्फं दक्षिणे काळिकेऽवतु |
क्रीं हूं ह्रीं स्वाहा पदं पातु चतुर्दशाक्षरी मम ||

खड्गमुंडधरा काळी वरदाभयधारिणी |
विद्याभिः सकलाभिः सा सर्वांगमभितोऽवतु ||

काळी कपालिनी कुल्ला कुरुकुल्ला विरोधिनी |
विप्रचित्ता तथोग्रोग्रप्रभा दीप्ता घनत्विषः ||

नीला घना बलाका च मात्रा मुद्रा मिता च माम् |
एताः सर्वाः खड्गधरा मुंडमालाविभूषणाः ||

रक्षंतु मां दिग्विदिक्षु ब्राह्मी नारायणी तथा |
माहेश्वरी च चामुंडा कौमारी चाऽपराजिता ||

वाराही नारसिंही च सर्वाश्रयातिभूषणाः |
रक्षंतु स्वायुधेर्दिक्षुः दशकं मां यथा तथा ||

इति ते कथितं दिव्यं कवचं परमाद्भुतम् |
श्रीजगन्मंगळं नाम महामंत्रौघविग्रहम् ||

त्रैलोक्याकर्षणं ब्रह्मकवचं मन्मुखोदितम् |
गुरुपूजां विधायाथ विधिवत् प्रपठेत्ततः ||

कवचं त्रिःसकृद्वापि यावज्ज्ञानं च वा पुनः |
एतच्छतार्धमावृत्य त्रैलोक्यविजयी भवेत् ||

त्रैलोक्यं क्षोभयत्येव कवचस्य प्रसादतः |
महाकविर्भवेन्मासात् सर्वसिद्धीश्वरो भवेत् ||

पुष्पांजलीन् काळिकायै मूलेनैव पठेत् सकृत् |
शतवर्षसहस्राणां पूजायाः फलमाप्नुयात् ||

भूर्जे विलिखितं चैतत् स्वर्णस्थं धारयेद्यदि |
शिखायां दक्षिणे बाहौ कंठे वा धारणाद्बुधः ||

त्रैलोक्यं मोहयेत् क्रोधात् त्रैलोक्यं चूर्णयेत् क्षणात् |
पुत्रवान् धनवान् श्रीमान् नानाविद्यानिधिर्भवेत् ||

ब्रह्मास्त्रादीनि शस्त्राणि तद्गात्रस्पर्शनात्ततः |
नाशमायांति सर्वत्र कवचस्यास्य कीर्तनात् ||

मृतवत्सा च या नारी वंध्या वा मृतपुत्रिणी |
बह्वपत्या जीववत्सा भवत्येव न संशयः ||

न देयं परशिष्येभ्यो ह्यभक्तेभ्यो विशेषतः |
शिष्येभ्यो भक्तियुक्तेभ्यो ह्यन्यथा मृत्युमाप्नुयात् ||

स्पर्धामुद्धूय कमला वाग्देवी मंदिरे मुखे |
पौत्रांतं स्थैर्यमास्थाय निवसत्येव निश्चितम् ||

इदं कवचमज्ञात्वा यो जपेद्दक्षकाळिकाम् |
शतलक्षं प्रजप्त्वापि तस्य विद्या न सिद्ध्यति ||

सहस्रघातमाप्नोति सोऽचिरान्मृत्युमाप्नुयात् |
जपेदादौ जपेदंते सप्तवाराण्यनुक्रमात् ||

नोधृत्य यत्र कुत्रापि गोपनीयं प्रयत्नतः |
लिखित्वा स्वर्णपात्रे वै पूजाकाले तु साधकः |
मूर्ध्निं धार्य प्रयत्नेन विद्यारत्नं प्रपूजयेत् ||

इति श्री काळी जगन्मंगळ कवच स्तोत्रम् |
गमनिक
: पैन इव्वबडिन स्तोत्रमु
(श्लोकालु मात्रमे)
, ई क्रिंदि पुस्तकमुलो कूडा उन्नदि.
श्री काळिका स्तोत्रनिधि
(नित्य पारायण ग्रंथमु)
मरिन्नि
श्री काळिका स्तोत्रालु
चूडंडि. मरिन्नि
दशमहाविद्या स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु