Sri Indira Ashtottara Shatanama Stotram

तॆलुगु
स्तोत्रनिधि
श्री लक्ष्मी स्तोत्रालु
गमनिक:
ई स्तोत्रमु “
श्री लक्ष्मी स्तोत्रनिधि
” पारायण ग्रंथमुलो लो कूडा उन्नदि.]
इंदिरा विष्णुहृदयमंदिरा पद्मसुंदरा |
नंदिताऽखिलभक्तश्रीर्नंदिकेश्वरवंदिता ||

केशवप्रियचारित्रा केवलानंदरूपिणी |
केयूरहारमंजीरा केतकीपुष्पधारणी ||

कारुण्यकवितापांगी कामितार्थप्रदायनी |
कामधुक्सदृशा शक्तिः कालकर्मविधायिनी ||

जितदारिद्र्यसंदोहा धृतपंकेरुहद्वयी |
कृतविद्ध्यंडसंरक्षा नतापत्परिहारिणी ||

नीलाभ्रांगसरोनेत्रा नीलोत्पलसुचंद्रिका |
नीलकंठमुखाराध्या नीलांबरमुखस्तुता ||

सर्ववेदांतसंदोहशुक्तिमुक्ताफलायिता |
समुद्रतनया सर्वसुरकांतोपसेविता ||

भार्गवी भानुमत्यादिभाविता भार्गवात्मजा |
भास्वत्कनकताटंका भानुकोट्यधिकप्रभा ||

पद्मसद्मपवित्रांगी पद्मास्या च परात्परा |
पद्मनाभप्रियसती पद्मभूस्तन्यदायिनी ||

भक्तदारिद्र्यशमनी मुक्तिसाधकदायिनी |
भुक्तिभोग्यप्रदा भव्यशक्तिमदीश्वरी ||

जन्ममृत्युज्वरत्रस्तजनजीवातुलोचना |
जगन्माता जयकरी जयशीला सुखप्रदा ||

चारुसौभाग्यसद्विद्या चामरद्वयशोभिता |
चामीकरप्रभा सर्वचातुर्यफलरूपिणी ||

राजीवनयनारम्या रामणीयकजन्मभूः |
राजराजार्चितपदा राजमुद्रास्वरूपिणी ||

तारुण्यवनसारंगी तापसार्चितपादुका |
तात्त्विकी तारकेशार्कताटंकद्वयमंडिता ||

भव्यविश्राणनोद्युक्ता सव्यक्तसुखविग्रहा |
दिव्यवैभवसंपूर्णा नव्यभक्तिशुभोदया ||

तरुणादित्यताम्रश्रीः करुणारसवाहिनी |
शरणागतसंत्राणचरणा करुणेक्षणा ||

वित्तदारिद्र्यशमनी वित्तक्लेशनिवारिणी |
मत्तहंसगतिः सर्वसत्तासामान्यरूपिणी ||

वाल्मीकिव्यासदुर्वासोवालखिल्यादिवांछिता |
वारिजेक्षणहृत्केकिवारिदायितविग्रहा ||

दृष्ट्याऽऽसादितविद्ध्यंडा सृष्ट्यादिमहिमोच्छ्रया |
आस्तिक्यपुष्पभृंगी च नास्तिकोन्मूलनक्षमा ||

कृतसद्भक्तिसंतोषा कृत्तदुर्जनपौरुषा |
संजीविताशेषभाषा सर्वाकर्षमतिस्नुषा ||

नित्यशुद्धा परा बुद्धा सत्या संविदनामया |
विजया विष्णुरमणी विमला विजयप्रदा ||

श्रींकारकामदोग्ध्री च ह्रींकारतरुकोकिला |
ऐंकारपद्मलोलंबा क्लींकारामृतनिम्नगा ||

तपनीयाभसुतनुः कमनीयस्मितानना |
गणनीयगुणग्रामा शयनीयोरगेश्वरा ||

रमणीयसुवेषाढ्या करणीयक्रियेश्वरी |
स्मरणीयचरित्रा च तरुणी यज्ञरूपिणी ||

श्रीवृक्षवासिनी योगिधीवृत्तिपरिभाविता |
प्रावृड्भार्गववारार्च्या संवृतामरभामिनी ||

तनुमध्या भगवती मनुजापिवरप्रदा |
लक्ष्मी बिल्वाश्रिता पातु सोऽष्टोत्तरशतस्तुता ||

इति इंदिराष्टोत्तरशतनाम स्तोत्रम् |
गमनिक
: पैन इव्वबडिन स्तोत्रमु, ई पुस्तकमुलो कूडा उन्नदि.
श्री लक्ष्मी स्तोत्रनिधि
(नित्य पारायण ग्रंथमु)
मरिन्नि
श्री लक्ष्मी स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु