Sri Ganesha Kilaka Stotram

तॆलुगु
स्तोत्रनिधि
श्री गणेश स्तोत्रालु
(मुद्गल महर्षि दक्षुडिकि गणेश कीलकमु यॊक्क उपसंहारान्नि मरियु दानि प्रामुख्यतनु विवरिस्तुन्न घट्टं इदि. मंत्रालु ऎला सिद्धमवुतायो मरियु ई रहस्यान्नि ऎवरिकि उपदेशिंचालो इक्कड चॆप्पबडिंदि. ई कीलकमुनु पठिंचडं वल्ल मंत्र जपंलो वच्चे आटंकालु तॊलगि, तक्कुव समयंलोने मंत्र शक्ति अनुभवंलोकि वस्तुंदि. इदि साधकुडिकि मानसिक धैर्यान्नि, कार्यसिद्धिनि प्रसादिस्तुंदि.)
दक्ष उवाच |
गणेशकीलकं ब्रह्मन् वद सर्वार्थदायकम् |
मंत्रादीनां विशेषेण सिद्धिदं पूर्णभावतः ||

मुद्गल उवाच |
कीलकेन विहीनाश्च मंत्रा नैव सुखप्रदाः |
आदौ कीलकमेवं वै पठित्वा जपमाचरेत् ||

तदा वीर्ययुता मंत्रा नानासिद्धिप्रदायकाः |
भवंति नात्र संदेहः कथयामि यथाश्रुतम् ||

समादिष्टं चांगिरसा मह्यं गुह्यतमं परम् |
सिद्धिदं वै गणेशस्य कीलकं शृणु मानद ||

अस्य श्रीगणेशकीलकस्य शिव ऋषिः अनुष्टुप्छंदः श्रीगणपतिर्देवता ॐ गं योगाय स्वाहा ॐ गं बीजं विद्याऽविद्याशक्तिगणपति प्रीत्यर्थे जपे विनियोगः ||

छंदऋष्यादिन्यासांश्च कुर्यादादौ तथा परान् |
एकाक्षरस्यैव दक्ष षडंगानाचरेत् सुधीः ||

ततो ध्यायेद्गणेशानं ज्योतीरूपधरं परम् |
मनोवाणीविहीनं च चतुर्भुजविराजितम् ||

शुंडादंडमुखं पूर्णं द्रष्टुं नैव प्रशक्यते |
विद्याऽविद्यासमायुक्तं विभूतिभिरुपासितम् ||

एवं ध्यात्वा गणेशानं मानसैः पूजयेत्पृथक् |
पंचोपचारकैर्दक्ष ततो जपं समाचरेत् ||

एकविंशतिवारं तु जपं कुर्यात्प्रजापते |
ततः स्तोत्रं समुच्चार्य पश्चात्सर्वं समाचरेत् ||

रूपं बलं श्रियं देहि यशो वीर्यं गजानन |
मेधां प्रज्ञां तथा कीर्तिं विघ्नराज नमोऽस्तु ते ||

यदा देवादयः सर्वे कुंठिता दैत्यपैः कृताः |
तदा त्वं तान्निहत्य स्म करोषि वीर्यसंयुतान् ||

तथा मंत्रा गणेशान कुंठिताश्च दुरात्मभिः |
शापैश्च तान् सवीर्यांस्ते कुरुष्व त्वं नमो नमः ||

शक्तयः कुंठिताः सर्वाः स्मरणेन त्वया प्रभो |
ज्ञानयुक्ताः सवीर्याश्च कृता विघ्नेश ते नमः ||

चराचरं जगत्सर्वं सत्ताहीनं यदा भवेत् |
त्वया सत्तायुतं ढुंढे स्मरणेन कृतं च ते ||

तत्त्वानि वीर्यहीनानि यदा जातानि विघ्नप |
स्मृत्या ते वीर्ययुक्तानि पुनर्जातानि ते नमः ||

ब्रह्माणि योगहीनानि जातानि स्मरणेन ते |
यदा पुनर्गणेशान योगयुक्तानि ते नमः ||

इत्यादि विविधं सर्वं स्मरणेन च ते प्रभो |
सत्तायुक्तं बभूवैव विघ्नेशाय नमो नमः ||

तथा मंत्रा गणेशान वीर्यहीना बभूविरे |
स्मरणेन पुनर्ढुंढे वीर्ययुक्तान् कुरुष्व ते ||

सर्वं सत्तासमायुक्तं मंत्रपूजादिकं प्रभो |
मम नाम्ना भवतु ते वक्रतुंडाय ते नमः ||

उत्कीलय महामंत्रान् जपेन स्तोत्रपाठतः |
सर्वसिद्धिप्रदा मंत्रा भवंतु त्वत्प्रसादतः ||

गणेशाय नमस्तुभ्यं हेरंबायैकदंतिने |
स्वानंदवासिने तुभ्यं ब्रह्मणस्पतये नमः ||

गणेशकीलकमिदं कथितं ते प्रजापते |
शिवप्रोक्तं तु मंत्राणामुत्कीलनकरं परम् ||

यः पठिष्यति भावेन जप्त्वा ते मंत्रमुत्तमम् |
स सर्वसिद्धिमाप्नोति नानामंत्रसमुद्भवाम् ||

एनं त्यक्त्वा गणेशस्य मंत्रं जपति नित्यदा |
स सर्वफलहीनश्च जायते नात्र संशयः ||

सर्वसिद्धिप्रदं प्रोक्तं कीलकं परमाद्भुतम् |
पुरानेन स्वयं शंभुर्मंत्रजां सिद्धिमालभत् ||

विष्णुब्रह्मादयो देवा मुनयो योगिनः परे |
अनेन मंत्रसिद्धिं ते लेभिरे च प्रजापते ||

ऐलः कीलकमाद्यं वै कृत्वा मंत्रपरायणः |
गतः स्वानंदपूर्यां स भक्तराजो बभूव ह ||

सस्त्रीको जडदेहेन ब्रह्मांडमवलोक्य तु |
गणेशदर्शनेनैव ज्योतीरूपो बभूव ह ||

दक्ष उवाच |
ऐलो जडशरीरस्थः कथं देवादिकैर्युतम् |
ब्रह्मांडं स ददर्शैव तन्मे वद कुतूहलम् ||

पुण्यराशिः स्वयं साक्षान्नरकादीन् महामते |
अपश्यच्च कथं सोऽपि पापिदर्शनयोग्यकान् ||

मुद्गलवाच |
विमानस्थः स्वयं राजा कृपया तान् ददर्श ह |
गाणेशानां जडस्थश्च शिवविष्णुमुखान् प्रभो ||

स्वानंदगे विमाने ये संस्थितास्ते शुभाशुभे |
योगरूपतया सर्वे दक्ष पश्यंति चांजसा ||

एतत्ते कथितं सर्वमैलस्य चरितं शुभम् |
यः शृणोति स वै मर्त्यः भुक्तिं मुक्तिं लभेद्ध्रुवम् ||

इति श्रीमुद्गलमहापुराणे पंचमेखंडे लंबोदरचरिते श्रवणमाहात्म्यवर्णनं नाम पंचचत्वारिंशत्तमोऽध्याये श्रीगणेशकीलकस्तोत्रं संपूर्णम् |
मरिन्नि
श्री गणेश स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु