Sri Hanuman Manasika Puja

तॆलुगु
स्तोत्रनिधि
श्री हनुम स्तोत्रालु
गमनिक
: ई स्तोत्रमु
(श्लोकालु मात्रमे)
श्री आंजनेय स्तोत्रनिधि
” पुस्तकमुलो कूडा उन्नदि.
मैत्रेय उवाच |
कथमाराध्यते चित्ते हनुमान् मारुतात्मजः |
कीदृशैरुपचारैर्वा वद मे विस्तरान्मुने ||

श्रीपराशर उवच |
हनुमंतं महात्मानं पिंगाक्षं हेमसन्निभम् |
मंदस्मितं सुखासीनं ध्यायेदीप्सितसिद्धये ||

तापत्रयपरिव्याप्तं चित्तं कृत्वा सुनिर्मलम् |
भावयेन्मनसा देवं भवशापविमुक्तये ||

प्रातःकाले समुत्थाय हनूमंतं हृदिस्मरन् |
शुचौदेशे समासीनः कृत प्राभातकीक्रियाः ||

विजनं देशमाश्रित्य कदळीवनमध्यगः |
चित्तविक्षेपरहितः पूजाविधिमुपक्रमेत् ||

पूजा च पंचधाज्ञेया कपींद्रस्य महात्मनः |
जले च प्रतिमायां च शिलायां सूर्यमंडले |
निश्चले मानसे वापि पूजयेज्जगतां पतिम् ||

आद्ये सर्वोपचारान् वै जलेनैव प्रकल्पयेत् |
द्वितीये तु यथाशास्त्रं तथा द्रव्यं निवेदयेत् ||

तृतीये न विशेषोऽस्ति द्वितीय इव पूजयेत् |
तुरीये निश्चलां दृष्टिं कृत्वा भास्करमंडले ||

पूजाद्रव्यं समानीय चक्षुषा सन्निधापयेत् |
पंचमी मानसीपूजा सर्वेषामुत्तमोत्तमम् ||

तत्तद्रव्याणि सर्वाणि पूजायाः साधनानि वै |
निश्चले नांतरंगेण कपींद्राय निवेदयेत् ||

दळैर्द्वादशभिर्युक्तं हैमं हृदयपंकजम् |
भावये द्विकचं रम्यं कर्णिका केसरान्वितम् ||

तत्र सिंहासनं तत्र हैमं भास्करसन्निभम् |
निरस्तांतस्तमस्तोमं कल्पयेन्मुनिपुंगव ||

आवाहयेद्धनूमंतं तत्र सिंहासने सुधीः |
अथ ध्यायेत् कपिश्रेष्ठं चतुरावरणान्वितम् ||

वामभागस्थितां पत्नीं सूर्यपुत्रीं सुवर्चलाम् |
पश्यंतं स्निग्धया दृष्ट्या स्मितयुक्त मुखांबुजाम् ||

छत्रचामरसंयुक्तं विनताद्यैः सुसेवितम् |
युक्तहार गणोपेतं तत्र कुंडलभूषितम् ||

ग्रैवेयभूषितग्रीवं कनकांगदधारिणम् |
नानामणिसमुत्कीर्णं किरीटोज्ज्वलशेखरम् ||

मेखलादामसंवीतं मणिनूपुरशोभितम् |
रत्नकंकणविद्योतं पाणिं रक्तांबुजद्वयम् ||

क्वथित स्वर्णवर्णांगमुष्ट्रध्वजसमन्वितम् |
पद्मासने समासीनं पीतांबरसमन्वितम् ||

चतुर्भुजधरं शांतं सर्वव्यापिनमीश्वरम् |
सर्वदेव परीवारं सर्वाभीष्टफलप्रदम् ||

आवाहयामि सर्वेशं सूर्यपुत्रीप्रियं प्रभुम् |
अंजनातनयं देवं मायातीतं जगद्गुरुम् ||

देवदेव जगन्नाथ केसरिप्रियनंदन |
रत्नसिंहासनं तुभ्यं दास्यामि हनुमत् प्रभो ||

आगच्छ हनुमन् देव त्वं सुवर्चलया सह |
पूजा समाप्तिपर्यंतं भव सन्निहितो मुदा ||

भीमाग्रज महाप्राज्ञ त्वं ममाभिमुखो भव |
सुवर्चलापते श्रीमन् प्रसीद जगतां पते ||

योगिध्येयांघ्रिपद्माय जगतां पतये नमः |
पाद्यं मयार्पितं देव गृहाण पुरुषोत्तम ||

लक्ष्मणप्राणसंरक्ष सीताशोकविनाशन |
गृहाणार्घ्यं मया दत्तं पार्वती प्रियनंदन ||

बालाग्र सेतुबंधाय शताननवधाय च |
तुभ्यमाचमनं दत्तं प्रतिगृह्णीष्व मारुते ||

अर्जुनध्वजसंवास दशानन मदापह |
मधुपर्कं प्रदास्यामि हनुमन् प्रतिगृह्यताम् ||

गंगादि सर्वतीर्थेभ्यः समानीतैर्नवोदकैः |
भवंत स्नापयिष्यामि कपिनायक गृह्यताम् ||

पीतांबरमिदं तुभ्यं तप्तहाटकसन्निभम् |
दास्यामि वानरश्रेष्ठ संगृहाण नमोऽस्तु ते ||

ब्रह्मसूत्रमिदं भव्यं मुक्तादामोपशोभितम् |
स्वीकुरुष्वांजनापुत्र भक्तरक्षण तत्पर ||

उत्तरीयं तु दास्यामि संसारोत्तारकारण |
गृहाण परमप्रीत्या नतोऽस्मि तव पादयोः ||

भूषणानि महार्हाणि किरीट प्रमुखान्यहम् |
तुभ्यं दास्यामि सर्वेश गृहाण कपिनायक ||

कस्तूरीकुंकुमोन्मिश्रं कर्पूरागरुवासितम् |
श्रीचंदनं तु दास्यामि गृह्यतां हनुमत् प्रभो ||

सुगंधीनि सुरूपाणि वन्यानि विविधानि च |
चंपकादीनि पुष्पाणि कमलान्युत्पलानि च ||

तुलसीदळमादीनि मनसा कल्पयामि ते |
गृहाण हनुमद्देव प्रणतोऽस्मि पदांबुजे ||

शालीयानक्षतान्रम्यान् पद्मरागसमप्रभान् |
अखंडान् खंडितध्वांत स्वीकुरुष्व दयानिधे ||

कपिलाघृतसंयुक्तः कृष्णागरुसमुद्भवः |
मया समर्पितो धूपः हनुमन् प्रतिगृह्यताम् ||

निरस्ताज्ञानतिमिरतेजोराशे जगत्पते |
दीपं गृहाण देवेश गोघृतात्तं दशान्वितम् ||

इदं दिव्यान्नममृतं सूपशाकफलान्वितम् |
साज्यं सदधि सक्षीरं शर्करामधुसंयुतम् ||

भक्ष्यं भोज्यं च लेह्यं च चोष्यं चापि चतुर्विधम् |
गृहाण हनुमन् भक्त्या स्वर्णपात्रे निवेदितम् ||

समर्पयामि पानीयं मध्येमध्ये सुधोपमम् |
सच्चिदानंदरूपाय सृष्टिस्थित्यंतहेतवे ||

पूगीफलैः समायुक्तं कर्पूरादिसमन्वितम् |
स्वर्णवर्णदळोपेतं तांबूलं गृह्यतां हरे ||

नीराजनमिदं दिव्यं मंगळार्थं कपि प्रभो |
मया समर्पितं तात गृहाण वरदो भव ||

नृत्यं गीतं च वाद्यं च कृतं गंधर्वसत्तमैः |
प्रकल्पयामि मनसा रामदूताय ते नमः ||

राजोपचारैः सततं पुराणपठनादिभिः |
संतुष्टो भव सर्वात्मन् सर्वलिंगमयात्मक ||

मेरावण महाप्राज्ञ प्राणवायु बिलेशय |
पुनरर्घ्यं प्रदास्यामि पवनात्मज गृह्यताम् ||

मंदारपारिजातादि पुष्पांजलिमिमं प्रभो |
स्वर्णपुष्पसमाकीर्णमुष्ट्रध्वज गृहाण वै ||

प्रदक्षिणनमस्कारान् साष्टांगान् पंचसंख्यया |
दास्यामि कपिनाथाय गृहाणाभीष्टदायक ||

देवदेव जगन्नाथ पुराणपुरुषोत्तम |
अनेन पूजाविधिना सुप्रीतो भव सर्वदा ||

सुवर्चलासमेतस्त्वं चतुरावरणान्वितम् |
हंसतूलिकयोपेते मम हृत्पंकजे वस ||

श्रीपराशर उवाच |
इत्येवं मानसीपूजा सर्वाभीष्टप्रदायिनी |
शंकरेण पुरा गौर्याः कथिता विस्तरान्मुने ||

प्रातर्मध्याह्नयोश्चापि सायंकाल निशीथयोः |
यदा कदापि पूजेयं मानसी सर्वदोत्तमा ||

एतस्य पूजनविधैः पठनेनापि मानवः |
सर्वान् कामानवाप्नोति श्रवणेन विशेषतः ||

ब्रह्म क्षत्र विशां स्त्रीणां बालानां च शुभावहम् |
इदं पवित्रं पापघ्नं भुक्तिमुक्तिफलप्रदम् ||

इति श्रीपराशरसंहितायां श्रीपराशरमैत्रेय संवादे श्री हनुमान् मासिक पूजा नाम द्विपंचाशत्पटलः |
गमनिक
: पैन इव्वबडिन स्तोत्रमु
(श्लोकालु मात्रमे)
, ई क्रिंदि पुस्तकमुलो कूडा उन्नदि.
श्री आंजनेय स्तोत्रनिधि
(नित्य पारायण ग्रंथमु)
मरिन्नि
श्री हनुमान् स्तोत्रालु
पठिंचंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु