Sri Gayatri Kavacham 1

तॆलुगु
स्तोत्रनिधि
श्री गायत्री स्तोत्रालु
गमनिक
: ई स्तोत्रमु
(श्लोकालु मात्रमे)
श्री गायत्री स्तोत्रनिधि
” पुस्तकमुलो कूडा उन्नदि.
याज्ञवल्क्य उवाच |
स्वामिन् सर्वजगन्नाथ संशयोऽस्ति महान्मम |
चतुःषष्टिकलानां च पातकानां च तद्वद ||

मुच्यते केन पुण्येन ब्रह्मरूपं कथं भवेत् |
देहश्च देवतारूपो मंत्ररूपो विशेषतः |
क्रमतः श्रोतुमिच्छामि कवचं विधिपूर्वकम् ||

ब्रह्मोवाच |
अस्य श्रीगायत्रीकवचस्य ब्रह्मविष्णुरुद्रा ऋषयः, ऋग्यजुःसामाथर्वाणि छंदांसि, परब्रह्मस्वरूपिणी गायत्री देवता, भूर्बीजं, भुवः शक्तिः, स्वः कीलकं, श्रीगायत्रीप्रीत्यर्थे जपे विनियोगः ||

ॐ ब्रह्मविष्णुरुद्र ऋषिभ्यो नमः शिरसि |
ऋग्यजुःसामाथर्वच्छंदोभ्यो नमः मुखे |
परब्रह्मस्वरूपिणी गायत्रीदेवतायै नमः हृदि |
भूः बीजाय नमः गुह्ये |
भुवः शक्तये नमः पादयोः |
स्वः कीलकाय नमः नाभौ |
विनियोगाय नमः सर्वांगे |
करन्यासः –
ॐ भूर्भुवः स्वः तत्सवितुरिति अंगुष्ठाभ्यां नमः |
ॐ भूर्भुवः स्वः वरेण्यमिति तर्जनीभ्यां नमः |
ॐ भूर्भुवः स्वः भर्गो देवस्येति मध्यमाभ्यां नमः |
ॐ भूर्भुवः स्वः धीमहीति अनामिकाभ्यां नमः |
ॐ भूर्भुवः स्वः धियो यो नः इति कनिष्ठिकाभ्यां नमः |
ॐ भूर्भुवः स्वः प्रचोदयादिति करतल करपृष्ठाभ्यां नमः ||

ॐ भूर्भुवः स्वः तत्सवितुरिति हृदयाय नमः |
ॐ भूर्भुवः स्वः वरेण्यमिति शिरसे स्वाहा |
ॐ भूर्भुवः स्वः भर्गो देवस्येति शिखायै वषट् |
ॐ भूर्भुवः स्वः धीमहीति कवचाय हुम् |
ॐ भूर्भुवः स्वः धियो यो नः इति नेत्रत्रयाय वौषट् |
ॐ भूर्भुवः स्वः प्रचोदयादिति अस्त्राय फट् ||

वर्णास्त्रां कुंडिकाहस्तां शुद्धनिर्मलज्योतिषीम् |
सर्वतत्त्वमयीं वंदे गायत्रीं वेदमातरम् ||

शंखं चक्रमथारविंदयुगळं हस्तैर्वहंतीं भजे ||

ॐ गायत्री पूर्वतः पातु सावित्री पातु दक्षिणे |
ब्रह्मविद्या च मे पश्चादुत्तरे मां सरस्वती ||

पावकीं मे दिशं रक्षेत्पावकोज्ज्वलशालिनी |
यातुधानीं दिशं रक्षेद्यातुधानगणार्दिनी ||

पावमानीं दिशं रक्षेत्पवमानविलासिनी |
दिशं रौद्रीमवतु मे रुद्राणी रुद्ररूपिणी ||

ऊर्ध्वं ब्रह्माणी मे रक्षेदधस्ताद्वैष्णवी तथा |
एवं दश दिशो रक्षेत् सर्वतो भुवनेश्वरी ||

ब्रह्मास्त्रस्मरणादेव वाचां सिद्धिः प्रजायते |
ब्रह्मदंडश्च मे पातु सर्वशस्त्रास्त्रभक्षकः ||

ब्रह्मशीर्षस्तथा पातु शत्रूणां वधकारकः |
सप्त व्याहृतयः पांतु सर्वदा बिंदुसंयुतः ||

वेदमाता च मां पातु सरहस्या सदैवता |
देवीसूक्तं सदा पातु सहस्राक्षरदेवता ||

चतुःषष्टिकला विद्या दिव्याद्या पातु देवता |
बीजशक्तिश्च मे पातु पातु विक्रमदेवता ||

तत्पदं पातु मे पादौ जंघे मे सवितुः पदम् |
वरेण्यं कटिदेशं तु नाभिं भर्गस्तथैव च ||

देवस्य मे तु हृदयं धीमहीति गलं तथा |
धियो मे पातु जिह्वायां यः पदं पातु लोचने ||

ललाटे नः पदं पातु मूर्धानं मे प्रचोदयात् |
तद्वर्णः पातु मूर्धानं सकारः पातु फालकम् ||

चक्षुषी मे विकारस्तु श्रोत्रं रक्षेत्तु कारकः |
नासापुटे वकारो मे रेकारस्तु कपोलयोः ||

णिकारस्त्वधरोष्ठे च यकारस्तूर्ध्व ओष्ठके |
आस्यमध्ये भकारस्तु र्गोकारस्तु कपोलयोः ||

देकारः कंठदेशे च वकारः स्कंधदेशयोः |
स्यकारो दक्षिणं हस्तं धीकारो वामहस्तकम् ||

मकारो हृदयं रक्षेद्धिकारो जठरं तथा |
धिकारो नाभिदेशं तु योकारस्तु कटिद्वयम् ||

गुह्यं रक्षतु योकार ऊरू मे नः पदाक्षरम् |
प्रकारो जानुनी रक्षेच्चोकारो जंघदेशयोः ||

दकारो गुल्फदेशं तु यात्कारः पादयुग्मकम् |
जातवेदेति गायत्री त्र्यंबकेति दशाक्षरा ||

सर्वतः सर्वदा पातु आपोज्योतीति षोडशी |
इदं तु कवचं दिव्यं बाधाशतविनाशकम् ||

चतुःषष्टिकलाविद्यासकलैश्वर्यसिद्धिदम् |
जपारंभे च हृदयं जपांते कवचं पठेत् ||

स्त्रीगोब्राह्मणमित्रादिद्रोहाद्यखिलपातकैः |
मुच्यते सर्वपापेभ्यः परं ब्रह्माधिगच्छति ||

पुष्पांजलिं च गायत्र्या मूलेनैव पठेत्सकृत् |
शतसाहस्रवर्षाणां पूजायाः फलमाप्नुयात् ||

भूर्जपत्रे लिखित्वैतत् स्वकंठे धारयेद्यदि |
शिखायां दक्षिणे बाहौ कंठे वा धारयेद्बुधः ||

त्रैलोक्यं क्षोभयेत्सर्वं त्रैलोक्यं दहति क्षणात् |
पुत्रवान् धनवान् श्रीमान् नानाविद्यानिधिर्भवेत् ||

ब्रह्मास्त्रादीनि सर्वाणि तदंगस्पर्शनात्ततः |
भवंति तस्य तुल्यानि किमन्यत्कथयामि ते ||

अभिमंत्रितगायत्रीकवचं मानसं पठेत् |
तज्जलं पिबतो नित्यं पुरश्चर्याफलं भवेत् ||

लघुसामान्यकं मंत्रं महामंत्रं तथैव च |
यो वेत्ति धारणां युंजन् जीवन्मुक्तः स उच्यते ||

सप्तव्याहृतयो विप्र सप्तावस्थाः प्रकीर्तिताः |
सप्तजीवशता नित्यं व्याहृती अग्निरूपिणी ||

प्रणवे नित्ययुक्तस्य व्याहृतीषु च सप्तसु |
सर्वेषामेव पापानां संकरे समुपस्थिते ||

शतं सहस्रमभ्यर्च्य गायत्री पावनं महत् |
दशशतमष्टोत्तरशतं गायत्री पावनं महत् ||

भक्तिमान्यो भवेद्विप्रः संध्याकर्म समाचरेत् |
काले काले तु कर्तव्यं सिद्धिर्भवति नान्यथा ||

प्रणवं पूर्वमुद्धृत्य भूर्भुवःस्वस्तथैव च |
तुर्यं सहैव गायत्रीजप एवमुदाहृतम् ||

तुरीयपादमुत्सृज्य गायत्रीं च जपेद्द्विजः |
स मूढो नरकं याति कालसूत्रमधोगतिः ||

मंत्रादौ जननं प्रोक्तं मंत्रांते मृतसूतकम् |
उभयोर्दोषनिर्मुक्तं गायत्री सफला भवेत् ||

मंत्रादौ पाशबीजं च मंत्रांते कुशबीजकम् |
मंत्रमध्ये तु या माया गायत्री सफला भवेत् ||

वाचिकं त्वेकमेव स्यादुपांशु शतमुच्यते |
सहस्रं मानसं प्रोक्तं त्रिविधं जपलक्षणम् ||

अक्षमालां च मुद्रां च गुरोरपि न दर्शयेत् |
जपं चाक्षस्वरूपेणानामिकामध्यपर्वणि ||

अनामा मध्यया हीना कनिष्ठादिक्रमेण तु |
तर्जनीमूलपर्यंतं गायत्रीजपलक्षणम् ||

पर्वभिस्तु जपेदेवमन्यत्र नियमः स्मृतः |
गायत्र्या वेदमूलत्वाद्वेदः पर्वसु गीयते ||

दशभिर्जन्मजनितं शतेनैव पुरा कृतम् |
त्रियुगं तु सहस्राणि गायत्री हंति किल्बिषम् ||

प्रातः कालेषु कर्तव्यं सिद्धिं विप्रो य इच्छति |
नादालये समाधिश्च संध्यायां समुपासते ||

अंगुल्यग्रेण यज्जप्तं यज्जप्तं मेरुलंघने |
असंख्यया च यज्जप्तं तज्जप्तं निष्फलं भवेत् ||

विना वस्त्रं प्रकुर्वीत गायत्री निष्फला भवेत् |
वस्त्रपुच्छं न जानाति वृथा तस्य परिश्रमः ||

गायत्रीं तु परित्यज्य अन्यमंत्रमुपासते |
सिद्धान्नं च परित्यज्य भिक्षामटति दुर्मतिः ||

ऋषिश्छंदो देवताख्या बीजशक्तिश्च कीलकम् |
विनियोगं न जानाति गायत्री निष्फला भवेत् ||

वर्णमुद्रा ध्यानपदमावाहनविसर्जनम् |
दीपं चक्रं न जानाति गायत्री निष्फला भवेत् ||

शक्तिन्यासस्तथा स्थानं मंत्रसंबोधनं परम् |
त्रिविधं यो न जानाति गायत्री निष्फला भवेत् ||

पंचोपचारकांश्चैव होमद्रव्यं तथैव च |
पंचांगं च विना नित्यं गायत्री निष्फला भवेत् ||

मंत्रसिद्धिर्भवेज्जातु विश्वामित्रेण भाषितम् |
व्यासो वाचस्पतिं जीवस्तुता देवी तपः स्मृतौ ||

देवी जप्ता सहस्रं सा ह्युपपातकनाशिनी |
लक्षजाप्ये तथा तच्च महापातकनाशिनी ||

कोटिजाप्येन राजेंद्र यदिच्छति तदाप्नुयात् |
न देयं परशिष्येभ्यो ह्यभक्तेभ्यो विशेषतः |
शिष्येभ्यो भक्तियुक्तेभ्यो ह्यन्यथा मृत्युमाप्नुयात् ||

इति श्रीमद्वसिष्ठसंहितायां श्री गायत्री कवचम् |
गमनिक
: पैन इव्वबडिन स्तोत्रमु
(श्लोकालु मात्रमे)
, ई क्रिंदि पुस्तकमुलो कूडा उन्नदि.
श्री गायत्री स्तोत्रनिधि
(नित्य पारायण ग्रंथमु)
मरिन्नि
श्री गायत्री स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु